Tü pütchi jeketüinjatkat sünain Aapiria Wayuu

Soʼu tü palajatkat saawanoʼu sülüʼüjaka wanee kashi, wekirajüin tü wayuukalüirua sünain tü Wiwüliakat süka wanee pütchi suluʼusü Aapiria Wayuu, «Enseñanzas de la Palabra de Dios» sünülia tia pütchikat. Soʼujee eneeroʼu 2013, aʼwanajaaneerü sünülia tü pütchi wekirajaapüʼükat aka wayuu, tü sünüliainjatkat jooluʼu shiainjatü «Susouktaka eʼipajee tü Wiwüliakat». Ojuʼiteerü süsapoʼujee tü karalouktakat Aapiria Wayuu. Wekirajapa na wayuukana süka, müinjatia neʼe sukuwaʼipa watuma makaapüʼüle shia watuma süka tü pütchi «Enseñanzas de la Palabra de Dios» makat (km 12/10 süp. 2). Ayateeria ojuʼitüin tü sukuwaʼipainjatkat wanüiki süpüla woʼttüin sünain wekirajüin wayuu soʼu tü palajatkat saawanoʼu sülüʼüjaka wanee kashi, tia ojuʼiteerü suluʼu tü karalouktakat Waʼyataain nümüin Maleiwa.