Waneepiashi nia nümaa Jehová

EEJANA waneinnua israelita achepchieeshii, Caleb nünülia chi nachonkai. Eesüjaʼa soʼunnaajatüle nuʼluwataain Moisés Egiptojee. Miyoʼushi Caleb suluʼu achepchieein nia, nüjütünaka mapa. 40 nuuyase Caleb wanaa sümaa nuluwataanüin Moisés nutuma Jehová Egiptomüin süpüla niyuʼluin na israelitakana. Ponokojosoʼo maʼin naaʼin Caleb tü kasa pülasü naaʼinrakat Jehová. Niʼrüin tü poloosükat kasa mojusü alatakat chayaa Egipto. Niʼrüin nujutaleʼerüin Jehová tü palaa kanüliakat Ishosü jee niyuʼluin na israelitakana suulia achepchieein naya Egipto.

Akatchinraakajasaʼa maʼin nunoula Caleb sünainjee tü kasa pülasü niʼrakat jee nnojotsü motuin naaʼin tia. Ayatüshia Caleb waneepiain nümaa Jehová mayaainjeʼe seemiajaain nanoula waneinnua israelita jee neʼrüliijaain wayumüin nümüin Jehová saaʼu tü uuchikat Sinaí. Aluwataanüshi Caleb mapa nutuma Moisés nümaa Josué otta namaa polooshii nekiipüʼü na israelitakana süpüla nanaʼlaain sümüin tü Mma Aapünajatkat namüin.

Noʼunaka poloo piamamüin wayuu Canaánmüin sümaa yalayalain maʼin naaʼin. 40 kaʼi chajanain naya sünain anaʼlawaa sümüin tü mmakat, sümüin tü pueulokalüirua, namüin na wayuukana otta sümüin tü kasa apünajünakat chayaa. Alüʼüjashii naya süchon aʼttiee nouyantapa nachikuaʼa. Nalüʼüjiraain sütüna wanee uuwa kachonsü maʼin sümaa miyoʼuyuuin maʼin soʼu, nalüʼüjiraain shia piamashii israelita. Eejana polooshii israelita mojuka anüiki süchiki tü neʼrakat. Mojukajasaʼa maʼin naaʼin Caleb sutuma tia namakat. Naküjain namüin na israelitakana katchin maʼin na cananeokana, miyoʼuyuuin maʼin naya otta neʼrüin naikeyuu na kanüliakana nefilim. Nnojotpejeʼe shiimain tia süka kakaliainnain outuin sutuma wanee juya miyoʼu na kanüliakana nefilim. Mmotka maʼin na israelitakana, naneekeeka wanee nekiipüʼüinjachi süpüla naleʼejüin Egiptomüin.

Nnojotsü eemiajaain nunoula Caleb nümaa Josué. Anuu nanüiki namüin na israelitakana: «Mmolujayaai jia neema naya wayuukana [...], wayamüleena [naya] süka eein Jehová wamaa». Jashichijaaka maʼin na israelita eʼrüliikana wayumüin. Noʼutee aaʼinchi Josué nümaa Caleb otta neʼinnaʼaleein naya süka ipa.

Mojukajasaʼa maʼin naaʼin Jehová sutuma tia, jama niyuʼluin naya Egiptojee. Mayaainjeʼe seemiajaain nanoula na israelitakana, jülüjasü naaʼin Jehová yalayalain naaʼin Caleb nümaa Josué jee kanoulain naya. Anuu nünüiki nüchiki Caleb: «Eekajasaʼa Caleb chi aʼyataaikai tamüin, waneejatü nukuwaʼipa noulia otta ayatüshi nia aʼyataain tamüin süka süpüshuaʼa naaʼin». Nüküjain Jehová outajanain isashiipaʼa na israelita eʼrüliikana wayumüin.a Niapejeʼe neʼe Josué otta Caleb namaa waneinnua israelita oonookana sümaa nünüiki Jehová katüinjanakana oʼu jee antajanakana suluʼumüin tü Mma Aapünajatkat namüin.

Wanaa sümaa chajachin Caleb isashiipaʼa namaa na israelitakana soʼu 40 juya, ayatüshia kanoulain nia jee yalayalain naaʼin. Nükaalinjain maʼin Moisés otta Josué, chi nüneekakai Jehová süpüla nülatirüin na israelitakana süchikumüin tü süchikat Jordán jee namaainjana naya suluʼumüin tü Mma Aapünajatkat namüin. Wanaa sümaa laülaain maʼin Caleb, atkaashi nia namaa na nüʼünüükana Maleiwa chayaa Canaán.

Aipirua juya süchikijee nalatüin na israelitakana tü süchikat Jordán, nakanajüin shiʼipa tü Mma Aapünajatkat namüin. Nüneeküinjatü Caleb eeinjachire kepiain nia sümaa nüpüshi. Nüneekaka tü mmakat Hebrón, eejanale neʼnnüin na wayuu miyoʼuyuukana maʼin naashin na polooshii israelita ajütünakana sünain anaʼlawaa sümüin tia mmakat. 85 nuuyase Caleb wanaa sümaa tia, nütüjaa aaʼu nakanajeerüin tia mmakat. Anuu nünüiki: «Eejeechi Jehová tamaa, tayuʼleena naya chejee pansaa sümaa tü nümakat Jehová tamüin». Alatüsia tia nümakat Caleb, nükanajüin tia mmakat, kepiaka nia suluʼu. Anuu sünüiki tü Bibliakat süchikijee tia alatakat: «Nnojoluitpa eein atkawaa suluʼu tia mmakat».

Anuu nünüiki Moisés nümüin Caleb kojuya juya süpülapünaa tü alatakat: «Waneepiashi pia süka süpüshuaʼa paaʼin nümaa Jehová chi Tamaleiwasekai». Ayatüshia waneepiain Caleb nümaa Jehová outaleepaʼaya nia. Watüjaa aaʼu waneepieechin nia nümaa Jehová süsoʼiraapa naaʼin.

Paashajeʼera pütchikat suluʼujee tü Bibliakat

• Números 13:1–14:12, 20-38

• Josué 14:6-15

Yooto waya süchiki tüü:

¿Kasa naaʼinraka Caleb sutuma yalayalain naaʼin?

Pikirajaa sooʼomüin

1. 1. ¿Jamüsü shiimainkaʼa tü sümakat Números 13:23 süchiki tü uuwa alüʼüjünakat suluʼujee tü Mma Aapünajatkat namüin na israelitakana? (w06 6/15 16 püt. 1, 2).

   Püshaja susoutia

2. 2. ¿Shiimainchejeʼe jouluin leechi sümaa mapa suluʼu tü Mma Aapünajatkat namüin na israelitakana maʼaka nüküjain shia Caleb nümaa Josué? (Núm. 14:8; w11 3/1 15). 1

   Püshaja susoutia

   

   Institute of Archaeology/Hebrew University © Tel Rehov Excavations

3. 3. Wanaa sümaa nuluwataain Moisés na polookana piamamüin israelita chejee Cadés, ¿jeʼra maʼin choʼujaaka napüleerua na israelitakana süpüla nantüin suluʼumüin tü Mma Aapünajatkat namüin? (w04 10/15 17 püt. 11, 12). 2

   Püshaja susoutia

   

4. 4. ¿Kasa anasü niʼraka Caleb nutuma Jehová sünainjee kanoulain nia jee yalayalain naaʼin? (w06 10/1 18 püt. 11).

   Püshaja susoutia

Paaʼinrajatka süpüla yalayalain paaʼin

• Mayaainjeʼe kanoulain Caleb, chajachi nia namaa na israelitakana isashiipaʼa. Nnojotpejeʼe yaletüin naaʼin, niʼitaain naaʼin nünain Jehová waneepia. ¿Kasa watüjaka sünainjee nukuwaʼipa Caleb?

  Püshaja susoutia

• ¿Kasa waaʼinrajatka süpüla nnojoluinjatüin wanaawain waaʼin namaa na waneinnua maʼaka nnojoluin naaʼinrüin shia Caleb? (Éx. 23:2). 3

  Püshaja susoutia

  

• ¿Kasa amaa paaʼinrajatka süpüla yalayalain paaʼin maʼaka yalayalain naaʼin Caleb?

  Püshaja susoutia

Pütüjaka nüchiki Jehová

• ¿Kasa tatüjaka nüchiki Jehová sünainjee pütchikat tüü?

  Püshaja susoutia

• ¿Kasapülajatche nüshajiraka Jehová suluʼu tü Bibliakat tü tekirajaaitpakalü anain?

  Püshaja susoutia

• ¿Kasa tasakireechika anain Caleb nüsoʼiraapa aaʼin nutuma Jehová?

  Püshaja susoutia

Sooʼomüin tü pütüjaainjatkalü aaʼu

Paashajeʼera süchiki yalayalain naaʼin Caleb sutuma kanoulain maʼin nia.

«Yalayalasü waaʼin sutuma kanoulain waya jee kojutuin wamüin Maleiwa» (w06 10/1 16-19 püt. 1-12)

85 nuuyase Caleb wanaa sümaa nümüin mayaa: «Waneepiashi taya süka süpüshuaʼa taaʼin nümaa Jehová chi Tamaleiwasekai». ¿Jamüsüche nüküjakaʼa tia? (Jos. 14:8).

«¿Waneepiashiche pia nümaa Jehová?» (w93 5/15 26-29)