WAKUWAʼIPA SÜNAIN ANOUJAA
Wekirajaa süpüla wayaawatüin saaʼu tü jülüjakat naaʼin Jehová
Keeʼireesü waaʼin talatüin Jehová sümaa tü kasa waaʼinrakat. Müsüjeseʼe pansaainjatüin tü kasa waneekakat sümaa tü jülüjakat naaʼin Jehová süchiki wanee kasa, jaʼitairü nnojoluin eein wanee pütchi jaʼyaka maʼin suluʼu tü Bibliakat süchiki tü waaʼinrajatkat (Pr 27:11). ¿Kasa waaʼinrajatka süpüla wountuin tia?
Wekirajaainjatü sünain tü Bibliakat soʼukaiwai. Waashajeʼerapa tü Bibliakat müshii yalakai waya nümaa Jehová. Jülüjale waaʼin tü nukuwaʼipakat Jehová namaa na wayuu aʼwaajakana nia jee wasakireʼerüle waaʼin sünain nakuwaʼipa, wayaawateerü saaʼu tü jülüjakat naaʼin Jehová. Waaʼinrüle tia, soteerü waaʼin sutuma tü nüpülainkat Maleiwa tü pütchi watüjaaitpakalü aaʼu suluʼujee tü Nünüikikat waneekajatpa wanee kasa (Jn 14:26).
Wekirajaainjatü süchiirua tü waneeküinjatkat. Anasü wasakirüle waaʼin sünain tüü süpülapünaa waneeküin wanee kasa: «¿Jeʼtsü tü wetsiikulo tayaawateetkalü atuma tü jülüjakat naaʼin Jehová süchiki tü taneeküinjatkat?». Wachunta kaalinwaa nümüin Jehová jee wekirajaa sünain tü karaloʼuta aapünakat wamüin süpüla wousütüin sünain wanee pütchi jalouijeetka wamüin süpüla wayaawatüin saaʼu tü anakat süpüla waaʼinrüin (Sl 25:4).
SÜCHIKIJEE JÜNAJÜIN TÜ VIDEOKOT PÜCHECHERA PAAʼIN SÜNAIN TÜ AYOUJIRAWAAKAT: PIKA EKÜÜLÜ ANAKA MAʼIN, JUSOUTA SHIʼIPAJEE TÜÜ:
¿Kasa apüleeruaanaka atuma saaʼin tü majayüt weʼrakat suluʼu tü videokot?
¿Jamüsü eeka süpüla jaloulin wamüin tü karaloʼuta aapünakat wamüin süpüla yalayalain waaʼin soʼunnaa tü alatakat wamüin?
¿Jamüsü aneetka wakuwaʼipa wajayatüle tü kaʼikat süpüla wekirajaain süchiirua wanee kasa süpülapünaa waneeküin shia? (Heb 5:13, 14).