Najaʼlajeʼereerü Jesús tü mojulawaakat

Nütüjaa aaʼulu Jesús jamüin naaʼin wanee wayuu müliale nia atumawaa sümaa nnojoluin kasain naainjalain. Jamüshijaʼa nia aküjünüsü alawaa nüchiki, aʼyaajünüshi nia, aliʼrajünüshi sümaa nnojoluin kasain naainjain jee oʼutuna aaʼinchi nia. Mayaainjeʼe nnojoluin kasain naainjalain, nnojotsü niyoutajaain amaa naapajiraain nikii süpüla suʼttaainjatüin watta saalii wayuu (Mateo 20:28; Juan 15:13). Süka nuluwataaichipain nutuma Maleiwa, eejeerü jimataa aaʼin nutuma saaʼu mmakat sümaa najaʼlajeʼereerüin tü mojulawaakat (Isaías 42:3).

Ashajünüsü suluʼu tü Bibliakat jameerüin sukuwaʼipa tü mmakat nuluwataapa Jesús:

• «Soʼu palitchon kaʼi nnojoleechi eein chi mojulaashikai, piirakaale sümüin eepuʼule nia nnojoleechi yala. Akanasaʼa na wayuu anamiakana namüinjeerü tü mmakat otta shiimain talateenain naya süka aneerüin nakuwaʼipa» (Salmo 37:10, 11).

¿Kasa waaʼinrajatka süpüla kojutuin wamüin tü naaʼinrüitpakat Jesús wapüleerua jee tü naaʼinrüinjatkat mapeena? Ayata wekirajaain süchiki «tü pütchi anakat maʼin süchiki niainjachin aluwataain Maleiwa», shia tü kasa nüküjakalü achiki Jesús (Lucas 4:43). Paashajeʼera tü pütchikat «¿Kasa wayu tü Nuluwataayakat Maleiwaa?»