WAKUWAʼIPA SÜNAIN ANOUJAA
Waaʼinrajatka süpüla wanoujain sünain tü Nünüikikat Maleiwa
Eesü süpüla weeʼiratüin wakuwaʼipa sutuma tü sümakat tü Bibliakat (Heb 4:12). Nnojoleetpejeʼe jaloulin shia wamüin nnojorüle wanoujain sünain nünüikin shia Maleiwa (1Te 2:13). ¿Kasa waaʼinrajatka süpüla kanoulain waya sünain tü sümakat tü Bibliakat?
Waashajeʼera tü Bibliakat soʼukaiwai. Waashajeʼerapa shia wachajaa pütchi wayaawateetka atuma niain Jehová kashajalain shia. Jamüsüjaʼa wekirajaale sünain tü karaloʼutakat Proverbios, jülüja waaʼin ayatayülüin jaloulin wamüin tü sümakat (Pr 13:20; 14:30).
Waneeka wanee pütchi süpüla wekirajaain maʼin sünain. Wayaawatüinjatü maʼin saaʼu jamüin wanoujaka sünain nüshajiralain Maleiwa tü Bibliakat. Süpüla tia, eesü süpüla wachajaain suluʼu Nachajaayainjatü pütchi na aküjaliikana pütchi nüchiki Jehová eere sümüin «Tü Bibliakat» otta piʼrajaa suluʼu «Nüshajirala Maleiwa». Eesü süpüla waashajeʼerüin suluʼu Traducción del Nuevo Mundo, apéndice A3 süpüla wakatchinrüin wanoula sünain nnojoluin suʼwanajaanüin tü sümakat tü Bibliakat.
SÜCHIKIJEE JÜNAJÜIN TÜ VIDEOKOT ¿JAMÜSHII WANOUJAKA SÜNAIN... TÜ NÜNÜIKIKAT MALEIWA?, JUSOUTA SHIʼIPAJEE TÜÜ:
¿Jamüsü sütüjaanaka saaʼu shiimain tü sümakat tü Nünüikikat Maleiwa sünainjee tü ousütünakalü anain eere nuʼwaajünapuʼuin chi maleiwayaashikai Karnak (Egipto)?
¿Kasa wayaawataka atuma nnojoluin suʼwanajaanüin tü sümakat tü Bibliakat?
¿Kasa watüjaka sünainjee eeyülüin tü Bibliakat wakalioʼu? (Paashajeʼera Isaías 40:8).