Naaʼinrüin tü nümakat Maleiwa nümüin

CHAJACHI Josué süʼütpaʼa tü pueulokot Jericó. Aluwataanüshi nia nutuma Jehová süpüla nushutuin saaʼu jee najaʼttirüin tia pueulokot. Sotusü naaʼin Josué tü nümakat Moisés nümüin wanaa sümaa sülüʼülüin nükalia Moisés süpüla nünaajaain. Anuu nünüiki nümüin: «Meimmoluin pia jee yalayala paaʼin» (Deut. 31:23). Anuu nünüiki Jehová nümüin paala: «Yalayala paaʼin sümaa meimmoluin pia» (Jos. 1:7). ¿Jamüsü choʼujaakaʼa yalayalainjachin Josué?

Mayaainjeʼe nnojoluin miyoʼuin maʼin tü pueulokot Jericó, kojutusü maʼin shia atumawaa, miyoʼu maʼin süsepü. Shia tü pueulo nashutajatka aaʼu palajana na israelitakana süpüla nakanajüin tü Mma Aapünajatkat namüin. Mojulaashii maʼin na wayuu chajanakana kepiain suluʼu. Nüküjatüjülia paala Jehová nümüin Abrahán süchiki tü kasa mojusü naaʼinrakat na amorreokana, na wayuu kepiakana Canaán. Nüküjain Jehová nümüin süsalainjanain naainjala nutuma otta najaʼttirajanain naya (Gén. 15:16). Kettaaitpa nakalia nutuma Jehová süka mojulaain maʼin naya. Kamaleiwaseyaashii, aʼluwajiraashii nakuwaʼipa suluʼu tü aʼwaajüleekat, jaleetshii, aainjiraashii nakuwaʼipa namaa napüshi, sümaa mürüt, noʼuta aaʼinchii na tepichikana namüin na namaleiwasekana. Mojulaashii maʼin na wayuu cananeokana. Nüküjain Jehová seeteenain naya tü mma kepiakalü aluʼu naya (Lev. 18:3, 6, 21-27). ¿Kasa alataka namüin mapa?

Süpüla niyuʼluin Jehová napüshuaʼa na wayuu mojulaashii chajanakana Canaán, nushutirüinjatü aaʼu palajana tü pueulokot Jericó. Aneekünüshi Josué nutuma Jehová namaa na nusurulaatsekana süpüla nushutuin saaʼu tia pueulokot. Naaʼinrüinjatü Josué otta na surulaatkana wanee kasa nümakat Jehová namüin. Nnojoishi ashutuinjachin neʼe Josué saaʼu tia pueulokot naashin Jehová, nnojotsü nuutkajüinjatüin shia maʼaka jeʼra kaʼi, nüʼleeyatüinjatü uwatua süpüla kaʼikat soʼu aipirua kaʼi. Eeinjana na sacerdotekana sünain aʼleeyataa tia pueulokot. Nalüʼüjainjatü tü kojon shiyaawasekat süpansaajünüin pütchi otta naʼyalajirüinjatü tü suʼuwakat anneerü. Shiasaʼa soʼu tü akaratshikat kaʼi naʼleeyatüinjatü tü pueulokot napüshuaʼa. Akaratshituainjatü shia naʼleeyatüin otta aʼwaatüinjana na surulaatkana.

Atüjashi Josué atkawaa süka nükanajapuʼuin sünain waneirua atkawaa. Nütüjaa aaʼu kapüleein maʼin ashutaa saaʼu tia pueulokot. Nakanajuule na israelitakana, naküjainjeʼe na cananeokana katchinjüin maʼin naya noulia na israelitakana.

Nütüjaa aaʼu Josué pülain maʼin Jehová. Nütüjaa aaʼu mmoluin maʼin na wayuu chajanakana Jericó neema na israelitakana, jama chajanain piamashii israelita anaʼlaain sümüin tia pueulokot. Süchikijee tia, maʼülajaʼalaa sümaka nutuma Jehová shiʼipachon tü süchikat Jordán eepünaainjanale nalatüin na israelitakana.

Jülüjakajasaʼa naaʼin Josué süpüshuaʼa tü kasa alatakat jee niʼitaakajasaʼa naaʼin nünain Maleiwa sünainjee tia. Müshijeseʼe meimmoluin nia sünain oonowaa sümaa nünüiki Jehová. Nuluwataain Josué na nusurulaatsekana süpüla naʼleeyatüin tü pueulokot Jericó. Oʼunushii na sacerdotekana sümaa naʼyalajirüin tü suʼuwakat anneerü. Nnojotsü jaralüin ojuʼitüin neʼipomüin, süttüsü supuettoʼuse tü pueulokot. Waneemüin kaʼi süchikijee tia, nuluwataaka Josué na nusurulaatsekana süpüla naʼleeyatüin tü pueulokot maʼaka nüküjain shia Jehová paala. Naaʼinrüin tia soʼu aipirua kaʼi süntaleepaʼaya tü akaratshikat kaʼi.

Soʼu kaʼikat tia, naʼleeyatüin akaratshitua na nusurulaatsekana Josué tü pueulokot Jericó. Akaratshituapa nakua sünain naʼleeyatüin shia, anuu nünüiki Josué namüin: «Juʼwaata jümaala, naapüitpa jümüin Jehová pueulokot tüü». Anuu sünüiki tü Bibliakat süchiki tü alatakat: «Naʼwaataiwaʼaya na israelitakana, ojuttusü süsepü tü pueulokot».

Ekerotushi Josué namaa na nusurulaatsekana suluʼumüin tü pueulokot, noʼutaka naaʼin napüshuaʼa na wayuukana otta süpüshuaʼa mürüt maʼaka nüküjain shia Jehová paala. Akanajüshi Josué namaa na nusurulaatsekana nashutapa saaʼu waneirua pueulo jee waneirua mma, jama eejachin Jehová namaa. Najaʼttirüin Jehová napüshuaʼa na wayuu amorreo aaʼinrakana kasa mojusü.

Eejatü wanee shiʼipachon süsepü tü pueulokot Jericó mojuttuinka. ¿Jamüsü nnojotkaʼa sujuttuin? Shia süka kanoulain maʼin jee yalayalain maʼin saaʼin wanee wayuu. Wekirajaweerü anain tia sünain tü wane ekirajaayakat.

Paashajeʼera pütchikat suluʼujee tü Bibliakat

• Deuteronomio 20:16-18

• Josué 2:1, 9-11, 24; 3:14-17; 5:1; 6:1-21, 24

Yooto waya süchiki tüü:

¿Kasa naaʼinraka Josué sutuma yalayalain naaʼin?

Pikirajaa sooʼomüin

1. 1. ¿Kasa ashajuushi eejatka paala nümaʼana Josué? (w09 12/1 17 püt. 4, noota). 1

   Püshaja susoutia

   

2. 2. ¿Kasa naaʼinrüinjatka Josué naashin Jehová süpülapünaa naʼleeyatüin na israelitakana tü pueulokot Jericó? ¿Jamüsü waneejatkaʼa sukuwaʼipa tia nuluwataakalü anain? (Jos. 5:2-8; w18.10 17 püt. 5-7).

   Püshaja susoutia

3. 3. ¿Jamüsü watüjaakaʼa saaʼu noutkajüin motsomüin na israelitakana tü pueulokot Jericó süpülapünaa nashutuin saaʼu? (w15 11/15 13). 2

   Püshaja susoutia

   

   Kennedy, Titus (2023). The Bronze Age Destruction of Jericho, Archaeology, and the Book of Joshua. Accessed via researchgate.net. Licensed under CC BY 4.0

4. 4. ¿Jamüsü süpüla shikeraajüin tü pütchi ashajünakat suluʼu Josué 6:26 süchiki tü pueulokot Jericó? (w98 9/15 21 püt. 8).

   Püshaja susoutia

Paaʼinrajatka süpüla yalayalain paaʼin

• ¿Jamüsü nunoujakaʼa Josué sünain tü nümakat Jehová nümüin paala? (Jos. 23:14). ¿Kasa waaʼinrajatka süpüla wanoujain sünain tü nümakat Jehová wamüin?

  Püshaja susoutia

• ¿Kasa waaʼinrajatka süpüla waaʼinrüin tü namakat na wawalayuu oʼunirakana wakuwaʼipa maʼaka naaʼinrüin Josué tü nümakat Jehová nümüin? 3

  Püshaja susoutia

  

• ¿Kasa paaʼinrajatka süpüla yalayalain paaʼin maʼaka yalayalain naaʼin Josué?

  Püshaja susoutia

Pütüjaka nüchiki Jehová

• ¿Kasa tatüjaka nüchiki Jehová sünainjee pütchikat tüü?

  Püshaja susoutia

• ¿Kasapülajatche nüshajiraka Jehová suluʼu tü Bibliakat tü tekirajaaitpakalü anain?

  Püshaja susoutia

• ¿Kasa tasakireechika anain Josué nusoʼiraapa aaʼin nutuma Jehová?

  Püshaja susoutia

Sooʼomüin tü pütüjaainjatkalü aaʼu

¿Kasa waaʼinrajatka süpüla watüjain nanainjee na laülaayuukana maʼaka naaʼinrüin shia Josué? Naaʼinrüle wanee wawala kasa mojusü wamüin, ¿kasa waaʼinrajatka süpüla wanoujain sünain tü nümakat Maleiwa otta waneepiain waya nümaa?

«Süchiki nukuwaʼipa Josué» (w02 12/1 9-12)

Pikiraja püchonnii süchiki waneirua kasa natüjaainjatka aaʼu nüchiki Josué.

«Josué» (Nachikimaajatü na aküjünakana anülia suluʼu tü Bibliakat, suluʼusü jw.org)