Sümüiwaʼale saaʼin wanee wayuu: ¿kasa saaʼinrajatka süpüla nnojoluin müin saaʼin?

• «Noʼutku na wayuu kepiakana chaa Estados Unidos müshii namüiwaʼakai naaʼin. Tia alatüsü maʼin namüin na jimaʼaliikana jee na majayünnüükana» (Our Epidemic of Loneliness and Isolation: The U.S. Surgeon Generalʼs Advisory on the Healing Effects of Social Connection and Community, [Informe de la máxima autoridad en salud pública de Estados Unidos sobre la soledad y el aislamiento], 2023).

• «Aküjünüsü sutuma tü kanüliakat Organización Mundial de la Salud, sukumajünüin wanee kasa akaalinjeenaka na wayuu namüiwaʼakana aaʼin süpüla yootuin naya namaa waneinnua wayuu. Nakumajüin sukuwaʼipa süpüla nakaalinjünüin naya wayuukana jaʼitainna kepiain naya suluʼu wanee mma eere kepiain wayuu eekai maʼletsein» (Organización Mundial de la Salud, nowienpüroʼu 15 soʼu 2023).

Aküjünüsü suluʼu tü Bibliakat waneirua pütchi akaalinjeenaka waya süpüla waʼaleewajaain sümaa wayuu.

Waneirua pütchi suluʼujeejatka tü Bibliakat akaalinjeechika pia

Nnojo paainjain wanee kasa pümüiwaʼa. Maʼaka saaʼin waneepiain pia suluʼu redes sociales. Anasü pülatirüle kaʼi sünain aainjaa waneirua kasa namaa na wayuukana jee paʼaleewajaain maʼin namaa.

• Tü sümakat tü Bibliakat: «Shiimainre alin nüpüla naʼaleewain wanee wayuu, aishi nia nüpüla waneepia, müshi aka naaʼin wanee nuwala müliale nia niʼrüin» (Proverbios 17:17).

Pükaalinja na waneinnua. Waaʼinrüle kasa anasü napüleerua na wayuukana aleeweena maʼin waya namaa otta aneerü waaʼin sümaa talatüin waya.

• Tü sümakat tü Bibliakat: «Talataleesia maʼin waaʼin wasülajüle wanee kasa suulialeʼeya süsülajünapa wamüin» (Aluwataaushikana 20:35).

Pünaʼla suluʼu jw.org pütüjeere sooʼomüin pütchi suluʼujeejatka tü Bibliakat akaalinjeechika pia süpüla aleewain pia sümaa wayuu.