Yan Zabolotnyi/stock.adobe.com
¡EEJA MAʼIN PAAʼIN!
Awainmalaashii na wayuu mojulaashiikana sainküin mmakat | ¿Kasa süküjaka tü Bibliakat süchiki tia?
Wainma maʼin na wayuu mojulaashiikana chaa Haití jee müsia nee nakuwaʼipa na wayuukana chaa Sudáfrica, México jee waneirua mma chakat Latinoamérica. Jamüsüjaʼa suluʼu tü mma eere nnojoluin jouluin wayuu mojulaasü ayatüsü mmoluin naaʼin na wayuukana süka naapüin süchiki suʼluwajünüin miichi jee saʼajünüin süka mojulaain maʼin na wayuukana.
¿Kasa süküjaka tü Bibliakat süchiki na wayuu mojulaashiikana sainküin mmakat?
Süküjatüjülia tü Bibliakat süchiki nakooʼomüinraajeenain na wayuu mojulaashiikana
Süküjatüjülia tü Bibliakat süchiki mojulaajeenain na wayuukana jee nakooʼomüinraajeenain na kaʼruwaraliikana sülüʼülaapa «sükalia süpüla sajaʼttajatüin tü kasa alatakat sainküin mma» (Mateo 24:3). Nüküjain Jesús süchiki tü kasa alatajatka, müshi nia:
«Maalinjiraajeerü wayuu jooutpa maʼin tü mojulawaakat» (Mateo 24:12).
Süküjatüjülia tü Bibliakat süchiki eejeenain na wayuu nnojoleenaka achecherüin naaʼin, wayuujeena jashichi naya jee nayouteerü süchiki aaʼinraa kasa anasü (2 Timoteo 3:1-5). Müsü nakuwaʼipa na wayuukana maaʼulu, eʼrülii maʼin wayumüin naya.
Anasü maaʼin tü süküjakat tü Bibliakat süchiki najaʼttireerüin maleiwa na mojulaashiikana jee na kaʼruwaraliikana.
«Soʼu palitchon kaʼi nnojoleechi eein chi mojulaashikai, piirakaale sümüin eepuʼule nia nnojoleechi yala.Akanasaʼa na wayuu anamiakana namüinjeerü tü mmakat otta shiimain talateenain naya süka aneerüin nakuwaʼipa» (Salmo 37:10, 11).
¿Kasa süküjaka tü Bibliakat süchiki tü kasa anasü eejetkat mapeena? ¿Jamüsü punoujaka sünain shikeraajüin maʼütpünaa tü süküjatüjülia tü Bibliakat? Paashajeʼera tü pütchikat:
La esperanza real de un mañana mejor
¿Cuál es la señal de “los últimos días” o “los tiempos finales”?