Nnojoleerü müin pümüiwaʼakai paaʼin pükaalinjale wayuu | ¿Jamüsüche sünüiki tü Bibliakat süchiki tia?

Sainküin mmakat wainma na wayuu namüiwaʼakana aaʼin jee nnojoishii naya aʼaleewajaain sümaa wayuu. Naashin na wayuu ekirajaakana süchiirua tia, aneerü naaʼin wanee wayuu nükaalinjale wayuu.

• «Wakaalinjale wayuu aneerü waaʼin jee nnojoleena waya müin wamüiwaʼakai aaʼin» (Institutos Nacionales de la Salud, de Estados Unidos).

Aküjünapejeʼe suluʼu tü Bibliakat tü eekat süpüla waaʼinrüin süpüla nnojoluin müin wamüiwaʼakai aaʼin. Waaʼinrüle tia aneerü waaʼin.

Tü eekat süpüla paaʼinrüin

Kamanee pia. Püchajaa sukuwaʼipa süpüla pülatirüin kaʼi namaa na wayuukana. Kamaneere pia namüin aneerü naaʼin pümaa jee aleeweena naya pümaa.

• Tü sümakat tü Bibliakat: «Asülajüliinjana jia, jüsülajüneenaka amüin» (Lucas 6:38).

Pükaalinja na waneinnua. Püchajaa sukuwaʼipa süpüla pükaalinjain waneinnua wayuu müliakana sutuma sülatüin wanee kasa namüin. Tü eekat süpüla paaʼinrüin shia paapajüin nanüiki, pümülialüin naaʼin jee pükaalinjain naya sünain tü choʼujaakat namüin.

• Tü sümakat tü Bibliakat: «Shiimainre alin nüpüla naʼaleewain wanee wayuu, aishi nia nüpüla waneepia» (Proverbios 17:17).

Pütüjeere sooʼomüin süchiki tü paaʼinrajatkat süpüla paʼaleewajaain sümaa wayuu, paashajeʼera tü pütchikat «Namaa püpüshi otta paʼaleewainyuu».