EZEQUIEL

1 Pe áño 30-pe,* pe día 5 pe cuarto méspe, che aiko hína kuri umi hénte ojegueraha vaʼekue prisionéroramo+ apytépe pe rrío Kebar ypýpe,+ upérõ ojeavri pe yvága ha Ñandejára ohechauka chéve peteĩ visión. 2 Upe méspe pe día 5-pe, upéva hína pe quinto áño ojegueraha hague prisionéroramo rréi Joaquínpe,+ 3 Jehová oñeʼẽ chéve, pe rrío Kebar ypýpe umi caldeokuéra territóriope.+ Che hína Ezequiel,* pe saserdóte Buzí raʼy. Upépe Jehová podér* ou che ári.+

4 Ha ahecha peteĩ visión: ahecha nórteguio hatãiterei oipejuha yvytu,+ ha oĩ peteĩ arai guasu ha osẽ jepi chugui tata,*+ ha pe arai guasu jerére overapa, ha pe tata mbytépe oĩ peteĩ mbaʼe ojoguáva pláta ha óro oñembojeheʼa vaʼekuépe.*+ 5 Pe tata mbytépe oĩ umi mbaʼe ojoguáva 4 keruvínpe,*+ ha káda uno ojogua peteĩ yvypórape. 6 Káda uno 4 hova ha 4 ipepo.+ 7 Ipykuéra iderécho, ha umi ipypyte ojogua peteĩ vaka raʼy pypytépe, ha overa omimbi pe kóvre oñembovera pyrévaicha.+ 8 Ha káda ipepo guýpe, umi 4 ládope oĩ yvypóra po, ha umi 4 keruvín hova ha ipepo. 9 Umi ipepokuéra ojohupyty, peteĩ ipepo oja pe ótro ipepóre. Haʼekuéra ndojeréi oho jave, káda uno oho tenonde gotyo derechoite.+

10 Umi 4 péicha vaʼekue la hova: káda uno a la derécha oreko peteĩ yvypóra rova ha peteĩ león+ rova, ha a la iskiérda oreko peteĩ tóro+ rova ha peteĩ ágila+ rova.+ 11 Péicha vaʼekue la hovakuéra. Umi ipepokuéra ojepyso yvate gotyo hiʼarikuéra. Káda uno oreko mokõi pepo ojohupytýva, ha umi ótro mokõi ipepokuéra katu omoʼã chupekuéra hete.+

12 Káda uno oho tenonde gotyo derechoite, oho hikuái pe espíritu omomyiha gotyo chupekuéra oho hag̃ua.+ Haʼekuéra ndojeréi ohokuévo. 13 Ha umi keruvín ojogua umi tatapỹi rendýpe, ha peteĩ mbaʼe ojoguáva umi antórcha hendývape okuʼe umi keruvinkuéra apytépe, ikupépe ha henondepekuéra, ha umi aravera osẽ kontinuadoite pe tata mbytégui.+ 14 Ha oike ha osẽ jave umi keruvín ojogua umi rrájope.

15 Ha amaña aja umi 4 keruvín rehe, ahecha oĩha pe yvy ape ári peteĩ rruéda káda uno umi keruvín 4 hováva ykére.+ 16 Umi rruéda ha kompletoite umi párte orekóva omimbi pe krisólitoicha,* ha umi 4 rruéda ojojoguapaite. Umi rruéda ojejapo lája haʼete peteĩ rruéda oĩva ótro rruéda kuápe.* 17 Orroda jave ikatu oho oimeha gotyo umi 4 direksiónpe ha natekotevẽi ojevolea okambia hag̃ua de direksión. 18 Umi illantakuéra ningo ijyvatetereígui oporomongyhyje, ha umi 4 llántare oĩ hetaiterei tesa pe ijerére kompletoite.+ 19 Ha umi keruvín oho jave, umi rruéda oho avei hendivekuéra, ha umi keruvín ojupi jave pe yvýgui, umi rruéda ojupi avei.+ 20 Haʼekuéra oho pe espíritu omomyiha gotyo chupekuéra, tahaʼe haʼehápe pe lugár pe espíritu ohohápe. Ha umi keruvín ojupi jave, umi rruéda ojupi avei hendivekuéra ijykére, pórke pe espíritu omomýiva umi keruvínpe* omomýi avei umi rruédape. 21 Umi keruvín oho jave, umi rruéda oho avei hendivekuéra, ha umi keruvín opyta jave, umi rruéda opyta avei. Ha umi keruvín ojupi jave pe yvýgui, umi rruéda ojupi avei hendivekuéra ijykére, pórke pe espíritu omomýiva umi keruvínpe omomýi avei umi rruédape.

22 Umi 4 keruvín akã ári ojepyso peteĩ píso de vídrio joguaha, overa asýva ha omimbipáva vídrioicha.* Upéva ojepyso iñakã arikuéra.+ 23 Pe píso de vídrio guýpe, umi keruvín oipyso ipepo derechoite yvate gotyo* ha ipúnta oja ojuehe. Káda uno mokõi ipepo omoʼã hag̃ua hete yvate gotyo ha mokõi ipepo omoʼã hag̃ua hete yvy gotyo. 24 Ahendúrõ guare ipepokuéra ryapu, haʼete y hatã osyrýva hína, ojogua Ñandejára Todopoderóso ñeʼẽme.+ Haʼekuéra okuʼe jave, pe hyapu haʼete peteĩ ehérsito ryapu. Ha opyta jave hikuái, omboguejy umi ipepo.

25 Ha oñehendu Ñandejára ñeʼẽ pe píso de vídrio ári, oĩva umi keruvín akã ári. (Ha umi keruvín opyta jave, omboguejy umi ipepo). 26 Ha pe píso de vídrio joguaha ári, upe oĩva umi keruvín akã ári, oĩ peteĩ mbaʼe ojoguáva safírope,+ ha haʼete peteĩ tróno.+ Pe tróno ári oguapy peteĩ ojoguáva yvypórape.+ 27 Ahecha peteĩ mbaʼe overáva ojoguáva pláta ha óro oñembojeheʼa vaʼekuépe,+ haʼete voi tata osẽva ikuʼágui ha omimbíva yvate gotyo, ha ikuʼágui yvy gotyo ahecha peteĩ mbaʼe ojoguáva tatápe.+ Ha overapa ijerére kompletoite, 28 haʼete voi peteĩ árko íris+ osẽva pe araíre oky jave. Upévape ojogua pe lus omimbíva ijerére, haʼete voi Jehová podér omimbipáva hína.+ Ahechárõ guare upéva, añesũ ha amboja che rova yvýre ha ahendu peteĩ oñeʼẽva hína.

2 Upéi haʼe heʼi chéve: “Yvypóra raʼy,* eñemboʼy añeʼẽ hag̃ua nendive”.+ 2 Ha oñeʼẽrõ guare chéve, Ñandejára espíritu oike che pype, ha chemoñemboʼy+ ikatu hag̃uáicha ahendu Upe oñeʼẽvape chéve.

3 Upéi haʼe heʼi chéve: “Yvypóra raʼy, che romondo pe puévlo de Israel rendápe,+ umi tetãnguéra opuʼã vaʼekuépe che kóntrape.+ Haʼekuéra ha umi ituakuéra ypykue nokumplíri umi che léi koestedía peve.+ 4 Romondo hína umi hénte hovaʼatã ha ikaprichósova rendápe,+ ha ere vaʼerã chupekuéra: ‘Péicha heʼi Ñandejára Jehová ogovernáva opa mbaʼe’. 5 Haʼekuéra añetehápe oikuaáta peteĩ proféta oĩ hague ijapytepekuéra,+ ohendu térã nohenduséiramo jepe la ojeʼéva chupekuéra, pórke oñemoĩ hína hikuái che kóntrape.+

6 Péro nde yvypóra raʼy, ani rekyhyje chuguikuéra,+ ni reñemondýi umi mbaʼe heʼívagui hikuái, nemongoráramo jepe ñuatĩ,*+ ha reikóramo jepe alakrán apytépe. Ani rekyhyje umi mbaʼe heʼívagui hikuái,+ ha ani rekyhyje chuguikuéra,+ pórke haʼekuéra oñemoĩ hína che kóntrape. 7 Nerendu térã nanerendúiramo jepe, ere vaʼerã chupekuéra umi mbaʼe haʼéva ndéve, pórke haʼekuéra peteĩ puévlo oñemoĩva che kóntrape.+

8 Péro nde yvypóra raʼy, ehendúke la haʼéva hína ndéve. Ani reñemoĩ che kóntrape ha naneñeʼẽrendúi ko puévloicha. Eavri nde juru ha heʼu ko ameʼẽva ndéve”.+

9 Ha amañárõ guare, ahecha peteĩ oipysóva hína ipo che aimeha gotyo,+ ha ahecha orekoha ipópe peteĩ kuatiañeʼẽ.*+ 10 Ha oipysórõ guare che renondépe pe kuatiañeʼẽ, ojeskrivi hese henondépe ha hapykuépe+ umi músika jaheʼo ha ñembyasy.+

3 Upéi haʼe heʼi chéve: “Yvypóra raʼy, heʼu pe oĩva ne renondépe.* Heʼu ko kuatiañeʼẽ* ha tereho eñeʼẽ Israel rogayguápe”.+

2 Upémarõ aavri la che juru, ha haʼe omeʼẽ chéve ko kuatiañeʼẽ ha haʼu. 3 Upe rire heʼi chéve: “Yvypóra raʼy, heʼu ko kuatiañeʼẽ ameʼẽva hína ndéve ha neryg̃uatãta pype”. Upémarõ añepyrũ haʼu, ha eiretéicha heʼẽ asy che jurúpe.+

4 Haʼe heʼi chéve: “Yvypóra raʼy, tereho umi Israel rogaygua apytépe ha ere chupekuéra umi mbaʼe haʼéva ndéve. 5 Pórke noromondói hína peteĩ puévlo oñeʼẽvape peteĩ idióma nde nerentendéiva, térã ndereikuaáivape mbaʼe idiómapepa oñeʼẽ, síno romondo hína Israel rogayguápe. 6 Noromondói hína heta puévlo oñeñeʼẽhápe peteĩ idióma nde nerentendéiva, térã peteĩ idióma nde ndereikuaáiva ha ndaikatumoʼãiva rentende mbaʼépa heʼi hikuái. Romondórire umíva rendápe, haʼekuéra nerendu vaʼerãmoʼã.+ 7 Péro umi Israel rogaygua nanerendusemoʼãi, pórke haʼekuéra nacherenduséi chéve.+ Kompletoite umi Israel rogaygua ikaprichóso ha ndojaposéi la ojeʼéva chupekuéra.+ 8 Che romombaretéta ikatu hag̃uáicha ndedesidído haʼekuéra ikaprichosoháicha, ha rombohovaʼatãta haʼekuéra hovaʼatãháicha.*+ 9 Rombohovaʼatãta peteĩ diamánteicha, nderovaʼatãvéta itágui.+ Ani rekyhyje ni reñemondýi chuguikuéra,+ pórke che kóntrape la oñemoĩ hína hikuái”.

10 Upéi heʼi chéve: “Yvypóra raʼy, eñatende porã ha ehendu entéro mbaʼe haʼéva hína ndéve. 11 Tereho oĩháme umi ojegueraha vaʼekue prisionéroramo nde puévlogui,+ ha ere chupekuéra: ‘Péicha heʼi Ñandejára Jehová ogovernáva opa mbaʼe’, nerendu térã nanerenduséiramo jepe hikuái”.+

12 Upéi peteĩ espíritu* chegueraha,+ ha ahendu che kupépe peteĩ tyapu guasu, ha oĩ peteĩ oñeʼẽva ha heʼíva: “Jehová podér toñemombaʼeguasu ilugárpe”. 13 Ha oñehendu umi keruvín* pepo ryapu ojávo ojuehe ipepokuéra,+ avei oñehendu umi rruéda ryapu oĩva ijykerekuéra+ ha oñehendu jey peteĩ tyapu guasu. 14 Ha pe espíritu chejagarra ha chegueraha, ha ahakuévo añamarga ha chepochyeterei voi, ha añandu Jehová podér ombaʼapo pohyiha cherehe. 15 Upémarõ aha umi hénte rendápe, umi oĩva prisionéroramo Tel-Abíbpe, haʼekuéra ningo oiko hína kuri rrío Kebar ypýpe,+ ha apyta upe oikohápe hikuái. Ha cheakã tavyraiete+ voi apytárõ guare hendivekuéra 7 díare.

16 Og̃uahẽvo huʼãme umi 7 día, Jehová oñeʼẽ chéve ha heʼi:

17 “Yvypóra raʼy, che romoĩma Israel rogaygua guardiarã,+ ha rehendu vove che haʼeha peteĩ mbaʼe, nde reavisa vaʼerã chupekuéra che rérape.+ 18 Che haʼe vove peteĩ iñañávape: ‘Katuete remanóta’, péro nde ndereavisái chupe ha nereñeʼẽi pe iñañávape ere hag̃ua chupe tojevy hape vaígui osegi hag̃ua oikove,+ upéicharõ haʼe omanóta hembiapo vaikue káusare, pórke haʼe iñaña,+ péro nde reiméta rresponsávle che renondépe haʼe omano haguére.*+ 19 Péro nde reavisáramo peteĩ iñañávape ha haʼe ndojevýi pe hape vaígui ha ndohejái umi mbaʼe vai ojapóva, upéicharõ haʼe omanóta hembiapo vaikuére, péro nde katu resalváta nde rekove.*+ 20 Péro peteĩ ihústova ohejáramo umi mbaʼe porã ojapóva ha ojapo la ivaíva,* upéicharõ che amoĩta henonderã peteĩ mbaʼe oñepysanga hag̃ua ha haʼe omanóta.+ Nde ndereavisáiramo chupe, haʼe omanóta ipekádo káusare ha nachemanduʼamoʼãvéima umi mbaʼe porã ojapo vaʼekuére, péro nde reiméta rresponsávle che renondépe haʼe omano haguére.*+ 21 Péro oiméramo reavisa raʼe pe ihústovape ani hag̃ua opeka, ha haʼe ndopekái, upéicharõ haʼe katuete osegíta oikove pórke ojeavisa kuri chupe,+ ha nde resalváta avei nde rekove”.*

22 Upéi Jehová podér ou che ári, ha haʼe heʼi chéve: “Epuʼã tereho pe ñu guasúpe ha upépe añeʼẽta nendive”. 23 Upémarõ apuʼã aha pe ñu guasúpe, ha upépe ahecha oĩha Jehová podér omimbipáva,+ ahecha haguéicha avei pe rrío Kebar ypýpe.+ Ha añesũ ha amboja che rova yvýre. 24 Upéi Ñandejára espíritu oike che pype ha chemoñemboʼy,+ ha haʼe oñeʼẽ chéve ha heʼi:

“Tereho eñemboty nde rógape. 25 Yvypóra raʼy, ndéve neñapytĩta hikuái piólape ha ndaikatumoʼãi resẽ hendapekuéra. 26 Ha ambojáta ne kũ ne apekũre ha epytáta neñeʼẽngu, ha ndaikatumoʼãi rekorrehi chupekuéra, pórke haʼekuéra oñemoĩ hína che kóntrape. 27 Péro añeʼẽ jave ndéve, che aavríta nde juru ha ere vaʼerã chupekuéra:+ ‘Péicha heʼi Ñandejára Jehová ogovernáva opa mbaʼe’. Pe ohendúva, tohendu,+ ha pe nohenduséiva, tohenduʼỹ, pórke haʼekuéra oñemoĩ hína che kóntrape”.+

4 “Ha nde yvypóra raʼy, ejagarra peteĩ ladríllo ha emoĩ ne renondépe. Edivuha hese peteĩ siuda, Jerusalén raʼanga. 2 Emongora,+ emopuʼã ijerére peteĩ murálla pe siuda kóntrape,+ avei emopuʼã peteĩ rrámpa pe siuda jerére,+ emoĩ umi kampaménto ikóntrape ha emongora umi mákina ojepurúvape oñehundi hag̃ua umi okẽ ha murallakuéra.+ 3 Ejagarra peteĩ vandéha de iérro ha emoĩ peteĩ murállaicha mbytépe, éntre pe siuda ha nde. Emaña hese kontinuadoite, ha péicha rehechaukáta mbaʼéichapa oñemongoráta pe siuda, ha nde remongora vaʼerã chupe. Péva haʼéta peteĩ señál pe puévlo de Israélpe g̃uarã.+

4 Upéi reñeno vaʼerã nde iskiérda gotyo ha remoĩta nde ári* Israel rembiapo vaikue.+ Nde ári oĩta umi hénte rembiapo vaikue umi día reñenotaha nde iskiérda gotyo. 5 Ha ajapokáta ndéve upéva 390 díare, umi áño haʼekuéra opeka hague che kóntrape,+ ha nde ári opytáta Israel rogaygua rembiapo vaikue. 6 Ha nde rekompleta vaʼerã umi día.

Upéi reñeno jeýta 2 veseha, koʼág̃a nde derécha gotyo ha 40 díare opytáta nde ári Judá rogaygua rembiapo vaikue,+ upéva hína un día un áñore. Che hína Upe haʼéva un día orrepresentaha un áño. 7 Ha nde jyva nandi reheve rejeréta remaña kontinuadoite mbaʼéichapa Jerusalén oñemongora,+ ha reprofetisa vaʼerã ikóntrape.

8 Roñapytĩta piólape ani hag̃ua rejere un ládogui pe ótro ládope, rekompleta peve umi día remongorataha pe siuda.

9 Ha nde rejagarra vaʼerã trígo, seváda, havílla, lentéha, sórgo,* ha umi ótra semílla,* ha emoĩ vaʼerã peteĩ mbaʼyrúpe ha ejapo chuguikuéra pan nembaʼerã. Ha reʼúta upéva 390 díare, umi día reñenotaha un ládo nde kostádope a la iskiérda gotyo.+ 10 Epesáta ha reʼúta 230 grámo* pan káda día. Reʼúta umíva oraitépe jepi.

11 Ha reyʼúta medidaitére, médio lítro.* Ha reyʼúta oraitépe jepi.

12 Reʼúta pe pan reʼuháicha peteĩ pan de seváda. Rembojýta umi hénte renondépe, ha rejatapy hag̃ua reipurúta yvypóra rekaka”. 13 Upéi Jehová heʼi: “Péicha umi israelita hoʼúta ipán ikyʼáva umi tetãnguéra amosarambitahápe chupekuéra”.+

14 Upépe che haʼe: “¡Anínati upéva Ñandejára Jehová regovernáva opa mbaʼe! Che* ningo chemitã guive koʼág̃a peve nañemongyʼáiva haʼúvo peteĩ animál omano rei vaʼekue roʼo térã peteĩ animál roʼo ojuka vaʼekue chupe ótro animál,+ ha arakaʼeve namoingéiva che jurúpe mbaʼeveichagua soʼo ikyʼáva”.*+

15 Upémarõ heʼi chéve: “Oĩ porã, apermitíta ndéve reipuru vaka rekaka reipuru rangue yvypóra rekaka rembojy hag̃ua ne pan”. 16 Upéi heʼi chéve: “Yvypóra raʼy, emañami, aipeʼáta hiʼupy* Jerusaléngui,+ ha tuicha kevránto reheve hoʼúta hikuái ipán medidaitére,+ ha kyhyjepópe hoyʼúta hikuái medidaitére.+ 17 Kóva oikóta ha ofaltáta chupekuéra pan ha y, haʼekuéra katu ni noimoʼãmoʼãi la oikóva ha opytáta omaña ojuehe, ha ipiru ikãta hikuái hembiapo vaikue káusare”.

5 “Yvypóra raʼy, ejagarra peteĩ espáda haimbéva ha eipuru umi oporovarveáva naváhaicha. Emoperõ ne akã ha nde várva, upéi ejagarra umi valánsa epesa hag̃ua ne akãrangue ha edividi 3 pártepe. 2 Rehapy vaʼerã peteĩ párte pe siuda ryepýpe, ág̃a rekompleta vove umi día remongorataha pe siuda.+ Upéi rejagarráta ótra párte ha reinupãta espádape pe siuda jerére kompletoite,+ ha pe tercera párte rembovevéta yvytúre ha che aguenohẽta peteĩ espáda apersegi hag̃ua umi ojesalvávape.+

3 Rejagarra vaʼerã avei unos kuánto ne akãrangue umíva apytégui ha elia nde ao ruguáipe.* 4 Ha ejagarra avei unos kuánto ha epoi tatápe ha ehapy. Ko tata isarambíta Israel rogaygua kompletoitére.+

5 Péicha heʼi Ñandejára Jehová ogovernáva opa mbaʼe: ‘Kóva hína Jerusalén. Che amoĩ chupe umi nasionkuéra apytépe, ha ojerepaite hese umi país. 6 Péro haʼe ndoikói che haʼe haguéicha chupe ha nokumplíri umi che léi, ha hembiapo vaive entéro umi nasión ha país oĩvagui ijerére.+ Umi hénte orrechasa umi mbaʼe haʼéva chupekuéra ha nokumplíri umi che léi’.

7 Upévare péicha heʼi Ñandejára Jehová ogovernáva opa mbaʼe: ‘Peẽ ningo pejapo ivaivéva umi nasión oĩvagui pende jerére, ha ndapeikói che haʼe haguéicha peẽme ha napekumplíri umi che léi, upéva rangue pekumpli umi léi orekóva umi nasión oĩva pende jerére.+ 8 Upéicha rupi, péicha heʼi Ñandejára Jehová ogovernáva opa mbaʼe: “Siuda de Jerusalén, koʼág̃a che ne enemígo hína,+ ha rokastigáta umi nasión renondépe.+ 9 Ajapóta nderehe umi mbaʼe núnka ndajapóiva gueteri, ha ndajapomoʼãvéimava avei upe rire, pórke nde rejapo hetaiterei mbaʼe oporombojeguarúva.+

10 Ha umi sy ha túa hoʼúta ifamiliakuéra roʼokue,+ ha umi mitãnguéra hoʼúta isy ha itúa roʼokue. Rokastigáta, ha umi hembývape amosarambíta opárupi”’.*+

11 Upévare, ‘che rekovére ahura ndéve’, heʼi Ñandejára Jehová ogovernáva opa mbaʼe, ‘remongyʼa rupi che santuário kompletoite umi nde dios puerkésape ha umi mbaʼe oporombojeguarúva rejapóvape,+ che avei rorrechasáta* ha norombyasymoʼãi ni ndoroiporiahuverekomoʼãi.+ 12 Umi henteita oĩva peteĩ grúpope omanóta mbaʼasýgui* térã omanóta ñembyahýigui. Ótro grúpo ojejukáta espádape pe siuda jerére,+ ha umi hembývape katu amosarambíta opárupi,* ha aguenohẽta peteĩ espáda apersegi hag̃ua chupekuéra.+ 13 Upe rire chepochyjeráta, añetrankilisáta ha añekontentátama.+ Ha péicha ambou rire hiʼarikuéra che pochykue, oikuaáta hikuái che Jehová heta vése haʼe hague chupekuéra chéve añoite cheadora vaʼerãha.+

14 Ha ajapóta ndehegui peteĩ lugár oñehundiete vaʼekue, ha oñeʼẽ vaíta nderehe umi nasión oĩva nde jerére ha kompletoite umi ohasáva upérupi.+ 15 Ág̃a rokastiga vove pochy ha rreniégo reheve umi hénte oñeʼẽ vaíta nderehe ha ndedespresiáta,+ pe oiko vaʼekue nderehe omomanduʼáta umi héntepe mbaʼépa ndovaléi ojapo, ha umi nasión oĩva nde jerére okyhyjetereíta ohechávo upe oikóva nderehe. Che Jehová haʼéma koʼã mbaʼe.

16 Amboúta pende ári ñembyahýi ha upéva penerundíta pejejapiramoguáicha fléchape. Umíva umi flécha amondótava peẽme penerundietéta.+ Pe ñembyahýi ivaivéta penendive pórke opaitéta la hiʼupy.*+ 17 Amboúta pende ári ñembyahýi ha umi animál salváhe iñarõva,+ ha hoʼúta pendehegui pene família. Pendeahoʼíta mbaʼasy ha aguerúta peteĩ espáda pene kóntrape ha upéva pendejukáta.+ Che Jehová haʼéma koʼã mbaʼe’”.

6 Jehová oñeʼẽ jey chéve ha heʼi: 2 “Yvypóra raʼy, ejere emaña umi montáña de Israel gotyo ha eprofetisa ikontrapekuéra. 3 Ha ere vaʼerã: ‘Israel montañakuéra, pehendu la heʼíva Ñandejára Jehová ogovernáva opa mbaʼe: Péicha heʼi Ñandejára Jehová ogovernáva opa mbaʼe umi montañakuérape, umi sérrope, umi ysyrýpe ha umi ñúme: “Aguerúta pene kóntrape peteĩ espáda ha ahundíta umi lugár yvate peguerekóva. 4 Pende altarkuéra oñemonguʼíta, umi pende altár ojehapyha insiénso ojeitypáta,+ ha amombóta umi ojejuka vaʼekue reʼongue umi pende dios puerkésa* renondépe.+ 5 Umi israelita reʼongue amombóta umi idiós puerkésa renondépe, ha umi pene kanguekue amosarambíta umi pende altarkuéra jerére.+ 6 Entéro umi lugár peikohápe oñehundíta umi siuda,+ ha umi lugár yvate oñemonguʼíta ha opytáta oñehundiete.+ Umi pende altár ojeitypáta ha oñemonguʼíta, ha umi pende dios puerkésa oñehundipáta, umi pende altár ojehapyha insiénso ojeitypáta ha oñehundipaitéta umi pene rembiapokue. 7 Ha umi ojejuka vaʼekue hoʼáta pende apytépe,+ ha peikuaáta che haʼeha Jehová.*+

8 Péro amohembýta unos kuántope, pórke oĩta pende apytépe ojesalváva pe espádagui umi tetãnguéra apytépe, ág̃a peñemosarambipa vove umi ótro paíspe.+ 9 Ha umi ojesalva vaʼekue imanduʼáta cherehe umi país ojegueraha haguépe prisionéroramo.+ Ohechakuaáta hikuái chemokorasõ rasy hague, chetraisiona* rupi ikorasõme ha cherrechasa,+ ha hesa verapa ohóvo hikuái* umi idiós puerkésa rapykuéri.+ Haʼekuéra otĩetereíta ha ijeguarúta ojapo haguére umi mbaʼe vai ha entéro mbaʼe oporombojeguarúva.+ 10 Oikuaáta hikuái che haʼeha Jehová, ha nañeʼẽreíri hague aamenasárõ guare aguerutaha hiʼarikuéra ko mbaʼe vai”’.+

11 Péicha heʼi Ñandejára Jehová ogovernáva opa mbaʼe: ‘Ejopy ne akã* ha esapateapa, embyasy umi mbaʼe vai ha entéro mbaʼe oporombojeguarúva ojapo vaʼekue Israel rogaygua, pórke omanóta hikuái mbaʼasýgui, ñembyahýigui ha espádape.+ 12 Pe oĩva mombyry omanóta mbaʼasýgui, pe oĩva ag̃ui omanóta espádape, ha oimeraẽ ojesalváva koʼãvagui ha hembýva omanóta ñembyahýigui. Ahykuavóta hiʼarikuéra che pochykue.+ 13 Ha peẽ peikuaa vaʼerã che haʼeha Jehová,+ ág̃a umi omanóva isarambipa vove umi idiós puerkésa renondépe, umi ijaltarkuéra jerére,+ umi serrokuéra ári, umi montáña púntape, umi yvyramáta guasu guýpe, ha umi yvyramáta ijyvatéva rakã guýpe, entéro umi lugár haʼekuéra ojapo haguépe ofrénda hyakuã asýva ombopyʼaguapy hag̃ua umi idiós puerkésape.+ 14 Ahupíta che po akastiga hag̃ua chupekuéra ha amonandíta pe yvy, ha kompletoite umi lugár haʼekuéra oikoha opytáta nandive pe desiérto oĩvagui Diblá ypýpe. Ha oikuaáta hikuái che haʼeha Jehová’”.

7 Jehová oñeʼẽ jey chéve, ha heʼi: 2 “Yvypóra raʼy, Ñandejára Jehová ogovernáva opa mbaʼe heʼi péicha Israel yvýre: ‘¡Og̃uahẽma pe fin! Pe fin oúma ko yvy tuichakuére. 3 Pe fin oĩma nde ári, ha ahykuavóta nde ári che pochykue, ha rohusgáta asegún ne rembiapokue, ha rokovráta entéro umi mbaʼe oporombojeguarúva rejapo vaʼekuére. 4 Norombyasymoʼãi ni ndoroiporiahuverekomoʼãi,+ ha rokastiga vove rehechakuaáta umi mbaʼe vai nderupytyha ne rembiapo vaikuére.+ Ha reikuaáta che haʼeha Jehová’.+

5 Péicha heʼi Ñandejára Jehová ogovernáva opa mbaʼe: ‘Peteĩ sarambi guasu, peteĩ sarambi guasu ijojahaʼỹva ou hína.+ 6 Peteĩ fin ou hína, upe fin og̃uahẽta, reimoʼãʼỹve jave oúta* nde ári. ¡Emañami! Ou hína. 7 Og̃uahẽma ne túrno, nde reikóva pe yvýpe. Og̃uahẽma hína pe tiémpo, hiʼag̃uimbaitéma hína upe día. Umi hénte oñemondyipa ha osapukái joa umi montáñare, péro ndahaʼéi vyʼágui.+

8 Koʼẽrõitéma ahykuavóta nde ári che pochykue,+ ha ajahéita nderehe,+ ha rohusgáta asegún ne rembiapokue ha rokovráta entéro umi mbaʼe oporombojeguarúva rejapo vaʼekuére. 9 Norombyasymoʼãi ni ndoroiporiahuverekomoʼãi.+ Che rokastiga vove rehechakuaáta umi mbaʼe vai nderupytyha ne rembiapo vaikuére. Ha reikuaáta che haʼeha Jehová, ha che rokastigaha hína.+

10 ¡Pemañami, og̃uahẽma hína pe día!+ Ne túrno og̃uahẽma, pe garróte aipurútava rokastiga hag̃ua oĩma aipuru hag̃uáicha. Pe enemígo oñemombaʼeguasuve hína oikóvo. 11 Ne rembiapo vaikue káusare,+ pe garróte ndegolpea vaietereíta. Ni peteĩva ndapejesalvamoʼãi, ndojehejamoʼãi peẽme ni umi pende rrikésa, ni umi pene hénte aty ha avavéma napenembotuichamoʼãvéi. 12 Oúta pe tiémpo, pe día og̃uahẽta. Aníke ovyʼa pe ombaʼejoguáva, ha pe ovendéva noñembyasýi vaʼerã, pórke Ñandejára ipochy enterovete umi hénte aty kóntrape.*+ 13 Pórke pe ovendéva ndoumoʼãvéima pe yvy ovende vaʼekuépe, haʼe ojesalváramo jepe, pórke pe visión haʼe hína enterovete umi hénte aty kóntrape. Ni peteĩ ndoumoʼãvéima, ha ni peteĩ ndojesalvamoʼãi hembiapo vai káusare.*

14 Ombopúma hikuái pe trompéta+ ha enterovéva ojepreparapáma, péro avave ndohói oñorairõ, pórke che chepochy enterove umi hénte aty kóntrape.+ 15 Pe espáda ojuka umi okápe oĩvape,+ ha pe mbaʼasy ha ñembyahýi ojuka umi oĩvape óga ryepýpe. Oimeraẽ oĩva ñúme omanóta espádape ha umi oĩva pe siudápe omanóta ñembyahýi ha mbaʼasýgui.+ 16 Umi ojesalváva koʼã mbaʼégui katu ohóta okañy umi montáñare, ojoguáta hikuái umi palóma oĩvape umi ñúre, káda uno hasẽta hembiapo vaikuére.+ 17 Umi ijyvakuéra ikangypáta ha umi irrodillakuéra hykuepáta.*+ 18 Omondéta hikuái umi ao ohechaukáva oñembyasyha,+ ha oryrýi osusũta hikuái okyhyjégui.* Enterovete oñemotĩta ha oñemoakã perõmbáta.*+

19 Haʼekuéra omombóta ipláta kállepe ha hiʼorokuéra ombojeguarúta chupekuéra. Pe pláta ni pe óro ndosalvamoʼãi chupekuéra Jehová ipochyha díape.+ Haʼekuéra* nahyg̃uatãmoʼãi ha ipyʼa nandíta, pórke umíva* omoñepysanga chupekuéra ojapo hag̃ua ivaíva. 20 Haʼekuéra oñemombaʼeguasu iporãiterei haguére umi iñadornokuéra, ha umívagui* ojapo hikuái umi idioskuéra oporombojeguarúva raʼanga, umi idioskuéra puerkésa.+ Upéicha rupi koʼã mbaʼégui ajapóta peteĩ mbaʼe ombojeguarúva chupekuéra. 21 Umíva* ameʼẽta umi extranhérope osakea hag̃ua, ha umi hénte aña ko yvy ape ariguápe ogueraha hag̃ua imbaʼerã, ha haʼekuéra omongyʼáta umíva umi tesóro.

22 Añemolómota chuguikuéra,+ ha omongyʼáta hikuái che lugár sagrádo* ha umi mondaha oikéta upépe ha omongyʼáta.+

23 Ejapo umi kadéna+ ojepurútava umi ojeguerahávare prisionéroramo, pórke umi hénte omano hína opárupi ko yvy ape ári ojehusga vai rupi chupekuéra,+ ha pe siuda henyhẽte violénsiagui.+ 24 Aguerúta umi mbaʼe ivaivéva umi tetãgui,+ ha ojagarráta chuguikuéra umi hogakuéra+ ha opáta umi oñemombaʼeguasúva imbarete haguére, ha umi ilugár sagrádo oñemongyʼapaitéta chuguikuéra.+ 25 Ág̃a ojejopy vai vove, ohekáta hikuái pyʼaguapy, péro ndotopamoʼãi.+ 26 Ojoapykuéri oúta umi sarambi guasu, ha ojoapykuéri og̃uahẽta umi notísia, ha umi hénte ohekáta peteĩ proféta ohecháva visión.+ Ndovalemoʼãi mbaʼeverã umi saserdóte omboʼéva* ha umi konsého omeʼẽva umi kuimbaʼe oporomoakãva.*+ 27 Pe rréi oñembyasýta,+ ha pe héfe prinsipál ojedesesperáta,* ha umi hénte ko yvy arigua ipo ryryipáta okyhyjégui. Atratáta chupekuéra asegún la hembiapokuéra, ha ahusgáta chupekuéra haʼekuéra ohusga haguéicha ótrope. Ha oikuaáta hikuái che haʼeha Jehová’”.+

8 Pe sexto* áñope, pe día 5, pe sexto méspe, che aguapy hína kuri che rógape, ha umi kuimbaʼe omoakãva* Judápe oguapy che renondépe. Upe jave Ñandejára Jehová ogovernáva opa mbaʼe oñakarama cherehe. 2 Ha amañávo ahecha peteĩ persóna ojoguáva tatápe, ha ikuʼágui yvy gotyo ahecha peteĩ mbaʼe ojoguáva tatápe,+ ha ikuʼágui yvate gotyo ahecha peteĩ mbaʼe overáva ojoguáva pláta ha óro oñembojeheʼa vaʼekuépe.*+ 3 Upéi haʼe oipyso peteĩ mbaʼe haʼetéva peteĩ po ha chejagarra che akãranguégui, ha peteĩ espíritu* cherupi pe yvýgui yvate ha chegueru Jerusalénpe, peteĩ visión rupive Ñandejára ohechauka chéve upéva. Chegueru oĩháme pe okẽ hyepypegua,+ omañáva nórte gotyo pe témplogui, oĩháme pe taʼanga* ombopochýva Ñandejárape.+ 4 Ha Israel Jára podér omimbipa hína kuri upépe,+ ahecha haguéicha pe ñu guasúpe.+

5 Upéi haʼe heʼi chéve: “Yvypóra raʼy, emañamína nórte gotyo”. Upémarõ amaña nórte gotyo, oĩháme pe altár entráda nortepegua, ha upépe ahecha pe taʼanga* ombopochýva Ñandejárape, pe entrádape. 6 Haʼe heʼi chéve: “Yvypóra raʼy, ¿rehecha piko umi mbaʼe vai, umi mbaʼe oporombojeguarúva ojapóva koʼápe Israel rogaygua?+ Umi mbaʼe ningo chemomombyry ko che lugár sagrádogui.+ Péro rehecháta heta mbaʼe oporombojeguarúva ha ivaivéva koʼãvagui”.

7 Upéi chegueru pe korapy entrádape, ha amañávo ahecha peteĩ kuára oĩva pe parére. 8 Haʼe heʼi chéve: “Yvypóra raʼy, embotuichave pe kuára oĩva pe parére”. Upémarõ ambotuichave pe kuára oĩva pe parére, ha ahecha peteĩ entráda. 9 Haʼe heʼi chéve: “Eike ha ehecha umi mbaʼe vai, umi mbaʼe oporombojeguarúva ojapóva hikuái koʼápe”. 10 Upémarõ aike ha ahecha opaichagua animál otyryrýva* raʼanga ha opaichagua animál salváhe oporombojeguarúva raʼanga,+ ha umi dios puerkésa* raʼanga orekóva Israel rogaygua.+ Entéro koʼãva raʼanga ojetalla pe parére, pe ijerére kompletoite. 11 Ha 70 kuimbaʼe omoakãva Israel rogayguápe oñemboʼy hína henondepekuéra, ha ijapytepekuéra oñemboʼy Jaazanías, haʼéva Safán+ raʼy. Káda uno oreko ipópe pe mbaʼyru ojehapyha insiénso, ha pe insiénso ratatĩ hyakuã asýva ojupi ohóvo yvate.+ 12 Ha Ñandejára heʼi chéve: “Yvypóra raʼy, ¿nde piko rehecha hína umi mbaʼe ojapóva pytũmbýpe umi kuimbaʼe omoakãva Israel rogayguápe, káda uno umi koty hyepypegua oĩháme umi idiós raʼanga? Pórke haʼekuéra heʼi hína: ‘Jehová nañanderechái. Jehová ohejáma ko yvy’”.+

13 Haʼe heʼi avei chéve: “Rehecháta heta mbaʼe oporombojeguarúva ha ivaivéva koʼãvagui ojapóva hína hikuái”. 14 Upémarõ chegueraha pe entrádape, oĩháme pe okẽ nórte gotyogua Jehová rógape. Ha upépe ahecha umi kuña oguapýva hasẽ hína pe dios Tamuz rehe.

15 Haʼe heʼi avei chéve: “¿Rehechápa koʼã mbaʼe yvypóra raʼy? Rehecháta heta mbaʼe ivaivéva koʼã mbaʼégui”.+ 16 Upémarõ chegueraha Jehová róga korapy ryepýpe,+ oĩva Jehová témplo entráda ha pe altár mbytépe. Upépe oĩ amo 25 kuimbaʼérupi oñemolómova Jehová témplore ha omañáva éste gotyo, haʼekuéra oñesũ hína éste gotyo pe kuarahýpe.+

17 Haʼe heʼi chéve: “Yvypóra raʼy, ¿rehechápa ko mbaʼe? ¿Judá rogayguápe g̃uarã piko vyrorei mbaʼe la ojapo koʼã mbaʼe oporombojeguarúva? ¿Omyenyhẽ vaʼerã piko avei ko yvy violénsiagui+ ha osegi chembopochy? ¡Emañami! Koʼápe omoinge hína hikuái che tĩnguápe pe mbaʼe oporombojeguarúva.* 18 Upévare rreniégo reheve ajapóta la ajapo vaʼerã, nambyasymoʼãi ni ndaiporiahuverekomoʼãi chupekuéra.+ Ni osapukái hatãvéramo jepe chéve hikuái che apysápe, nahendumoʼãi chupekuéra”.+

9 Upéi ahendu haʼe osapukáirõ guare: “¡Pehenói umi okastigátavape ko siudápe, ha káda uno togueru ipópe hiʼárma oporohundi hag̃ua!”.

2 Ha ahecha 6 kuimbaʼe ouha hína pe okẽ ijyvatevévaguio ládo,+ pe omañáva nórte gotyo, ha káda uno ogueru ipópe hiʼárma oporohundi hag̃ua. Ha ijapytepekuéra oĩ peteĩ kuimbaʼe ijao de línova, ha oreko ikuʼáre peteĩ tínta ryru* oipurúva umi sekretário, ha haʼekuéra oike ha oñemboʼy pe altár de kóvre ykére.+

3 Upéi Israel Jára podér omimbipáva+ opuʼã upe opytuʼuhágui umi keruvín* árigui, ha oho oñemoĩ pe témplo entráda renondetépe+ ha oñepyrũ oñeʼẽ pe kuimbaʼe orekóvape pe ao de líno, upe orekóvape ikuʼáre peteĩ tínta ryru oipurúva umi sekretário. 4 Jehová heʼi chupe: “Tereho Jerusalén siuda tuichakuére, ha emoĩ peteĩ márka umi hénte syváre, umi osuspira ha ipyahẽva+ ojejapo haguére pe siudápe umi mbaʼe vaiete ha oporombojeguarúva”.+

5 Ha che ahendu aja hína, heʼi umi ótrope: “Tapeho hapykuéri pe siudáre ha pejuka umi héntepe. Ani pembyasy ni peiporiahuvereko chupekuéra.+ 6 Pejukapaite vaʼerã umi itujávape, umi mitãrusúpe, umi kuñataĩme, umi mitãme ha umi kuñanguérape.+ Péro ani pejuka ni peteĩ umi orekóvape pe márka.+ Peñepyrũ vaʼerã pe che lugár sagrádogui”.+ Upévare oñepyrũ ojuka hikuái umi kuimbaʼe ijedáva* oĩva pe témplo renondépe.+ 7 Upéi heʼi chupekuéra: “Pemongyʼa pe óga ha pemyenyhẽ pe korapy teʼonguégui.+ ¡Tapeho katu!”. Upémarõ oho hikuái ha ojuka umi héntepe pe siudápe.

8 Ha haʼekuéra oho ojuka umi héntepe, ha chéntema apyta, upépe añesũ ha amboja che rova yvýre ha asapukái: “¡Anínati Ñandejára Jehová regovernáva opa mbaʼe! ¿Rejukapáta piko umi Israelgua hembýva rehykuavóvo nde pochykue Jerusalén ári?”.+

9 Upépe haʼe heʼi chéve: “Umi mbaʼe vai ojapóva Israel ha Judá rogaygua ivaieterei rasapáma.+ Ko paíspe hetaiterei oĩ ojejukáva*+ ha pe siuda henyhẽte umi ikorrúptovagui.+ Pórke haʼekuéra heʼi: ‘Jehová nañanderechái. Jehová ohejáma ko yvy’.+ 10 Péro che katu nambyasymoʼãi ni ndaiporiahuverekomoʼãi chupekuéra.+ Che akovráta chupekuéra entéro mbaʼe ojapo vaʼekuére”.

11 Upéi ahecha ou jeyha pe kuimbaʼe ijao de línova, upe orekóva ikuʼáre pe tínta ryru, ha heʼi: “Ajapóma upe remanda hagueichaite chéve”.

10 Che amaña aja ahecha pe píso de vídrio joguaha ári oĩha peteĩ mbaʼe ojoguáva safírope, ha haʼete peteĩ tróno. Upe píso de vídrio joguaha oĩ hína umi keruvín* akã ári.+ 2 Upéi Ñandejára heʼi pe kuimbaʼe ijao de línovape:+ “Eike umi rruéda ojeréva paʼũme,+ umi keruvín guýpe ha ejagarra umi mokõi nde po renyhẽte pe tatapỹi hendýva+ oĩva umi keruvín paʼũme, ha emombo pe siuda ári”.+ Upémarõ che amaña aja hína haʼe oike.

3 Pe kuimbaʼe oikérõ guare, umi keruvín oñemboʼy hína kuri pe témplo derécha gotyo. Ha pe arai ojahoʼipaite pe korapy oĩva hyepy gotyo. 4 Ha Jehová podér omimbipáva+ opuʼã umi keruvín oĩhágui ha oho pe témplo entráda renondetépe, ha mbeguekatúpe pe arai ojagarrapaite pe témplo,+ ha pe korapýpe katu ojagarrapaite Jehová podér omimbipáva. 5 Ha umi keruvín pepo ryapu oñehendu pe korapy okapeguápe, ojogua Ñandejára Todopoderóso ñeʼẽme.+

6 Upéi Ñandejára heʼi pe kuimbaʼe ijao de línovape: “Eike ha ejagarra pe tatapỹi hendýva umi rruéda ojeréva paʼũgui, umi keruvín paʼũgui”. Ha haʼe oike ha ojekoloka peteĩva umi rruéda ykére. 7 Upéi peteĩva umi keruvín ipojái pe tata oĩha gotyo, umi keruvín paʼũme.+ Ha ojagarra michĩmi tatapỹi ha omoĩ pe kuimbaʼe ijao de línova pópe, mokõive ipópe.+ Ha pe kuimbaʼe ojagarra ha osẽ oho. 8 Ha umi keruvín oreko ipepo guýpe peteĩ mbaʼe ojoguáva yvypóra pópe.+

9 Ha amaña aja ahecha 4 rruéda oĩva umi keruvín ykére, peteĩ rruéda káda keruvín ykére. Ha umi rruéda omimbi krisólitoicha.*+ 10 Umi 4 rruéda ojojoguapaite, ha haʼete peteĩ rruéda oĩva ótro rruéda kuápe.* 11 Orroda jave ikatu oho oimeha gotyo umi 4 direksiónpe ha natekotevẽi ojevolea okambia hag̃ua de direksión, pórke umi rruéda oho omañaha gotyo umi keruvín akã* ha natekotevẽi ojevolea upearã. 12 Umi keruvín rete kompletoite, umi ilomokuéra, umi ipo, ha ipepokuéra henyhẽte teságui. Umi rruéda oĩva umi 4 keruvín ykére oreko hetaiterei tesa pe ijerére kompletoite.+ 13 Ha ahendu peteĩ oñeʼẽva umi rruédape ha heʼíva: “¡Perrodáke!”.

14 Káda uno umi keruvín 4 hova. Pe primer hova peteĩ keruvín rova, pe segundo hova peteĩ kuimbaʼe* rova, pe tercero haʼe peteĩ león rova, ha pe cuarto haʼe peteĩ ágila rova.+

15 Ha umi keruvín opuʼã jepi, koʼãva hína umi keruvín ahecháma vaʼekue voi rrío Kebárpe.+ 16 Ha umi keruvín oho jave, umi rruéda oho avei hendivekuéra, ha umi keruvín oipyso jave ipepo ojupi hag̃ua yvate porã pe yvýgui, umi rruéda ndohejái chupekuéra ni ndokuʼéi ijykerekuéragui.+ 17 Ha umi keruvín opyta jave, umi rruéda opyta avei. Ha umi keruvín ojupi jave, umi rruéda ojupi avei hendivekuéra ijykére, pórke pe espíritu omomýiva umi keruvínpe* omomýi avei umi rruédape.

18 Upéi Jehová podér omimbipáva+ oho pe témplo entráda renondégui ha opyta umi keruvín ári.+ 19 Ha che amaña aja hína umi keruvín oipyso ipepo ha opuʼã pe yvýgui, ha haʼekuéra ohórõ guare umi rruéda oho avei ijykerekuéra. Ha umi keruvín oho opyta pe okẽ estepegua entrádape, oĩva Jehová témplope, ha Ñandejára podér omimbipáva oĩ hiʼarikuéra.+

20 Koʼãva hína umi keruvín ahecháma vaʼekue voi Israel Jára tróno guýpe, rrío Kebárpe.+ Ha upépe apilla haʼekuéra haʼeha keruvín. 21 Umi 4 keruvín 4 hova ha 4 ipepo, ha ipepokuéra guýpe oreko peteĩ mbaʼe ojoguáva yvypóra pópe.+ 22 Ha hovakuéra elmimoite umi keruvín rova ahecha vaʼekue rrío Kebar ypýpe.+ Káda keruvín oho tenonde gotyo derechoite.+

11 Ha peteĩ espíritu* cherupi ha chegueraha oĩháme pe okẽ omañáva éste gotyo Jehová rógape.+ Upe okẽ entrádape ahecha 25 kuimbaʼépe, ha ijapytepekuéra oĩ Jaazanías, haʼéva Azur raʼy ha Pelatías, haʼéva Benaya raʼy, koʼãva hína pe puévlo prinsipekuéra.+ 2 Upémarõ Ñandejára heʼi chéve: “Yvypóra raʼy, koʼãva hína umi kuimbaʼe okalkuláva mbaʼe vai ha omeʼẽva konsého vai umi héntepe ko siudápe. 3 Haʼekuéra heʼi: ‘Koʼág̃a hína pe tiémpo ñamopuʼã hag̃ua ñande rogarã,+ pórke pe siuda* ojogua hína peteĩ óllape*+ ha ñande katu pe soʼo oĩva pype’.*

4 Upévare eprofetisa ikontrapekuéra. Eprofetisáke yvypóra raʼy”.+

5 Upéi Jehová espíritu ou che ári,+ ha Ñandejára heʼi chéve: “Ere vaʼerã: ‘Kóicha heʼi Jehová: “Oĩ porã hína la pejéva peẽ Israel rogaygua, ha aikuaa la pepensáva. 6 Pende káusare hetáma oĩ omanóva ko siudápe, ha pemyenyhẽ ko siuda kallekuéra umi omanóvagui”’”.+ 7 “Upévare, péicha heʼi Ñandejára Jehová ogovernáva opa mbaʼe: ‘Umi teʼongue pemosarambi vaʼekue ko siudápe, umíva hína la soʼo ha pe siuda katu la ólla.+ Péro peẽ peñeguenohẽta chugui’”.

8 “‘Peẽ pekyhyje pe gérragui,+ péro gérra aguerúta pene kóntrape’, heʼi Ñandejára Jehová ogovernáva opa mbaʼe. 9 ‘Poguenohẽta upégui ha pontregáta umi extranherokuérape ha péicha pokastigáta.+ 10 Pejejukáta espádape.+ Ha pohusgáta Israel frontérape,+ ha peikuaáta che haʼeha Jehová.+ 11 Ko siuda haʼéva peteĩ óllaicha napendeprotehemoʼãi, ha ani pepensa peẽ haʼeha pe soʼo oĩva pype segúro porã. Che pohusgáta Israel frontérape, 12 ha peikuaáta che haʼeha Jehová. Pórke peẽ napekumplíri umi che léi ha ndapejapói umi mbaʼe amandáva peẽme,+ upéva rangue pekumpli umi léi orekóva umi nasión oĩva pende jerére’”.+

13 Aprofetisapamírente, Pelatías haʼéva Benaya raʼy omano, upépe añesũ ha amboja che rova yvýre ha asapukái: “¡Anínati Ñandejára Jehová regovernáva opa mbaʼe! ¿Rejukapáta piko umi Israelgua hembývape?”.+

14 Ha Jehová oñeʼẽ jey chéve ha heʼi: 15 “Yvypóra raʼy, umi oikóva Jerusalénpe heʼi umi ne ermánope, umi ne pariénte orekóvape derécho ojoguávo nde yvy, ha entéro umi Israel rogayguápe: ‘Peñemomombyry Jehovágui. Ko yvy ningo ñanembaʼe ha oñemeʼẽma ñandéve ñanembaʼerã’. 16 Upévare ere vaʼerã: ‘Péicha heʼi Ñandejára Jehová ogovernáva opa mbaʼe: “Amondóramo jepe chupekuéra mombyry oiko hag̃ua umi nasionkuéra apytépe ha amosarambi chupekuéra ko yvýre,+ peteĩ tiémpo mbykymíre oikóta chehegui peteĩ lugár sagrádo chupekuéra g̃uarã umi lugár oho haguépe hikuái”’.+

17 Upévare ere vaʼerã: ‘Péicha heʼi Ñandejára Jehová ogovernáva opa mbaʼe: “Pombyatýta avei umi nasióngui ha umi lugár peñemosarambi haguégui, ha ameʼẽta peẽme Israel yvy.+ 18 Peẽ peju jeýta peiko upépe ha peipeʼapáta umi pende kosakuéra oporombojeguarúva ha pehejapáta umi mbaʼe vai pejapo vaʼekue.+ 19 Poipytyvõta peiko hag̃ua peteĩ ñeʼẽme,+ ha amoĩta pende pyʼapýpe peteĩ espíritu pyahu.+ Aipeʼáta pende retégui pene korasõ hatãva itáicha+ ha amoĩta hendaguépe peteĩ korasõ huʼũ asýva,*+ 20 ikatu hag̃uáicha pekumpli umi che léi ha pejapo umi mbaʼe amandáva peẽme. Upéicharõ oikóta pendehegui che puévlo ha che haʼéta pende Jára”’.

21 ‘“Péro umi odesidíva ikorasõme osegitaha ojapo umi mbaʼe vai ha umi mbaʼe oporombojeguarúva, umívape che akovrapaitéta entéro mbaʼe ojapo vaʼekuére”, heʼi Ñandejára Jehová ogovernáva opa mbaʼe’”.

22 Upéi umi keruvín* oipyso ipepo, ha umi rruéda oĩ hína kuri ijykerekuéra,+ ha Israel Jára podér omimbipáva oĩ hiʼarikuéra.+ 23 Ha Jehová podér omimbipáva+ opuʼã pe siudágui, ha oho opyta pe montáña ári éste gotyo pe siudágui.+ 24 Upéi peteĩ espíritu cherupi, peteĩ visión rupive ohechaukáva chéve Ñandejára espíritu, ha chegueraha oĩháme umi hénte ojegueraha vaʼekue prisionéroramo Caldéape. Upe rire pe visión ahecha vaʼekue mbeguekatúpe opa. 25 Ha añepyrũ amombeʼu umi hénte ojegueraha vaʼekuépe prisionéroramo entéro mbaʼe Jehová ohechauka vaʼekue chéve.

12 Jehová oñeʼẽ jey chéve ha heʼi: 2 “Yvypóra raʼy, nde ningo reiko hína umi hénte opuʼãva cherehe apytépe. Haʼekuéra hesa péro ndohechái, ijapysa péro nohendúi,+ pórke umi hénte opuʼã hína cherehe.+ 3 Ha nde katu yvypóra raʼy, eprepara ne volsón ku rehotaramoguáicha prisionéroramo ne retãgui. Upéi de diakue rejapo vaʼerã ku rehoramoguáicha prisionéroramo ótro tetãme haʼekuéra omaña aja nderehe. Tereho nde rógagui ótro lugárpe haʼekuéra omaña aja nderehe. Ikatu mbaʼe ningo ohecha hikuái upéva, jepe umi hénte oñemoĩ hína cherehe. 4 De diakue omaña aja hikuái nderehe, reguenohẽ vaʼerã ne volsón eprepara vaʼekue reho hag̃ua prisionéroramo, ha reho vaʼerã kaʼaruete haʼekuéra omaña aja nderehe. Resẽ vaʼerã reho ku rejegueraharamoguáicha prisionéroramo ótro tetãme.+

5 Ha omaña aja hikuái, embokua nde róga pare, ha embohasa nde kosakuéra pe ikuahárupi.+ 6 Omaña aja hikuái, emoĩ nde kosakuéra ne lómore ha egueraha pyharekue. Emoʼã nde rova ani hag̃ua rehecha pe yvy, pórke ajapo ndehegui peteĩ señál Israel rogayguápe g̃uarã”.+

7 Ajapo upe oñemanda hagueichaite chéve. De diakue aguenohẽ che volsón aha hag̃ua prisionéroramo ótro tetãme ha kaʼaruete che porupiete ambokua pe pare. Ha pytũmbývo, ajagarra che kosakuéra agueraha che lómore omaña aja hikuái cherehe.

8 Upéi pyhareve Jehová oñeʼẽ jey chéve ha heʼi: 9 “Yvypóra raʼy, umi Israel rogaygua oñemoĩva cherehe oporandu ndéve mbaʼépa rejapo, ¿ajépa? 10 Ere chupekuéra: ‘Péicha heʼi Ñandejára Jehová ogovernáva opa mbaʼe: “Ko mbaʼe haʼéva, haʼe hína Jerusalén mburuvicha kóntrape,+ ha kompletoite umi Israel rogaygua kóntrape, oĩva hína pe siuda ryepýpe”’.

11 Ere vaʼerã: ‘Che hína peteĩ señál peẽme g̃uarã.+ Pe che ajapo hagueichaite ojejapóta hesekuéra, haʼekuéra ohóta prisionéroramo ótro tetãme.+ 12 Pe mburuvicha oĩva ijapytepekuéra ogueraháta ilómore ikosakuéra ha osẽta oho pytũ jave. Haʼe ombokuáta pe murálla ha ombohasáta ikosakuéra upérupi.+ Haʼe omoʼãta hova pono ohecha pe yvy’. 13 Apoíta hiʼári che rred ha haʼe hoʼáta pype.+ Upéi agueraháta chupe Babilóniape umi caldeokuéra yvýpe péro ndohechamoʼãi pe yvy, ha omanóta upépe.+ 14 Ha amosarambíta opa gotyo ládo enterove umi oĩvape ijerére,+ umi iñajudantekuéra ha ijehérsito, ha aguenohẽta peteĩ espáda apersegi hag̃ua chupekuéra.+ 15 Ha oikuaáta hikuái che haʼeha Jehová, ág̃a amosarambipa vove chupekuéra umi nasionkuérarupi ha umi tetãnguérarupi. 16 Péro ahejáta unos kuánto ojesalva pe espádagui, ñembyahýi ha mbaʼasýgui, ikatu hag̃uáicha omombeʼu umi tetãnguéra ohotahápe entéro mbaʼe oporombojeguarúva ojapo vaʼekue hikuái. Ha oikuaáta hikuái che haʼeha Jehová”.

17 Upéi Jehová oñeʼẽ jey chéve ha heʼi: 18 “Yvypóra raʼy, reʼúvo ne pan eryrýi esusũ vaʼerã, ha tuicha kevránto ha jehasa asy reheve reyʼu vaʼerã.+ 19 Ere vaʼerã umi hénte ko yvy ariguápe: ‘Péicha heʼi Ñandejára Jehová ogovernáva opa mbaʼe umi hénte oikóvape Jerusalénpe, oĩva Israel territóriope: “Kyhyjepópe hoʼúta hikuái ipán, ha tuicha kevránto reheve hoyʼúta, pórke umi oikóva pype iviolentoiterei,+ upévare ijyvykuéra opytáta nandi vera.+ 20 Umi siuda oĩháme hénte oñehundipaitéta ha pe yvýgui oikóta peteĩ yvy perõ.+ Ha peikuaáta che haʼeha Jehová”’”.+

21 Ha Jehová oñeʼẽ jey chéve ha heʼi: 22 “Yvypóra raʼy, ¿mbaʼe piko pe ñeʼẽnga peẽ perekóva Israélpe heʼíva: ‘Ohasa la tiémpo ha umi visión opa rei’?+ 23 Upévare ere chupekuéra: ‘Péicha heʼi Ñandejára Jehová ogovernáva opa mbaʼe: “Ndahejamoʼãvéima ojeʼe ko ñeʼẽnga, ha haʼekuéra ndoipurumoʼãvéima ko ñeʼẽnga Israélpe”’. Péro ere chupekuéra: ‘Hiʼag̃uimbaitéma hína umi día,+ ha oñekumplipaitéta entéro umi visión’. 24 Pórke ndaiporimoʼãvéima Israel rógape ni peteĩ visión japu ni adivinasión oporombojuruheʼẽva.*+ 25 ‘“Pórke che Jehová añeʼẽta. Oimeraẽ mbaʼe haʼéva oñekumplíta itiempoitépe, ha ndotardamoʼãi.+ Peẽ peñemoĩva cherehe, peẽ peikove aja+ che haʼéta peteĩ mbaʼe ha akumplíta”, heʼi Ñandejára Jehová ogovernáva opa mbaʼe’”.

26 Ha Jehová oñeʼẽ jey chéve ha heʼi: 27 “Yvypóra raʼy, péicha heʼi hína umi hénte Israelgua:* ‘Hetaiterei gueteri ofalta oñekumpli hag̃ua pe visión haʼe ohecháva, ha ofaltáiti heta tiémpo oñekumpli hag̃ua umi mbaʼe oprofetisáva koʼág̃a’.+ 28 Upévare ere chupekuéra, ‘péicha heʼi Ñandejára Jehová ogovernáva opa mbaʼe: “‘Ni peteĩ umi mbaʼe haʼéva guive ndotardamoʼãi, enteroite mbaʼe haʼe vaʼekue oñekumplíta’, heʼi Ñandejára Jehová ogovernáva opa mbaʼe”’”.

13 Ha Jehová oñeʼẽ jey chéve ha heʼi: 2 “Yvypóra raʼy, eprofetisa umi proféta de Israel kóntrape,+ ha ere umi oprofetisávape umi mbaʼe oúvante iñakãme:*+ ‘Pehendu mbaʼépa heʼi Jehová. 3 Péicha heʼi Ñandejára Jehová ogovernáva opa mbaʼe: “¡Aichejáranga umi proféta ñembotavy ndohecháiva ni peteĩ visión, ha oprofetisáva umi mbaʼe oúvante iñakãme!+ 4 Israel, nde profetakuéra ningo haʼete umi aguara oikóva umi siuda hoʼapa vaʼekue apytépe. 5 Peẽ ndapehomoʼãi pemopuʼã jey umi murálla hoʼapa vaʼekue ha ojejapo vaʼekue itágui. Peẽ ndapejapomoʼãi upéva Israel rogayguápe g̃uarã+ ikatu hag̃uáicha oaguanta Jehová oñorairõha díape”.+ 6 “Ohecha hikuái visión japu ha oprofetisa japu memete, ha heʼi hína: ‘Jehová heʼi péicha’, péro Jehová ndojokuáiri chupekuéra, ha haʼekuéra katu ohaʼarõ oñekumpli umi mbaʼe heʼíva.+ 7 ¿Ndahaʼéi piko peteĩ visión japu la peẽ pehecháva, ha peprofetisa japu pejévo: ‘Jehová heʼi péicha’, che ndaʼéiramo jepe mbaʼeve?”’.

8 ‘Upévare, péicha heʼi Ñandejára Jehová ogovernáva opa mbaʼe: “‘Che añemoĩ pene kóntrape, pórke peẽ pende japu ha pemombeʼu umi visión japu’, heʼi Ñandejára Jehová ogovernáva opa mbaʼe”.+ 9 Aipurúta che podér umi proféta kóntrape, umi omombeʼúva visión japu ha opredesíva japu.+ Haʼekuéra noĩmoʼãi che puévlo atrata porãva apytépe, ha herakuéra ndojeskrivimoʼãi Israel rogaygua dokuméntope, ha ndoumoʼãvéima avei Israel yvýpe. Ha peẽ peikuaáta che haʼeha Ñandejára Jehová ogovernáva opa mbaʼe.+ 10 Upéva oikóta pórke haʼekuéra ogueraha che puévlope tape vaíre, heʼívo: “¡Jaiko pyʼaguapýpe!”, péro añetehápe ndaipóri pyʼaguapy.+ Haʼekuéra omopuʼã vai vai peteĩ pare, ha opintapaite kálpe* ani hag̃ua ojekuaa’.+

11 Ere umi opintávape kálpe upe pare hoʼataha. Oúta peteĩ aguaséro tuichaitereíva, hoʼáta amandáu tuichaicháva,* oipejúta yvytu atã ha oitypaitéta pe pare.+ 12 Ha ág̃a hoʼa vove pe pare, umi hénte oporandúta peẽme: ‘¿Mbaʼe piko oiko raʼe pe kal peipuru vaʼekuégui pende parére?’.+

13 Upévare péicha heʼi Ñandejára Jehová ogovernáva opa mbaʼe: ‘Amboúta peteĩ aguaséro tuichaitereíva, ahejáta oipeju peteĩ yvytu hatãitereíva pórke chepochyeterei voi. Amboúta umi amandáu tuichaicháva ohundi hag̃ua pe pare, pórke arrenegaiterei hína. 14 Aitýta pe pare pepinta vaʼekue kálpe ha ajapetéta yvýre, ha pe isimiénto ojekuaapáta. Ág̃a pe siuda oñehundi vove peẽ pemanombáta hyepýpe, ha peẽ peikuaáta che haʼeha Jehová’.

15 ‘Ág̃a ahykuavopaite vove che pochykue pe parére ha umi opinta vaʼekuére kálpe, haʼéta peẽme: “Pe pare ndaiporivéima, ha umi opinta vaʼekue ndaiporivéima avei.+ 16 Ha umi proféta de Israel odesapareséta, umi oprofetisáva Jerusalénpe ha ohecháva hína peteĩ visiónpe outaha pyʼaguapy chupe g̃uarã, péro añetehápe ndaipóri hína pyʼaguapy”’,+ heʼi Ñandejára Jehová ogovernáva opa mbaʼe.

17 Nde katu yvypóra raʼy, ejere emaña umi kuña nde puevlopeguáre oprofetisáva hína umi mbaʼe oúvante iñakãme, ha eprofetisa ikontrapekuéra. 18 Ere chupekuéra: ‘Péicha heʼi Ñandejára Jehová ogovernáva opa mbaʼe: “¡Aichejáranga umi kuña ombovyvýva oñondive umi sínta umi hénte jyváre* g̃uarã, ha ojapóva pañoléta opaichagua akãre g̃uarã, tahaʼe michĩva térã tuicháva, ojagarra hag̃ua umi hénte rekove!* ¿Peẽ piko pejagarra hína che puévlo rekove?* ¿Ha pejapo aja upéva piko peẽ peimoʼã pesalvataha pende rekove?* 19 Peẽ pechemotĩ che puévlo apytépe pekonsegi hag̃uánte michĩmi seváda ha pan,+ ha upearã pejuka umi* nomereséivape omano, ha peheja oikove umi* nomereséivape oikove, peẽ pejapo upéva pendejapúvo che puévlo ogueroviávape umi japu pejéva”’.+

20 Upévare péicha heʼi Ñandejára Jehová ogovernáva opa mbaʼe: ‘Ndachaʼeiete umi pene sintakuérare, peẽ kuña peipurúva hína umíva pejagarra hag̃ua umi héntepe* guyráicha, ha aipeʼáta pende jyvágui umi sínta ha asalváta umi peẽ pejagarra vaʼekuépe guyráicha. 21 Aipeʼáta pendehegui umi pañoléta ha asalváta che puévlope pende poguýgui, ha haʼekuéra ndoʼamoʼãvéima pene ñuhãme, ha peẽ peikuaáta che haʼeha Jehová.+ 22 Pórke peẽ pemokorasõ rasy pe ihústovape pendejapúvo chupe,+ ha che nambohasaʼasyséi* kuri chupe, ha pemboliga umi iñañávape+ ani hag̃ua ojevy hape vaígui ha péicha osegi oikove.+ 23 Upéicha rupi peẽ kuña ndapehechamoʼãvéima umi visión japu ni napeadivinamoʼãvéima mbaʼeve,+ ha che asalváta che puévlope pende poguýgui. Ha peẽ peikuaáta che haʼeha Jehová’”.

14 Ha unos kuánto kuimbaʼe omoakãva* Israel ou ha oguapy che renondépe.+ 2 Upémarõ Jehová oñeʼẽ chéve ha heʼi: 3 “Yvypóra raʼy, koʼã kuimbaʼe ningo odesidíma osegi umi idiós puerkésape,* ha omoñepysanga umi héntepe opeka hag̃ua. ¿Apermiti vaʼerã piko chupekuéra ombaʼeporandu chéve?+ 4 Koʼág̃a eñeʼẽ chupekuéra ha ere: ‘Péicha heʼi Ñandejára Jehová ogovernáva opa mbaʼe: “Peteĩ israelita odesidíramo osegi umi idiós puerkésape ha omoñepysanga umi héntepe opeka hag̃ua, ha upéi katu ou ombaʼeporandu peteĩ profétape, upéicharõ che Jehová akontesta pohýita chupe asegún umi idiós puerkésa atýra oguerekóva. 5 Pórke amongyhyjéta Israel rogayguakuérape,* enterove oñemomombyry rupi chehegui ha oho umi idiós puerkésa rapykuéri”’.+

6 Upévare ere Israel rogayguápe: ‘Péicha heʼi Ñandejára Jehová ogovernáva opa mbaʼe: “Peju jey ha peñemomombyry umi pende dios puerkésagui ha peñemolómo entéro umi mbaʼe oporombojeguarúva pejapóvagui.+ 7 Pórke oimeraẽ israelita térã extranhéro oikóva Israélpe cherejáramo, ha odesidi osegi umi idiós puerkésape ha omoñepysanga umi héntepe opeka hag̃ua, ha upéi katu ou ombaʼeporandu che profétape,+ upéicharõ chete Jehová akontestáta chupe. 8 Añemoĩta upe kuimbaʼe kóntrape, ha upe ajapóva hese omomanduʼáta umi ótrope mbaʼépa ndovaléi ojapo ha oñeñeʼẽ jave ivaívare imanduʼáta hese umi hénte, ha aipeʼáta upe kuimbaʼépe che puévlogui.+ Ha peẽ peikuaáta che haʼeha Jehová”’.

9 ‘Péro oñembotavýramo pe profétape ha haʼe omeʼẽ peteĩ rrespuésta, upéicharõ che Jehová ambotavy kuri upe profétape.+ Upéicha rupi akastigáta chupe ha ahundíta chupe che puévlo Israélgui. 10 Haʼekuéra opagáta upe ojapo vaʼekuére, ojekulpáta pe profétape ojekulpaháicha pe ombaʼeporandúvape, 11 upéicharõ Israel rogaygua ndoikomoʼãvéima okorre rei oñemomombyrývo chehegui, anivéma hag̃ua oñemongyʼa entéro umi mbaʼe vai ojapóva rupive. Ha chuguikuéra oikóta che puévlo, ha che haʼéta Idiós’,+ heʼi Ñandejára Jehová ogovernáva opa mbaʼe”.

12 Ha Jehová oñeʼẽ jey chéve ha heʼi: 13 “Yvypóra raʼy, peteĩ país opekáramo che kóntrape chetraisiona rupi, upéicharõ che akastigáta chupekuéra ha ahundíta umi hiʼupy* orekóva hikuái,+ ha amondóta chupekuéra ñembyahýi+ ha ahundíta tahaʼe kuimbaʼe térã animál oĩva upépe”.+ 14 “‘Koʼã mbohapy kuimbaʼe: Noé,+ Daniel+ ha Job+ oĩramo jepe upépe, haʼekuéra añoiténte ikatúta ojesalva* ihústo rupi, péro ndaikatumoʼãi osalva ótrope’,+ heʼi Ñandejára Jehová ogovernáva opa mbaʼe”.

15 “‘Térã ñamoĩ chupe amondoha umi animál salváhe upe paíspe ha omonandi upe lugár* ha ojapo chugui peteĩ desiérto, ha avave ndohasavéi upérupi umi animál salváhe káusare.+ 16 Che rekovére ahura peẽme, heʼi Ñandejára Jehová ogovernáva opa mbaʼe, Noé, Daniel ha Job oĩrire upépe, haʼekuéra ndaikatumoʼãi osalva itaʼýra ni itajyrakuérape, haʼekuéra añoiténte ikatúta kuri ojesalva, ha pe país opytáta nandi vera’”.

17 “‘Térã ñamoĩ chupe agueruha peteĩ espáda upe país kóntrape,+ ha haʼe: “Peteĩ espáda tohasa upe paísrupi”, ha tohundi tahaʼe kuimbaʼe térã animálpe.+ 18 Che rekovére ahura peẽme, heʼi Ñandejára Jehová ogovernáva opa mbaʼe, ni koʼã mbohapy kuimbaʼe oĩramo jepe upépe, haʼekuéra ndaikatumoʼãi osalva itaʼýra ni itajyrakuérape, haʼekuéra añoiténte ojesalváta’”.

19 “‘Térã ñamoĩ chupe amondoha mbaʼasy upe paíspe,+ ha ahykuavo che pochykue hiʼári ahundi hag̃ua upégui tahaʼe kuimbaʼe térã animál, ha péicha hetaiterei oĩ omanóva. 20 Che rekovére ahura peẽme, heʼi Ñandejára Jehová ogovernáva opa mbaʼe, Noé,+ Daniel+ ha Job+ oĩramo jepe upépe, haʼekuéra ndaikatumoʼãi osalva itaʼýra ni itajyrakuérape, haʼekuéra añoiténte ojesalváta* ihústo rupi’”.+

21 “Pórke péicha heʼi Ñandejára Jehová ogovernáva opa mbaʼe: ‘Péichata ág̃a amondo vove umi 4 kastígo*+ Jerusalén kóntrape: espáda, ñembyahýi, animál salváhe ha mbaʼasy+ ahundi hag̃ua upégui tahaʼe kuimbaʼe térã animál.+ 22 Péro unos kuánto hembýva upépe ojesalváta ha oñeguenohẽta upégui,+ tahaʼe itaʼyrakuéra térã itajyrakuéra. Oúta hikuái pene rendápe ha pehecha vove mbaʼeichaguápa hikuái ha umi mbaʼe vai ojapo vaʼekue, peẽ pentendéta mbaʼérepa agueru kuri pe sarambi guasu Jerusalénpe ha entéro mbaʼe ajapo vaʼekue ikóntrape’”.

23 “‘Peẽ peñeñandu porãta pehecha vove mbaʼeichaguápa hikuái ha umi mbaʼe vai ojapo vaʼekue, ha peikuaáta ndajaporeíri hague upe ajapo vaʼekue hesekuéra’,+ heʼi Ñandejára Jehová ogovernáva opa mbaʼe”.

15 Jehová oñeʼẽ jey chéve ha heʼi: 2 “Yvypóra raʼy, ¿ikatu piko oñekompara pe madéra ojejapóva parrál mátagui umi ótro madérare térã umi yvyra rakã oĩvare kaʼaguýpe? 3 ¿Ikatu piko pe parrál rakãngue ojepuru ojejapo hag̃ua chugui álgo? Térã, ¿ojapóta piko umi hénte hakãnguégui peteĩ gáncho omosaingo hag̃ua hese tembiporu? 4 Péva ningo oñemombómante vaʼerã tatápe oñembojepota hag̃ua, ha pe tata ohapy mokõive ipúnta ha ohapy avei pe mbytépe. ¿Ideprovéchota piko gueteri ojejapo hag̃ua chugui álgo? 5 Okái mboyve jepe ndaideprovéchoi voi kuri mbaʼeverã, ha ojehapy rire katu koʼytevéntema ndaikatumoʼãi ojejapo chugui mbaʼeve”.

6 “Upévare péicha heʼi Ñandejára Jehová ogovernáva opa mbaʼe: ‘Umi yvyramáta kaʼaguypegua apytégui, pe madéra ojejapóva parrál mátagui che ameʼẽma oñembojepota hag̃ua tata, ha péicha avei ajapóta umi oikóvare Jerusalénpe.+ 7 Che añemoĩma ikontrapekuéra. Haʼekuéra ojesalva kuri tatágui, upéicharõ jepe tatápe okaipaitéta hikuái. Ha peẽ peikuaáta che haʼeha Jehová, ág̃a akastiga vove chupekuéra’”.+

8 “‘Ha amonandíta pe yvy,+ haʼekuéra chetraisiona rupi’,+ heʼi Ñandejára Jehová ogovernáva opa mbaʼe”.

16 Jehová oñeʼẽ jey chéve ha heʼi: 2 “Yvypóra raʼy, eikuaauka Jerusalénpe umi mbaʼe oporombojeguarúva ojapóva.+ 3 Ere vaʼerã: ‘Péicha heʼi Jerusalénpe* Ñandejára Jehová ogovernáva opa mbaʼe: “Nde tuakuéra ningo cananeo ha nde renase upépe. Nde túa haʼe vaʼekue peteĩ amorreo+ ha nde sy haʼe vaʼekue peteĩ hitita.+ 4 Upe renaseha díape noñekytĩri vaʼekue ndéve ne puruʼãsã, avave nanembojahúi ýpe nepotĩ hag̃ua ni avave nandepichýi jukýpe ha nandeliái aópe. 5 Avave nanembyasýi ojapo hag̃uáicha nderehe koʼã mbaʼe. Avave nandeporiahuverekói, upéva rangue nemombo hikuái pe ñúme pórke upe renaseha díape ndaijaʼéi nderehe.*

6 Ahasárõ guare upérupi, rohecha nderuguypa gueteri ha repyvoiʼi hína upépe, ha oĩmba gueteri nderehe nde ruguy, ha haʼe: ‘¡Esegi katu eikove!’. Si, che haʼe ndéve upe reimérõ guare nde ruguýpe: ‘¡Esegi katu eikove!’. 7 Ajapo ndehegui peteĩ puévlo tuichaitereíva, umi plánta heñoiháicha umi ñúre, rekakuaa ha ndetuichave rehóvo ha reipuru umi adórno iporãitereíva. Nde pécho okakuaa ha ne akãrangue ipuku, péro reime gueteri opío vera”’.

8 ‘Ahasárõ guare upérupi rohecha, ha ahechakuaa nekuñataĩmbaitemaha reñenamora hag̃ua. Upémarõ, aipyso nde ári che ao*+ amoʼã hag̃ua nde rete opío, ajapo peteĩ huraménto ha peteĩ kompromíso nendive, ha upe guive nde chembaʼe’, heʼi Ñandejára Jehová ogovernáva opa mbaʼe. 9 ‘Avei rombojahu ha aipeʼa pe tuguy oĩ vaʼekue nderehe, ha amoĩ nderehe aséite.+ 10 Upéi amoĩ nderehe peteĩ ao ojevordapáva, ha ameʼẽ ndéve ne sandaliarã de kuérova iporãva,* rolia téla de líno iporãvape ha amonde nderehe umi ao hepýva. 11 Amoĩmba nderehe umi adórno ha amoĩ nde pyapýre pulséra ha nde ajúrare peteĩ kollár. 12 Amoĩ avei ne tĩre peteĩ narigéra ha ne nambíre namichãi, ha ne akãre peteĩ koróna neporãva. 13 Upéi resegi remoĩ umi adórno de óro ha pláta, ha nde ao katu de líno iporãva, téla hepýva ha peteĩ ao ojevordapáva. Ha reʼu pe arína iporãvéva, eirete, aséite ha neporãiterei voi,+ ha reiméma preparáda oiko hag̃ua ndehegui peteĩ rréina’”.*

14 “‘Neporãitereígui nde réra ojekuaa* vaʼekue opárupi umi tetãnguérape.+ Nde ningo neporãiterei vaʼekue pórke che amoĩ nde ári che podér omimbipáva’,+ heʼi Ñandejára Jehová ogovernáva opa mbaʼe”.

15 “‘Péro reñepyrũ rejerovia ndejehe neporã haguére,+ ha rejekuaa rupi opárupi reñepyrũ rejeprostitui.+ Ha mbaʼeveʼỹrõguáicha rejeprostitui enterove ohasávandi,+ ha reñentrega oimeraẽvape. 16 Ejagarra unos kuánto nde ao de diferénte kolór ha edekora pype umi lugár yvate rejeprostituihápe jepi...+ umíva ndoikói vaʼerã kuri, ha arakaʼeve ndojejapói vaʼerã kuri. 17 Ejagarra avei umi joya* porã porã de óro ha de pláta che ameʼẽ vaʼekue ndéve, ha rejapo chugui umi kuimbaʼe* raʼanga ha rejeprostitui hendivekuéra.+ 18 Ha remoĩ hesekuéra* umi nde ao ojevordapáva, ha remeʼẽ chupekuéra ofréndaramo che aséite ha che insiénso.+ 19 Ha pe pan ameʼẽ vaʼekue ndéve, ojejapóva arína iporãva, aséite ha eirete ameʼẽ vaʼekuégui ndéve, upéva nde remeʼẽ chupekuéra peteĩ ofrénda hyakuã asývaicha.*+ Peichaite oiko kuri’, heʼi Ñandejára Jehová ogovernáva opa mbaʼe”.

20 “‘Rejagarra avei ne membykuimbaʼe ha ne membykuñanguéra reguereko vaʼekue chehegui,+ ha resakrifika idioskuéra raʼangápe...+ ¿nderehasáima piko la rrája rejeprostituívo rejapo jey hag̃ua koʼã mbaʼe? 21 Rejuka che raʼykuérape ha rehapy tatápe reofresévo chupekuéra sakrifísioramo.*+ 22 Rejapo aja umi mbaʼe vai oporombojeguarúva ha rejeprostituírõ guare, nanemanduʼái nemitãrõ guare reime hague opío vera ha nde ruguy oĩmba gueteri nderehe ha repyvoiʼi hague upépe. 23 ¡Aichejáranga, aichejáranga nde,+ rejapo haguére entéro koʼã mbaʼe vai!’, heʼi Ñandejára Jehová ogovernáva opa mbaʼe. 24 ‘Remopuʼã nembaʼerã peteĩ lugár readora hag̃ua umi dios fálsope, ha rejapo avei peteĩ lugár yvate entéro umi plásape. 25 Remopuʼã umi lugár yvate entéro umi lugár iñimportantevévape oĩva umi kállepe, ha ne porãnguégui rejapo peteĩ mbaʼe oporombojeguarúva rejeofrese*+ rupi oimeraẽ ohasávape, ha heta hetave rejeprostitui.+ 26 Rejeprostitui pe puévlo de Egíptondi,+ ne vesíno tieʼỹ ndive,* ha péicha chembopochy rejeprostitui rupi hetaiterei vése. 27 Koʼág̃a aipurúta che podér ne kóntrape, ha amombovyvéta ndehegui pe hiʼupy otokáva ndéve,+ ha ahejáta umi kuña ndaijaʼéiva nderehe tojapo ojaposéva nderehe,*+ umi puévlo filisteo ningo oñemondýi ohechávo umi mbaʼe tieʼỹ rejapóva.+

28 Ha nereñekontentái rupi reho rejeprostitui avei Asiria raʼykuéra ndive,+ péro rejeprostitui rire hendivekuéra nereñekontentái jeýnte. 29 Upémarõ rejeprostituive rejeofresévo umi komersiánte territóriope* ha umi caldéope,+ péro upéicharõ jepe nereñekontentái. 30 Ajépa oĩ vaiete* ne korasõ* rejapo hag̃ua entéro koʼã mbaʼe ha neretĩri reiko hag̃ua peteĩ prostitútaicha’,+ heʼi Ñandejára Jehová ogovernáva opa mbaʼe. 31 ‘Péro rejapórõ guare umi lugár readora hag̃ua umi dios fálsope umi lugár iñimportantevévape oĩva umi kállepe, ha rejapo umi lugár yvate entéro umi plásape, nderejoguái peteĩ prostitútape, pórke nderejagarraséi pláta. 32 ¡Nde ningo peteĩ tembireko oporomoakãratĩva, orekóva rrelasión sexuál peteĩ extráñondi iménandi rangue!+ 33 Umi hénte ningo omeʼẽ rregálo umi prostitútape,+ péro nde kásope katu nde voi la remeʼẽva rregálo entéro umi iñakãrakúvape nderehe,+ nde repaga chupekuéra ou hag̃ua ne rendápe opáguio ládo rejeprostitui hag̃ua hendivekuéra.+ 34 Nde ningo alrrevete rejapo umi ótra prostitútagui. ¡Ni peteĩva ndojeprostituíri nde rejapoháicha! Ndéve avave ndopagái, upéva rangue nde repaga chupekuéra, haʼekuéra opaga rangue ndéve. Nde alrrevete voi rejapo’.

35 Upévare nde kuña prostitúta,+ ehendu Jehová heʼíva. 36 Péicha heʼi Ñandejára Jehová ogovernáva opa mbaʼe: ‘Nde ningo rehechauka neakãrakuetereiha, ha rejehechapa opío rejeprostituírõ guare umi nderayhúva ndive ha enterove umi nde dios puerkésa* oporombojeguarúva ndive,+ ha umívape nde resakrifika umi ne membykuérape jepe.+ 37 Upévare ambyatypáta enterove umi nderayhúvape, umi nde rembovyʼa vaʼekuépe, enterove umi rehayhu vaʼekuépe ha umi nderechaʼéi vaʼekuére. Ambyatýta chupekuéra opáguio ládo ne kóntrape, ha che rohejáta opío henondepekuéra, ha haʼekuéra nderecháta opío vera.+

38 Rokastigáta ojekastigaháicha umi kuña oporomoakãratĩvape+ ha umi kuña oporojukávape,+ ha nde rejejukáta* pochy ha rreniégore.+ 39 Rontregáta chupekuéra, ha oitypáta hikuái umi lugár readoraha umi dios fálso, ha umi lugár yvate reguerekóva ojeitypáta.+ Haʼekuéra oipeʼáta ndehegui umi nde ao+ ha ojagarráta oraha umi nde joya* iporãva+ ha nderejáta hikuái opío vera. 40 Oguerúta ne kóntrape peteĩ hénte aty,+ ha haʼekuéra ndejapíta itápe+ ha ndejukáta ijespádape.+ 41 Ohapýta hikuái umi nde róga+ ha rejekastigáta umi kuñanguéra renondépe, ha péicha nderejeprostituimoʼãvéima+ ha nderepagamoʼãvéima avavépe. 42 Upe rire añetrankilisáta,+ ha ndachepochymoʼãvéima nendive,+ apytátama trankílo ha chepochyjerátama’.

43 ‘Nde nanemanduʼái upe tiémpo nemitãrõ guarére,+ ha chemorrenegaiterei entéro koʼã mbaʼe rejapo haguére, ha koʼág̃a che rokastigáta umi mbaʼe vai rejapo vaʼekuére, ha nderejapomoʼãvéima umi mbaʼe tieʼỹ ha entéro mbaʼe oporombojeguarúva rejapóva’, heʼi Ñandejára Jehová ogovernáva opa mbaʼe.

44 ‘Enterove umi oipurúva ñeʼẽnga heʼíta nderehe péicha: “¡Elmimoite la isy ko kuña!”.+ 45 Nde ningo elmimoite la nde sy, haʼe odespresia vaʼekue iména ha imembykuérape. Avei rejogua umi ne ermána odespresia vaʼekuépe iména ha imembykuérape. Nde sy ningo haʼe vaʼekue peteĩ hitita ha nde túa katu peteĩ amorreo’”.+

46 “‘Samaria hína ne ermána majór,+ haʼe oiko imembykuñanguéra* reheve nórte gotyo ndehegui,*+ ha Sodoma hína ne ermána menór,+ haʼe oiko imembykuñanguéra reheve+ sur gotyo ndehegui.* 47 Nde ningo ndahaʼéi reikónteva haʼekuéra oikoháicha ha rejapo umi mbaʼe oporombojeguarúva ojapóva hikuái, síno sapyʼaitérõ g̃uarã nerembiapo vaivéma chuguikuéra entéro mbaʼe rejapóvape.+ 48 Che rekovére ahura ndéve’, heʼi Ñandejára Jehová ogovernáva opa mbaʼe, ‘ne ermána Sodoma ha imembykuéra ndojapói kuri umi mbaʼe nde ha ne membykuéra pejapo vaʼekue. 49 Ko mbaʼépe ofalla vaʼekue ne ermána Sodoma: haʼe ha imembykuñanguéra+ ijorgullósa+ ha oreko vaʼekue heta hiʼupy+ ha ndojepyʼapýi mbaʼevére,+ upéicharõ jepe noipytyvõi pe ohasa asy ha imboriahúvape.+ 50 Haʼekuéra osegi oñemombaʼeguasu+ ha ojapo che renondépe umi mbaʼe vai oporombojeguarúva,+ upévare ahecha tekotevẽha ahundi chupekuéra.+

51 Ni Samaria+ ndojapói heta mbaʼe vai nde rejapoháicha, ni alamita voi. Nde rejapo hetave mbaʼe vai oporombojeguarúva chuguikuéra, ha amo ipahápe ne ermanakuéra haʼete ihustavéva, pórke nde rejapo entéro umi mbaʼe vai oporombojeguarúva.+ 52 Koʼág̃a nde reaguanta vaʼerã reñemotĩ haguére, pórke nde káusare ne ermanakuéra opyta porã.* Rejapo rupi hetave mbaʼe oporombojeguarúva chuguikuéra, haʼekuéra ihustave ndehegui. Upévare koʼág̃a nde reñemotĩ ha retĩ vaʼerã, pórke nde káusare umi ne ermána haʼete ihústava’.

53 ‘Ha che ambyatýta umi ojegueraha vaʼekuépe chuguikuéra prisionéroramo, umi ojegueraha vaʼekuépe prisionéroramo Sodómagui ha imembykuñanguéragui ha umi ojegueraha vaʼekuépe prisionéroramo Samáriagui ha imembykuñanguéragui. Ambyatýta avei umívandi umi ojegueraha vaʼekuépe ndehegui prisionéroramo,+ 54 péicha nde regueraháta nde apére reñemotĩ hague, ha repytáta retĩ remoñeñandu porã haguére chupekuéra. 55 Ne ermanakuéra Sodoma ha Samaria ha imembykuñanguéra oĩ jeýta yma guaréicha, ha nde ha ne membykuñanguéra peime jeýta yma guaréicha.+ 56 Nde ni nanemanduʼái vaʼekue ne ermána Sodoma rehe reñemombaʼeguasuha díape, 57 ojekuaa mboyve umi mbaʼe vai rejapo vaʼekue.+ Koʼág̃a umi puévlo de Siria ha ivesinokuéra ndejaʼo vaipa, umi puévlo filisteo+ ha kompletoite umi oĩva nde jerére oñembohory vaipa nderehe. 58 Ha koʼág̃a che rokastigáta umi mbaʼe tieʼỹ ha oporombojeguarúva rejapo vaʼekuére’, heʼi Jehová”.

59 “Pórke péicha heʼi Ñandejára Jehová ogovernáva opa mbaʼe: ‘Che ajapóta nderehe nde rejapo haguéicha,+ pórke nde redespresia pe huraménto nerekumplírivo pe kompromíso che ajapo vaʼekue.+ 60 Péro che chemanduʼáta pe kompromíso ajapo vaʼekuére nendive nemitãrõ guare, ajapóta peteĩ kompromíso etérno nendive.+ 61 Nemanduʼáta umi mbaʼe rejapo vaʼekuére ha retĩta+ rerresivi vove ne ermanakuérape, umi ijedavévape ndehegui ha umi imitãvévape ndehegui, umíva ameʼẽta ndéve ne membykuñarã, péro ndahaʼéi rejapo haguére pe kompromíso’.

62 ‘Ha che ajapóta nendive peteĩ kompromíso, ha nde reikuaáta che haʼeha Jehová. 63 Ág̃a che aperdona vove ndéve nde pekádo, rejapóramo jepe hetaite mbaʼe vai,+ upépe nemanduʼáta umi mbaʼe rejapo vaʼekuére ha retĩetereíta+ reñeʼẽ hag̃ua pórke reñemotĩ kuri’, heʼi Ñandejára Jehová ogovernáva opa mbaʼe”.

17 Jehová oñeʼẽ jey chéve ha heʼi: 2 “Yvypóra raʼy, emombeʼu peteĩ adivinánsa ojoguáva peteĩ ehémplope oñeʼẽva Israel rogayguáre.+ 3 Ere vaʼerã: ‘Péicha heʼi Ñandejára Jehová ogovernáva opa mbaʼe: “Pe ágila tuichaitéva,+ ipepo tuichaicháva, hague puku pukúva ha ipara porãva, ou pe Líbanope+ ha oipeʼa pe sédro rakã púnta.+ 4 Oipeʼa pe hakã ijyvatevéva ha ogueraha umi komersiánte territóriope* ha oñotỹ umi komersiánte siudápe.+ 5 Upéi ojagarra peteĩ semílla pe yvýgui+ ha oñotỹ peteĩ yvy porãme. Oñotỹ pe semílla oñeñotỹháicha peteĩ sáuse, peteĩ ysyry tuicháva ykére. 6 Upéi pe semílla heñói ha oiko chugui peteĩ parrál máta ikarapéva,+ umi hogue okakuaa yvy gotyo ha umi hapo okakuaa iguy gotyo. Péicha oiko chugui peteĩ parrál máta ha heta hoky pyahu ha umi hakã iñasãi opárupi.+

7 Ha ou avei upépe ótro ágila tuicháva,+ ipepo tuichaicháva, ha hague puku pukúva.+ Upémarõ ko parrál máta pyaʼe omondo umi hapo pe ágila oĩha gotyo, oka gotyo mombyry pe hardíngui, pe lugár oñeñotỹ haguégui chupe, ha omondo umi hakã pe ágila gotyo orrega hag̃ua chupe.+ 8 Chupe oñeñotỹma kuri peteĩ yvy porãme, peteĩ ysyry tuicháva ykére ikatu hag̃uáicha hakã heta, hiʼa heta ha oiko chugui peteĩ parrál máta tuichaitereíva”’.+

9 Ere: ‘Péicha heʼi Ñandejára Jehová ogovernáva opa mbaʼe: “¿Osẽ porãta piko? ¿Ndaiporimoʼãi ngaʼu piko ohapoʼóva chupe+ ha ohundíva umi hiʼa ha ombopirupáva umi hokykue?+ Ko parrál máta ipirupaitéta ha noñekotevẽmoʼãi peteĩ ijyva mbaretéva ni heta hénte ojehapoʼo hag̃ua. 10 ¿Osẽ porãta piko pe parrál máta ojeguerováramo jepe? ¿Ndaipirupamoʼãi piko oipeju vove chupe yvytu ésteguio? Ipirupaitéta pe hardín oñeñotỹ haguépe”’”.

11 Ha Jehová oñeʼẽ jey chéve ha heʼi: 12 “Eremína umi hénte opuʼãvape cherehe: ‘¿Ndapepillái piko mbaʼépa heʼise koʼã mbaʼe?’. Ha ere: ‘¡Pemaʼẽmína! Pe rréi de Babilonia ou Jerusalénpe ha ojagarra pe rréi* ha umi iprinsipekuérape ha ogueraha chupekuéra hendive Babilóniape.+ 13 Ojagarra avei peteĩva pe rréi familiare+ ha ojapo hendive peteĩ kompromíso, ha ojapoka chupe peteĩ huraménto.+ Upémarõ ogueraha umi kuimbaʼe iñimportántevape oĩva upe paíspe.+ 14 Péicha oñehundietéta kuri pe goviérno ponove opuʼã jey, ha pe puévlo de Israel okumplíramo añoite pe kompromíso osegíta oĩ pe goviérno.+ 15 Péro ipahápe pe rréi de Judá opuʼã pe rréi de Babilóniare+ omondóvo imensaherokuéra Egíptope ogueru hag̃ua kavaju+ ha peteĩ ehérsito tuicháva.+ ¿Osẽ porãne piko? ¿Ojesalváta piko pe kastígogui pe ojapóva hína koʼã mbaʼe? ¿Ikatu piko haʼe opyta kastigoʼỹre nokumplíriramo jepe pe kompromíso?’.+

16 ‘Péicha heʼi Ñandejára Jehová ogovernáva opa mbaʼe: “Che rekovére ahura peẽme haʼe omanotaha Babilóniape, pe lugár oikohápe pe rréi* omoĩ vaʼekue chupe rréiramo.* Haʼe odespresia kuri upe rréi huraménto ha nokumplíri pe ikompromíso.+ 17 Ha pe ehérsito tuicháva ha faraón soldadokuéra hetaitéva noipytyvõmoʼãi chupekuéra oiko vove pe gérra,+ ág̃a umi soldádo babilonio omopuʼã vove peteĩ rrámpa pe siuda jerére, ha omongora vove pe siuda ohundi hag̃ua heta héntepe.* 18 Haʼe odespresia peteĩ huraménto ha nokumplíri peteĩ kompromíso. Ha oñekomprometéramo* jepe, haʼe ojapopaite koʼã mbaʼe ha ndojesalvamoʼãi”’.

19 ‘Upévare péicha heʼi Ñandejára Jehová ogovernáva opa mbaʼe: “Che rekovére ahura peẽme akastigataha chupe odespresia haguére che huraménto+ ha nokumplíri haguére che kompromíso. 20 Apoíta hiʼári che rred, ha haʼe hoʼáta pype.+ Agueraháta chupe Babilóniape ha ahusgáta chupe upépe chetraisiona haguére.+ 21 Enterove umi isoldadokuéra okañýva ojejukapáta espádape, ha umi hembýva katu isarambíta opa gotyo ládo.*+ Upéi peẽ peikuaáta chete voi, Jehová, añeʼẽ hague”’.+

22 ‘Péicha heʼi Ñandejára Jehová ogovernáva opa mbaʼe: “Aipeʼáta pe hakã ijyvatevéva pe sédro ruʼãgui+ ha añotỹta, umi hakã ijyvatevévagui aipeʼáta peteĩ hakã pyahu,+ ha chete voi añotỹta peteĩ montáña ijyvatetereívape.+ 23 Israel montáña ijyvatevéva ári añotỹta, ha umi hakã okakuaáta ha hiʼáta, ha oikóta chugui peteĩ sédro tuicha ha iporãitereíva. Ha opaichagua guyra ojaitypóta upépe ha oikóta isómbra guýpe. 24 Ha kompletoite umi yvyramáta oĩva umi ñúre oikuaáta che Jehová, aity hague pe yvyramáta ijyvatetéva ha ambotuicha hague pe yvyramáta ikarapévape,+ avei ambopiru hague pe yvyramáta hogue vérde asývape ha ambopoty hague pe yvyramáta ipirúvape.+ Chete Jehová haʼéma ha ajapóma upéva”’”.

18 Ha Jehová oñeʼẽ jey chéve ha heʼi: 2 “¿Mbaʼe piko heʼise pe ñeʼẽnga peẽ perekóva Israélpe, ha heʼíva: ‘Umi tuakuéra la hoʼúva umi parrál aky, péro itaʼyrakuéra la hãi jehýiva’?+

3 ‘Che rekovére ahura peẽme’, heʼi Ñandejára Jehová ogovernáva opa mbaʼe, ‘peẽ ndapejemoʼãvéima ko ñeʼẽnga Israélpe. 4 Enterove umi álma...* chembaʼe hína. Tahaʼe pe túa álma ha avei pe taʼýra álma... chembaʼe hína. Pe álma* opekáva, upéva la omanótava.

5 Ñamoĩ chupe peteĩ kuimbaʼe ihustoha ha ojapo umi mbaʼe ihústova ha oĩ porãva. 6 Haʼe ndoʼúi umi mbaʼe ojesakrifikáva umi taʼangápe umi montáña ári,+ noñemboʼéi umi dios puerkésa* orekóvape umi Israel rogaygua, noñenói* tembireko ahénondi,+ ni ndorekói rrelasión sexuál peteĩ kuña omenstruávandi.+ 7 Haʼe nomaltratái avavépe,+ ha omeʼẽ jey pe odevévape chupe upe oheja vaʼekue de garantía,+ nomondái+ avavépe, síno haʼe omeʼẽ hembiʼúgui pe iñembyahýivape,+ ha omonde umi ijopíovape.+ 8 Ndokovrái interés umi oipurúvape chugui pláta ha ndojaprovechái+ hesekuéra,* ha oñatende ani hag̃ua ojapo inhustísia,+ haʼe ojapo hustísia añetetéva ohusga jave mokõi kuimbaʼe iprovlémavape oñondive.+ 9 Haʼe siémpre oiko che haʼeháicha ha okumpli umi che léi ikatu hag̃uáicha ojapo hendaitépe opa mbaʼe. Upe kuimbaʼe ihústo ha katuete osegíta oikove’,+ heʼi Ñandejára Jehová ogovernáva opa mbaʼe.

10 ‘Péro ñamoĩ chupe haʼe orekoha peteĩ itaʼýra oporoasaltáva+ térã oporojukáva,*+ térã ojapo peteĩva koʼã mbaʼe: 11 (itúa ndojapóiramo jepe ni peteĩva umi mbaʼe) haʼe hoʼu umi mbaʼe ojesakrifikáva umi dios raʼangápe umi montáña ári, oñeno tembireko ahénondi, 12 omaltrata upe oikotevẽvape ha pe imboriahúvape,+ oporomonda, nomeʼẽvéi pe odevévape upe oheja vaʼekue de garantía, oñemboʼe umi dios puerkésape+ ha ojapo umi mbaʼe oporombojeguarúva,+ 13 okovra interés umi oipurúvape chugui pláta+ ha ojaprovecha hesekuéra, upéicharõ pe itaʼýra ndosegimoʼãi oikove. Entéro koʼã mbaʼe oporombojeguarúva ojapo vaʼekuére katuete ojejukáta chupe. Haʼe oĩta rresponsávle omano haguére.*

14 Ñamoĩ chupe peteĩ túa orekoha peteĩ itaʼýra, ha pe itaʼýra ohecha entéro mbaʼe vai ojapo vaʼekue itúa, ha ohecháramo jepe haʼe ndojapói umíva. 15 Haʼe ndoʼúi umi mbaʼe ojesakrifikáva umi dios raʼangápe umi montáña ári, noñemboʼéi umi dios puerkésa orekóvape umi Israel rogaygua, noñenói* tembireko ahénondi, 16 haʼe nomaltratái avavépe, ha omeʼẽ jey pe odevévape chupe upe oheja vaʼekue de garantía, nomondái avavépe, síno haʼe omeʼẽ hembiʼúgui pe iñembyahýivape, ha omonde umi ijopíovape. 17 Oñatende ani hag̃ua ombohasa asy umi imboriahúvape, ndokovrái interés umi oipurúvape chugui pláta ha ndojaprovechái hesekuéra, haʼe okumpli umi che léi ha oiko che haʼeháicha. Upe kuimbaʼe nomanomoʼãi itúa rembiapo vaikuére, haʼe katuete osegíta oikove. 18 Péro itúa ojaprovecha rupi hapichakuérare, omonda umi iñermánope, ha ojapo rupi umi mbaʼe ivaíva ivallegua apytépe, haʼe omanóta hembiapo vaikuére.

19 Péro peẽ pejéta: “¿Mbaʼére piko pe itaʼýrape ndojekulpái umi mbaʼe vai ojapo vaʼekuére itúa?”. Itaʼýra ningo ojapo umi mbaʼe ihústova ha oĩ porãva, haʼe okumpli ha iñeʼẽrendu umi che léipe, upévare haʼe katuete osegíta oikove.+ 20 Pe álma* opekáva, upéva la omanótava.+ Pe taʼýra ndopagamoʼãi itúa rembiapo vaikuére, ha peteĩ túa ndopagamoʼãi itaʼýra rembiapo vaikuére. Pe ihústovape ojehusgáta asegún umi mbaʼe porã ojapo vaʼekue, ha pe mbaʼe vai apohápe ojehusgáta asegún umi mbaʼe vai ojapo vaʼekuére.+

21 Péro peteĩ hembiapo vaíva ohejáramo umi mbaʼe vai ojapo vaʼekue, ha okumpli umi che léi ha ojapo umi mbaʼe ihústova ha iporãva, upéicharõ katuete osegíta oikove. Haʼe nomanomoʼãi.+ 22 Ni peteĩ umi mbaʼe vai ojapo vaʼekue ndojepurumoʼãi* ikóntrape.+ Haʼe osegíta oikove ojapo rupi umi mbaʼe ihústova’.+

23 ‘¿Che piko avyʼáta omano haguére peteĩ persóna iñañáva?’,+ heʼi Ñandejára Jehová ogovernáva opa mbaʼe. ‘¿Che piko ndaipotái mbaʼe haʼe oheja umi hembiapo vaikue ha osegi oikove?’.+

24 ‘Péro peteĩ ihústova ohejáramo umi mbaʼe porã ojapóva ha ojapo la ivaíva,* ha ojapo entéro umi mbaʼe oporombojeguarúva ojapóva umi iñañáva, ¿osegíta piko oikove? Ni peteĩ umi mbaʼe porã ojapo vaʼekue ndojegueromanduʼamoʼãi.+ Naiñeʼẽrendúi ha opeka haguére omanóta.+

25 Péro peẽ pejéta: “Iñinhústo la Jehová ojapóva”.+ ¡Pehendumína peẽ Israel rogaygua! ¿Che ajapóva piko hína la iñinhústova?+ ¿Ndahaʼéi piko hína peẽ pejapóva la iñinhústova?+

26 Peteĩ ihústova ohejáramo umi mbaʼe porã ojapóva ha ojapo la ivaíva, haʼe omanóta upe haguére. Si, haʼe omanóta umi mbaʼe iñinhústova haʼe voi ojapo vaʼekuére.

27 Péro peteĩ hembiapo vaíva ohejáramo umi mbaʼe vai ojapo vaʼekue, ha oñepyrũ ojapo umi mbaʼe ihústova ha iporãva, upéicharõ haʼe osegíta oikove.*+ 28 Ohechakuaa vove umi mbaʼe ojapóva ivaiha ha upéi ndojapovéi, upéicharõ katuete osegíta oikove. Haʼe nomanomoʼãi.

29 Péro Israel rogaygua heʼíta: “Iñinhústo la Jehová ojapóva”. Israel rogaygua, ¿che ajapóva piko añetehápe la iñinhústova?+ ¿Ndahaʼéi piko hína peẽ pejapóva la iñinhústova?’.

30 ‘Upévare Israel rogaygua, Che ahusgáta káda únope asegún umi mbaʼe ojapóva’,+ heʼi Ñandejára Jehová ogovernáva opa mbaʼe. ‘Peñemomombyry, peñemomombyrýkena entéro mbaʼe vai pejapóvagui, ani ág̃a pemoñepysanga umi héntepe ha opeka, pórke upéicharõ peẽ pejekulpáta upévare. 31 Peẽ Israel rogaygua, peipeʼa pendejehegui entéro mbaʼe vai pejapo vaʼekue,+ ha pembopyahu pene korasõ ha pekambia pepensa lája,+ ¿mbaʼére piko pemanómante vaʼerã?’.+

32 ‘Chéve ningo nachembovyʼái oĩramo omanóva’,+ heʼi Ñandejára Jehová ogovernáva opa mbaʼe. ‘Upévare, pejevýna pene rembiapo vaikuégui ha peikovéta’”.+

19 “Epurahéi vaʼerã peteĩ músika jaheʼo oñeʼẽva umi kuimbaʼe iñimportántevare oĩva Israélpe, 2 ha ere:

‘¿Mbaʼeichagua piko rakaʼe nde sy? Haʼe vaʼekue peteĩ leóna oikóva umi ótro león apytépe.

Oñeno umi león raʼyrusu imbaretéva apytépe, ha upépe omongakuaa imembykuérape.

 3 Omongakuaa peteĩva umi imembykuéra, ha oiko chugui peteĩ león raʼyrusu imbaretéva.+

 5 Pe leóna ohaʼarõ imembýpe ha ohechakuaa ndaiporiha esperánsa ou jeývo.

Upémarõ ojagarra ótro umi imembykuéra apytégui ha ojapo chugui peteĩ león raʼyrusu imbaretéva.

 6 Haʼe oiko avei umi ótro león apytépe, ha oiko chugui peteĩ león raʼyrusu imbaretéva.

Haʼe oaprende ojagarra hag̃ua hembiʼurã, ha hénte jepe hoʼu.+

 8 Umi tetã oĩva umi distríto oĩvape ijerére ou ikóntrape opoi hag̃ua hiʼári irréd.

Ha ojagarra chupe hikuái pe yvykuápe.

 9 Peteĩ gánchope oitira chupe hikuái itĩgui ha omoinge peteĩ háulape, ha ogueraha pe rréi de Babilonia rendápe.

Upépe omboty chupe hikuái peteĩ lugárpe anivéma hag̃ua oñehendu Israel montañakuérare okororõ jave.

10 Nde sy ningo ojogua vaʼekue peteĩ parrál máta* oñeñotỹvape+ y ykére.

Heta hakã ha heta hiʼa oĩ rupi y rembeʼýpe.

11 Upéi oreko heta hakã* imbaretéva, ikatúva ojepuru ojejapo hag̃ua vastón umi governántepe g̃uarã.

Umi hakã imbaretéva ojepeʼapa chugui ha ipirupa,+ ha okaipaite tatápe.+

Péva peteĩ músika jaheʼo, ha oikóta chugui peteĩ purahéi músika ojekuaátava opárupi’”.

20 Upéi pe día 10, pe quinto méspe, pe séptimo áñope,* unos kuánto kuimbaʼe omoakãva* Israel ou ha oguapy che renondépe ombaʼeporandu hag̃ua Jehovápe. 2 Upépe Jehová oñeʼẽ chéve ha heʼi: 3 “Yvypóra raʼy, ere umi kuimbaʼe omoakãva Israélpe: ‘Péicha heʼi Ñandejára Jehová ogovernáva opa mbaʼe: “¿Peẽ piko peju hína pembaʼeporandu hag̃ua chéve? ‘Ahura peẽme che rekovére nakontestamoʼãiha la peporandúva’,+ heʼi Ñandejára Jehová ogovernáva opa mbaʼe”’.

4 ¿Ndépa reiméma preparádo rehusga hag̃ua chupekuéra?* Yvypóra raʼy, ¿reimémapa hína preparádo rehusga hag̃ua chupekuéra? Eikuaauka chupekuéra umi mbaʼe oporombojeguarúva ojapo vaʼekue umi ituakuéra ypykue.+ 5 Ere chupekuéra: ‘Péicha heʼi Ñandejára Jehová ogovernáva opa mbaʼe: “Pe aiporavoha díape Israélpe,+ ahura* avei Jacob familiarépe, ha ajekuaauka chupekuéra Egíptope.+ Upérõ ahura chupekuéra, ha haʼe: ‘Che hína Jehová pende Jára’. 6 Upe díape che ahura aguenohẽtaha chupekuéra Egíptogui ha aguerahataha peteĩ yvy che aiporavo* vaʼekuépe chupekuéra g̃uarã, peteĩ yvy osyryhápe kamby ha eirete.+ Upe yvy ningo iporãiteve vaʼekue* entéro umi ótro yvýgui. 7 Upémarõ haʼe chupekuéra: ‘Káda uno peẽ pemombo vaʼerã umi dios oporombojeguarúva peservívape hína, ha ani peñemongyʼa umi dios puerkésa* oĩvare Egíptope.+ Che hína Jehová pende Jára’.+

8 Péro haʼekuéra opuʼã cherehe ha nacherenduséi. Nomombói hikuái umi mbaʼe oporombojeguarúva oservívape hína, ha ndohejái umi dios puerkésa oĩva Egíptope.+ Upémarõ apromete ahykuavotaha che pochykue hiʼarikuéra ha apoitaha hesekuéra kompletoite che pochykue Egipto territóriope. 9 Péro ajapo la ajapo vaʼekue che réra rehehápe ani hag̃ua oñemongyʼa umi tetãnguéra renondépe, haʼekuéra ningo oiko hína kuri umíva apytépe.+ Pórke che ajekuaauka kuri chupekuéra* koʼã tetãnguéra renondépe aguenohẽrõ guare chupekuéra* Egíptogui.+ 10 Upémarõ aguenohẽ chupekuéra Egíptogui ha agueraha pe desiértope.+

11 Upémarõ ameʼẽ chupekuéra umi che léi ha aikuaauka chupekuéra umi che mandamientokuéra,+ ikatu hag̃uáicha oikove pe kuimbaʼe okumplíva umíva.+ 12 Ha ameʼẽ avei chupekuéra che sábado+ peteĩ señálramo chéve ha chupekuéra g̃uarã,+ ikatu hag̃uáicha oikuaa hikuái che, Jehová, haʼeha upe osantifikáva chupekuéra.

13 Péro Israel opuʼã cherehe pe desiértope.+ Haʼekuéra ndoikói heʼiháicha umi che léi, ha orrechasa umi mbaʼe haʼéva chupekuéra, hiʼarive peteĩ kuimbaʼe ikatúta oikove okumplíramo umíva. Haʼekuéra omongyʼapaite umi che sábado. Upémarõ apromete ahykuavotaha che pochykue hiʼarikuéra pe desiértope ahundi hag̃ua chupekuéra.+ 14 Péro ajapo la ajapo vaʼekue che réra rehehápe ani hag̃ua oñemongyʼa umi tetãnguéra renondépe, umíva renondégui che aguenohẽ kuri chupekuéra.*+ 15 Che ahura avei pe desiértope namoingemoʼãiha chupekuéra pe yvy ameʼẽ vaʼekuépe chupekuéra,+ peteĩ yvy osyryhápe kamby ha eirete.+ Upe yvy ningo iporãiteve vaʼekue* entéro umi ótro yvýgui. 16 Pórke haʼekuéra orrechasa umi mbaʼe haʼéva, ndoikói umi che léi heʼiháicha, ha omongyʼa umi che sábado, pórke ikorasõnguéra oho umi idiós puerkésa rapykuéri.+

17 Péro che ambyasy chupekuéra, upéicha rupi ndajukái ha nahundipái chupekuéra pe desiértope. 18 Che haʼe umi itaʼyrakuérape pe desiértope:+ ‘Ani pejapo umi pende tuakuéra ypykue omandáva+ ni peiko haʼekuéra heʼiháicha, ni peñemongyʼa umi idioskuéra puerkésare. 19 Che hína Jehová pende Jára. Peẽ pekumpli vaʼerã umi che léi, ha pejapo umi mbaʼe haʼéva peẽme, ha pekumpli umíva.+ 20 Pesantifika vaʼerã umi che sábado,+ ha upéva opytáta peteĩ señálramo chéve ha peẽme g̃uarã, ikatu hag̃uáicha peikuaa che Jehová haʼeha pende Jára’.+

21 Péro umi itaʼyrakuéra oñepyrũ opuʼã cherehe.+ Haʼekuéra ndoikói umi che léi heʼiháicha, ndojapói ni nokumplíri umi mbaʼe haʼéva chupekuéra, hiʼarive peteĩ kuimbaʼe ikatúta oikove okumplíramo umíva. Haʼekuéra omongyʼapaite umi che sábado. Upémarõ apromete ahykuavotaha che pochykue hiʼarikuéra ha apoitaha hesekuéra kompletoite che pochykue pe desiértope.+ 22 Péro ajejoko+ ha ndajapói mbaʼeve che réra rehehápe,+ ani hag̃ua oñemongyʼa che réra umi tetãnguéra apytépe, umíva renondégui ningo che aguenohẽ kuri chupekuéra.* 23 Avei pe desiértope ahura chupekuéra amosarambitaha chupekuéra umi tetãnguérare ha amosarambitaha chupekuéra diferénte paísre,+ 24 pórke haʼekuéra nokumplíri umi mbaʼe haʼéva chupekuéra, ha orrechasa hikuái umi che léi,+ omongyʼa umi che sábado ha oho umi ituakuéra ypykue dios puerkésa rapykuéri.+ 25 Che apermiti avei chupekuéra okumpli umi mbaʼe nokonveníriva chupekuéra ha umi léi nomoingovemoʼãiva chupekuéra.+ 26 Apermiti chupekuéra oñemongyʼa umi sakrifísio ojapóva rupive, ohapy jave hikuái tatápe sakrifísioramo* umi itaʼýra ypykue,+ ha péicha ahundi hag̃ua chupekuéra, ikatu hag̃uáicha oikuaa hikuái che haʼeha Jehová”’.

27 Upévare yvypóra raʼy, eñeʼẽ umi Israelguápe ha ere chupekuéra: ‘Péicha heʼi Ñandejára Jehová ogovernáva opa mbaʼe: “Péicha avei umi pende tuakuéra ypykue otaky vaʼekue cherehe naiñeʼẽrendúi rupi chéve. 28 Che amoinge chupekuéra pe yvy ahura vaʼekuépe ameʼẽtaha chupekuéra.+ Ha ohechárõ guare hikuái umi sérro ijyvatéva ha umi yvyramáta guasu,+ oñepyrũ oofrese sakrifísio ha umi ofrénda chembopochýva. Haʼekuéra oofrese upépe umi sakrifísio hyakuã asýva* ha oñohẽ umi ofrénda líkida. 29 Upémarõ aporandu chupekuéra: ‘¿Mbaʼe piko peho pejapo pe lugár ijyvatehápe? (Koʼág̃a peve héra gueteri Lugár Yvate)’”’.+

30 Koʼág̃a ere umi Israelguápe: ‘Péicha heʼi Ñandejára Jehová ogovernáva opa mbaʼe: “¿Peẽ piko koʼág̃a peñemongyʼa hína avei umi pende tuakuéra ypykuéicha, peikóvo umi dios puerkésa rapykuéri ha chetraisiona* hendivekuéra?+ 31 ¿Peẽ piko koʼág̃a peve peñemongyʼa gueteri peofresévo sakrifísio umi pende dios puerkésape, pehapývo pende raʼykuéra tatápe sakrifísioramo?*+ Peẽ Israelgua, ¿che piko aikóta akontesta peẽme umi mbaʼe peporandúva?”’.+

‘Ahura peẽme che rekovére’, heʼi Ñandejára Jehová ogovernáva opa mbaʼe, ‘che nakontestamoʼãiha la peporandúva chéve.+ 32 Ha núnka ndoikomoʼãi umi mbaʼe pepensáva* peje jave: “Jaikóna umi tetãnguéraicha, umi puévlo oĩvaicha umi ótro tetãme, oadoráva* yvyra ha itápe”’”.+

33 “‘Ahura peẽme che rekovére’, heʼi Ñandejára Jehová ogovernáva opa mbaʼe, ‘che pogovernáta peteĩ rréicha, pyapy mbarete ha tuicha podér reheve pokastigáta, ha ahykuavóta che pochykue pende ári.+ 34 Ha poguenohẽta umi puévlogui ha pombyatýta umi lugár peñemosarambi haguégui, ha ajapóta upéva pyapy mbarete ha tuicha podér reheve ha ahykuavóta che pochykue.+ 35 Pomoingéta umi puevlokuéra desiértope ha pohusgáta frénte a frénte.+

36 Ahusga haguéicha pende tuakuéra ypykuépe pe desiértope Egipto territóriope, upéicha avei pohusgáta’, péicha heʼi Ñandejára Jehová ogovernáva opa mbaʼe. 37 ‘Che pombohasáta pe pastór vastón guýrupi+ ha akumplikáta peẽme pe kompromíso. 38 Péro aipeʼáta pende apytégui umi opuʼãva cherehe ha nokumplíriva che léi.+ Pórke aguenohẽta chupekuéra pe yvy oikohápe extranhéroramo, péro ndoikemoʼãi hikuái Israel yvýpe,+ ha peẽ peikuaáta che haʼeha Jehová’.

39 Peẽ katu Israelgua, péicha heʼi Ñandejára Jehová ogovernáva opa mbaʼe: ‘Tapeho káda uno peservi pende dios puerkésape.+ Péro upéi napecherendúiramo, che poheja reíta. Ha péicha napemongyʼamoʼãvéima che réra sagrádo umi sakrifísio rupive ni umi pende dios puerkésa rupive’.+

40 ‘Che montáña sagrádape, peteĩ montáña ijyvatetereívape oĩva Israélpe’,+ heʼi Ñandejára Jehová ogovernáva opa mbaʼe, ‘upépe kompletoite Israelgua, enterovete voi cheservíta upe paíspe.+ Che avyʼáta hesevekuéra, ha upépe ahaʼarõta ogueru chéve hikuái ofréndaramo umi tenonderãite okosecha vaʼekue ha ikontrivusión, umíva hína umi mbaʼe sagrádova.+ 41 Avyʼáta pendereheve pejapo haguére umi ofrénda hyakuã asýva.* Péva oikóta ág̃a poguenohẽ vove umi puévlogui ha pombyaty vove umi lugár peñemosarambi haguégui,+ ha añesantifikáta pende apytépe umi tetãnguéra renondépe’.+

42 ‘Ha peẽ peikuaáta che haʼeha Jehová+ ág̃a pogueru vove Israel yvýpe,+ upe yvy ahura vaʼekue ameʼẽtaha pende tuakuéra ypykuépe. 43 Ha upépe peẽ penemanduʼáta mbaʼéichapa peiko vaʼekue ha umi mbaʼe pejapo vaʼekue peñemongyʼa hag̃ua,+ ha pejeguarúta pendejehegui* voi pejapo haguére entéro umi mbaʼe vai.+ 44 Ha peẽ Israelgua peikuaáta che haʼeha Jehová che ajapo vove péva penderehe che réra rehehápe,+ ha ndahaʼéi asegún umi pene rembiapo vaikue ha pende pekádo’, heʼi Ñandejára Jehová ogovernáva opa mbaʼe”.

45 Ha Jehová oñeʼẽ jey chéve ha heʼi: 46 “Yvypóra raʼy, emaña sur gotyo ha ere pe yvy oĩvape sur gotyo, ha eprofetisa pe kaʼaguy surpegua territóriope. 47 Ere pe kaʼaguy oĩvape súrpe: ‘Ehendu mbaʼépa heʼi Jehová. Péicha heʼi Ñandejára Jehová ogovernáva opa mbaʼe: “Ambojáta nderehe tata,+ ha ohapýta kompletoite umi yvyramáta vérde asýva ha ipirúva. Pe tatarendy ndoguemoʼãi,+ ha ohoveréta káda persóna rova* sur guive nórte peve. 48 Ha enterovete persóna ohecháta chete Jehová ambojepota hague upe tata ha upévare ndoguemoʼãi”’”.+

49 Ha che haʼe: “¡Anínati Ñandejára Jehová regovernáva opa mbaʼe! Haʼekuéra ningo heʼi cherehe: ‘Haʼe siémpre oipuru ehémplo oñeʼẽ hag̃ua’”.

21 Jehová oñeʼẽ jey chéve ha heʼi: 2 “Yvypóra raʼy, emaña Jerusalén gotyo ha ere peteĩ mbaʼe umi lugár sagrádo kóntrape, ha eprofetisa Israel território kóntrape. 3 Ere Israel territóriope: ‘Péicha heʼi Jehová: “Ápe aime hína ne kóntrape, ha aguenohẽta che espáda iváinagui+ ha ahundíta umi ihústova ha avei umi iñañáva oĩva nde territóriope. 4 Pórke ahundíta umi ihústova ha avei umi iñañáva oĩva nde territóriope, ha aguenohẽta che espáda iváinagui enterove hénte kóntrape, sur guive nórte peve. 5 Enterove umi hénte oikuaáta che Jehová aguenohẽ hague che espáda iváinagui. Ha namoingemoʼãvéima iváinape”’.+

6 Ha nde yvypóra raʼy, eryrýi ekyhyjégui* ha esuspira upe aja. Reñamarga rupi esuspira henondepekuéra.+ 7 Ha heʼíramo ndéve hikuái: ‘¿Mbaʼére piko resuspira?’, upéicharõ nde eréta: ‘Peteĩ notísia káusare’. Pórke upéva katuete oñekumplíta, ha enterovéva ipyʼajúta* ha ijyvakuéra ikangypáta, ndaiporimoʼãi ipyʼaguasúva* ha umi irrodillakuéra hykuepáta.*+ ‘Upe rehendu vaʼekue katuete og̃uahẽta ha oikóta’, heʼi Ñandejára Jehová ogovernáva opa mbaʼe”.

8 Jehová oñeʼẽ jey chéve ha heʼi: 9 “Yvypóra raʼy, eprofetisa ha ere: ‘Péicha heʼi Jehová: “¡Peteĩ espáda! Peteĩ espáda+ oñehaimbeʼéma ha overa asýma. 10 Oñehaimbeʼéma ojuka hag̃ua hetaitereípe, oñembovera omimbi hag̃ua araveráicha”’”.

Upépe umi hénte heʼi: “¿Ore piko ndorovyʼái vaʼerã?”.

Péro Ñandejára heʼi: “¿Pe espáda* piko oikytĩta che raʼy vastón,*+ ojapoháicha entéro yvyramátare?

11 Pe espáda oñemeʼẽta peteĩ persónape ombovera ha ojagarra hag̃ua. Ko espáda oñehaimbeʼéma ha overa asýma, oñemoĩ hag̃ua peteĩ oporohundíva pópe.+

12 Esapukái ha ejaheʼo+ yvypóra raʼy, pórke pe espáda oúma che puévlo kóntrape, oĩ hína enterove umi kuimbaʼe omoakãva Israel kóntrape.+ Koʼãvape ojejukáta avei espádape che puévlondi. Upévare eñembyasýke.* 13 Pórke che puévlope ojerrevisáma.+ ¿Ha mbaʼe piko oikóta pe espáda orrechasáramo pe vastón? Upéicharõ upéva* odesapareséta”,+ heʼi Ñandejára Jehová ogovernáva opa mbaʼe.

14 “Ha nde yvypóra raʼy, eprofetisa ha ejepopete,* ha errepeti 3 vése: ‘¡Peteĩ espáda!’. Kóva hína pe espáda ojuka vaʼekue umi omano vaʼekuépe. Upéva hína pe espáda ojukáva heta héntepe ha omongoráva chupekuéra.+ 15 Haʼekuéra ipyʼajúta*+ ha oĩta heta hoʼáva omano pe siuda rokẽme, ajukáta hetaitereípe espádape. ¡Pe espáda omimbi peteĩ araveráicha ha oñembovera oporojuka hag̃ua! 16 ¡Espáda haimbéva, eikytĩ a la derécha gotyo! ¡Eikytĩ a la iskiérda gotyo! ¡Espáda tereho pe nde óha ohoha gotyo! 17 Che avei ajepopetéta ha chepochyjeráta ha añetrankilisáta.+ Che Jehová haʼéma ko mbaʼe”.

18 Ha Jehová oñeʼẽ jey chéve ha heʼi: 19 “Nde katu yvypóra raʼy, emarka umi mokõi tape outahárupi rréi de Babilonia espáda. Peteĩ pártepe ko tape ojedividíta ha oikóta chugui mokõi tape. Ha pe rréi de Babilonia oúva hína espáda reheve ohupyty vove ko párte, oiporavóta peteĩ tape oho hag̃ua. Umi mokõi tape oñepyrũ el mísmo paíspe, ha pe ojeavrihápe umi mokõi tape remoĩ vaʼerã peteĩ señál* ohechaukáva pe tape ohóva umi mokõi siudápe. 20 Remarka vaʼerã mbaʼe tapérupipa oúta pe espáda Rabá+ kóntrape, haʼéva umi ammonita mbaʼe, ha pe ótro tape ohotahárupi Jerusalén kóntrape, pe siuda imurallapáva+ oĩva Judápe. 21 Pórke pe rréi de Babilonia opytáta ojapo hag̃ua adivinasión upe ojeavrihápe umi mokõi tape, upéva hína pe ojeseparahápe umi mokõi tape. Oityvyróta umi flécha, oporandúta umi taʼangápe,* ha orrevisáta pe ígado.* 22 Pe adivinasión rupive ipo deréchape osẽ chupe oho vaʼerãha Jerusalén gotyo, omoĩ hag̃ua umi árma ohundítava pe siuda, ojeavisa hag̃ua ojejukataha umi héntepe, ha ojesapukái hag̃ua oñepyrũtamaha pe gérra, omoĩ hag̃ua umi árma ohundítava umi okẽ, avei omopuʼã hag̃ua peteĩ rrámpa pe siuda jerére, ha omopuʼã hag̃ua peteĩ murálla omongorátava pe siuda.+ 23 Péro umi* ojapo vaʼekue chupekuéra* peteĩ huraménto oimoʼãta japuha pe adivinasión.+ Péro pe rréi de Babilonia imanduʼa umi israelita ojavy hague, upévare ojagarráta ha ogueraháta chupekuéra prisionéroramo.+

24 Upévare péicha heʼi Ñandejára Jehová ogovernáva opa mbaʼe: ‘Pende káusare oĩ imanduʼáva umi mbaʼe vai pejapo vaʼekuére, ha ojekuaa pende pekadokuéra ha ojekuaa pene rembiapo vaiha opa mbaʼe pejapóvare. Koʼág̃a peẽ mbaretépe pejejagarráta,* oĩ rupi imanduʼáva penderehe’.

25 Péro og̃uahẽma nde día, nde kuimbaʼe aña haʼéva Israel mburuvicha,+ rejekutúva remano hag̃ua. Og̃uahẽma ndéve pe tiémpo rerresivi hag̃ua pe kastígo finál. 26 Péicha heʼi Ñandejára Jehová ogovernáva opa mbaʼe: ‘Eipeʼa pe turvánte* ha pe koróna.+ Umi mbaʼe ndahaʼemoʼãvéima yma guaréicha.+ Toñemboyvate pe ikarapévape+ ha toñemongarape pe ijyvatévape.+ 27 Ahundíta, ahundíta, ahundíta pe goviérno.* Upe koróna ndopytamoʼãi avavépe, og̃uahẽ meve pe orekóva derécho+ ameʼẽ hag̃ua chupe’.+

28 Ha nde yvypóra raʼy, eprofetisa ha ere: ‘Ñandejára Jehová ogovernáva opa mbaʼe heʼi péicha umi ammonítare ha umi heʼívare ñeʼẽ arhél: ¡Peteĩ espáda! Peteĩ espáda oñeguenohẽma iváinagui oporojuka hag̃ua, oñemboveráma oporojuka hag̃ua ha omimbi hag̃ua peteĩ araveráicha. 29 Oĩramo jepe umi visión japu ha adivinasión japu oñeʼẽva nderehe, umi ojejukátava nde territóriope oñembojoʼáta umi omano vaʼekue ári,* umíva hína umi kuimbaʼe aña og̃uahẽmava hiʼára. Chupekuéra og̃uahẽma pe kastígo finál tiémpo. 30 Pe espáda oñemoinge jey vaʼerã iváinape. Che rohusgáta pe lugár rejejapo haguépe, pe lugár reju haguégui. 31 Ahykuavóta che pochykue nde ári. Rokastigáta chepochy rupi, che pochykue nderapýta tatáicha. Rontregáta umi kuimbaʼe ivioléntovape, umi ivalévape oporojuka hag̃ua.+ 32 Oikóta ndehegui jepeʼa tatápe g̃uarã,+ nde rejejukáta* pe paíspe, ha avavéma naimanduʼamoʼãvéi nderehe, pórke che Jehová haʼéma ko mbaʼe’”.

22 Ha Jehová oñeʼẽ jey chéve ha heʼi: 2 “Yvypóra raʼy, ¿nde piko reiméma preparádo rehusga hag̃ua* pe siuda ojekulpávape oporojuka haguére*+ ha reikuaauka hag̃ua chupe entéro umi mbaʼe oporombojeguarúva ojapo vaʼekue?+ 3 Ere vaʼerã: ‘Péicha heʼi Ñandejára Jehová ogovernáva opa mbaʼe: “Nde ningo peteĩ siuda rejukáva+ umi hénte oĩvape nde pype, og̃uahẽmbaitéma hína pe tiémpo+ rejehusga hag̃ua, nde rejapóva umi dios puerkésa* reñemongyʼa hag̃ua.+ 4 Nde kulpávle hína rejuka haguére umi héntepe,+ ha umi dios puerkésa katu nemongyʼa.+ Nde ningo rembyapura hína og̃uahẽ hag̃ua umi nde ára paha, ha og̃uahẽma huʼãme umi ne áño. Upévare oñeʼẽ vaíta nderehe umi tetãnguéra ha opárupi oñeñembohorýta nderehe.+ 5 Umi tetãnguéra oĩva nde jerére ha umi oĩva mombyry oñembohorýta nderehe,+ nde ningo peteĩ siuda herakuã vaíva ha henyhẽva provlémagui. 6 Káda uno umi kuimbaʼe omoakãva israelitakuérape oĩva nde pype, Jerusalén, oipuru hína ijautorida oporojuka hag̃ua.*+ 7 Umi hénte odespresia itúa ha isýpe.+ Ombotavy hikuái umi extranhéro oikóvape ijapytepekuéra, ha otrata vai pe mitã tyreʼỹme ha pe viúdape”’”.+

8 “‘Nde redespresia umi che lugár sagrádo ha remongyʼa umi che sábado.+ 9 Nde nerenyhẽ umi oñeʼẽ vaívagui hapicháre ha odesidímava oporojuka.+ Haʼekuéra hoʼu umi sakrifísio ne montañakuéra ári, ha oiko hekovai hikuái nde ryepýpe Jerusalén.+ 10 Nde ryepýpe oĩ hína umi orekóva rrelasión sexuál itúa rembirekóndi,*+ ha umi mbaretépe orekóva rrelasión sexuál peteĩ kuña oguejývandi chupe iperiódo.+ 11 Nde reguereko umi kuimbaʼe ojapóva umi mbaʼe oporombojeguarúva hapicha rembirekóre,+ ha hekotieʼỹgui orekóva rrelasión sexuál inuérandi,+ ha ótro katu mbaretépe oreko rrelasión sexuál iñermánandi, pe itúa rajýndi.+ 12 Nde reguereko umi kuimbaʼe okoimeáva* ojuka hag̃ua peteĩ hapichápe.+ Nde rekovra interés umi reipurukávape pláta+ térã rejaprovecha hese,* ha rembotavy nde rapichakuérape reipeʼa hag̃ua chuguikuéra pláta.+ Nde ningo nderesaraiete voi chehegui’, heʼi Ñandejára Jehová ogovernáva opa mbaʼe.

13 ‘Chemorrenegaiterei upe rejapo vaʼekue rembotavy hag̃ua nde rapichápe regana hag̃ua pláta, ha mbaʼéichapa hetápe rejuka nde siuda ryepýpe. 14 ¿Resegíta piko ndepyʼaguasu* ha ndepyapy mbarete umi día che añemoĩ vove ne kóntrape?+ Chete Jehová haʼéma upéva ha katuete ajapóta. 15 Romosarambíta umi tetãnguérape ha romosarambíta opárupi ko yvy ape ári,+ ha ndahejamoʼãvéima rejapo umi mbaʼe kyʼa.+ 16 Ha reñemotĩta umi tetãnguéra renondépe, ha reikuaáta che haʼeha Jehová’”.+

17 Ha Jehová oñeʼẽ jey chéve ha heʼi: 18 “Yvypóra raʼy, pe puévlo de Israel ningo chéve g̃uarã peteĩ mbaʼe kyʼa ndovaléiva mbaʼeverã. Enterove haʼekuéra haʼe hína kóvre, estáño, iérro ha plómo. Chuguikuéra oiko mbaʼe kyʼa osẽva oñemboyku jave pláta.+

19 Upévare Ñandejára Jehová ogovernáva opa mbaʼe heʼi péicha: ‘Pendehegui ningo oiko mbaʼe kyʼa ndovaléiva mbaʼeverã,+ upévare pombyatýta Jerusalén ryepýpe. 20 Pe pláta, kóvre, iérro, plómo ha estáño ningo oñemoĩ peteĩ órnope ha ojejatapy hese ha oñemboyku, péicha avei che pombyatýta pochy ha rreniégo reheve, ha ambojepotáta penderehe tata ha pomboykupáta ojuehe.+ 21 Pombyatýta ha ambojepotáta penderehe che pochykue hendýva tatáicha,+ ha peẽ penderykúta pe siuda ryepýpe.+ 22 Pe pláta oñemboykuháicha peteĩ órnope, péicha avei peẽ peñemboykúta pe siuda ryepýpe, ha peẽ peikuaáta chete Jehová ahykuavo hague che pochykue pende ári’”.

23 Ha Jehová oñeʼẽ jey chéve ha heʼi: 24 “Yvypóra raʼy, ere vaʼerã chupe: ‘Nde hína peteĩ yvy noñemopotĩmoʼãiva ni ndokymoʼãihápe chepochyha díape. 25 Umi iprofetakuéra okalkula ojapo hag̃ua mbaʼe vai,+ ojogua hikuái peteĩ león pochy odeskuartisávape peteĩ animál ojagarráva.+ Upéicha avei haʼekuéra ojuka umi héntepe.* Ojagarra hikuái imbaʼerã umi tesóro ha mbaʼe porã hepýva. Ha heta kuñáme oheja hikuái viúda pe siuda ryepýpe. 26 Umi isaserdotekuéra nokumplíri che léi,+ ha osegi omongyʼa umi che lugár sagrádo.+ Peteĩchante chupekuéra g̃uarã umi mbaʼe sagrádova ha umi ndahaʼéiva,+ ha ndoikuaaukái hikuái mbaʼépa hína umi mbaʼe ikyʼáva ha umi mbaʼe ipotĩva,+ ha nomboareteséi umi che sábado, ha chéve chemongyʼa hikuái ijapytepekuéra. 27 Umi iprinsipekuéra* oĩva upépe ojogua umi lóvope odeskuartisáva umi ojagarrávape ojuka hag̃ua, haʼekuéra ohundi umi héntepe* ojaprovecha ha ogana hag̃ua hesekuéra pláta.+ 28 Ha umi iprofetakuéra opinta kálpe umi hembiapokue. Haʼekuéra ohecha umi visión japu ha heʼi umi adivinasión oporombotavýva.+ Ha Jehová ndeʼíriramo jepe mbaʼeve, haʼekuéra heʼi: “Péicha heʼi Ñandejára Jehová ogovernáva opa mbaʼe”. 29 Umi hénte katu ombotavy ha omonda hapichakuérape,+ ha omaltrata hikuái pe ohasa asy ha imboriahúvape, ha pe extranhéro oikóvape ijapytepekuéra ombotavy ha ndojapói chupe hustísia’.

30 ‘Ha asegi aheka peteĩ kuimbaʼe ijapytepekuéra omyatyrõ vaʼerã pe murálla ojejapo vaʼekue itágui, térã peteĩ oñemboʼy vaʼerã che renondépe pe murálla hoʼa haguépe odefende hag̃ua pe yvy ani hag̃ua oñehundi,+ péro ndatopái ni peteĩ. 31 Upéicha rupi, ahykuavóta che pochykue hiʼarikuéra. Ahundíta chupekuéra che pochykue hendývape tatáicha. Che akovráta chupekuéra entéro mbaʼe ojapo vaʼekuére’, heʼi Ñandejára Jehová ogovernáva opa mbaʼe”.

23 Jehová oñeʼẽ jey chéve ha heʼi: 2 “Yvypóra raʼy, oĩ vaʼekue mokõi kuña ha peteĩnte la isykuéra.+ 3 Chuguikuéra oiko vaʼekue prostitúta Egíptope,+ ha imitãite guive ojeprostitui hikuái. Upérõ haʼekuéra vírhen gueteri, ha upépe ojejopy ha ojepokopa ipechokuérare. 4 Peteĩ héra Oholá,* haʼe hína la majór, ha pe iñermána héra Oholibá.* Haʼekuéra chembaʼe ha imemby chehegui heta kuimbaʼe ha kuña. Oholá haʼe hína Samaria+ ha Oholibá haʼe hína Jerusalén.

5 Oholá oñepyrũ ojeprostitui+ haʼérõ guare chembaʼe gueteri. Haʼe iñakãrakuete vaʼekue umi kuimbaʼe iñakãvaívare hese,+ umíva hína umi ivesinokuéra asirio.+ 6 Ijapytepekuéra ningo oĩ governadór oipurúva ao hovy iporãva ha avei umi ofisiál... enterovete haʼekuéra kariaʼy porã oikóva kavaju ári. 7 Oholá osegi ojeprostitui entéro umi asirio iñimportantevévandi, ha oñemongyʼa+ umi dios puerkésa* orekóvare umi kuimbaʼe haʼe iñakãvaiete vaʼekuére. 8 Haʼe osegi ojeprostitui Egíptope, pórke ikuñataĩme oñenóma vaʼekue voi hendive, ha haʼe haʼérõ guare vírhen gueteri haʼekuéra opokopa ipéchore, ha akãraku reheve oreko hendive rrelasión sexuál.*+ 9 Upévare antrega chupe umi kuimbaʼe iñakãvaívape hese, umíva hína umi asirio,+ umíva rapykuéri haʼe oiko vaʼekue iñakãrakuete. 10 Haʼekuéra ohecha chupe opío+ ha oipeʼa chugui imembykuimbaʼe ha imembykuñanguéra,+ ha ojuka chupe hikuái espádape. Haʼe herakuã vaieterei umi kuñanguéra apytépe, ha ohusga chupe hikuái.

11 Iñermána Oholibá ohechárõ guare koʼã mbaʼe, iñakãvaive ha hekovaive chugui, ha ojeprostitui vaive pe iñermánagui.+ 12 Oholibá iñakãrakuete umi ivesinokuéra asirio rehe,+ umi governadór ha umi ofisiál oñemonde porãva ha oikóvare kavaju ári... enterove haʼekuéra kariaʼy porã porã. 13 Haʼe oñemongyʼárõ guare ahechakuaa mokõivéva ohoha el mísmo tapérupi.+ 14 Péro Oholibá ojeprostitui ha osegi ojapo hetave mbaʼe. Haʼe ohecha kuimbaʼe raʼanga ojetalláva umi parére, umíva hína umi caldeo raʼanga ojetalla vaʼekue ha oñepinta pytãme, 15 umíva oreko ikuʼáre sínto, iñakãre turvánte* ipukúva, ha ojogua hikuái umi gerrérope. Enterove umíva orrepresenta umi babilóniope, onase vaʼekue umi caldeo yvýpe. 16 Oholibá ohechávo chupekuéra oñepyrũ iñakãrakuete hesekuéra, ha omondo mensahéro hendapekuéra Caldéape.+ 17 Upévare umi babilonio osegi ou oñeno hag̃ua hendive hupápe, ha omongyʼa chupe hikuái hekovaívo hendive. Ha haʼe oñemongyʼa rire hendivekuéra, ipochy ha oheja* chupekuéra.

18 Haʼe otĩʼỹre osegi vaʼekue ojeprostitui ha ojechauka opío,+ ha che chepochy vaʼekue ha aheja* chupe, aheja haguéicha iñermánape chepochýrõ guare.+ 19 Haʼe osegi heta hetave ojeprostitui,+ imanduʼávo mbaʼéichapa ojeprostitui vaʼekue imitãrõ guare Egipto territóriope.+ 20 Haʼe iñakãrakuete umi ohayhúvare chupe, ojogua umi tembireko* iñakãraku vaívape umi kuimbaʼe orekóvare hiʼórgano sexuál tuicháva umi vúrro ha umi kavajúicha. 21 Rehechagaʼu umi mbaʼe tieʼỹ rejapo vaʼekue Egíptope+ nekuñataĩrõ guare, upépe haʼekuéra opokopa kuri nde péchore, upérõ ningo nde nemitã gueteri.+

22 Upévare Oholibá, péicha heʼi Ñandejára Jehová ogovernáva opa mbaʼe: ‘Che amokyreʼỹta umi nderayhúvape,+ umi nde* reheja vaʼekuépe ndepochy rupi, ha aguerúta chupekuéra ne kóntrape opáguio ládo,+ 23 umi babilóniope+ ha kompletoite umi caldéope,+ umi kuimbaʼe Pecod,+ Soa ha Coaguápe, ha avei enterovete umi asíriope. Enterove haʼekuéra kariaʼy porã porã hína, governadór ha ofisiál, gerréro ha kuimbaʼe ojeporavo* vaʼekue, ha enterove haʼekuéra oiko kavaju ári. 24 Haʼekuéra ndeatakáta heta kárro de gérra reheve ha heta soldádo reheve, orekóva eskúdo tuicháva, eskudoʼi* ha kásko iñakãre. Haʼekuéra ojekolokáta nde jerére kompletoite, ha amandáta chupekuéra ndehusga hag̃ua, ha haʼekuéra ndehusgáta ogustaháicha chupekuéra.+ 25 Che ahechaukáta chepochyha nderehe, ha haʼekuéra pochy reheve ojahéita nderehe. Otrosáta ndehegui ne tĩ ha umi ne nambi, ha umi hénte hembýva ndéve ojejukáta espádape. Haʼekuéra ogueraháta ndehegui ne membykuimbaʼe ha ne membykuñanguérape, ha umi opytáva okaipáta tatápe.+ 26 Oipeʼáta ndehegui umi nde ao+ ha ogueraháta ndehegui umi nde joya* iporãitéva.+ 27 Che ndahejamoʼãvéima nderekotieʼỹ ha rejeprostitui,+ upéva nde reñepyrũ vaʼekue rejapo Egíptope.+ Neremañamoʼãvéima hesekuéra ha nanemanduʼamoʼãvéima Egíptore’.

28 Pórke péicha heʼi Ñandejára Jehová ogovernáva opa mbaʼe: ‘Che rontrega potaite hína umi nde nderechaʼéivare pópe, umi nde reheja* vaʼekuépe ndepochy rupi.+ 29 Haʼekuéra ojahéita nderehe, ha oipeʼapaitéta ndehegui umi mbaʼe reñehaʼã vaʼekue rehupyty,+ ha nderejáta hikuái opío vera. Enterove ohecháta mbaʼéichapa nderekovai ha umi mbaʼe tieʼỹ rejapóva, ha enterove oikuaáta nde haʼeha prostitúta.+ 30 Koʼã mbaʼe ojejapóta nderehe, pórke reho umi nasionkuéra rapykuéri peteĩ prostitútaicha,+ ha reñemongyʼa umi idioskuéra puerkésa raʼangáre.+ 31 Nde rejapo ojapo hagueichaite ne ermána,+ ha amoĩta nde pópe pe ikópa’.+

32 Péicha heʼi Ñandejára Jehová ogovernáva opa mbaʼe:

‘Nde reʼúta pe oĩva ne ermána kópape,+ ipypuku ha ipyrusúvape.

Nderehe ojepuka ha oñeñembohorýta, ha umi mbaʼe henyhẽte hína pe kópape.+

“Pórke che haʼéma upéva”, heʼi Ñandejára Jehová ogovernáva opa mbaʼe’.

35 Upévare, péicha heʼi Ñandejára Jehová ogovernáva opa mbaʼe: ‘Nderesarái haguére chehegui ha nerepenaveiete rupi cherehe,*+ repagáta umi mbaʼe tieʼỹ rejapo vaʼekuére ha rejeprostitui haguére’”.

36 Upémarõ Jehová heʼi chéve: “Yvypóra raʼy, ¿rehusgáta piko Oholá ha Oholibápe+ ha rembojovakéta piko chupekuéra umi mbaʼe oporombojeguarúva ojapóvare? 37 Haʼekuéra oporomoakãratĩ*+ ha oporojuka.* Haʼekuéra hekovai umi idiós puerkésandi, ha ndahaʼéi upévante, síno ohapy avei tatápe* umi idioskuérape g̃uarã umi imembykuéra oreko vaʼekue chehegui.+ 38 Haʼekuéra ojapo avei cherehe koʼã mbaʼe: omongyʼa hikuái che lugár sagrádo upe díape ha omongyʼa umi che sábado. 39 Ojuka rire imembykuéra sakrifísioramo umi idiós puerkésape,+ oike hikuái che lugár sagrádope omongyʼa hag̃ua+ upe díape voi. Upéva ningo ojapo hikuái che róga ryepýpe voi. 40 Omondo avei hikuái mensahéro ikatu hag̃uáicha ou umi kuimbaʼe mombyrýgui.+ Ha umi kuimbaʼe oúrõ guare tapére, nde rejahu, repinta nde resa ha remoĩmba ndejehe adórno.+ 41 Upéi reguapy peteĩ tupa iporãitereívape+ ha henondépe oĩ peteĩ mesa,+ ha upéva ári remoĩ che insiénso+ ha che aséite.+ 42 Upépe oñehendu oĩha atyraite kuimbaʼe ofarreáva, ha ijapytepekuéra oĩ umi okaʼúva ojegueru vaʼekue pe desiértogui. Haʼekuéra omoĩ pulséra umi mokõi kuña oñoermánava pyapýre, ha omoĩ avei iñakãrekuéra umi koróna iporãitereíva.

43 Upéi che haʼe pe kuña ikaneʼõvare hetaiterei oporomoakãratĩ haguére: ‘Péro upéicharõ jepe haʼe osegíta ojeprostitui’. 44 Upévare umi hénte osegi ou hendápe, ojejuháicha peteĩ prostitúta rendápe. Péicha ou hikuái Oholá ha Oholibá rendápe, umi kuña hekotieʼỹva rendápe. 45 Péro umi kuimbaʼe ihústova ohusgáta chupe* hendaitépe, oporomoakãratĩ+ ha oporojuka haguére,*+ pórke haʼe oporomoakãratĩ ha oporojuka.*+

46 Pórke péicha heʼi Ñandejára Jehová ogovernáva opa mbaʼe: ‘Peteĩ ehérsito ohóta ikontrapekuéra ha osakeáta chupekuéra ha umi nasión oĩva ijerére opytáta okyhyje chugui.+ 47 Pe ehérsito ojapíta chupekuéra itápe+ ha ojukáta chupekuéra ijespadakuérape. Ojukáta chuguikuéra imembykuimbaʼe ha imembykuñanguéra+ ha ohapypáta hogakuéra.+ 48 Ha aipeʼáta umi hekotieʼỹvape ko yvy ape árigui, enterove umi kuña oaprendéta mbaʼépa ndojejapói vaʼerã, ha ndojapomoʼãi umi mbaʼe tieʼỹ ojapo vaʼekue hikuái.+ 49 Umi babilonio pendekastigáta penderekotieʼỹ haguére, ha umi pekádo pejapo vaʼekuére umi pende dios puerkésandi, ha peẽ peikuaáta che haʼeha Ñandejára Jehová ogovernáva opa mbaʼe’”.+

24 Upéi pe día 10, pe mes décimope, pe noveno áñope,* Jehová oñeʼẽ jey chéve ha heʼi: 2 “Yvypóra raʼy, koestediaite voi eanota ko fécha.* Pe rréi de Babilonia oñepyrũma oataka koestediaite voi Jerusalén.+ 3 Ha emombeʼu peteĩ ehémplo* oñeʼẽva umi opuʼãvare cherehe, ha ere hesekuéra:

‘Péicha heʼi Ñandejára Jehová ogovernáva opa mbaʼe:

“Emoĩ peteĩ ólla* tatápe ha emoĩ pype y.+

 4 Epoi pype unos kuánto soʼo pedáso,+ umi soʼo pedáso iporã porãva.

Epoi ikuartokue ha ipaletakue, ha emyenyhẽte pype umi soʼo kangue iporãnguetéva.

 5 Ejagarra pe ovecha iporãvéva pe ovecha atýgui,+ ha emoĩve jepeʼa pe ólla guýpe.

Embopupu umi soʼo pedáso ha embojy umi soʼo kangue pe óllape”’.

6 Upévare péicha heʼi Ñandejára Jehová ogovernáva opa mbaʼe:

‘¡Aichejáranga pe siuda ojeporojuka haguépe,*+ upéva hína peteĩ ólla iñerrumbrepáva, chugui ningo ndojepeʼáiva la iñerrúmbre!

Eguenohẽ umi soʼo pedáso, tróso por tróso,+ ha ani reiporavo* mavaitévapa reguenohẽta.

 7 Pórke pe tuguy oñohẽ vaʼekue ko siuda oĩ gueteri pype,+ haʼe oñohẽ upéva pe ita perõ ári.

Haʼe noñohẽi yvýpe ojaty hag̃ua yvykuʼípe.+

 8 Upéicha rupi oĩ ipochyetereíva ha oñevengaséva.

9 Upévare péicha heʼi Ñandejára Jehová ogovernáva opa mbaʼe:

‘¡Aichejáranga pe siuda ojeporojuka haguépe!*+

Atyraite amoĩta iguýpe la jepeʼa.

Umi mbaʼe kyʼa orekóva hykúta hyepýpe+ ha pe iñerrúmbre okaipáta tatápe.

¡Emombo tatápe pe ólla iñerrumbrepáva!’.

13 ‘Nde ningo ndekyʼa nderekotieʼỹ rupi.+ Che añehaʼã romopotĩ, péro nde nanepotĩri voi umi mbaʼe kyʼa reguerekóvagui. Nde nanepotĩmoʼãi ág̃a chepochyjera peve nendive ha añetrankilisa peve.+ 14 Chete Jehová haʼéma upéva, ha oñekumplíta katuete. Che ndatardamoʼãi ajapo hag̃ua upéva, nambyasymoʼãi ni ndoguapymoʼãi cherehe.+ Ha haʼekuéra ndehusgáta asegún umi nde rape ha umi mbaʼe rejapo vaʼekue’, heʼi Ñandejára Jehová ogovernáva opa mbaʼe”.

15 Ha Jehová oñeʼẽ jey chéve ha heʼi: 16 “Yvypóra raʼy, degolpete aipeʼáta ndehegui ne hénte rehayhúva.+ Aníke reñembyasy,* ha aníkena rejaheʼo ni reñohẽ nde resay. 17 Nepyahẽ vaʼerã kirirĩháme, ha ani rejapo ni peteĩ umi mbaʼe ojejapóva jepi oĩ jave omanóva.+ Ejokua ne turvánte* ne akãre+ ha emonde ne sandália.+ Ani remoʼã nde vigóte,*+ ha ani reʼu pe pan ojeguerúva ndéve”.*+

18 Ha añeʼẽ umi héntepe pyhareve, ha che rembireko omano kaʼaruete. Upévare, al ótro día pyhareve ajapo oñemanda hagueichaite chéve. 19 Umi hénte heʼi hína kuri chéve: “¿Neremombeʼumoʼãi piko oréve mbaʼéichapa oikóta orerehe umi mbaʼe eréva?”. 20 Ha che akontesta chupekuéra: “Jehová oñeʼẽ chéve ha heʼi: 21 ‘Ere vaʼerã Israel rogayguápe: “Péicha heʼi Ñandejára Jehová ogovernáva opa mbaʼe: ‘Che ag̃aiténtema amongyʼáta pe che lugár sagrádo,+ peẽ ningo pendeorgullóso upe lugár rehe, pemombaʼe ha penerakateʼỹ hese pende pyʼaite guive.* Pende raʼykuéra ha pende rajykuéra peẽ voi peheja vaʼekue pe siudápe, ojejukáta espádape.+ 22 Upéi peẽ pejapóta Ezequiel ojapo haguéicha. Peẽ ndapeikomoʼãi pemoʼã pende vigóte, ha ndapeʼumoʼãi pan oguerútava peẽme umi ótro.+ 23 Peẽ perekóta pene akãre pene turvánte* ha umi pene sandália pende pýre. Ndapejaheʼomoʼãi ni napenerasẽmoʼãi. Síno pendetujúta umi mbaʼe vai pejapo vaʼekuére,+ ha penepyahẽta oñondivepa. 24 Ezequiel haʼe hína peteĩ señál peẽme g̃uarã.+ Haʼe ojapo hagueichaite, peẽ pejapo vaʼerã. Ág̃a péva oiko vove, peẽ peikuaáta che haʼeha Ñandejára Jehová ogovernáva opa mbaʼe’”’”.

25 “Ha nde katu yvypóra raʼy, pe aipeʼaha díape chuguikuéra pe ilugár isegúro porãva, upéva hína upe mbaʼe porã ombovyʼáva chupekuéra, pe mbaʼe haʼekuéra ohayhuetéva, ha pe ikorasõnguéra* omombaʼéva, ha avei aipeʼaha díape chuguikuéra entéro umi itaʼýra ha itajyrakuéra,+ 26 upéva omombeʼúta ndéve peteĩ ojesalva vaʼekue.+ 27 Upe díape nde reavríta nde juru ha reñeʼẽta upe ojesalva vaʼekuéndi, ha naneñeʼẽngumoʼãvéima.+ Ndehegui oikóta peteĩ señál chupekuéra g̃uarã, ha oikuaáta hikuái che haʼeha Jehová”.

25 Upéi Jehová oñeʼẽ jey chéve, ha heʼi: 2 “Yvypóra raʼy, ejere emaña umi ammonítare,+ ha eprofetisa ikontrapekuéra.+ 3 Ere vaʼerã umi ammonítare: ‘Ehendu mbaʼépa heʼi Ñandejára Jehová ogovernáva opa mbaʼe. Péicha heʼi Ñandejára Jehová ogovernáva opa mbaʼe: “Oñemongyʼárõ guare che lugár sagrádo, peẽ peje vaʼekue ikóntrape: ‘¡Péva omerese voi!’, ha peje avei upéicha Israel território kóntrape opytárõ guare nandi vera, ha avei Judá rogaygua kóntrape ohórõ guare prisionéroramo ótro tetãme, 4 upévare pomeʼẽta umi hénte Esteguápe pendeguereko hag̃ua ipoguýpe. Haʼekuéra omopuʼãta ikampaménto* pende território ryepýpe ha okolokáta hóga kárpa pende apytépe. Haʼekuéra hoʼúta umi mbaʼe oprodusíva pende yvy ha hoʼúta pene rymbakuéra kambykue. 5 Ajapóta Rabágui+ peteĩ pastoty umi kaméllope g̃uarã, ha umi ammonita yvýgui ajapóta peteĩ lugár oiko hag̃ua umi ovechakuéra, ha peẽ peikuaáta che haʼeha Jehová”’”.

6 “Pórke péicha heʼi Ñandejára Jehová ogovernáva opa mbaʼe: ‘Pejepopete+ ha pesapatea rupi ha pevyʼa* rupi pedespresiávo Israel yvy,+ 7 upévare aipysóta che jyva pene kóntrape ha ahejáta umi tetãnguéra pendesakea. Pohundíta umi puevlokuéra apytégui ha pohundíta umi tetãnguéra apytégui.+ Pohundíta, ha peikuaáta che haʼeha Jehová’.

8 Péicha heʼi Ñandejára Jehová ogovernáva opa mbaʼe: ‘Pórke Moab+ ha Seír+ heʼi kuri: “¡Pemañamína! Judá rogaygua ningo umi ótro tetãnguéraichante avei”, 9 ahejáta iñenemigokuéra oataka umi siuda oĩvape Moab frontérape,* umíva apytépe umi siuda iporãvéva,* umíva hína Bet-Jesimot, Baal-Meón ha Quiryataim+ jepe. 10 Antregáta umi moabita ha umi ammonítape umi hénte Esteguápe,+ ha avave naimanduʼamoʼãvéima umi ammonítare umi tetãnguéra apytépe.+ 11 Ha ahusgáta Moábpe,+ ha haʼekuéra oikuaáta che haʼeha Jehová’.

12 Péicha heʼi Ñandejára Jehová ogovernáva opa mbaʼe: ‘Umi edomita oñevenga Judá rogayguáre ha tuichaiterei ofalla okastigávo chupekuéra,+ 13 upévare péicha heʼi Ñandejára Jehová ogovernáva opa mbaʼe: “Che aipysóta che jyva Edom kóntrape ha ahundíta chugui tahaʼe kuimbaʼe térã animál, ha ahejáta nandi vera.+ Ojejukáta chupekuéra espádape Temán guive Dedán peve.+ 14 ‘Che puévlo Israel rupive añevengáta Edom rehe.+ Haʼekuéra oguerúta che pochykue rreniégo reheve Edom ári, péicha haʼekuéra oikuaáta chete añevengaha hesekuéra’,+ heʼi Ñandejára Jehová ogovernáva opa mbaʼe”’.

15 Péicha heʼi Ñandejára Jehová ogovernáva opa mbaʼe: ‘Haʼekuéra Israel enemígo ymaite guive, umi filisteo ningo iñañágui* heta oñehaʼã oñevenga ha ohundi hag̃ua chupekuéra.+ 16 Upévare péicha heʼi Ñandejára Jehová ogovernáva opa mbaʼe: “Ápe aipysóta che jyva umi filisteo kóntrape,+ ha ahundíta umi keretítape+ ha ahundíta umi hénte hembývape pe mar kóstape.+ 17 Ajapóta umi mbaʼe tuicháva añevenga hag̃ua hesekuéra ha pochy reheve akastigáta chupekuéra, ha oikuaáta hikuái che haʼeha Jehová ág̃a agueru vove che vengánsa hiʼarikuéra”’”.

26 Pe áño 11-pe,* pe primer día del mes, Jehová oñeʼẽ chéve ha heʼi: 2 “Yvypóra raʼy, Tiro heʼi rupi péicha Jerusalén kóntrape:+ ‘¡Péva omerese voi! ¡Hoʼáma katu pe lugár ou joa hague umi nasionkuéra!+ Koʼág̃a oupaitéta hikuái che rendápe ha cherríkota pórke haʼe oñehundíma’. 3 Upévare, péicha heʼi Ñandejára Jehová ogovernáva opa mbaʼe: ‘Tiro, ápe aime hína ne kóntrape, ha amboúta hetaiterei nasión ne kóntrape, ouháicha pe márgui umi oláda. 4 Tiro, haʼekuéra oitýta ne murallakuéra ha omonguʼíta umi nde tórre,+ ha che aikarãita nde yvy ha ajapóta ndehegui peteĩ ita iperõ veráva. 5 Ndehegui oikóta pe mar mbytépe peteĩ lugár oñemokã hag̃ua umi rred ojepurúva peskádape’.+

‘Pórke che haʼéma oikotaha’, heʼi Ñandejára Jehová ogovernáva opa mbaʼe, ‘ha umi tetãnguéra osakeáta chupekuéra. 6 Ha ojejukáta espádape umi hénte oikóva umi puevloʼi* oĩvape kampáñare, ha oikuaáta hikuái che haʼeha Jehová’.

7 Pórke péicha heʼi Ñandejára Jehová ogovernáva opa mbaʼe: ‘Aguerúta Tiro kóntrape nórteguio ládo+ pe rréi Nabucodonosor* de Babilóniape, haʼe ningo pe rréi omandavéva entéro umi ótro rréigui.+ Haʼe oreko heta kavaju,+ kárro de gérra,+ soldádo kavaju arigua ha peteĩ ehérsito oĩháme hetaiterei soldádo.* 8 Haʼe ohundíta espádape umi hénte oikóvape umi puevloʼi oĩvape kampáñare, ha omopuʼãta peteĩ murálla nemongora hag̃ua, avei omopuʼãta peteĩ rrámpa ndejagarra hag̃ua ha umi eskúdo oipurúta murállaicha ne kóntrape. 9 Haʼe ogolpeáta umi ne murálla pe árma oipurúvape ohundi hag̃ua umi murálla,* ha umi ihachakuérape* oitypaitéta umi nde tórre. 10 Ha oguerúta hetaiterei kavaju ha umíva ndeahoʼíta yvytimbópe, ha umi kavaju arigua ha umi kárro de gérra ryapu, omboryrýita umi ne murallakuéra. Ha ág̃a haʼe oike vove umi ne rokẽnguérarupi, haʼetéta voi umi kuimbaʼe oikéva ohóvo peteĩ siuda hoʼapa vaʼekuépe imurálla. 11 Umi kavaju pysãpẽ omonguʼipáta umi nde kallekuéra.+ Haʼe ojukáta espádape umi nde puevlopeguápe, ha umi kolúmna tuichaicha reguerekóva ojejapetepáta yvýre. 12 Oipeʼapáta ndehegui umi mbaʼe reguerekóva, omondapáta ne merkaderiakuéra,+ oitypáta umi ne murallakuéra ha umi óga porã porã reguerekóva. Upéi omombóta hikuái pe márpe umi ita, yvyra ha yvy reguerekóva’.

13 ‘Ndahejamoʼãvéima oñehendu umi nde puraheikuéra, ha noñehendumoʼãvéima avei umi nde árpa pu.+ 14 Ajapóta ndehegui peteĩ ita iperõ veráva, peteĩ lugár oñemokã hag̃ua umi rred ojepurúva peskádape.+ Arakaʼeve nereñemopuʼãmoʼãvéima, pórke che Jehová haʼéma upéva’, heʼi Ñandejára Jehová ogovernáva opa mbaʼe.

15 Péicha heʼi Tírope Ñandejára Jehová ogovernáva opa mbaʼe: ‘Umi islakuéra oryrýita ohendúvo reʼaha, mbaʼéichapa ipyahẽmba umi omano mbotáva* ha ohendúvo hetaitereípe ojejukaha nde territóriope.+ 16 Entéro umi prínsipe* pe marpegua oguejýta itrónogui ha oipeʼáta umi ijao puku* ha oipeʼáta avei umi ijao ojevordapáva, ha oryryipáta okyhyjégui.* Oguapýta hikuái yvýpe ha oryrýi osusũta ha ijurujáita omañávo nderehe.+ 17 Ha opurahéita hikuái ndéve peteĩ músika jaheʼo,+ ha heʼíta:

19 Pórke péicha heʼi Ñandejára Jehová ogovernáva opa mbaʼe: ‘Ág̃a rohundi vove repytáta umi siuda opyta vaʼekuéicha nandi, ág̃a che rodesahusia vove umi y pochýpe ha ndejagarrapa vove umi y ipoderosoitéva,+ 20 che romondóta umi ótroicha avei pe sepultúrape,* upe oĩháme umi omano vaʼekue ymaitereíma. Romondóta reiko hag̃ua pe lugár ivahovehápe, umi lugár yma guare oñehundi vaʼekuéicha, repytáta umi ohóva sepultúrape ykére,+ ani hag̃ua avave oiko jey nde territóriope. Upéi che amoporãta* pe yvy oĩháme umi oikovéva gueteri.

21 Derrepentete aguerúta sarambi nde ári, ha redesapareséta.+ Nderekáta hikuái, péro arakaʼeve nandetopamoʼãvéima’, péicha heʼi Ñandejára Jehová ogovernáva opa mbaʼe”.

27 Jehová oñeʼẽ jey chéve ha heʼi: 2 “Nde katu yvypóra raʼy, epurahéi peteĩ músika jaheʼo oñeʼẽva Tiro rehe,+ 3 ha ere Tírope:

Péicha heʼi Ñandejára Jehová ogovernáva opa mbaʼe:

“Tiro, nde ere vaʼekue: ‘Che ningo cheporãiterei ha ndaipóri chembojojáva’.+

 5 Ojejapoháicha peteĩ várko, nderehe ojepuru vaʼekue umi távla de enévro Senírpe guare.+

Ha oipuru hikuái peteĩ sédro Líbanope guare ojapo hag̃ua pe póste puku* oĩva ne mbytépe.

 7 Umi téla de líno iparáva Egíptope guare ojepuru ojejapo hag̃ua pe téla guasu ojepurúva velarã pe várko póste pukúre.

Ha umi téla ojepurúva nderehe techorã ojejapo ílo hovy ha lána lílagui, ojegueru vaʼekue umi ísla de Eliságui.+

 8 Umi orremáva katu haʼe vaʼekue umi hénte Sidón ha Arvadpegua.+

Tiro, umi omaneháva nde varkokuéra haʼe vaʼekue umi kuimbaʼe ikatupyryvéva.+

 9 Umi kuimbaʼe ikatupyrýva* ha ivakeánova Guebalpegua+ omboty umi madéra ojoapyhápe ani hag̃ua oike y pe várkope.+

Kompletoite umi várko marpegua ha umi marinerokuéra ou ne rendápe okambia hag̃ua nendive imerkaderiakuéra.

10 Nde ehérsitope oĩ vaʼekue umi kuimbaʼe Persia, Lud ha Putgua,+ umíva haʼe vaʼekue nde gerrerokuéra.

Haʼekuéra omosaingo nderehe umi ijeskúdo ha ikaskokuéra ha nemoporã hikuái.

11 Umi kuimbaʼe Arvadgua oĩva nde ehérsitope ojekoloka vaʼekue umi ne murálla ári kompletoite.

Umi kuimbaʼe ipyʼaguasúva oñenkarga vaʼekue umi nde torrekuérare.

12 Tarsis+ onegosia vaʼekue nendive reguereko haguére heta rrikésa.+ Haʼekuéra okambia ha omeʼẽ ndéve pláta, iérro, estáño ha plómo umi mbaʼerepy reguerekóvare.+ 13 Javán, Tubal+ ha Mesec+ onegosia vaʼekue nendive, omeʼẽ ndéve hikuái ne merkadería rehe esklávo+ ha umi kósa de kóvre. 14 Togarmá+ familiare okambia ha omeʼẽ ndéve heta kavaju ha mburika umi mbaʼerepy reguerekóvare. 15 Umi hénte Dedanpegua+ onegosia vaʼekue nendive, ha rekontrata vaʼekue umi ombaʼapo vaʼerã ndéve heta íslape. Haʼekuéra omeʼẽ ndéve impuéstoramo marfíl,+ ha umi yvyra ijapyte hũva ha hepýva.* 16 Edom onegosia vaʼekue nendive reprodusi haguére heta mbaʼe. Umi mbaʼerepy reguerekóvare okambia ha omeʼẽ ndéve turkésa, lána líla, téla ojevordáva diferénte kolórpe, téla iporãva, umi ita iporãitéva marpegua* ha ita pytã iporãitereíva.*

17 Judá ha Israel territoriopegua onegosia nendive, ha umi mbaʼerepy reguerekóvare+ okambia ha omeʼẽ ndéve trígo Minítpe guare,+ hiʼupy iporã porãva, eirete,+ aséite ha aséite perfumádo.*+

18 Damasco+ onegosia vaʼekue nendive reprodusi haguére heta mbaʼe ha reguereko haguére heta rrikésa. Ha umívare omeʼẽ ndéve hikuái víno Helbónpe guare ha lána Zahárpe guare.* 19 Vedán ha Javán oĩva Uzal ypýpe okambia ha omeʼẽ ndéve umi mbaʼerepy reguerekóvare iérro ikatúva oñemoldea, kásia, ha takuarílla hyakuã asýva. 20 Dedán+ okambia ha omeʼẽ vaʼekue ndéve ne merkaderiakuérare umi mantaʼi* oñemoĩva animál ári ojeguapy hag̃ua. 21 Nde rekontrata vaʼekue umi árabepe ha enterove umi omoakãvape Quedar,+ haʼekuéra ningo onegosia vaʼekue ovecha raʼyrusu, ovecha mácho ha kavara rehe.+ 22 Umi komersiánte Seba ha Raamapegua+ onegosia vaʼekue nendive, haʼekuéra okambia ha omeʼẽ vaʼekue ndéve opaichagua perfúme iporãva, ita vera iporãitereíva ha óro umi mbaʼerepy reguerekóvare.+ 23 Harán,+ Cané, Edén,+ umi komersiánte Sebagua,+ Asur+ ha Kilmad onegosia vaʼekue nendive. 24 Haʼekuéra ogueru vaʼekue onegosia hag̃ua ne merkádope* umi ao iporã porãva, mánto ojejapóva téla hovýgui ha ojevordáva diferénte kolórpe ha avei alfómbra de diferénte kolór. Kompletoite koʼã mbaʼe haʼekuéra oñapytĩ porã ha ogueru.

25 Umi várko de Tarsis+ ogueru ha ogueraha ojoapykueripa ne merkaderiakuéra.

Upévare pe mar mbytépe ereko vaʼekue hetaiterei mbaʼerepy* ha nerenyhẽte vaʼekue.

26 Umi kuimbaʼe orremáva ndegueraha pe mar ipochyveha gotyo.

Pe yvytu oúva ésteguio ojapo nderehe sarambi ha nerundi pe mar mbytépe.

28 Osapukái vove umi omaneháva nde varkokuéra, oryryipáta pe yvy oĩva mar oríllare.

31 Oñemoakã perõta* ha omondéta umi ao ohechaukáva oñembyasyha.

Haʼekuéra hasẽ soróta* ha ojaheʼo asýta nderehe.

32 Oñembyasyetereígui opurahéita hikuái peteĩ músika jaheʼo, ha oñembyasýta nderehe heʼívo:

‘¿Máva piko ojogua Tírope, koʼág̃a okirirĩva hína pe mar mbytépe?+

33 Og̃uahẽ jave ndéve umi mbaʼerepy pe mar mbytégui, nde rembovyʼa vaʼekue heta héntepe.+

Umi rrikesaita reguerekóva ha ne merkaderiakuéra omborríko vaʼekue umi rréi ko yvy ariguápe.+

34 Koʼág̃a reñehundi pe mar mbytépe ha reho pe y ruguápe.+

Ha kompletoite umi ne merkadería ha nde puévlo oho pe y ruguápe nendive.+

36 Umi komersiánte oĩva umi tetãnguéra apytépe oñakãmbovaváta* ohechávo umi mbaʼe oikóva nderehe.

Nde ningo derrepentete reñehundíta ha ivaietereíta voi upéva.

Ha redesapareséta pára siémpre’”’”.+

28 Jehová oñeʼẽ jey chéve ha heʼi: 2 “Yvypóra raʼy, ere pe omoakãvape Tiro: ‘Péicha heʼi Ñandejára Jehová ogovernáva opa mbaʼe:

“Ne korasõ oñemombaʼeguasu rupi,+ nde resegi ere: ‘Che hína peteĩ dios.

Che aguapy hína peteĩ dios trónope pe mar mbytépe’.+

 3 ¿Nde piko nearanduve mbaʼe Daniélgui?+

¿Nde piko reimoʼã ndaiporiha mbaʼeve okañýva ndehegui?

6 ‘Upévare péicha heʼi Ñandejára Jehová ogovernáva opa mbaʼe:

 8 Haʼekuéra nemondóta pe sepultúrape,*

ha remano vaíta pe mar mbytépe.+

 9 ¿Resegíta piko ere upe ndejukávape hína: ‘Che hína peteĩ dios’?

Nde ndahaʼemoʼãi peteĩ dios umi nemongyʼáva pópe, síno peteĩ kuimbaʼe reítante”’.

10 ‘Umi extranhéro pópe remanóta, remanóta umi noñesirkunsidáivaicha,*

pórke che haʼéma upéva’, heʼi Ñandejára Jehová ogovernáva opa mbaʼe”.

11 Ha Jehová oñeʼẽ jey chéve ha heʼi: 12 “Yvypóra raʼy, epurahéi peteĩ músika jaheʼo oñeʼẽva rréi de Tiro rehe, ha ere chupe: ‘Péicha heʼi Ñandejára Jehová ogovernáva opa mbaʼe:

“Nde ningo ndereguerekói vaʼekue ni peteĩ defékto, ha ehémplo vaʼekue upévape,*

nerenyhẽ arandúgui+ ha neporãiterei rasapa.+

13 Nde reime vaʼekue Edénpe, pe Ñandejára hardínpe.

Nde reñadorna vaʼekue opaichagua ita vera iporãvape:

rruvi, topásio ha háspe, krisólito, ónise, háde, safíro, turkésa+ ha esmerálda.

Umi vaseʼi ha umi ita oñemoĩha ojejapo vaʼekue órogui.

Umíva ningo che aprepara vaʼekue, upe rojapoha díape.

14 Che roiporavo vaʼekue oiko hag̃ua ndehegui peteĩ keruvín* oporoprotehéva.

Nde ningo reime vaʼekue Ñandejára montáña sagrádape,+ ha reguata vaʼekue reikóvo umi ita hendýva apytépe.

Upévare, nde keruvín oporoprotehéva, che roguerekóta peteĩ mbaʼe kyʼáramo ha romosẽta Ñandejára montáñagui, ha rohundíta+

mombyry umi ita hendýva apytégui.

17 Ne korasõ oñemombaʼeguasu neporã haguére.+

Ne porãngue omimbipáva ohundi ne arandu.+

Roitýta yvýpe.+

Umi rreikuéra oñembohorýta nderehe.

18 Tuichaiterei refalla haguére ha naneonrrádoi haguére renegosia jave, remongyʼa umi nde lugár sagrádo.

Ambojepotáta tata nde território mbytépe ha rekaipaitéta.+

Ajapóta ndehegui tanimbu pe yvy ape ári, enterove umi omañáva nderehe renondépe.

19 Enterove umi ndekuaáva umi puevlokuéra apytépe, ijurujáita omañávo nderehe.+

20 Ha Jehová oñeʼẽ jey chéve ha heʼi: 21 “Yvypóra raʼy, ejere emaña Sidón+ gotyo, ha eprofetisa ikóntrape. 22 Ere vaʼerã: ‘Péicha heʼi Ñandejára Jehová ogovernáva opa mbaʼe:

23 Amondóta ndéve mbaʼasy ha hetápe ojejukáta* umi nde kallekuérare.

24 Upéicharõ Israel rogayguápe nomongoramoʼãvéima umi jukeri ivaíva ha umi ñuatĩ oporokutu rasýva,+ umi oñembohorýva hesekuéra, ha umi hénte oikuaáta che haʼeha Ñandejára Jehová ogovernáva opa mbaʼe”’.

25 ‘Péicha heʼi Ñandejára Jehová ogovernáva opa mbaʼe: “Ág̃a ambyaty jey vove Israel rogayguápe umi puevlokuéra apytégui, umi oñemosarambi haguégui chupekuéra,+ che añesantifikáta ijapytepekuéra umi tetãnguéra renondépe.+ Ha haʼekuéra oikóta pe yvy+ ameʼẽ vaʼekuépe che siérvo Jacóbpe.+ 26 Haʼekuéra oikóta upépe pyʼaguapýpe ha ndokyhyjemoʼãi,+ ojogapóta, oñotỹta parrál+ ha oikóta kyhyjeʼỹme ág̃a che ahusga vove enterove oĩvape ijerére ha oñembohorýva hesekuéra,+ ha oikuaáta hikuái che haʼeha Ijára Jehová”’”.

29 Pe áño 10-pe,* pe día 12 pe décimo méspe, Jehová oñeʼẽ chéve, ha heʼi: 2 “Yvypóra raʼy, emaña oĩha gotyo pe faraón rréi de Egipto, ha eprofetisa ikóntrape ha Egipto kompletoite kóntrape.+ 3 Ere vaʼerã koʼã mbaʼe: ‘Péicha heʼi Ñandejára Jehová ogovernáva opa mbaʼe:

 4 Péro amoĩta gáncho ne rañykãre ha umi pira oĩva nde Rrío Nílope ojapaitéta nde pirére.

Roguenohẽta pe nde Rrío Nílogui kompletoite umi pira oĩvandi upépe, umi ojapáva hína nde pirére.

 5 Roheja reíta pe desiértope, rohejáta ndéve ha kompletoite umi pira oĩvape Rrío Nílope.

Reʼáta pe yvýpe, ha nde retekue isarambíta ha avave nombyatymoʼãi neñotỹ hag̃ua.+

Ne reʼongue ameʼẽta umi animál salváhe ha umi guyrápe hembiʼurã.+

8 Upévare, péicha heʼi Ñandejára Jehová ogovernáva opa mbaʼe: “Aguerúta peteĩ espáda ne kóntrape,+ ha ahundíta tahaʼe kuimbaʼe térã animál. 9 Egipto território opytáta nandi vera ha oñehundietéta,+ ha oikuaáta hikuái che haʼeha Jehová, pórke nde ere kuri:* ‘Pe Rrío Nilo chembaʼe hína, che ajapo vaʼekue chembaʼerã’.+ 10 Che aime ne kóntrape ha pe nde Rrío Nilo kóntrape, ha Egipto território opytáta oñehundiete ha iséko veráta, ha oikóta chugui peteĩ desiérto,+ Migdol+ guive Siene peve,+ oĩva Etiopía frontérape. 11 Ni kuimbaʼe ni animál ndohasamoʼãi upérupi,+ ha avave ndoikomoʼãi upépe 40 áñore. 12 Ahejáta nandi vera Egipto território, ndaiporimoʼãi ótro yvy péicha opytáva nandi, ha isiudakuéra opytáta nandi vera ha ndaiporimoʼãi ótra siuda péicha opytáva nandi 40 áñore.+ Ha amosarambíta umi egípciope umi nasionkuérare ha amosarambíta chupekuéra diferénte lugárpe”.+

13 Pórke péicha heʼi Ñandejára Jehová ogovernáva opa mbaʼe: “Ohasa rire umi 40 áño ambyaty jeýta umi egípciope umi puévlo oñemosarambi haguégui chupekuéra.+ 14 Agueru jeýta umi egipcio ojegueraha vaʼekuépe prisionéroramo Patrós + yvýpe, agueru jeýta chupekuéra ivállepe, ha upépe oikóta chuguikuéra peteĩ goviérno ndovaléiva mbaʼeverã. 15 Egíptogui oikóta pe goviérno iñarruinadovéva umi ótro goviérnogui ha nomandamoʼãvéima umi ótra nasión rehe,+ amomichĩetereíta chupe, upévare ndaikatumoʼãi oreko ipoguýpe umi ótra nasiónpe.+ 16 Israel rogaygua arakaʼeve nokonfiamoʼãvéima hese,+ síno omomanduʼáta chupekuéra ofalla hague ojerurévo umi egípciope oipytyvõ hag̃ua chupekuéra. Ha oikuaáta hikuái che haʼeha Ñandejára Jehová ogovernáva opa mbaʼe”’”.

17 Upéi pe primer día, pe primer méspe, pe áño 27-pe* Jehová oñeʼẽ chéve, ha heʼi: 18 “Yvypóra raʼy, pe rréi Nabucodonosor*+ de Babilonia ningo heta omombaʼapo jejopy ijehérsitope oataka hag̃ua Tírope.+ Upévare umi isoldadokuéra iñakã perõmba ha ijatiʼy jepiropa. Haʼe ha ijehérsito hetaiterei oñehaʼã, péro noganái mbaʼeve umi mbaʼe ojapo vaʼekuére Tiro kóntrape.

19 Upévare péicha heʼi Ñandejára Jehová ogovernáva opa mbaʼe: ‘Ameʼẽta Egipto território rréi Nabucodonosor* de Babilóniape,+ ha haʼe ogueraháta umi rrikésa orekóva ha omondáta chugui hetaiterei mbaʼe, ha péva ojepurúta ojepaga hag̃ua ijehérsitope’.

20 ‘Ameʼẽta chupe Egipto território apaga hag̃ua chupe, pórke oñorairõ chéve g̃uarã Tiro kóntrape’,+ heʼi Ñandejára Jehová ogovernáva opa mbaʼe.

21 Upe tiémpope amopuʼãta peteĩ ipoderósova* Israel rogaygua apytépe,*+ ha ameʼẽta ndéve peteĩ oportunida reñeʼẽ hag̃ua ijapytepekuéra, ha oikuaáta hikuái che haʼeha Jehová”.

30 Jehová oñeʼẽ jey chéve ha heʼi: 2 “Yvypóra raʼy, eprofetisa ha ere: ‘Péicha heʼi Ñandejára Jehová ogovernáva opa mbaʼe:

“Pejaheʼo ha peje: ‘¡Aichejáranga, pórke pe día ou hína!’.

 3 Pe día hiʼag̃uimbaite hína, si, Jehová ára hiʼag̃ui hína.+

Upe díape ojehecháta umi arai hũ,+ péva hína pe tiémpo ojehusga hag̃ua umi tetãnguérape.+

 6 Péicha heʼi Jehová:

‘Umi oapojáva hína Egíptope hoʼáta avei.

Ha Egipto ipoderosoite ha oñemombaʼeguasúva hoʼáta avei’.+

‘Migdol+ guive Siene+ peve ojejukáta chupekuéra espádape’, heʼi Ñandejára Jehová ogovernáva opa mbaʼe. 7 ‘Ijyvykuéra opytáta inandive entéro umi ótro yvy nandívagui, ha umi isiudakuéra opytáta oñehundiete ha ndaiporimoʼãi ótra siuda peichaite peve oñehundíva.+ 8 Ha oikuaáta hikuái che haʼeha Jehová, ág̃a che ambojepota vove tata Egíptope ha oñehundi vove kompletoite umi omoirũva chupe. 9 Upe díape amondóta várkope umi mensahéro omboryrýi hag̃ua Etiopíape, ojeroviaitéva hína ijehe. Haʼekuéra opytáta okyhyjeterei pe oñekondenaha díape Egíptope, pórke upe día og̃uahẽta katuete’.

10 Péicha heʼi Ñandejára Jehová ogovernáva opa mbaʼe: ‘Ahundíta Egipto ehersitokuérape ha upearã ajevaléta pe rréi Nabucodonosor* de Babilóniare.+ 11 Haʼe ha ijehérsito, umi iviolentovéva umi tetãnguéra apytépe,+ ojeguerúta ohundi hag̃ua pe yvy. Haʼekuéra oguenohẽta ijespáda Egipto kóntrape ha omyenyhẽta omanóvagui pe yvy.+ 12 Ambosekopaitéta pe Rrío Nilo arrojokuéra,+ ha antregáta* pe yvy umi kuimbaʼe iñañávape. Ahejáta pe yvy nandi vera ha upearã ajevaléta umi extranhérore.+ Chete Jehová haʼéma upéva’.

13 Péicha heʼi Ñandejára Jehová ogovernáva opa mbaʼe: ‘Che ahundíta avei umi dios puerkésa* ha ahundíta avei umi dios ndovaléiva mbaʼeverã Nofpegua.*+ Ndaiporimoʼãvéima peteĩ prínsipe* Egíptope, ha amongyhyjéta umi hénte oĩvape Egipto territóriope.+ 14 Ahejáta Patrós+ nandi vera, ha ambojepotáta tata Zóanpe ha ahusgáta Nópe.*+ 15 Ahykuavóta che pochykue Sin ári, haʼéva hína pe lugár isegúro porãva orekóva Egipto, ha ahundíta umi hénte oikóvape Nópe. 16 Ambojepotáta tata Egíptope ha ojekyhyjepáta Sínpe, ha No ojejagarráta mbaretépe, ha Nófpe* ojeatakáta de diaite. 17 Umi mitãrusu oĩva On* ha Pibésetpe ojejukapáta espádape, ha umi hénte oĩva umi siudápe ojegueraháta prisionéroramo. 18 Ha Tehafnehéspe pytũta de diaite, ág̃a che amopẽ vove upépe Egipto júgo.+ Ha Egipto ipoderosoite ha oñemombaʼeguasúva opáta,+ umi arai ojahoʼipáta chupe, ha umi hénte oĩva upépe ojegueraháta prisionéroramo ótro tetãme.+ 19 Ahusgáta Egíptope ha oikuaáta hikuái che haʼeha Jehová’”.

20 Pe día 7 pe primer mes, pe áño 11-pe,* Jehová oñeʼẽ chéve ha heʼi: 21 “Yvypóra raʼy, amopẽma faraón pe rréi de Egipto jyva, noñevendamoʼãi okuera hag̃ua, ni ndojejokuamoʼãi peteĩ véndape ikatu hag̃uáicha imbarete jey ha ojagarra peteĩ espáda”.

22 “Upévare péicha heʼi Ñandejára Jehová ogovernáva opa mbaʼe: ‘Koʼápe aime hína faraón rréi de Egipto kóntrape,+ ha amopẽta chugui umi ijyva, pe ijyva isánova ha pe ijyva opẽ vaʼekue.+ Ha ahejáta hoʼa ipógui pe espáda.+ 23 Upe rire amosarambíta umi egípciope umi tetãnguérare ha amosarambíta chupekuéra diferénte lugárpe.+ 24 Amombaretéta pe rréi de Babilonia jyva*+ ha amoĩta ipópe che espáda+ ha amopẽta pe faraóngui umi ijyva, ha haʼe ipyahẽta henondépe* peteĩ kuimbaʼe omano mbotávaicha. 25 Amombaretéta pe rréi de Babilonia jyva, péro amokangýta faraón jyva, ha amoĩ vove che espáda pe rréi de Babilonia pópe ha haʼe oipuru vove Egipto kóntrape, oikuaáta hikuái che haʼeha Jehová.+ 26 Ha amosarambíta umi egípciope umi tetãnguérare ha amosarambíta chupekuéra diferénte lugárpe,+ ha oikuaáta hikuái che haʼeha Jehová’”.

31 Pe primer día, pe mes tercérope, pe áño 11-pe, Jehová oñeʼẽ jey chéve ha heʼi: 2 “Yvypóra raʼy, ere faraón rréi de Egíptope ha ijehérsitope:+

‘¿Máva piko ndéicha tuicha?

 4 Umi y rupive haʼe okakuaa porã, umi y oĩva yvyguýpe omongakuaa chupe ijyvate hag̃ua.

 5 Upévare haʼe okakuaa ha ijyvateve entéro umi ótro yvyramáta oĩvagui pe ñúme.

 8 Ni peteĩ ótro sédro oĩva Ñandejára hardínpe+ ndaikatúi vaʼekue oñembojoja hese.

Ni peteĩ ótro yvyramáta oĩ vaʼekue Ñandejára hardínpe naiporãi vaʼekue haʼéicha.

10 Upévare péicha heʼi Ñandejára Jehová ogovernáva opa mbaʼe: ‘Haʼe* ijyvateterei rupi, pe huʼã ohupyty voi umi arai, ha ikorasõ oñemombaʼeguasu haʼe ijyvate haguére, 11 upévare antregáta chupe pe governánte ipoderosoitévape umi tetãnguéra apytépe.+ Haʼe katuete okastigáta chupe, ha che arrechasáta chupe iñaña haguére. 12 Ha umi extranhéro, umi iviolentovéva oĩva umi tetãnguérape, oitýta chupe ha oheja reíta chupe umi montáña ári, ha umi hogue hoʼapáta ñúme, ha umi hakã opẽ vaʼekue opytapáta kompletoite umi arrójo oĩvape ko yvy ape ári.+ Enterove umi puévlo oĩva isómbra guýpe ohopáta ha oheja reíta chupe. 13 Kompletoite umi guyra oikóta imáta hoʼa vaʼekue ári, ha entéro umi animál salváhe oĩva umi ñúre oikóta umi hakãngue paʼũrupi.+ 14 Péicha ni peteĩ yvyramáta oĩva umi y ypýpe ndaikatumoʼãvéima okakuaa ijyvateterei peve, térã pe huʼã ohupyty peve umi arai, ha ani hag̃ua ni peteĩ yvyramáta hiʼy porãva ohupyty chupe ijyvatekuépe. Pórke enterovetépe oñehundíta, ha ohóta yvyguýpe umi yvyporakuérandi, umi ohóvandi pe sepultúrape’.*

15 Péicha heʼi Ñandejára Jehová ogovernáva opa mbaʼe: ‘Haʼe ohoha díape Sepultúrape,* ahejáta umi héntepe oñembyasy. Upéicha rupi, ajokóta umi y ipypukuetéva ha ajokóta umi ijarrojokuéra, ha péicha pe y hetaite orekóva ndosyrymoʼãvéima. Ikáusare amoypytũta pe Líbano, ha kompletoite umi yvyramáta oĩva pe ñúme ipirupáta. 16 Amondýita umi tetãnguérape ohendu vove haʼe hoʼa hague, ág̃a amondo vove chupe pe Sepultúrape* umi ótro ohóvandi hína pe yvykuápe.* Upépe kompletoite umi yvyramáta Edenpegua,+ umi tuichavéva ha iporãvéva pe Libanopegua, enterove umi yvyramáta hiʼy porãva, oñekonsoláta yvyguýpe. 17 Haʼekuéra oho hendive pe Sepultúrape,* umi ojejuka vaʼekue espádape,+ ha avei umi oapojáva chupe* ha oiko vaʼekue isómbra guýpe umi tetãnguéra apytépe’.+

18 ‘¿Oĩ piko raʼe peteĩ yvyramáta pe Edénpe ndéicha iporãva ha tuicháva?+ Péro nde reñemondóta yvyguýpe umi yvyramáta Edenpeguándi. Repytáta umi noñesirkunsidái vaʼekue* apytépe, umi ojejuka vaʼekuéndi espádape. Péicha oikóta faraón rehe ha kompletoite ijehérsitore’, heʼi Ñandejára Jehová ogovernáva opa mbaʼe”.

32 Pe áño 12-pe,* pe mes 12-pe, pe primer díape, Jehová oñeʼẽ jey chéve ha heʼi: 2 “Yvypóra raʼy, epurahéi peteĩ músika jaheʼo oñeʼẽva pe rréi de Egipto faraón rehe, ha ere hese:

Rejogua vaʼekue peteĩ animál tuichaitereíva oĩvape ýpe,+ nde rejapajeréi vaʼekue reikóvo umi nde rríore.

Nde pýpe nde rembotyai pe y ha remongyʼa umi* rrío’.

 3 Péicha heʼi Ñandejára Jehová ogovernáva opa mbaʼe:

Ahejáta kompletoite umi guyra ou oguejy nde ári.

Nde roʼokuépe amohyg̃uatãta umi animál salváhe oĩva ko yvy tuichakuére.+

 7 ‘Ág̃a che rohundi vove, ajahoʼíta pe yvága ha amoypytũta umi estrellakuéra.

11 Pórke péicha heʼi Ñandejára Jehová ogovernáva opa mbaʼe:

‘Pe rréi de Babilonia espáda oúta ndéve.+

12 Umi gerréro ipoderósova ojukáta espádape umi nde ehérsitope.

Koʼã gerréro hína umi iviolentovéva oĩva umi tetãnguérape.+

Haʼekuéra oipeʼapáta umi mbaʼe Egipto oñemombaʼeguasuha, ha ohundipaitéta ijehérsitope.+

Haʼekuéra ogueropurahéita Egíptope ha ijehérsitope’, heʼi Ñandejára Jehová ogovernáva opa mbaʼe”.

17 Upéi pe áño 12-pe, pe día 15 upe méspe,* Jehová oñeʼẽ chéve ha heʼi: 18 “Yvypóra raʼy, ejaheʼo Egipto ehérsitore ha ere oñemondotaha chupe yvyguýpe umi ohóvandi hína pe yvykuápe,* oñemondóta chupe ha avei umi hénte oĩva umi tetãnguéra ipoderósovape.

19 ‘Egipto, ¿nde piko reimoʼã neporãveha oimeraẽ ótrogui? ¡Tereho epyta umi noñesirkunsidáivandi!’.*

20 ‘Umi egipcio* hoʼáta umi ojejuka vaʼekue espádape apytépe.+ Egíptope* ningo ojejuka espádape, pembotyryry pegueraha chupe kompletoite ijehérsito reheve.

21 Pe Sepultúra* rugua guive umi gerréro ipoderosovéva oñeʼẽta chupe ha umi iñajudántepe. Ojejukáta chupekuéra espádape ha oguejýta opyta umi noñesirkunsidái vaʼekuéicha. 22 Asiria oĩ upépe ijehérsito kompletoiténdi. Umi asirio sepulturakuéra oĩ pe irréi jerére,* enterovete chupekuéra ojejuka vaʼekue espádape.+ 23 Umi asirio sepulturakuéra oĩ pe yvykuápe* pe ipypukuvehápe, ha pe ipuévlo oĩ pe rréi sepultúra jerére, enterovete haʼekuéra ojejuka vaʼekue espádape, pórke haʼekuéra oikovérõ guare heta omongyhyje vaʼekue umi héntepe.

24 Elam+ oĩ upépe ijehérsito kompletoiténdi. Umi isepulturakuéra oĩ pe irréi jerére, enterovete chupekuéra ojejuka vaʼekue espádape. Haʼekuéra oguejy pe yvyguýpe oñesirkunsidaʼỹre, pórke oikovérõ guare heta omongyhyje vaʼekue umi héntepe. Koʼág̃a oñemotĩta hikuái umi oguejývandi pe yvyguýpe.* 25 Haʼekuéra omoĩ peteĩ tupa chupe* g̃uarã umi omano vaʼekue apytépe, ha umi ijehérsito kompletoite oĩ isepultúra jerére. Enterove haʼekuéra noñesirkunsidái vaʼekue ha ojejuka espádape, pórke haʼekuéra oikovérõ guare heta omongyhyje vaʼekue umi héntepe. Koʼág̃a oñemotĩta hikuái umi oguejývandi pe yvykuápe.* Elámpe oñemoĩ umi omano vaʼekue apytépe.

26 Mesec ha Tubal+ oĩ upépe ijehérsito kompletoiténdi. Umi isepulturakuéra oĩ pe irréi jerére, enterove haʼekuéra noñesirkunsidái ha ojekutu vaʼekue espádape, pórke haʼekuéra oikovérõ guare heta omongyhyje vaʼekue umi héntepe. 27 ¿Haʼekuéra piko ndopytamoʼãi umi gerréro poderóso noñesirkunsidái ha ojejuka vaʼekuéndi? Umíva ningo oho vaʼekue pe Sepultúrape* hiʼárma de gérra reheve. Umi hénte omoĩta chupekuéra ijespáda iñakã guýpe,* ha pe kastígo hembiapo vaikuére hoʼáta ikanguekuéra ári, pórke koʼã gerréro poderóso oikovérõ guare heta omongyhyje vaʼekue umi héntepe. 28 Péro nde* katu reñembochipéta umi noñesirkunsidái vaʼekue apytépe, ha repytáta umi ojejuka vaʼekuéndi espádape.

29 Edom+ oĩ upépe, umi irréi ha kompletoite umi kuimbaʼe iñimportantevéva. Umíva ipoderósoramo jepe oñemoĩ chupekuéra umi ojejuka vaʼekuéndi espádape. Haʼekuéra opytáta umi noñesirkunsidái vaʼekuéndi+ ha umi oguejy vaʼekuéndi pe yvykuápe.*

30 Upépe oĩ enterove umi prínsipe* nortegua, kompletoite umi sidonio ndive.+ Umíva ningo ñemotĩme oguejy umi ojejuka vaʼekuéndi, oporomongyhyjéramo jepe ipoderóso haguére. Haʼekuéra opytáta oñesirkunsidaʼỹre umi ojejuka vaʼekuéndi espádape, ha oñemotĩta umi oguejývandi pe yvykuápe.*

31 Faraón ohechapáta entéro umi mbaʼe ha oñekonsoláta pe oiko vaʼekuére ijehérsito rehe.+ Faraón ha kompletoite ijehérsitope ojejukáta espádape’, heʼi Ñandejára Jehová ogovernáva opa mbaʼe.

32 ‘Faraón ha kompletoite ijehérsito opytuʼúta umi noñesirkunsidáiva apytépe, umi ojejuka vaʼekuéndi espádape, pórke haʼe oikovérõ guare heta omongyhyje vaʼekue umi héntepe’, heʼi Ñandejára Jehová ogovernáva opa mbaʼe”.

33 Jehová oñeʼẽ jey chéve ha heʼi: 2 “Yvypóra raʼy, eñeʼẽ umi hénte oĩvape nde puévlope,+ ha ere chupekuéra:

‘Ñamoĩ chupe che ahejaha peteĩ território ojeataka,+ ha kompletoite umi hénte ojagarra peteĩ kuimbaʼépe ha omoĩ chupe iguárdiaramo,* 3 ha haʼe ohechávo umi enemígo ouha iterritoriokuérape, ombopu pe turu ha oavisa umi héntepe.+ 4 Ha oĩramo peteĩ ohendu vaʼekue pe turu pu, péro nopenái pe avísore+ ha umi enemígo ou ha ojuka chupe, upéicharõ haʼe ikausaitére omanóta.*+ 5 Haʼe ohendu kuri pe turu pu, péro nopenái pe avísore. Upévare haʼe ikausaitére omano. Haʼe openárire pe avísore, ojesalva* vaʼerãmoʼã kuri.

6 Péro pe guárdia ohechávo umi enemígo ouha ha nombopúi pe turu,+ ha péicha ndojeavisái umi héntepe, ha umi enemígo katu ou ha ojuka peteĩvape* umi hénte apytégui, upéicharõ upe persóna omanóta hembiapo vaikuére, péro pe guárdia oĩta rresponsávle upe persóna omano haguére’.*+

7 Yvypóra raʼy, che romoĩma Israel rogaygua guardiarã,* ha rehendu vove che haʼeha peteĩ mbaʼe, nde reavisa vaʼerã chupekuéra che rérape.+ 8 Ha che haʼe vove peteĩ persóna iñañávape: ‘¡Nde neñaña, katuete remanóta!’,+ péro nde ndereavisái pe iñañávape okambia hag̃ua hekove, upéicharõ haʼe omanóta hembiapo vaikue káusare pórke iñaña,+ péro nde reiméta rresponsávle che renondépe haʼe omano haguére.* 9 Péro nde reavisáramo peteĩ iñañávape ojevy hag̃ua hape vaígui ha haʼe ndohejaséi upe hape, upéicharõ haʼe omanóta hembiapo vaikuére,+ péro nde katuete resalváta nde rekove.*+

10 Ha nde yvypóra raʼy, ere Israel rogayguápe: ‘Peẽ peje hína: “Ore ningo orerrevélde ha ropeka kuri, ha ipohyieterei rupi oréve koʼã mbaʼe oremokangypa.+ Upévare, ¿mbaʼéicha piko rosegíta roikove?”’.+ 11 Ere chupekuéra: ‘Ñandejára Jehová ogovernáva opa mbaʼe heʼi: “Che rekovére ahura peẽme nachembovyʼaiha omanóramo peteĩ iñañáva,+ upéva rangue avyʼa peteĩ iñañáva okambiáramo hape vai+ ha osegi oikove.+ Pejevýkena, pejevýkena umi pende rape vaígui,+ pórke, ¿mbaʼére piko pemano vaʼerã peẽ Israel rogaygua?”’.+

12 Ha nde yvypóra raʼy, ere umi hénte nde puevlopeguápe: ‘Pe kuimbaʼe ihústovape ndosalvamoʼãi ihustísia ág̃a haʼe irrevélde vove,+ ni umi mbaʼe vai ojapo vaʼekue pe kuimbaʼe iñañáva nomoñepysangamoʼãi chupe ág̃a oheja vove hembiapo vai.+ Ha peteĩ ihústova ndaikatumoʼãi osegi oikove ihústo haguére pe opekaha díape.+ 13 Ág̃a che haʼe vove pe ihústovape: “Nde katuete resegíta reikove”, ha haʼe ojerovia ojapo haguére umi mbaʼe ihústova ha ojapo upe oĩ vaíva,*+ upéicharõ avave naimanduʼamoʼãi ni peteĩ mbaʼe ihústova ojapo vaʼekuére, síno omanóta upe mbaʼe vai ojapo vaʼekuére.+

14 Ha ág̃a che haʼe vove pe iñañávape: “Nde katuete remanóta”, ha haʼe oheja hembiapo vaikue ha ojapo umi mbaʼe iporã ha ihústova,+ 15 ha pe iñañáva omeʼẽ jeýramo upe ojagarra vaʼekue de garantía+ ha opaga upe omonda vaʼekuére,+ ha oiko umi mandamiénto oporomoingovéva heʼiháicha ndojapóivo umi mbaʼe oĩ vaíva, upéicharõ haʼe katuete osegíta oikove,+ nomanomoʼãi. 16 Ni peteĩ umi ipekadokuéra ndojepurumoʼãi* ikóntrape.+ Ojapo haguére iporãva ha ihústova, katuete osegíta oikove’.+

17 Péro nde puévlo heʼi oikóvo: ‘Iñinhústo la Jehová ojapóva’, péro añetehápe haʼekuéra ojapóva la iñinhústova.

18 Ha peteĩ ihústova ohejáramo umi mbaʼe porã ojapóva ha ojapo la ivaíva, haʼe omano vaʼerã upévare.+ 19 Péro peteĩ iñañáva ohejáramo umi mbaʼe vai ojapo vaʼekue, ha ojapo umi mbaʼe iporãva ha ihústova, upéicharõ haʼe osegíta oikove ojapo haguére upéicha.+

20 Péro peẽ peje kuri: ‘Iñinhústo la Jehová ojapóva’.+ Upévare Israel rogaygua, che ahusgáta káda únope asegún umi mbaʼe ojapóva”.

21 Upéi pe áño 12-pe roimérõ guare prisionéroramo ótro tetãme, pe mes décimope, pe quinto díape, peteĩ kuimbaʼe okañy vaʼekue Jerusaléngui ou che rendápe+ ha heʼi: “¡Ojejagarráma pe siuda!”.+

22 Ha pe día anteriór, pe kaʼaru ou mboyve upe kuimbaʼe okañy vaʼekue, Jehová podér ou kuri che ári ha haʼe oavri chéve che juru. Ha pyhareve al ótro día, og̃uahẽ che rendápe pe kuimbaʼe. Péicha ojeavri jey chéve che juru, ha nacheñeʼẽnguvéima.+

23 Upémarõ Jehová oñeʼẽ chéve ha heʼi: 24 “Yvypóra raʼy, umi hénte oikóva koʼã siuda oñehundi vaʼekuépe+ heʼi hína oikóvo Israel território rehe: ‘Abrahán ningo peteĩ kuimbaʼénte vaʼekue, ha lomímonte ojagarra vaʼekue ko yvy.+ Péro ñande ñaime éntre heta, katuete ko yvy oñemeʼẽma ñandéve ñanembaʼerã’.

25 Upévare ere chupekuéra: ‘Péicha heʼi Ñandejára Jehová ogovernáva opa mbaʼe: “Peẽ peʼu hína soʼo huguy reheve,+ ha peñemboʼe umi pende dios puerkésape,* ha pesegi peporojuka.*+ Upévare, ¿mbaʼére piko peẽ pereko vaʼerã pe yvy penembaʼerã? 26 Peẽ pejerovia pende espádare,+ pejapo umi mbaʼe oporombojeguarúva, ha peẽ, káda uno peñeno* pende rapicha rembirekóndi.+ Upévare, ¿mbaʼére piko peẽ pereko vaʼerã pe yvy penembaʼerã?”’.+

27 Péicha ere vaʼerã chupekuéra: ‘Péicha heʼi Ñandejára Jehová ogovernáva opa mbaʼe: “Che rekovére ahura peẽme, umi hénte oikóva umi siuda oñehundi vaʼekuépe ojejukataha espádape. Umi hénte oikóva umi ñúre, umíva umi hénte ameʼẽta umi animál salváhepe hembiʼurã, ha umi oĩva umi lugár isegúro porãvape ha umi oĩva umi kuévape, omanóta mbaʼasýgui.+ 28 Ahejáta nandi vera pe yvy,+ ha oñehundíta pe fuérsa ha pe orgúllo orekóva hikuái, ha Israel montañakuéra opytáta nandi vera,+ avave ndohasamoʼãvéima upérupi. 29 Ha haʼekuéra oikuaáta che haʼeha Jehová ág̃a aheja vove pe yvy nandi vera,+ haʼekuéra ojapo haguére entéro umi mbaʼe oporombojeguarúva”’.+

30 Nde katu yvypóra raʼy, umi hénte nde puevlopegua oñeʼẽ oikóvo nderehe umi murálla ykére ha umi ogakuéra rokẽme.+ Heʼi hína hikuái ojupe, káda uno heʼi iñermánope: ‘Peju ñahendu mbaʼépa Jehová heʼi ñandéve’. 31 Éntre heta oñembyatýta hikuái oguapy hag̃ua ne renondépe che puévloramo, ha ohendúta umi mbaʼe eréva, péro ndojapomoʼãi.+ Pórke haʼekuéra nembojuruheʼẽ,* péro ikorasõme opensánte hína mbaʼéichapa ombotavýta hapichápe ogana hag̃ua hese. 32 ¡Emañamína!, nde ningo chupekuéra g̃uarã rejogua peteĩ opurahéi porãvape, ombopukuaáva instruménto de kuérda ha opurahéiva hína peteĩ músika rromántika. Haʼekuéra ohendúta umi mbaʼe eréva, péro ni peteĩva ndojapomoʼãi upéicha. 33 Ha ág̃a oñekumpli vove umi mbaʼe ere vaʼekue, pórke katuete oñekumplíta, haʼekuéra oikuaáta peteĩ proféta oĩ hague ijapytepekuéra”.+

34 Jehová oñeʼẽ jey chéve ha heʼi: 2 “Yvypóra raʼy, eprofetisa Israel pastorkuéra kóntrape. Eprofetisa ha ere umi pastórpe: ‘Péicha heʼi Ñandejára Jehová ogovernáva opa mbaʼe: “¡Aichejáranga umi pastór oĩva Israélpe,+ haʼekuéra ningo oñangareko ijehénte! ¿Ndahaʼéi piko umi ovecháre la oñangareko vaʼerã umi pastór?+ 3 Peẽ peʼu umi animál kyrakue ha pemonde umi ao ojejapo vaʼekue lánagui, ha pekarnea pe animál ikyravéva+ péro napeñangarekói che ovechakuérare.+ 4 Peẽ napemombaretéi pe ikangývape ni napemonguerái pe hasývape, napevendái pe oñelastima vaʼekuépe, ndapeguerúi jey umi oñedesatina vaʼekuépe ni ndapehekái umi okañy vaʼekuépe.+ Upéva rangue peẽ mbaretépe pegoverna chupekuéra ha petrata vai.+ 5 Upéicha rupi isarambipa hikuái ndorekói rupi pastór.+ Upévare umi animál salváhe hoʼu chupekuéra. 6 Che ovechakuéra oñedesatina oikóvo umi montáñare ha kompletoite umi sérrore. Umi che ovechakuéra isarambipa opárupi ko yvy ape ári ha ndaipóri ohekáva chupekuéra ni oñehaʼãva otopa hesekuéra.

7 Upévare peẽ pastór, pehendu mbaʼépa heʼi Jehová: 8 ‘“Che rekovére ahura peẽme”, heʼi Ñandejára Jehová ogovernáva opa mbaʼe, “umi che ovechakuérape ojejagarra, ha opaichagua animál salváhe oreko chupekuéra hembiʼurã, pórke ndaipóri vaʼekue pastór, ha umi che pastorkuéra ndohekái che ovechakuérape, upéva rangue haʼekuéra osegi oñangareko ijehénte ha noñangarekói che ovechakuérare”’, 9 upévare peẽ pastór, pehendu mbaʼépa heʼi Jehová. 10 Péicha heʼi Ñandejára Jehová ogovernáva opa mbaʼe: ‘Che aime hína umi pastorkuéra kóntrape, ha akovráta chupekuéra upe ojapo vaʼekuére che ovechakuérare,* amosẽta chupekuéra anivéma hag̃ua oñangareko* che ovechakuérare,+ ha noñangarekomoʼãvéima hikuái ijehénte. Asalváta che ovechakuérape umi pastór jurúgui ha ndorekomoʼãvéima chupekuéra hembiʼúramo’”.

11 Pórke péicha heʼi Ñandejára Jehová ogovernáva opa mbaʼe: “Che aime hína ápe ha chete voi ahekáta che ovechakuérape ha añangarekóta hesekuéra.+ 12 Añangarekóta che ovechakuérare ojapoháicha peteĩ pastór otopa vaʼekue umi ijovecha isarambipa vaʼekuére, ha omongaru chupekuéra.+ Asalváta chupekuéra entéro umi lugár isarambi haguépe pe día ijaraipa ha iñypytũmbárõ guare.+ 13 Aguenohẽta che ovechakuéra umi puévlogui ha ambyatýta chupekuéra umi diferénte lugárgui ha aguerúta ijyvy teépe.+ Ha amongarúta chupekuéra Israel montañakuérape, umi arrójo ykére ha kompletoite umi lugár ojeikoha ypýpe ko yvy ape ári. 14 Peteĩ pastoty porãme amongarúta chupekuéra, ha pe lugár opasteataha hikuái oĩta Israel montañakuéra ijyvatetéva ári.+ Upépe oñenóta hikuái peteĩ pastotýpe,+ ha okarúta umi pastoty porãme Israel montañakuéra ári”.

15 “Chete voi amongarúta umi che ovechakuéra+ ha chete amoñenóta chupekuéra opytuʼu hag̃ua”,+ heʼi Ñandejára Jehová ogovernáva opa mbaʼe. 16 “Ahekáta pe okañy vaʼekuépe+ ha agueru jeýta pe oñedesatina vaʼekuépe, avendáta pe oñelastima vaʼekuépe ha amombaretéta pe ikangývape. Péro ahundíta pe ikyra ha imbaretévape, upévape ahusgáta ha akastigáta omereseháicha”.

17 Peẽ katu che ovechakuéra, péicha heʼi Ñandejára Jehová ogovernáva opa mbaʼe: “Ahusgáta káda ovechápe, ahusgáta umi ovecha mácho ha umi kavara máchope.+ 18 ¿Napeñekontentáima piko pekaru haguére umi pastoty iporãvévape? ¿Pepyrũmba vaʼerã piko avei umi pásto hembývare? Ha peʼu rire pe y ipotĩvéva, ¿pembotyai vaʼerã piko pe y pepyrũmbávo pype? 19 ¿Che ovechakuéra piko okaru vaʼerã pe pastoty peẽ pepyrũmba vaʼekuére, ha hoʼu vaʼerã piko hikuái pe y peẽ pembotyaipa vaʼekue pende pýpe pepyrũmbávo pype?”.

20 Upévare péicha heʼi chupekuéra Ñandejára Jehová ogovernáva opa mbaʼe: “Ápe aime hína ha ahusgáta káda únope, pe ovecha ikyrávape ha pe ovecha ipirúvape. 21 Pórke pende kostádope ha pende atiʼýpe peẽ pemyaña myaña chupekuéra, ha pene ratĩme pesegi pemyaña umi hasývape pemosarambipa peve chupekuéra mombyrymbyry. 22 Ha asalváta che ovechakuérape ha ndojeguerekomoʼãvéima chupekuéra tembiʼurã,+ ha ahusgáta káda ovechápe. 23 Amoĩta peteĩ pastór chupekuéra g̃uarã,+ che siérvo Davídpe,+ ha haʼe oñangarekóta hesekuéra. Haʼete voi omongarúta chupekuéra ha oñangarekóta hesekuéra ojapoháicha peteĩ pastór.+ 24 Ha che Jehová haʼéta Ijarakuéra,+ ha che siérvo David omoakãta chupekuéra.+ Chete Jehová haʼéma ko mbaʼe.

25 Ha ajapóta peteĩ kompromíso de paz hendivekuéra,+ ha ahundipaitéta ko yvýgui umi animál salváhe iñarõva,+ péicha oikóta hikuái segúro porã pe desiértope ha okéta umi kaʼaguýpe.+ 26 Ajapóta chuguikuéra ha pe lugár oĩvagui che sérro jerére peteĩ vendisión,+ ha amboúta ama itiempoitépe. Umi vendisión hoʼáta amáicha.+ 27 Umi yvyramáta hiʼáta, pe yvy oprodusi porãta ha che puévlo oikóta trankílo+ ha segúro porã pe yvýpe. Ha ág̃a amopẽ vove ijugokuéra, ha asalva vove umi orekóvagui chupekuéra esklávoramo,+ oikuaáta hikuái che haʼeha Jehová. 28 Ndoikomoʼãvéima chuguikuéra umi tetãnguéra rembiʼu, ha umi animál salváhe ko yvy ape arigua ndoʼumoʼãvéima chupekuéra, ha oikóta hikuái segúro porã, ha avave nomongyhyjemoʼãi chupekuéra.+

29 Ameʼẽta chupekuéra peteĩ plantasión ojekuaátava opárupi,* ha nomanomoʼãvéima hikuái ñembyahýigui upe paíspe,+ ha umi nasionkuéra noñembohorymoʼãvéima hesekuéra.+ 30 ‘Péicha oikuaáta hikuái che Jehová, Ijarakuéra aĩha hendivekuéra, ha haʼekuéra, haʼéva Israel rogaygua haʼeha che puévlo’,+ heʼi Ñandejára Jehová ogovernáva opa mbaʼe”’.

31 ‘Peẽ katu che ovechakuéra,+ che añangareko hína penderehe, ha peẽ ningo kuimbaʼénte hína ha che haʼe pende Jára’, heʼi Ñandejára Jehová ogovernáva opa mbaʼe”.

35 Jehová oñeʼẽ jey chéve ha heʼi: 2 “Yvypóra raʼy, ejere emaña pe lugár oĩháre Seír+ montañakuéra, ha eprofetisa ikóntrape.+ 3 Ere vaʼerã: ‘Péicha heʼi Ñandejára Jehová ogovernáva opa mbaʼe: “Ápe aime ne kóntrape Seír montañakuéra, ha aipysóta che jyva ne kóntrape ha rohejáta nandi vera.+ 4 Ahundietéta umi nde siudakuéra, ha repytáta nandi vera,+ ha reikuaáta che haʼeha Jehová. 5 Nde ningo Israel enemígo ymaite guive,+ ha rejuka umi israelítape espádape pe tiémpo ou haguépe chupekuéra sarambi, ha orresiviha tiémpope hikuái pe kastígo finál”’.+

6 Ñandejára Jehová ogovernáva opa mbaʼe heʼi: ‘Upévare, che rekovére ahura ndéve roiporavomaha remano hag̃ua* ha ndaikatumoʼãiha rejesalva upévagui.+ Nde rekondena rupi omano hag̃ua umi nderechaʼéivape, koʼág̃a ndehaitéma ndaikatumoʼãi rejesalva ñemanógui.+ 7 Ahejáta nandi vera Seír montañakuéra,+ ha ahundíta enterove umi ohasávape upérupi ha oimeraẽ oho jeývape upépe. 8 Amyenyhẽta umi imontañakuéra umi omano vaʼekuégui, umi ojejuka vaʼekue espádape hoʼáta omano umi nde serrokuérape, umi ne ñúme ha kompletoite umi nde arrojokuérape. 9 Rohejáta nandi vera pára siémpre, ha umi nde siudakuérape ndojeikomoʼãvéima,+ ha peẽ peikuaáta che haʼeha Jehová’.

10 Pórke chete Jehová, aiméramo jepe umi tetãnguéra apytépe, nde ere kuri: ‘Koʼã mokõi nasión ha koʼã mokõi yvy chembaʼerã,+ ha jajagarráta mokõivéva’. 11 Ha Ñandejára Jehová ogovernáva opa mbaʼe heʼi: ‘Che rekovére ahura ndéve che rotratataha nde retrata haguéicha chupekuéra, pórke nde rehechauka neenvidiosoha, ndepochy ha nderechaʼeiha hesekuéra,+ ha nde reikuaáta mávapa che ág̃a rohusga vove. 12 Upépe nde reikuaáta chete Jehová ahendu hague entéro mbaʼe vai ere vaʼekue Israel montañakuéra kóntrape, erérõ guare: “Ojehejáma nandi vera ha oñemeʼẽma ñandéve ñahundi hag̃ua”. 13 Ha nde reñemombaʼeguasu kuri reñeʼẽvo che kóntrape, ha ere cherehe hetaiterei mbaʼe vai.+ Che ahendupaite kuri umíva’.

14 Péicha heʼi Ñandejára Jehová ogovernáva opa mbaʼe: ‘Ko yvy tuichakue ovyʼáta ág̃a roheja vove nandi vera. 15 Upe revyʼa haguéicha Israel rogaygua erénsia opytárõ guare nandi vera, upéicha avei che ajapóta nderehe.+ Seír montañakuéragui, si Edom kompletoitégui voi oikóta peteĩ lugár oñehundietéva ha opytáva nandi vera,+ ha peikuaáta che haʼeha Jehová’”.

36 “Nde katu Yvypóra raʼy, eprofetisa Israel montañakuérare ha ere: ‘Israel montañakuéra, pehendu mbaʼépa heʼi Jehová. 2 Péicha heʼi Ñandejára Jehová ogovernáva opa mbaʼe: “Pe enemígo heʼi pene kóntrape ‘¡Péva omerese voi! ¡Umi lugár yvate jepe opytáma ñanembaʼerã!’”’.+

3 Upévare eprofetisa ha ere: ‘Péicha heʼi Ñandejára Jehová ogovernáva opa mbaʼe: “Haʼekuéra pendereja nandi vera ha pendeataka opáguio ládo, upéicha rupi umi ótra nasión opyta* vaʼekue pende jerére pendepota kuri imbaʼerã, ha umi hénte osegi oñeʼẽ ha otaky penderehe.+ 4 Upéicha rupi Israel montañakuéra, pehendu mbaʼépa heʼi Ñandejára Jehová ogovernáva opa mbaʼe. Péicha heʼi Ñandejára Jehová ogovernáva opa mbaʼe umi montáña ha serrokuérape, umi arrójo ha umi ñúme, umi lugár oñehundi ha opyta vaʼekuépe nandi,+ ha umi siuda ojeheja rei ha ojesakeapa vaʼekuépe, ha oñembohory vaʼekuére umi nasión opytáva ijererekuéra.+ 5 Chupekuéra heʼi Ñandejára Jehová ogovernáva opa mbaʼe: ‘Pochy ha rreniégo reheve+ añeʼẽta umi nasión opytáva kóntrape ha kompletoite Edom kóntrape. Enterove haʼekuéra ovyʼaiterei kuri ha oñembohory*+ ojerurévo che yvy imbaʼerã, ikatu hag̃uáicha oñemombaʼe umi pastotýre ha osakea pe yvy’”’.+

6 Upévare eprofetisa Israel territóriore ha ere umi montáña ha serrokuérape, umi arrójo ha umi ñúme: ‘Péicha heʼi Ñandejára Jehová ogovernáva opa mbaʼe: “Umi nasión pendeapoʼi, upévare pochy ha rreniégo reheve che haʼéta mbaʼépa oikóta hesekuéra”’.+

7 Upéicha rupi, péicha heʼi Ñandejára Jehová ogovernáva opa mbaʼe: ‘Chete ahupi che po ahura hag̃ua oñemotĩtaha katuete umi nasión oĩva pende jerére.+ 8 Péro peẽ Israel montañakuéra, peguerekóta umi yvyramáta hakã porãva ha hiʼa hetáva che puévlo Israélpe g̃uarã,+ haʼekuéra ningo koʼẽrõitéma ou jeýta. 9 Pórke che aime penendive ha ajeréta amaña penderehe, ha oĩ jeýta oñemitỹva ha oñotỹva semílla pende yvýpe. 10 Ambohetaitereíta pende puévlo, kompletoite Israel rogayguápe, ha ojeikóta umi siudápe+ ha oñemopuʼãmba jeýta umi lugár oñehundi vaʼekue.+ 11 Si, ambohetaitereíta pende puévlo ha pene rymbakuéra,+ umíva ningo hetáta ha ifamília retáta. Ha ahejáta oiko jey hetaiterei hénte pende yvýpe yma guaréicha,+ ha penderetavéta voi yma guarégui,+ ha peikuaáta che haʼeha Jehová.+ 12 Ahejáta umi hénte, haʼéva che puévlo Israel, oguata pende ári, ha pendeguerekóta imbaʼerã.+ Pendehegui oikóta iñerensiakuéra, ha peẽ arakaʼeve ndapehejamoʼãvéima chupekuéra familiaʼỹre’”.+

13 “Péicha heʼi Ñandejára Jehová ogovernáva opa mbaʼe: ‘Haʼekuéra heʼi hína ndéve: “Nde ningo peteĩ yvy ohundíva umi héntepe ha ohejáva umi nasiónpe familiaʼỹre”’. 14 ‘Upévare nde nerehundimoʼãvéima umi héntepe ha nderehejamoʼãvéima umi nasiónpe familiaʼỹre’, heʼi Ñandejára Jehová ogovernáva opa mbaʼe. 15 ‘Che ndahejamoʼãvéima umi nasión nemaltrata ni oñembohory nderehe umi hénte,+ ha neremoñepysangamoʼãvéima umi ne nasiónpe’, heʼi Ñandejára Jehová ogovernáva opa mbaʼe”.

16 Ha Jehová oñeʼẽ jey chéve ha heʼi: 17 “Yvypóra raʼy, Israel rogaygua oikórõ guare ijyvýpe omongyʼa vaʼekue pe yvy umi mbaʼe ojapo vaʼekuépe.+ Umi mbaʼe ojapóva ningo omongyʼa chupekuéra che renondépe peteĩ kuña oguejývaicha chupe iperiódo.+ 18 Upéicha rupi che ahykuavo che pochykue hiʼarikuéra, oporojuka haguére pe yvy ape ári*+ ha omongyʼa haguére pe yvy umi idiós puerkésape.*+ 19 Upévare amosarambi kuri chupekuéra umi nasiónpe ha umi diferénte lugárpe.+ Ahusga kuri chupekuéra asegún umi hape ha umi mbaʼe ojapóva. 20 Péro og̃uahẽrõ guare hikuái umi nasiónpe, umi hénte omongyʼa che réra sagrádo+ heʼívo hesekuéra: ‘Koʼãva hína Jehová puévlo, péro haʼe omosẽ chupekuéra ijyvýgui’. 21 Upévare che ajapóta la ajapo vaʼerã che réra sagrádo rehehápe, upéva ningo Israel rogaygua omongyʼa vaʼekue umi nasión oho haguépe”.+

22 “Upévare, ere Israel rogayguakuérape: ‘Péicha heʼi Ñandejára Jehová ogovernáva opa mbaʼe: “Ndahaʼéi penderehehápe la ajapóva álgo, peẽ Israel rogaygua, síno che réra sagrádo rehehápe, upéva ningo peẽ pemongyʼa kuri umi nasión peho haguépe”’.+ 23 Ñandejára Jehová ogovernáva opa mbaʼe heʼi: ‘Che asantifikáta katuete upe che réra tuichaitéva,+ upe peẽ pemongyʼa vaʼekue umi nasión apytépe, ha haʼekuéra oikuaáta che haʼeha Jehová,+ ág̃a che añesantifika vove pende apytépe umi nasión renondépe. 24 Che poguenohẽta umi nasióngui ha pombyaty jeýta entéro umi diferénte lugárgui ha poguerúta pende yvy teépe.+ 25 Pohypýita y potĩme ha peẽ penepotĩta.+ Che pomopotĩta entéro penembaʼe kyʼágui+ ha entéro umi pende dios puerkésagui.+ 26 Ameʼẽta peẽme peteĩ korasõ pyahu+ ha amoĩta pende pyʼapýpe peteĩ espíritu pyahu.+ Aipeʼáta pende retégui pene korasõ hatãva itáicha+ ha amoĩta hendaguépe peteĩ korasõ huʼũ asýva.* 27 Amoĩta che espíritu pende pyʼapýpe, pomomýita pejapo hag̃ua che mandamientokuéra,+ ha pekumpli ha peneñeʼẽrendu hag̃ua umi che léipe. 28 Ha péicha peikóta pe yvy ameʼẽ vaʼekuépe pende tuakuéra ypykuépe, ha peẽ haʼéta che puévlo ha che haʼéta pende Jára’.+

29 ‘Posalváta entéro pene mbaʼe kyʼágui, ha che ahenóita pe semíllape ha ambohetaitereíta voi, ha ndaguerumoʼãi pende ári ñembyahýi.+ 30 Ambohiʼa hetáta umi yvyramáta ha amboprodusi porãta pe yvy, péicha peẽ arakaʼeve napeñemotĩmoʼãvéima pehasa haguére ñembyahýi umi nasión apytépe.+ 31 Upéi peẽ penemanduʼáta umi pende rape vaíre ha naiporãi hague umi mbaʼe pejapo vaʼekue. Ha pejeguarúta pendejehegui voi pefalla haguére, ha umi mbaʼe oporombojeguarúva pejapo vaʼekuére.+ 32 Péro peikuaáke ko mbaʼe: kóva ningo che ndajapói penderehehápe’,+ heʼi Ñandejára Jehová ogovernáva opa mbaʼe, ‘upéva rangue peẽ Israel rogaygua petĩ ha peñeumilla vaʼerã umi mbaʼe pejapo vaʼekuére’.

33 Péicha heʼi Ñandejára Jehová ogovernáva opa mbaʼe: ‘Upe pomopotĩha díape entéro pende fállagui, ahejáta ojeiko jey umi siudápe+ ha oñemopuʼã jey umi lugár oñehundi vaʼekue.+ 34 Pe yvy ojeheja vaʼekue nandi vera ikatu hag̃uáicha enterove ohasáva ohecha opyta hague nandi, upéva pe yvýpe oñeñemitỹ jeýta. 35 Ha umi hénte heʼíta: “Pe yvy ojeheja vaʼekue nandi vera, koʼág̃a ojogua pe hardín de Edénpe,+ ha umi siuda oñehundi ha opyta vaʼekue nandi vera ha ojeitypa vaʼekue, koʼág̃a isegúro porã ha ojeiko jeýma pype”.+ 36 Ha umi nasión opyta vaʼekue pende jerére, oikuaáta chete Jehová amopuʼã jeyha pe ojeitypa vaʼekue, ha añotỹ jeyha yvyramáta pe yvy opyta vaʼekuépe nandi vera. Chete Jehová haʼéma ha ajapóma upéva’.+

37 Péicha heʼi Ñandejára Jehová ogovernáva opa mbaʼe: ‘Ahejáta Israel rogaygua ojerure chéve amboheta hag̃ua chupekuéra peteĩ ovecha atýicha. 38 Hetaháicha umi hénte hekopotĩva* aty, umi ovecha aty oĩháicha Jerusalénpe* umi fiésta aja,+ péicha avei umi siuda oñehundi vaʼekue henyhẽ jeýta héntegui,+ ha oikuaáta hikuái che haʼeha Jehová’”.

37 Jehová podér* ou che ári, ha ijespíritu rupive Jehová chegueraha ha chemoĩ pe ñu guasu mbytépe,+ ha upe lugár henyhẽte kanguekuégui. 2 Haʼe chemongorre kompletoite ijererekuéra, ha ahecha oĩha hetaiterei kanguekue ojepysopáva pe ñu guasúpe, ha umi kanguekue iséko vera.+ 3 Haʼe oporandu chéve: “Yvypóra raʼy, ¿ikatúnepa koʼã kanguekue oikove jey?”. Upépe che haʼe: “Ñandejára Jehová regovernáva opa mbaʼe, nde ningo la reikuaáva”.+ 4 Upémarõ haʼe heʼi chéve: “Eprofetisa koʼã kanguekue rehe, ha ere chupekuéra: ‘Peẽ kanguekue iséko veráva, pehendu mbaʼépa heʼi Jehová:

5 Ñandejára Jehová ogovernáva opa mbaʼe heʼi péicha umi kanguekuépe: “Pomborrespiráta ha peikovéta.+ 6 Amoĩta penderehe pende rajyguerã ha pende roʼorã, hiʼári amoĩta pende pirerã ha pomborrespiráta, ha peikovéta. Peẽ peikuaáta che haʼeha Jehová”’”.

7 Upémarõ aprofetisa oñemanda haguéicha chéve. Añepyrũre aprofetisa, oiko peteĩ tyapu, oñehendu umi kanguekue okuʼepa, ha oñepyrũ oñemoag̃ui ojuehe umi kanguekue ha ojoapy uno a uno. 8 Upéi ahecha oñemoĩha chupekuéra hajyguerã ha hoʼorã, ha hiʼári oñemoĩ chupekuéra ipirerã. Péro neʼĩra gueteri orrespira hikuái.

9 Upémarõ haʼe heʼi chéve: “Eprofetisa pe yvytúpe. Eprofetisa yvypóra raʼy ha ere pe yvytúpe: ‘Péicha heʼi Ñandejára Jehová ogovernáva opa mbaʼe: “Yvytu,* eju umi 4 direksióngui,* ha eipeju koʼã hénte ojejuka vaʼekuére, ikatu hag̃uáicha oikove hikuái”’”.

10 Upéi aprofetisa haʼe omanda haguéicha chéve, ha oñepyrũ orrespira hikuái,* oikove jey ha oñemboʼy,+ ha oiko chuguikuéra peteĩ ehérsito tuichaitereíva.

11 Upéi heʼi chéve: “Yvypóra raʼy, koʼã kanguekue haʼe hína Israel rogaygua kompletoite.+ Haʼekuéra heʼi hína: ‘Ore kanguekuéra iséko vera ha ndoroguerekovéima esperánsa.+ Ore ningo roime oreañoite’. 12 Upévare eprofetisa ha ere chupekuéra: ‘Péicha heʼi Ñandejára Jehová ogovernáva opa mbaʼe: “Che puévlo, aavríta pende sepultúra,+ ha pomopuʼã jeýta pende sepultúragui, ha pogueru jeýta Israel yvýpe.+ 13 Che puévlo, peẽ peikuaáta che haʼeha Jehová ág̃a aavri vove pende sepultúra ha pomopuʼã jey vove pende sepultúragui”’.+ 14 ‘Amoĩta che espíritu pende retepýpe ha peikovéta,+ ha pomoĩta peiko hag̃ua pende yvýpe, ha peikuaáta chete Jehová haʼéma ha ajapóma hague upéva’, heʼi Jehová”.

15 Jehová oñeʼẽ jey chéve ha heʼi: 16 “Ha nde yvypóra raʼy, ejagarra peteĩ yvyra ha eskrivi hese: ‘Judápe g̃uarã ha umi hénte Israelgua oĩvape g̃uarã hendive’.*+ Upéi ejagarra ótro yvyra ha eskrivi hese: ‘Josépe g̃uarã, orrepresentáva Efraínpe, ha kompletoite Israel rogaygua oĩvape g̃uarã hendive’.*+ 17 Upéi emboja ojuehe umi yvyra ikatu hag̃uáicha oiko mokõivévagui peteĩnte nde pópe.+ 18 Ha umi hénte* heʼi vove ndéve: ‘¿Neremombeʼumoʼãi piko oréve mbaʼépa heʼise koʼã mbaʼe?’, 19 nde ere vaʼerã chupekuéra: ‘Péicha heʼi Ñandejára Jehová ogovernáva opa mbaʼe: “Ajagarráta José yvyra oĩva Efraín pópe. Upe yvyra orrepresenta avei Israel trivukuérape, umíva hína Efraín sosiokuéra, ha ambojoajúta Judá yvyráre.+ Ha péicha ajapóta chuguikuéra peteĩ yvyránte che pópe”’. 20 Umi yvyra reskrivi vaʼekuére oĩ vaʼerã nde pópe ikatu hag̃uáicha ohecha hikuái.

21 Upéi ere chupekuéra: ‘Péicha heʼi Ñandejára Jehová ogovernáva opa mbaʼe: “Aguerúta umi israelítape umi tetãnguéra oho haguégui, ha ambyatýta chupekuéra opáguio ládo ha agueru jeýta chupekuéra ijyvýpe.+ 22 Ajapóta chuguikuéra peteĩ tetãnte upe yvýpe,+ pe Israel montañakuérape, ha peteĩ rréintema ogovernáta enterovévape+ ha haʼekuéra ndahaʼemoʼãvéima mokõi nasión, ni ndojedividimoʼãvéima mokõi goviérnope.+ 23 Ha noñemongyʼamoʼãvéima hikuái umi idiós puerkésare* ha umi mbaʼe oporombojeguarúva ojapóvare, ni entéro umi hembiapo vaikuére.+ Haʼekuéra ningo naiñeʼẽrenduiete voi ha upéicha rupi opeka, péro che asalváta chupekuéra umívagui, ha amopotĩta chupekuéra. Haʼekuéra haʼéta che puévlo ha che haʼéta Ijára.+

24 Che siérvo David haʼéta irreikuéra,+ ha peteĩ pastór añónte orekóta hikuái.+ Haʼekuéra oikóta umi che léi heʼiháicha ha okumpli porãta umi che mandamientokuéra.+ 25 Haʼekuéra oikóta pe yvy ameʼẽ vaʼekuépe che siérvo Jacóbpe, upépe ningo oiko vaʼekue pende tuakuéra ypykue.+ Ha upépe oikóta hikuái pára siémpre,+ haʼekuéra ha itaʼyrakuéra, avei umi itaʼýra raʼykuéra jey,+ ha David che siérvo omoakãta* chupekuéra pára siémpre.+

26 Ha ajapóta peteĩ kompromíso de paz hendivekuéra,+ upéva haʼéta peteĩ kompromíso etérno hendivekuéra. Amoĩta chupekuéra oiko hag̃ua ijyvýpe ha ambohetáta chupekuéra,+ ha amoĩta che témplo ijapytepekuéra pára siémpre. 27 Che róga* oĩta hendivekuéra,* ha che haʼéta Ijára ha haʼekuéra haʼéta che puévlo.+ 28 Ha ág̃a che témplo oĩ vove ijapytepekuéra pára siémpre, umi tetãnguéra oikuaáta che Jehová asantifikaha hína Israélpe”’”.+

38 Jehová oñeʼẽ jey chéve ha heʼi: 2 “Yvypóra raʼy, emaña oĩha gotyo Gog haʼéva Magog territoriopegua,+ pe héfe prinsipál* Mesec ha Tubalpegua,+ ha eprofetisa ikóntrape.+ 3 Ere vaʼerã: ‘Péicha heʼi Ñandejára Jehová ogovernáva opa mbaʼe: “Ápe aime hína ne kóntrape Gog, nde haʼéva Mesec ha Tubal héfe prinsipál.* 4 Che rombojevýta ha amoĩta ne rañykãre umi gáncho+ ha roguenohẽta nde ehérsito kompletoite reheve,+ umi kavaju ha umi kuimbaʼe kavaju arigua, enterovete ningo haʼekuéra oñemonde porã, peteĩ ehérsito tuicháva, orekóva eskúdo tuicháva ha eskúdo michĩva,* enterove haʼekuéra oreko ipópe espáda, 5 Persia, Etiopía ha Put+ oĩ hendivekuéra, enterove haʼekuéra oreko eskudoʼi ha kásko. 6 Avei Gómer ha kompletoite ijehérsito, Togarmá+ rogaygua oĩva mombyryvehápe nórte gotyo ha ijehérsito kompletoite reheve. Hetaiterei puévlo ningo oĩ nendive.+

7 Pejepreparáke ha peiméma lísto, nde ha kompletoite umi nde ehérsito oñembyatýva nendive, ha nde remoakãta* chupekuéra.

8 Heta día rire oñemañáta nderehe.* Upéi, heta áño rire rejagarráta pe yvy oĩha umi hénte ojegueru jey vaʼekue ha ojesalva vaʼekue espádagui, umi oñembyaty vaʼekue heta puévlogui ha ojeguerúva Israel montañakuérape, umíva ningo opyta vaʼekue oñehundi heta tiémpore. Umi hénte ko yvypegua oñeguenohẽ vaʼekue umi puévlogui ha enterove haʼekuéra oiko segúro porã.+ 9 Nde rejúta ikontrapekuéra peteĩ torméntaicha, ha araícha rejahoʼíta ko yvy, nde ha kompletoite umi nde ehérsito ha umi hetaite puévlo oĩva nendive”’.

10 Péicha heʼi Ñandejára Jehová ogovernáva opa mbaʼe: ‘Upe díape oikéta ne korasõme umi pensamiénto, ha rekalkuláta rejapo peteĩ mbaʼe ivaietereíva. 11 Nde eréta: “Ajagarráta pe yvy oĩva umi lugár ndojeprotehéivape.*+ Aháta umi oikóvape trankílo ha segúro porã, enterove haʼekuéra oiko hína umi lugár ndorekóivape murálla, okẽ tránka ha okẽ ojeprotehe hag̃ua”. 12 Nde ningo la rejaposéva hína resakea ha reguerahase heta mbaʼe, reatakase umi lugár oñehundi vaʼekue, umívape ojeiko hína koʼág̃a,+ ha reatakase peteĩ puévlo oñembyaty jey vaʼekuépe umi nasionkuéragui,+ umi ombyatývape hína heta rrikésa ha mbaʼerepy,+ umi oikóvape hína ko yvy mbytépe.

13 Seba+ ha Dedán,+ umi komersiánte Tarsisgua+ ha kompletoite igerrerokuéra* heʼíta ndéve: “¿Nde piko rejagarra hína upe lugár resakea ha regueraha hag̃ua heta mbaʼe? ¿Rembyaty piko umi nde ehérsito regueraha hag̃ua pláta ha óro, umi rrikésa ha mbaʼerepy, ha reipeʼa hag̃ua chuguikuéra hetaiterei mbaʼe nembaʼerã?”’.

14 Upéicha rupi, eprofetisa yvypóra raʼy, ha ere Gógpe: ‘Péicha heʼi Ñandejára Jehová ogovernáva opa mbaʼe: “Upe díape nde katuete rehechakuaáta che puévlo Israel oikoha hína segúro porã.+ 15 Nde rejúta reimehágui, umi lugár mombyryvehágui nórteguio,+ nde ha umi puévlo oĩva nendive, enterove haʼekuéra oúta kavaju ári, peteĩ hénte aty tuichaitereíva, peteĩ ehérsito tuicháva voi.+ 16 Umi arai ojahoʼiháicha peteĩ país, nde rejúta che puévlo Israel kóntrape. Gog, umi ára pahápe che roguerúta che yvy kóntrape,+ ikatu hag̃uáicha umi tetãnguéra chekuaa, ág̃a añesantifika vove henondepekuéra umi mbaʼe ajapóva rupive nderehe”’.+

17 Péicha heʼi Ñandejára Jehová ogovernáva opa mbaʼe: ‘¿Ndahaʼéi piko nderehe la añeʼẽ raʼe ymave umi che proféta Israelpegua rupive? Haʼekuéra ningo oprofetisa vaʼekue heta áñore nde rejeguerutaha ikontrapekuéra’.

18 Ñandejára Jehová ogovernáva opa mbaʼe heʼi: ‘Upe díape, ág̃a Gog ojagarraha díape Israel yvy, arrenegaitereíta.+ 19 Añeʼẽta rreniégo reheve, che pochykue hendy jave tatáicha, ha upe díape oikóta peteĩ terremóto tuicháva Israel yvýpe. 20 Che káusare okyhyjepáta umi pira oĩva márpe, umi guyra, umi animál salváhe, ha kompletoite umi animál otyryrýva yvýre, hoʼapáta umi montañakuéra,+ umi varránka hoʼapáta ha kompletoite umi murálla oúta yvýpe’.

21 Ñandejára Jehová ogovernáva opa mbaʼe heʼi: ‘Amondóta peteĩ espáda Gog kóntrape kompletoite umi che montañakuéra ári. Ha káda kuimbaʼe oñorairõta hapicha soldádo kóntrape.+ 22 Ahusgáta chupe.* Amondóta chupe mbaʼasy+ ha umi hénte omanombáta, ha amboúta peteĩ aguaséro tuichaitereíva ha amandáu tuichaicháva,+ amongýta tata+ ha asúfre*+ hiʼári ha umi ijehérsito ári, ha umi puevloita oĩva hendive ári.+ 23 Ha katuete añemombaʼeguasúta ha añesantifikáta, ha ajekuaaukáta heta nasión renondépe, ha oikuaáta hikuái che haʼeha Jehová’”.

39 “Nde katu yvypóra raʼy eprofetisa Gog kóntrape,+ ha ere chupe: ‘Péicha heʼi Ñandejára Jehová ogovernáva opa mbaʼe: “Ápe aime hína ne kóntrape Gog, pe héfe prinsipál* Mesec ha Tubalpegua.+ 2 Che rombojevýta ha rodirihíta, romboarriváta mombyryvehágui nórteguio+ ha rogueraháta Israel montañakuéra ári. 3 Ainupãta pe árko oĩva nde po iskiérdape hoʼa hag̃ua ha aitýta umi flécha oĩva nde po deréchape. 4 Reʼáta Israel montañakuéra ári, reʼáta nde,+ umi nde ehérsito kompletoite ha umi puévlo oĩva nendive. Romeʼẽta umi yryvu ha animál salváhe rembiʼurã”’.+

5 ‘Reʼáta pe yvy reípe,+ pórke chete haʼéma upéva’, heʼi Ñandejára Jehová ogovernáva opa mbaʼe.

6 ‘Ha amondóta tata Magog kóntrape ha umi oikóva umi íslape kóntrape, umíva ningo oiko hína segúro porã.+ Ha haʼekuéra oikuaáta che haʼeha Jehová. 7 Ha che réra isagradoitéva aikuaaukáta che puévlo Israel apytépe, ha napermitimoʼãvéima che réra oñemongyʼa, ha umi tetãnguéra oikuaáta che haʼeha Jehová,+ pe Israel Jára’.*+

8 ‘Upe ojeprofetisa vaʼekue oikóta ha oñekumpli vaʼerã’, heʼi Ñandejára Jehová ogovernáva opa mbaʼe. ‘Kóva hína pe día añeʼẽ hague. 9 Umi hénte oikóva Israel siudakuérape osẽta ha oipurúta umi árma jepeʼáicha ojatapy hag̃ua, oipurúta umi eskudoʼi,* umi eskúdo tuicháva, umi árko ha flécha, umi garróte ojepurúva gerrahápe* ha umi lánsa. Ha oipurúta hikuái umíva ojatapy+ hag̃ua 7 áñore. 10 Natekotevẽmoʼãi ogueru hikuái yvyra umi ñúgui ni ombyaty jepeʼa umi kaʼaguýgui, pórke oipurúta hikuái umi árma ojatapy hag̃ua’.

‘Haʼekuéra oipeʼáta ikosakuéra umi oipeʼa vaʼekuégui chuguikuéra ha osakeáta umi osakea vaʼekuépe chupekuéra’, heʼi Ñandejára Jehová ogovernáva opa mbaʼe.

11 ‘Upe díape ameʼẽta Gógpe+ isepulturarã peteĩ ñu oĩvape Israélpe. Upe lugár oĩ éste gotyo pe márgui ha umi hénte ohasa jepi upérupi, péro koʼág̃a upe ñu ombotýta chuguikuéra hape ha ndaikatumoʼãvéima ojehasa upérupi. Upépe oñotỹta hikuái Gógpe ha kompletoite ijehérsitope, ha ombohérata hikuái upe lugár Hamon-Gog Ñu.*+ 12 Israel rogaygua oikotevẽta 7 mése oñotỹmba hag̃ua chupekuéra ha péicha omopotĩmbáta pe yvy.+ 13 Kompletoite umi hénte ko yvy arigua ombaʼapóta oñotỹ hag̃ua chupekuéra, ha péicha ojekuaáta chupekuéra opárupi upe añemombaʼeguasuha díape’,+ heʼi Ñandejára Jehová ogovernáva opa mbaʼe.

14 ‘Ojeporavóta unos kuánto kuimbaʼépe ikatu hag̃uáicha kontinuadoite orrekorre pe país ha oñotỹ umi omano vaʼekue retekue, umi opytáva pe yvýpe, ha péicha omopotĩ hag̃ua pe yvy. Ha umi 7 mése aja osegíta oheka hikuái. 15 Ha umi hénte ohasáva pe paísrupi ohecha vove peteĩ yvypóra kanguekue, omoĩta peteĩ márka ijykére. Upéi umi ojeporavo vaʼekuépe oporoñotỹ hag̃ua, oraháta oñotỹ umíva Hamon-Gog Ñúme.+ 16 Ha oĩta avei upépe peteĩ siuda hérava Hamoná.* Ha haʼekuéra omopotĩta pe país’.+

17 Ndéve katu yvypóra raʼy, péicha heʼi Ñandejára Jehová ogovernáva opa mbaʼe: ‘Ere opaichagua guyra ha animál salváhepe: “Peñembyaty ha peju. Peñembyaty che sakrifísio jerére, asakrifikátava peẽme g̃uarã, péva hína peteĩ sakrifísio tuichaitereíva ajapótava Israel montañakuéra ári.+ Peʼúta soʼo ha tuguy.+ 18 Peʼúta umi ipoderósova roʼokue ha umi omoakãva ko yvy ruguykue. Umíva hína umi ovecha mácho, ovecha raʼyrusu, kavara ha tóro, kompletoite umi animál oñemongyra vaʼekue Basánpe. 19 Pe sakrifísio apreparávape peẽ peʼúta pe ikyrakue peneryg̃uatãha meve, ha peʼúta tuguy pekaʼu peve”’.

20 ‘Che mesápe henyhẽta umi kavaju reʼongue, umi omaneháva kárro retekue, umi ipoderósova ha opaichagua gerréro reʼongue’,+ heʼi Ñandejára Jehová ogovernáva opa mbaʼe.

21 ‘Ahechaukáta umi tetãnguéra apytépe mbaʼeichaitépa chepoderóso, ha kompletoite umi tetã ohecháta aporohusga vove ha ohechakuaáta chepoderosoha.*+ 22 Ha upe día guive Israel rogaygua oikuaáta che Jehová haʼeha Ijára. 23 Ha umi tetãnguéra oikuaáta Israel rogaygua ojegueraha hague hetãgui hembiapo vaikuére, pórke haʼekuéra naiñeʼẽrendúi kuri chéve.+ Upévare che añemolómo* chuguikuéra+ ha antrega chupekuéra iñenemigokuérape+ ha enterovetépe ojejuka vaʼekue espádape. 24 Che ajapo hesekuéra asegún umi mbaʼe kyʼa ojapo vaʼekue ha umi hembiapo vaikue, ha che añemolómo* chuguikuéra’.

25 Upévare péicha heʼi Ñandejára Jehová ogovernáva opa mbaʼe: ‘Agueru jeýta ijyvýpe Jacob rogaygua oĩ vaʼekue prisionéroramo,+ ha aiporiahuverekóta kompletoite Israel rogayguápe.+ Ha che mbaretekue reheve adefendéta che réra sagrádo.+ 26 Oñemotĩ ningo chupekuéra naiñeʼẽrendúi haguére chéve entéro mbaʼépe,+ ha upe rire haʼekuéra oikóta trankílo ha segúro porã ijyvýpe ha avave nomongyhyjemoʼãi chupekuéra.+ 27 Ág̃a che agueru jey vove chupekuéra umi puévlogui ha ambyaty jey vove chupekuéra umi iñenemígo yvýgui,+ che añesantifikáta avei ijapytepekuéra heta nasión renondépe’.+

28 ‘Haʼekuéra oikuaáta che haʼeha Ijára Jehová, agueru jey vove chupekuéra ijyvýpe umi tetãnguéra oho haguégui prisionéroramo, ha ni peteĩva ndopytamoʼãi.+ 29 Che nañemolomomoʼãvéima* Israel rogayguágui,+ pórke che añohẽta hiʼarikuéra che espíritu sánto’,+ heʼi Ñandejára Jehová ogovernáva opa mbaʼe”.

40 Roimérõ guare prisionéroramo ótro tetãme, pe áño 25-pe,+ oñepyrũvo pe áño, pe día 10 del méspe, 14 áño ojejagarra haguépe pe siuda de Jerusalén,+ upe diaitépe voi Jehová podér* ou che ári ha chegueraha pe siudápe.+ 2 Umi visión oúva rupive Ñandejáragui, haʼe chegueraha Israel yvýpe ha cherupi peteĩ montáña ijyvatetereíva ári,+ upépe oĩ peteĩ óga guasu ojoguáva peteĩ siuda oĩvape sur gotyo.

3 Cheguerahárõ guare upépe, ahecha peteĩ kuimbaʼe omimbíva kóvreicha.+ Haʼe oreko ipópe peteĩ piolín de líno* ha peteĩ takuára ojepurúva oñemedi* hag̃ua,+ ha haʼe oñemboʼy hína kuri pe okẽme. 4 Pe kuimbaʼe heʼi chéve: “Yvypóra raʼy, emaña porãke ha ejapysaka porã ha eñatende porã* opa mbaʼe ahechaukátavare ndéve, pórke upearã rejegueru hína koʼápe. Emombeʼúke Israel rogayguápe entéro mbaʼe rehecháva”.+

5 Ahecha peteĩ murálla ojeréva pe témplore* oka gotyo. Ha pe kuimbaʼe pópe oĩ peteĩ takuára ojepurúva oñemedi hag̃ua, ipukúva 3 métro 11 sentímetro.* Ha haʼe oñepyrũ omedi pe murálla, ha ipe 3 métro 11 sentímetro* ha ijyvate 3 métro 11 sentímetro.*

6 Upéi pe kuimbaʼe ou oĩháme pe okẽ guasu omañáva éste gotyo+ ha ojupi umi igrádare. Upéi omedi pe okẽ entráda, ha ipe 3 métro 11 sentímetro,* upéi omedi pe ótra entráda, ha ipe avei 3 métro 11 sentímetro.* 7 Káda guárdia koty ipuku 3 métro 11 sentímetro,* ha ipe 3 métro 11 sentímetro,* ha umi guárdia koty+ oĩ ojuehegui káda 2 métro 59 sentímetro.* Ha pe okẽ itechopáva entráda omañáva pe témplo gotyo oreko 3 métro 11 sentímetro.*

8 Omedi avei pe okẽ itechopáva entráda hyepy gotyo ha oreko 3 métro 11 sentímetro.* 9 Upéi omedi pe okẽ itechopáva entráda, ha oreko 4 métro 14 sentímetro,* ha upe okẽ itechopáva entráda omaña pe témplo gotyo. Ha omedi avei umi pilár kostadopegua, ha umíva oreko 1 métro 4 sentímetro.*

10 Ha oĩ mbohapy koty umi guardiakuérape g̃uarã, káda ládo pe okẽ oĩvagui éste gotyo. Umi mbohapy koty oreko la mísma medída, ha umi pilár káda kostadopegua peteĩchaite tuicha.

11 Upéi omedi ipekue pe okẽ entráda, ha oreko 5 métro 18 sentímetro,* ha pe okẽ entráda oĩva oka gotyo ipe 6 métro 73 sentímetro.*

12 Ha umi guárdia koty oĩva ojovái oreko henonde gotyo peteĩ muroʼi ijyvatéva 51,8 sentímetro.* Umi guárdia koty oĩva ojovái, káda uno oreko 3 métro 11 sentímetro.*

13 Upéi omedi pe okẽ, ha omedi umi guardiakuéra koty pe itécho* guive pe ótro koty técho oĩva hovái peve, ha ipe 12 métro 95 sentímetro.* Káda guárdia koty entráda oĩ ojovái.+ 14 Upéi omedi umi pilár oĩva káda kostádope, ha umíva ijyvate 31 métro 8 sentímetro,* upéicha avei ijyvate umi pilár orekóva umi okẽ káda ládo oĩva pe korapy jerére. 15 Ha oreko 25 métro 90 sentímetro* pe okẽ frentepegua entráda guive pe ótro okẽ itechopáva entráda peve, upe omañáva hyepy gotyo.

16 Oĩ avei ventána ijuru poʼíva oka gotyo ha ijuru guasúva hyepy gotyo+ umi guárdia kotýpe, ha umi pilár oĩvape umi okẽ kostádope. Umi okẽ itechopáva ryepýpe oĩ avei ventána káda ládo, ha umi pilár káda ládope oreko palméra raʼanga.+

17 Upéi pe kuimbaʼe chegueraha pe korapy okapeguápe, ha ahecha umi komedór*+ ha pe píso oĩva pe korapy jerére. Ha pe píso oĩháme oĩ 30 komedór. 18 Pe píso ojepysóva umi okẽ kostádope oreko la mísma medída orekóva umi okẽ... ko píso ikarapeve pe korapy hyepypeguágui.

19 Upéi omedi ipukukue* pe okẽ entradapegua guive, upéva hína pe okẽ orílla oĩva hyepy gotyo, oñepyrũha meve pe korapy hyepypegua. Upéva oreko 51 métro 80 sentímetro* éste gotyo ha nórte gotyo.

20 Pe korapy okapegua oreko peteĩ okẽ omañáva nórte gotyo, ha haʼe omedi mboýpa ipuku ha ipe. 21 Káda ládo oĩ mbohapy koty umi guárdiape g̃uarã. Umi pilár kostadopegua ha pe entráda itechopáva oreko avei la mísma medída orekóva pe primer okẽ. Upéva ipuku 25 métro 90 sentímetro* ha ipe 12 métro 95 sentímetro.* 22 Umi ventána, pe entráda itechopáva ha umi palméra raʼanga+ oreko la mísma medída orekóva pe okẽ estepegua. Umi hénte ikatu og̃uahẽ upépe ojupívo umi 7 gráda, ha koʼãva oĩ hína pe entráda itechopáva renondépe.

23 Pe korapy hyepypeguápe oĩ peteĩ okẽ opytáva pe okẽ nortepegua rovái, ha ótro okẽ opyta pe okẽ estepegua rovái. Ha pe kuimbaʼe ohecha mboýpa omedi peteĩ okẽgui pe ótro okẽme, ha otopa orekoha 51 métro 80 sentímetro.*

24 Upéi haʼe chegueraha sur gotyo, ha ahecha peteĩ okẽ oĩva sur gotyo.+ Haʼe omedi umi pilár kostadopegua ha pe entráda itechopáva, ha imedidakuéra elmimoite umi ótroicha. 25 Ha káda ládope oreko umi ventána, ha pe entráda itechopáva oreko avei ventána ha umíva ojogua umi ótro ventánape. Upe entráda itechopáva ipuku 25 métro 90 sentímetro* ha ipe 12 métro 95 sentímetro.* 26 Oñeg̃uahẽ hag̃ua upépe ojejupi vaʼerã 7 gráda,+ ha koʼãva renondépe oĩ pe entráda itechopáva. Ha umi pilár kostadopegua oreko palméra raʼanga, peteĩ palméra raʼanga káda pilár rehe.

27 Pe korapy hyepypegua oreko peteĩ okẽ omañáva sur gotyo, ha haʼe omedi sur gotyo peteĩ okẽgui pe ótro okẽme, ha otopa orekoha 51 métro 80 sentímetro.* 28 Upéi chemoinge pe korapy hyepypeguápe, pe okẽ oĩva sur gotyo rupive, ha omedírõ guare pe okẽ oĩva sur gotyo, oreko la mísma medída umi ótro orekóva. 29 Umi koty guárdiape g̃uarã, umi pilár kostadopegua ha pe entráda itechopáva oreko la mísma medída umi ótro orekóva. Ha káda ládope oreko umi ventána, ha pe entráda itechopáva oreko avei ventána. Upéva ipuku 25 métro 90 sentímetro* ha ipe 12 métro 95 sentímetro.*+ 30 Enterove umi okẽ ojepurúva ojehasa hag̃ua pe korapy hyepypeguápe oreko iñentráda itechopáva, ha káda uno ipuku 12 métro 95 sentímetro* ha ipe 2 métro 59 sentímetro.* 31 Pe iñentráda itechopáva omaña pe korapy okapegua gotyo, ha oĩ palméra raʼanga umi pilár kostadopegua rehe,+ ha upépe oñeg̃uahẽ hag̃ua ojejupi vaʼerã 8 gráda.+

32 Chemoingérõ guare pe korapy hyepypeguápe ésteguio ládo, haʼe omedi pe okẽ, ha oreko la mísma medída umi ótro orekóva. 33 Umi koty guárdiape g̃uarã, umi pilár kostadopegua ha pe entráda itechopáva oreko la mísma medída umi ótro orekóva. Ha káda ládope, pe okẽ oreko umi ventána ha pe entráda itechopáva oreko avei ventána. Upéva ipuku 25 métro 90 sentímetro* ha ipe 12 métro 95 sentímetro.* 34 Pe iñentráda itechopáva omaña pe korapy okapegua gotyo, ha oĩ palméra raʼanga umi pilár kostadopegua rehe, ha upépe oñeg̃uahẽ hag̃ua ojejupi vaʼerã 8 gráda.

35 Upéi chegueraha pe okẽ oĩvape nórte gotyo+ ha omedi, ha oreko la mísma medída umi ótro orekóva. 36 Umi koty guárdiape g̃uarã, umi pilár kostadopegua ha pe entráda itechopáva oreko la mísma medída umi ótro orekóva. Ha káda ládope, pe okẽ oreko umi ventána ha pe entráda itechopáva oreko avei ventána. Upéva ipuku 25 métro 90 sentímetro* ha ipe 12 métro 95 sentímetro.* 37 Umi pilár kostadopegua omaña pe korapy okapegua gotyo, ha oĩ palméra raʼanga umi pilár kostadopegua rehe, ha upépe oñeg̃uahẽ hag̃ua ojejupi vaʼerã 8 gráda.

38 Umi pilár ykére oĩ peteĩ komedór, umi pilár oĩ hína umi okẽ kostádope, ha upépe ojejohéi vaʼekue umi ofrénda ojehapypaitéva.+

39 Oĩ vaʼekue mokõi mesa pe entráda itechopáva kostádope, káda ládope, umíva ári ojejuka umi animál ojejapo hag̃ua ofrénda ojehapypaitéva,+ umi ofrénda ojepaga hag̃ua umi pekádore+ ha umi ofrénda por la kúlpa.+ 40 Pe tape ojehohápe pe okẽ oĩvape nórte gotyo, oĩ vaʼekue mokõi mesa oka gotyo pe entrádagui. Oĩ vaʼekue avei mokõi mesa pe okẽ itechopáva entrádape pe ótro ládo. 41 Oĩ vaʼekue 4 mesa káda ládope pe okẽ entrádape, 8 mesa en totál, umíva ári ojejuka vaʼekue umi animál sakrifisiorã. 42 Umi 4 mesa ojepurúva ojejuka hag̃ua umi animál sakrifisiorã, ojejapo vaʼekue ita oñekytĩ ha oñemoldea pyrévagui. Ipukukue oreko 77,7 sentímetro,* ha ipekue oreko 77,7 sentímetro* ha ijyvatekue oreko 51,8 sentímetro.* Umíva ári oĩ vaʼekue umi tembiporu ojepurúva jepi ojejuka hag̃ua umi animál ojejapo hag̃ua ofrénda ojehapýva ha umi sakrifísio. 43 Oĩ vaʼekue umi estánte ipéva 7,4 sentímetro* oñemoĩva alrrededór pe pare rehe hyepy gotyo, ha umi mesa ári oĩ umi animál roʼo ojepurútava ojejapo hag̃ua umi ofrénda oñemeʼẽva rregáloramo.

44 Umi opurahéiva+ komedór oĩ oka gotyo pe okẽ oĩvagui hyepy gotyo. Upéva oĩ pe korapy hyepypeguápe, pe okẽ nortepegua ypýpe, ha omaña sur gotyo. Ótro komedór oĩ pe okẽ estepegua ypýpe, ha omaña nórte gotyo.

45 Haʼe heʼi chéve: “Ko komedór omañáva sur gotyo, oipuru umi saserdóte oñenkargáva umi traváho ojejapóvare pe témplope.+ 46 Pe komedór omañáva nórte gotyo, oipuru umi saserdóte oñenkargáva umi traváho ojejapóvare pe altárpe.+ Umíva hína Sadoc+ raʼykuéra, haʼekuéra ningo levita oñenkargáva oñemboja hag̃ua Jehová renondépe ha oservi hag̃ua chupe”.+

47 Upéi haʼe omedi pe korapy hyepypegua. Ha ipukukue oreko 51 métro 80 sentímetro* ha ipekue oreko 51 métro 80 sentímetro,* pe korapy kuadrádo vaʼekue. Pe altár oĩ vaʼekue pe témplo rovái.

48 Upéi chemoinge pe témplo entráda itechopávape,+ ha omedi pe pilár kostadopegua orekóva pe entráda itechopáva, káda pilár ipe 2 métro 59 sentímetro* peteĩ kostádope, ha pe ótro kostádope ipe 1 métro 55 sentímetro.* Peteĩ pilár oĩ a la iskiérda ha pe ótro a la derécha.

49 Pe entráda itechopáva ipe 10 métro 36 sentímetro* ha ipuku 5 métro 70 sentímetro.* Ha umi hénte og̃uahẽ hag̃ua upépe ojupi vaʼerã umi gráda. Oĩ vaʼekue pilár umi pare kostadopegua ykére, peteĩ pilár káda ládo.+

41 Upéi chemoinge pe lugár Sántope,* ha omedi umi pilár oĩva káda kostádope, peteĩ oĩ a la iskiérda ha pe ótro oĩ a la derécha. Káda pilár ipe 3 métro 11 sentímetro,* péicha ipe vaʼekue umi pilár oĩva káda kostádope. 2 Pe entráda ipe 5 métro 18 sentímetro,* ha umi pilár pe entráda kostadopegua un ládo oreko 2 métro 59 sentímetro,* ha pe ótro ládo oreko 2 métro 59 sentímetro.* Ha omedi pe lugár Sánto pukukue ha oreko 20 métro 72 sentímetro,* ha ipe 10 métro 36 sentímetro.*

3 Upéi oike hyepýpe* ha omedi umi pilár pe entráda kostadopegua, ha ipe 1 métro 4 sentímetro,* ha pe entráda ipe 3 métro 11 sentímetro.* Umi pare pe entráda kostadopegua oreko* 3 métro 63 sentímetro.* 4 Upéi omedi upe koty omañáva pe lugár Sánto gotyo, ha ipuku 10 métro 36 sentímetro,* ha ipe 10 métro 36 sentímetro.*+ Ha haʼe heʼi chéve: “Kóva hína pe Santísimo”.+

5 Upéi omedi pe témplo pare ha iñanambusu 3 métro 11 sentímetro.* Umi kotyʼi oĩva pe témplo kostádope alrrededór, ipe 2 métro 7 sentímetro.*+ 6 Umi kotyʼi kostadopegua oĩ 3 písope, ha káda písope oĩ 30 kotyʼi. Pe témplo pare jerére oĩma voi umi tiránte rendag̃ua ha umíva ári oñemboguapy umi kotyʼi, péro umi tiránte ojokóva umi kotyʼi noñemoingéi pe témplo parére.+ 7 Ha umi kotyʼi ipeve ohóvo pe primer píso guive pe tercer píso peve.+ Ha mokõive ládo pe témplo kostádope oreko peteĩ eskaléra karakól, oñepyrũva pe primer písope, ohasa pe segundo písorupi ha og̃uahẽ pe tercer píso peve.

8 Ha ahecha peteĩ váse yvate pe témplo jerére kompletoite, ha umi kotyʼi kostadopegua váse ijyvate 3 métro 11 sentímetro.* 9 Umi kotyʼi kostadopegua pare iñanambusu 2 métro 59 sentímetro.* Pe váse ári oĩ peteĩ korredór* umi kotyʼi kostadopegua jerére, koʼã kotyʼi haʼe hína pe témplo rehegua.

10 Éntre pe témplo ha umi komedór*+ oĩ peteĩ espásio nandi ha upéva ipe 10 métro 36 sentímetro* alrrededór. 11 Umi kotyʼi kostadopegua oreko peteĩ entráda oĩháme pe korredór opytáva nórte gotyo, ha ótra entráda oĩ sur gotyo. Ha pe korredór oĩva alrrededór ipe 2 métro 59 sentímetro.*

12 Pe óga guasu oĩva oéste gotyo ha omañáva pe espásio nandi oĩha gotyo, ipe 36 métro 26 sentímetro* ha ipuku 46 métro 62 sentímetro.* Ha pe óga guasu pare iñanambusu 2 métro 59 sentímetro* alrrededór kompletoite.

13 Haʼe omedi pe témplo, ha ipuku 51 métro 80 sentímetro.* Pe espásio nandi, pe óga guasu,* ha umi pare oreko avei en totál 51 métro 80 sentímetro.* 14 Pe témplo frénte omañáva éste gotyo ha pe espásio nandi, ipe 51 métro 80 sentímetro.*

15 Haʼe omedi pe témplo pukukue omañáva pe espásio nandi oĩvare ijatukupe gotyo, ha avei umi pasíllo oĩva mokõive ládo, ha en totál omedi 51 métro 80 sentímetro.*

Omedi avei pe lugár Sánto, pe Santísimo+ ha umi entráda itechopáva omañáva pe korapy gotyo, 16 ha avei umi entráda, umi ventána tuicha ijurúva hyepy gotyo ha ijuru poʼíva oka gotyo,+ ha umi pasíllo oĩva umi mbohapy hendápe. Jahasávo pe entráda ikatu ojehecha pe pare ojerrevestiha madérape,+ pe píso guive umi ventána peve, ha umi ventána ojerrevestipa avei. 17 Oñemedi mbaʼeichaitépa tuicha pe entráda, pe témplo ryepy ha oka gotyo, ha pe pare kompletoite alrrededór. 18 Ha oĩ umi keruvín*+ ha palméra raʼanga+ ojetalla pyre pe parére, oĩ peteĩ palméra mokõi keruvín mbytépe, ha káda keruvín mokõi hova. 19 Pe yvypóra rova omaña peteĩ palméra oĩha gotyo, ha pe león rova omaña pe ótro palméra oĩha gotyo.+ Pe témplo parére kompletoite ojetalla peichagua taʼanga. 20 Pe píso guive pe párte oĩva pe entráda ári peve, oĩ umi keruvín ha palméra raʼanga ojetalla pyréva pe témplo parére.

21 Pe témplo rokẽ markokuéra* kuadrádo vaʼekue.+ Ha pe lugár sánto* renondépe oĩ peteĩ mbaʼe ojoguáva 22 peteĩ altár de madérape,+ ijyvatéva 1 métro 55 sentímetro* ha ipe 1 métro 4 sentímetro.* Ha oreko umi póste iñeskínape, iváse* ha umi ikostádo ojejapo vaʼekue madéragui. Upéi pe kuimbaʼe heʼi chéve: “Kóva hína pe mesa oĩva Jehová renondépe”.+

23 Pe lugár Sánto ha pe Santísimo oreko mokõi okẽ káda uno.+ 24 Umi okẽ oreko 2 óha ikatúva ojeavri mokõive ládo, káda okẽ oreko mokõi óha. 25 Oĩ umi keruvín ha palméra raʼanga ojetalla pyréva umi okẽ pe templopeguáre, oĩháicha avei umi parére.+ Oĩ avei peteĩ techoʼi de madéra pe entráda itechopáva renondépe, pe oka gotyo. 26 Ha oĩ avei umi ventána tuicha ijurúva hyepy gotyo ha ijuru poʼíva oka gotyo,+ ha palméra raʼanga mokõive ládo pe entráda itechopáva pukukuére, ha péicha avei umi kotyʼi pe témplo kostadopeguáre ha umi techoʼíre.

42 Upéi pe kuimbaʼe chegueraha pe korapy okapeguápe oĩva nórte gotyo.+ Chegueraha oĩháme umi komedorkuéra pe espásio nandi ykére,+ nórte gotyo pe óga guasu oĩvagui ijykére.+ 2 Pe óga oĩháme pe entráda nortepegua ipuku 51 métro 80 sentímetro,* ha ipe 25 métro 90 sentímetro.* 3 Pe korapy hyepypegua ipe 10 métro 36 sentímetro,*+ ha umi komedór oĩ éntre pe korapy hyepypegua ha pe píso orekóva pe korapy okapegua. Umi komedór oĩ mokõi óga de 3 písope, koʼã óga oĩ ojovái ha káda písope oĩ peteĩ korredór. 4 Koʼã mokõi komedór* mbytépe oĩ peteĩ pasíllo,+ ipéva 5 métro 18 sentímetro* ha ipukúva 51 métro 80 sentímetro.* Umi komedór entráda omaña nórte gotyo. 5 Umi komedór oĩva yvate michĩve umi oĩvagui mbytépe ha yvýpe, pórke umi korredór tuichave ohóvo yvate gotyo. 6 Koʼã komedór ijyvate 3 píso, péro ndorekói pilár oĩháicha umi korapýpe. Upévare pe píso yvategua michĩve umi píso oĩvagui mbytépe ha yvýpe.

7 Pe murálla ojejapóva itágui oĩ oka gotyo umi ótro komedór renondépe, ha omaña pe korapy okapegua gotyo, upe murálla ipuku 25 métro 90 sentímetro.* 8 Umi komedór oĩva ojoykerepa pe korapy okapegua ypýpe oreko 25 métro 90 sentímetro,* péro umi komedór oĩva ojoykerepa pe témplo gotyo oreko 51 métro 80 sentímetro.* 9 Umi komedór oreko peteĩ pasíllo ojeike hag̃ua ésteguio, upéva rupive ikatu ojeike umi komedórpe pe korapy okapeguáguio ládo.

10 Pe murálla ojejapo vaʼekue itágui oĩ éste gotyo, ha ijypýpe oĩ avei umi komedór, pe espásio nandi ha pe óga guasu renondépe.+ 11 Umi komedór oĩva sur gotyo oreko avei peteĩ pasíllo ojeike hag̃ua, orekoháicha umi komedór oĩva nórte gotyo.+ Umi komedór oreko la mísma medída, pe ipukukue ha ipekue, orekoháicha umi oĩva nórte gotyo. Ha peteĩchaite avei pe modélo ha umi salída orekóva. Umi iñentráda 12 ojogua umi komedór entráda oĩvape sur gotyo. Oĩ vaʼekue peteĩ entráda oñepyrũháme pe pasíllo, ha hovái oĩ pe tape ohóva pe murálla estepegua gotyo ha ojejapo vaʼekue itágui, ha upérupi ikatu vaʼekue ojeike.+

13 Upéi heʼi chéve: “Umi komedór oĩva nórtepe ha umi komedór oĩva súrpe, umi oĩva pe espásio nandi ypýpe,+ umíva hína umi komedór sagrádo. Upépe umi saserdóte oñemoag̃uíva Jehováre hoʼu umi ofrénda sagradovéva.+ Upépe omoĩ avei hikuái umi ofrénda sagradovéva, umi ofrénda de semílla, umi ofrénda ojepaga hag̃ua umi pekádore ha umi ofrénda por la kúlpa, pórke ko lugár sagrádo hína.+ 14 Umi saserdóte oike vove upépe, nosẽi vaʼerã pe lugár sagrádogui pe korapy okapeguápe oipeʼaʼỹre ijao oipuru vaʼekue ombaʼapo hag̃ua,+ pórke umíva sagrádo hína. Haʼekuéra oipuru vaʼerã ótro ao oho hag̃ua umi lugár oñepermitihápe umi héntepe oike”.

15 Ha omedipa rire pe témplo ryepy,* chegueraha oka gotyo pe okẽ omañáva éste gotyo rupive,+ ha omedi pe lugár kompletoite.

16 Oipuru pe takuára oñemediha* omedi hag̃ua pe kostádo oĩva éste gotyo. Ha asegún pe takuára oñemediha, upe kostádo oreko 1 kilómetro 555 métro,* peteĩ púnta guive pe ótra púnta peve.

17 Upéi omedi pe kostádo nórte gotyo. Ha asegún pe takuára oñemediha, upe kostádo oreko 1 kilómetro 555 métro.*

18 Upéi omedi pe kostádo sur gotyo. Ha asegún pe takuára oñemediha, upe kostádo oreko 1 kilómetro 555 métro.*

19 Upéi ojere pe kostádo rehe oéste gotyo. Ha asegún pe takuára oñemediha, upe kostádo oreko 1 kilómetro 555 métro.*

20 Haʼe omedi umi 4 kostádo. Pe témplo oreko vaʼekue peteĩ murálla ijerére kompletoite,+ ipukúva 1 kilómetro 555 métro,* ha ipéva 1 kilómetro 555 métro,*+ upe murálla osepara pe lugár sagrádo pe lugár ndahaʼéivagui sagrádo.+

43 Upéi haʼe chegueraha oĩháme pe okẽ omañáva éste gotyo.+ 2 Upépe ahecha Israel Jára podér omimbipáva ouha hína ésteguio ládo,+ ha iñeʼẽ ryapu haʼete y hatã osyrýva hína,+ ha ipodér omimbipáva ohesape pe yvy.+ 3 Upe ahecha vaʼekue ojogua pe visión ahecha vaʼekuépe ajúrõ guare aikuaauka hag̃ua pe siuda oñehunditaha.* Haʼete voi upe ahecha vaʼekue rrío Kebar ypýpe,+ upémarõ añesũ ha añakãityete.

4 Upéi Jehová podér omimbipáva oike pe témplope,* pe okẽ omañáva éste gotyo rupive.+ 5 Ha peteĩ espíritu* chejagarra ha chemoinge pe korapy hyepypeguápe, ha ahecha Jehová podér omimbipáva ojagarrapaite hague pe témplo.+ 6 Upéi ahendu Ñandejára* oñeʼẽha chéve pe témplo guive, ha upe kuimbaʼe ou oñemboʼy che ykére.+ 7 Ñandejára* heʼi chéve:

“Yvypóra raʼy, kóva haʼe hína pe lugár oĩha che tróno+ ha che pyrendag̃ua,+ koʼápe che aikóta pára siémpre che puévlo Israel apytépe.+ Israel rogaygua nomongyʼamoʼãvéima che réra sagrádo,+ haʼekuéra ni irreikuéra, pórke haʼekuéra omongyʼa che réra chetraisionávo* ha oadorávo umi idioskuéra peteĩ rréicha.* 8 Avei koʼã óga entráda omoĩ che róga entráda ykére, ha umi hokẽ márko che róga rokẽ márko ykére, ha peteĩ parénte oredividi.+ Haʼekuéra omongyʼa che réra sagrádo umi mbaʼe oporombojeguarúva ojapo vaʼekuére oikóvo, upévare arrenegaiterei ha ahundi chupekuéra.+ 9 Ha anivémakena chetraisiona* hikuái, tomomombyry upéva chehegui, ha tomomombyry avei irreikuéra reʼongue, ha péicha aikóta ijapytepekuéra pára siémpre.+

10 Nde katu yvypóra raʼy, ere Israel rogayguápe mbaʼéichapa pe témplo,+ ikatu hag̃uáicha otĩ hikuái hembiapo vaikuére,+ ha ostudia vaʼerã hikuái pe pláno.* 11 Ha otĩramo hikuái hembiapo vai haguére, remombeʼu vaʼerã chupekuéra pe témplo pláno, mbaʼe modélopa oreko, umi salída ha entráda orekóva.+ Ehechauka chupekuéra kompletoite umi pláno ha umi léi oñeʼẽva hese ha mbaʼeichaitépa ojejapo vaʼekue pe témplo. Koʼã mbaʼe reskrivi vaʼerã henondepekuéra ikatu hag̃uáicha haʼekuéra oñatende kompletoite iplánore ha okumpli hag̃ua hikuái entéro mbaʼe oĩva umi léipe.+ 12 Kóva hína pe léi oñeʼẽva pe témplore: kompletoite pe lugár oĩva pe montáña ruʼãme, pe témplo jerére kompletoite sagradoiterei hína.+ Kóva hína pe léi oñeʼẽva pe témplore.

13 Koʼág̃a ahechaukáta ndéve mbaʼeichaitépa tuicha pe altár.+ Kóva oñemedi avei oñemedi haguéicha pe témplo.* Pe iváse oreko 51,8 sentímetro* ha ipe 51,8 sentímetro.* Pe ikántore oreko peteĩ vórde opuʼãva ha ipéva 22,2 sentímetro.* Péva hína pe altár váse. 14 Pe gráda oĩva pe váse ári ijyvate 1 métro 4 sentímetro* ha ipe 51,8 sentímetro.* Pe tercera gráda ijyvate 2 métro 7 sentímetro* ha ipe 51,8 sentímetro.* 15 Pe párte ijyvatevéva haʼe hína pe oñemoĩha tata pe altárpe, ha upéva ijyvate 2 métro 7 sentímetro,* ha pe yvate umi 4 iñeskínagui osẽ umi 4 vaka ratĩ joguaha.+ 16 Pe párte oñemoĩha tata pe altárpe kuadrádo vaʼekue, ha umi 4 ládo ipuku 6 métro 22 sentímetro.*+ 17 Pe tercera gráda ipuku umi 4 ládo 7 métro 25 sentímetro.* Kóva ipeve pe gráda oĩvagui hiʼári 51,8 sentímetro* umi 4 ládope. Pe ikántore oreko peteĩ vórde opuʼãva ha ipéva 25,9 sentímetro.* Ha pe iváse ipe 51,8 sentímetro* umi 4 ládope.

Ha pe eskaléra gráda omaña éste gotyo”.

18 Upéi pe kuimbaʼe heʼi chéve:* “Yvypóra raʼy, péicha heʼi Ñandejára Jehová ogovernáva opa mbaʼe: ‘Koʼã mbaʼe ojejapo vaʼerã ág̃a ojejapo vove pe altár, ojeofrese hag̃ua hiʼári umi ofrénda ojehapypaitéva ha ojehypýi hag̃ua hese tuguy’.+

19 ‘Remeʼẽ vaʼerã peteĩ tóro raʼyrusu ojejapo hag̃ua pe ofrénda ojepaga hag̃ua umi pekádore,+ upéva remeʼẽ vaʼerã umi saserdóte levítape haʼéva Sadoc familiare,+ haʼekuéra hína umi oñemoag̃uíva che rendápe cheservi hag̃ua’, heʼi Ñandejára Jehová ogovernáva opa mbaʼe. 20 ‘Rejagarra vaʼerã michĩmi pe animál ruguykue, ha emona pe tuguy umi vaka ratĩ joguaháre oĩva pe altárpe, umi 4 eskína orekóvare pe tercera gráda ha pe ivórdere kompletoite alrrededór. Péicha resantifikáta* upéva ojejapo hag̃ua hiʼári umi sakrifísio.+ 21 Upéi ejagarra pe tóro raʼyrusu, haʼéva pe ofrénda ojepaga hag̃ua umi pekádore, ikatu hag̃uáicha ojehapy pe lugár ojeporavo vaʼekuépe oĩva oka gotyo pe témplogui.+ 22 Upéi pe segundo díape, reofrese vaʼerã peteĩ kavara mácho isánova ojejapo hag̃ua pe ofrénda ojepaga hag̃ua umi pekádore, ha umi saserdóte osantifikáta pe altár osantifikáma haguéicha pe tóro raʼyrusu rupive’.

23 ‘Resantifikapa rire reofreséta peteĩ tóro raʼyrusu isánova ha peteĩ ovecha mácho. 24 Representa vaʼerã umíva Jehová renondépe ha umi saserdóte opoíta hiʼári juky+ ha oofreséta ofrénda ojehapypaitévaramo Jehovápe. 25 Reofreséta 7 día aja peteĩ kavara mácho ojejapo hag̃ua káda día pe ofrénda ojepaga hag̃ua umi pekádore,+ avei peteĩ tóro raʼyrusu ha peteĩ ovecha mácho. Reofrese vaʼerã animál ndorekóiva defékto.* 26 Umi saserdóte osantifika vaʼerã pe altár 7 día aja, avei omopotĩ ha oheja vaʼerã ojepuru hag̃uáicha. 27 Oñekompleta vove umi día, ha pe 8 diahápe+ ha upe rire avei, umi saserdóte oofreséta pe altár ári umi iñofrénda* ojehapypaitéva ha umi ofrénda de paz, ha che poguerohorýta’,+ heʼi Ñandejára Jehová ogovernáva opa mbaʼe”.

44 Haʼe chegueraha jey oĩháme pe okẽ oka gotyogua, pe omañáva éste gotyo,+ ha pe okẽ oñemboty hína kuri.+ 2 Upémarõ Jehová heʼi chéve: “Ko okẽ opyta vaʼerã oñembotyhápe. Ndojeavríri vaʼerã, ha ni peteĩ persóna ndoikéi vaʼerã upérupi, pórke Israel Jára Jehová oikéma kuri upérupi,+ upévare opyta vaʼerã oñembotyhápe. 3 Péro, pe kuimbaʼe oporomoakãva oguapýta upépe hoʼu hag̃ua hiʼupy Jehová renondépe,+ pórke upe kuimbaʼe oporomoakã hína. Oikéta pe okẽ entráda itechopáva rupive ha osẽta avei upérupi”.+

4 Upéi chegueru pe okẽ oĩvarupi nórte gotyo pe témplo rovái. Ha amañávo ahecha Jehová podér omimbipáva ojagarrapaite hague Jehová témplo.+ Upémarõ añesũ ha añakãityete.+ 5 Upéi Jehová heʼi chéve: “Yvypóra raʼy, eñatende porã,* emaña ha ehendu porãke entéro mbaʼe haʼéva ndéve umi léi ha mandamiéntore oñeʼẽva hína Jehová témplore. Eñatende porãkena pe témplo entrádare ha entéro umi salída orekóvare pe témplo.+ 6 Ere vaʼerã Israel rogaygua oñemoĩvape hína cherehe: ‘Péicha heʼi Ñandejára Jehová ogovernáva opa mbaʼe: “Peẽ Israel rogaygua, pehasáma la rrája pejapóvo umi mbaʼe oporombojeguarúva. 7 Peẽ pemoinge jave che témplope umi extranhéro nosirkunsidái vaʼekue ikorasõ ni hete, haʼekuéra omongyʼa hína che témplo. Peẽ pepresenta chéve hiʼupy, haʼéva hína pe animál kyrakue ha pe huguykue, péro upe aja peẽ napekumplíri che kompromíso heʼíva, pejapo rupi entéro umi mbaʼe oporombojeguarúva. 8 Peẽ napeñenkargái umi mbaʼe sagrádovare+ oĩva che témplope. Upéva rangue, pemoĩ ótrope oñenkarga hag̃ua umi tembiapo peẽ pejapo vaʼerãre che témplope”’.

9 ‘Péicha heʼi Ñandejára Jehová ogovernáva opa mbaʼe: “Ni peteĩ extranhéro oikóva Israélpe ha nosirkunsidái vaʼekue ikorasõ ni hete ndaikatumoʼãi oike che témplope”’.

10 ‘Péro umi levita oñemomombyry vaʼekue chehegui,+ Israel oñemomombyrýrõ guare chehegui oho hag̃ua umi idiós puerkésa* rapykuéri, opagáta hembiapo vaikuére. 11 Ha ombaʼapóta hikuái che témplope oñatende hag̃ua umi okẽ oĩvare pe témplope+ ha ojapo hag̃ua umi traváho pe templopegua. Haʼekuéra ojukáta umi animál ojejapo hag̃ua umi ofrénda ojehapypaitéva ha sakrifísio umi hénte rehehápe, ha oñemboʼýta hikuái umi hénte renondépe oservi hag̃ua chupekuéra. 12 Haʼekuéra oservi vaʼekue umi héntepe umi idiós puerkésa renondépe, ha péicha ombopeka Israel rogayguápe,+ upévare ahupi che po ahura hag̃ua ikontrapekuéra’, heʼi Ñandejára Jehová ogovernáva opa mbaʼe, ‘ha opagáta hikuái hembiapo vaikuére. 13 Haʼekuéra noñemoag̃uimoʼãi cherehe oservi hag̃ua che saserdóteramo ni noñembojamoʼãi ni peteĩ umi che kosakuéra sagrádovare ni umi mbaʼe sagradovévare, ha opytáta otĩ hikuái ojapo haguére umi mbaʼe oporombojeguarúva. 14 Péro amoĩta chupekuéra oñenkarga hag̃ua umi tembiapo pe templopeguáre, oñenkarga hag̃ua umi traváho upepeguáre ha entéro mbaʼe ojejapo vaʼerãre upépe’.+

15 ‘Ha umi saserdóte levita, haʼéva Sadoc+ familiare oñenkarga vaʼekue umi tembiapo che templopeguáre umi israelita oñemomombyrýrõ guare chehegui,+ haʼekuéra oñemoag̃uíta cherehe cheservi hag̃ua, ha oñemboʼýta che renondépe oofrese hag̃ua pe animál kyrakue+ ha huguykue’,+ heʼi Ñandejára Jehová ogovernáva opa mbaʼe. 16 ‘Haʼekuéra hína la oikétava che témplope, ha haʼekuéra oñembojáta che mesápe* cheservi hag̃ua,+ ha haʼekuéra hína la oñenkargátava umi tembiapo ojejapo vaʼerãre chéve g̃uarã.+

17 Ág̃a haʼekuéra oike vove umi okẽ oĩvarupi pe korapy hyepypeguápe, oipuru vaʼerã umi ao de línova.+ Ndoipurúi vaʼerã hikuái mbaʼeveichagua ao de lána ombaʼapo jave umi okẽ oĩvape pe korapy hyepypeguápe, térã umi lugár oĩvape hyepýpe. 18 Haʼekuéra omoĩ vaʼerã iñakãre turvánte* de líno ha omonde vaʼerã kalsonsíllo de líno omoʼãva ikuárto peve.+ Nomondéi vaʼerã hikuái mbaʼeve ombohyʼáitava chupekuéra. 19 Haʼekuéra osẽ mboyve pe korapy okapeguápe, upéva hína pe korapy okapegua oĩháme umi hénte, oipeʼa vaʼerã umi ijao oipuru vaʼekue ombaʼapo hag̃ua+ ha oheja vaʼerã umi komedór sagrádope.*+ Upéi haʼekuéra omonde vaʼerã ótro ijao, ani hag̃ua osantifika umi héntepe ijaokuéra rupive. 20 Haʼekuéra noñemoakãperõi vaʼerã,+ ni ndohejái vaʼerã ipuku iñakãrangue, upéva rangue ojerrekorta vaʼerã hikuái. 21 Umi saserdóte ndoʼúi vaʼerã víno oike jave pe korapy hyepypeguápe.+ 22 Haʼekuéra nomendái vaʼerã peteĩ kuña viúdare térã peteĩ ojedivorsia vaʼekuére,+ péro ikatu omenda hikuái peteĩ kuñataĩ vírhen rehe haʼéva Israel familiare, térã peteĩ saserdóte viúda rehe’.+

23 ‘Haʼekuéra omboʼe vaʼerã che puévlope oikuaa hag̃ua mbaʼépepa idiferénte umi mbaʼe sagrádova ha umi mbaʼe ndahaʼéiva, ha omboʼéta chupekuéra mbaʼépepa idiferénte umi mbaʼe ikyʼáva ha umi mbaʼe ipotĩva.+ 24 Haʼekuéra haʼéta hués ojehusgáta jave peteĩ mbaʼe,+ ha ohusga vaʼerã hikuái umi che léi ihústova heʼiháicha.+ Haʼekuéra okumpli vaʼerã umi che léi ha mandamientokuéra oñeʼẽva umi fiéstare+ ha osantifika vaʼerã umi che sábado. 25 Haʼekuéra noñemoag̃uíri vaʼerã ni peteĩ omano vaʼekuére, pórke osino opytáta ikyʼa hikuái. Péro ikatu opyta ikyʼa itúa, isy, itaʼýra ha itajýra rehehápe, avei iñermáno ha iñermána nomendáiva rehehápe.+ 26 Ha oñemopotĩ rire peteĩ saserdótepe, ohaʼarõ vaʼerã 7 día ombaʼapo jey hag̃ua. 27 Ha pe oikeha díape pe lugár sagrádope, pe korapy hyepypeguápe, ombaʼapo hag̃ua upe lugár sagrádope, opresenta vaʼerã iñofrénda opaga hag̃ua pe pekádore’,+ heʼi Ñandejára Jehová ogovernáva opa mbaʼe.

28 ‘Kóva haʼéta iñerensiakuéra: che hína iñerensiakuéra.+ Peẽ napemeʼẽi vaʼerã chupekuéra mbaʼeve Israélpe imbaʼerã, pórke che hína imbaʼekuéra. 29 Haʼekuéra hína umi hoʼútava pe ofrénda de semílla,+ pe ofrénda ojepaga hag̃ua umi pekádore, ofrénda por la kúlpa,+ ha entéro mbaʼe oñemeʼẽva sagrádoramo Israélpe haʼéta imbaʼekuéra.+ 30 Umi iporãvéva entéro mbaʼe tenonderãite pekosecha vaʼekuégui ha opaichagua kontrivusión peẽ pemeʼẽva, opytáta umi saserdótepe imbaʼerã.+ Ha pemeʼẽ vaʼerã pe saserdótepe umi arína tenonderãite pejapo vaʼekue, pe trígo oñemolina vai vai vaʼekuégui.+ Upéicharõ oĩta peteĩ vendisión pende róga ári.+ 31 Umi saserdóte ndoʼúi vaʼerã mbaʼeveichagua guyra roʼo ni animál omano rei vaʼekue roʼo, térã omano vaʼekue ojukágui chupe ótro animál’”.+

45 “‘Peẽ pesortea vove pe yvy perreparti hag̃ua erensiarã,+ pemeʼẽ vaʼerã Jehovápe peteĩ párte sagráda pe yvýgui.+ Ipuku vaʼerã 12 kilómetro 950 métro* ha ipe vaʼerã 5 kilómetro 180 métro.*+ Upe yvy kompletoite* haʼéta peteĩ lugár sagrádo. 2 Ko yvýpe oĩta peteĩ párte kuadráda pe témplope g̃uarã. Orekóta 259 métro,* por 259 métro,*+ ha káda ládo orekóta peteĩ párte umi pastotyrã orekótava 25 métro 90 sentímetro.*+ 3 Ko yvy oñemedi vaʼekuégui remedi vaʼerã oñemoĩ hag̃ua pe témplo, upe lugár ipuku vaʼerã 12 kilómetro 950 métro* ha ipe vaʼerã 5 kilómetro 180 métro,* upéva pe lugár isagradoiterei hína. 4 Kóva ko yvy haʼéta peteĩ párte sagrádova umi saserdótepe g̃uarã,+ umíva hína umi ombaʼapóva pe témplope ha oñemoag̃uíva Jehová renondépe oservi hag̃ua chupe.+ Péva haʼéta peteĩ lugár hogakuéra rendag̃ua ha peteĩ lugár sagrádova pe témplope g̃uarã.

5 Umi levítape g̃uarã, umi ombaʼapóvape pe témplope, oĩta peteĩ yvy ipukúva 12 kilómetro 950 métro* ha ipéva 5 kilómetro 180 métro,*+ ha orekóta avei hikuái 20 komedór*+ imbaʼerã.

6 Pemeʼẽ vaʼerã pe siuda rendag̃ua peteĩ párte ipukúva 12 kilómetro 950 métro* ha ipéva 2 kilómetro 590 métro,*+ péva hína pe lugár sagrádo. Upéva opytáta kompletoite Israel rogayguápe.

7 Pe kuimbaʼe oporomoakãvape g̃uarã oĩta ijyvyrã mokõive ládope pe yvy sagrádo ykére ha pe párte oĩha pe siuda ykére. Oĩta pe yvy sagrádova ypýpe ha pe yvy oĩháme pe siuda ykére. Oĩta oéste ha éste gotyo. Upe yvy pukukue oéste guive éste peve elmimoite pe párte otokáva umi trivukuérape.+ 8 Ko yvy oñemeʼẽtava chupe, haʼéta hína pe párte otokátava chupe Israélpe. Umi kuimbaʼe oporomoakãva aiporavo vaʼekue nomaltratamoʼãvéima che puévlope,+ ha omeʼẽta Israel rogayguápe ijyvyrã asegún mbaʼe trivuguápa hikuái’.+

9 Péicha heʼi Ñandejára Jehová ogovernáva opa mbaʼe: ‘¡Peẽ pemoakãva Israel, pehasáma la rrája!’.

‘Anive peneviolénto ha pembohasa asy umi héntepe, upéva rangue pejapo umi mbaʼe ihústova ha oĩ porãva.+ Anive peipeʼa che puévlogui ijyvykuéra’,+ heʼi Ñandejára Jehová ogovernáva opa mbaʼe. 10 ‘Ndapeipurúi vaʼerã valánsa monda, hendaitépe pemedi vaʼerã umi mbaʼe isékova* ha avei umi líkido.*+ 11 Ojeguereko vaʼerã peteĩ medída fíha ojedesidíma vaʼekue pe efá ha pe bátope g̃uarã. Peteĩ homérpe* ija vaʼerã 10 bato, ha 10 efá oike vaʼerã peteĩ homérpe. Pe homer haʼe hína pe medída prinsipál oñemedi hag̃ua entéro mbaʼe. 12 Pe siclo*+ ojepurúva oreko vaʼerã 20 guerá.* Ha pe mané* katu oreko vaʼerã 60 siclo’.

13 ‘Pe kontrivusión peẽ peofrese vaʼerã haʼe hína kóva: káda 1 homer* trígogui pemeʼẽ vaʼerã un sexto de efá* ha 1 homer* sevádagui pemeʼẽ vaʼerã un sexto de efá.* 14 Pe bato ojepuru vaʼerã oñemedi hag̃ua pe aséite oñemeʼẽtava. Un córope* ija 10 bato, ha 10 bato haʼe hína peteĩ homer, pórke 10 bato hína peteĩ homer. 15 Israel ovecha atýgui pemeʼẽ vaʼerã peteĩ ovecha káda 200 ovechágui. Koʼãva ojepurúta ojejapo jave pe ofrénda de semílla,+ ofrénda ojehapypaitéva,+ ha umi ofrénda de paz,+ ikatu hag̃uáicha oñeperdona pe puévlope ipekádo’,+ heʼi Ñandejára Jehová ogovernáva opa mbaʼe.

16 ‘Entéro umi hénte ko yvy arigua omeʼẽ vaʼerã pe kontrivusión+ pe kuimbaʼe omoakãvape Israel. 17 Pe kuimbaʼe oporomoakãva omeʼẽ vaʼerã umi animál ojejapo hag̃ua umi ofrénda ojehapypaitéva,+ umi ofrénda de semílla,+ umi ofrénda líkida ojepurúva umi fiésta aja,+ umi jasy raʼy jave, umi sábado,+ ha Israel rogaygua ojapo jave umi fiésta itiempoitépe.+ Haʼe hína pe omeʼẽ vaʼerã pe ofrénda ojepaga hag̃ua umi pekádore, pe ofrénda de semílla, pe ofrénda ojehapypaitéva, ha umi ofrénda de paz, ikatu hag̃uáicha oñeperdona Israel rogayguápe ipekádo’.

18 Péicha heʼi Ñandejára Jehová ogovernáva opa mbaʼe: ‘Pe primer día, pe primer méspe, rejagarra vaʼerã peteĩ tóro raʼyrusu isánova, ha resantifika vaʼerã* pe témplo.+ 19 Pe saserdóte ojagarráta pe animál ruguykue, pe ojepuru vaʼekue ojejapo hag̃ua pe ofrénda ojepaga hag̃ua umi pekádore, ha omona vaʼerã umi okẽ márko oĩvare pe témplope,+ ha avei pe altár rehe, umi 4 eskína orekóvare pe tercera gráda, ha umi okẽ márko oĩvare pe korapy hyepypegua entrádape. 20 Upéva rejapóta pe día 7 del mes oimeraẽ opekávare ohechakuaaʼỹre térã ndoikuaáigui,+ ha peẽ pemopotĩ vaʼerã pekádogui pe témplo.+

21 Pe día 14, pe primer méspe, pemboarete vaʼerã pe Páskua.*+ Peʼu vaʼerã pan ilevaduraʼỹva 7 día aja.+ 22 Upe díape, pe omoakãva omeʼẽta peteĩ tóro raʼyrusu ojejapo hag̃ua pe ofrénda ojepaga hag̃ua umi pekádore, upéva omeʼẽ vaʼerã hesehápe ha entéro umi hénte ko yvy arigua rehehápe.+ 23 Umi 7 día ojejapo aja pe fiésta, haʼe omeʼẽta Jehovápe g̃uarã 7 tóro raʼyrusu isánova ha 7 ovecha mácho isánova ojejapo hag̃ua pe ofrénda ojehapypaitéva. Upéva ojejapo vaʼerã káda día umi 7 día aja.+ Avei omeʼẽta peteĩ kavara mácho ojejapo hag̃ua káda día pe ofrénda ojepaga hag̃ua umi pekádore. 24 Omeʼẽta avei ofrénda de semíllaramo 1 efá* arína káda tóro raʼyrusu reheve, ha 1 efá* arína káda ovecha mácho reheve, ha avei 3 lítro imédio* aséite káda 1 efá* arína.

25 Pe día 15, pe mes séptimope, 7 díare ojejapo aja pe fiésta,+ haʼe omeʼẽ ha oprepara jey vaʼerã pe ofrénda ojepaga hag̃ua umi pekádore, pe ofrénda ojehapypaitéva, ofrénda de semílla ha pe aséite’”.

46 “Péicha heʼi Ñandejára Jehová ogovernáva opa mbaʼe: ‘Pe okẽ orekóva pe korapy hyepypegua omañáva éste gotyo+ opyta vaʼerã oñembotyhápe+ umi 6 día oñembaʼapo aja.+ Péro pe día sábado ha jasy raʼyha díape ojeavri vaʼerã. 2 Pe kuimbaʼe oporomoakãva oike vaʼerã pe entráda itechopáva rupive+ ha oñemboʼýta pe okẽ márko ykére. Umi saserdóte oofreséta pe ofrénda ojehapypaitéva ha umi ofrénda de paz oguerúva pe kuimbaʼe, ha haʼe oñesũ ha oñakãitýta pe okẽ entrádape ha upéi osẽta. Péro pe okẽ noñembotýi vaʼerã kaʼaruete peve. 3 Umi hénte oñesũ ha oñakãitýta avei Jehová renondépe upe okẽ entrádape sabadokue ha jasy raʼy jave.+

4 Pe ofrénda ojehapypaitéva opresentátava Jehovápe sabadokue pe kuimbaʼe oporomoakãva haʼe hína koʼãva: 6 ovecha raʼyrusu isánova ha peteĩ ovecha mácho isánova.+ 5 Ojejapo hag̃ua pe ofrénda de semílla oofrese vaʼerã 1 efá* arína pe ovecha mácho isánova reheve, ha oñemeʼẽ vaʼerã la ikatumívante umi ovecha raʼyrusu reheve. Avei káda 1 efá* arína reheve omeʼẽ vaʼerã 3 lítro imédio* aséite.+ 6 Jasy raʼyha díape oñemeʼẽ vaʼerã peteĩ tóro raʼyrusu isánova, 6 ovecha raʼyrusu mácho, ha peteĩ ovecha mácho, enterovéva koʼãva isáno vaʼerã.+ 7 Ojejapo hag̃ua pe ofrénda de semílla haʼe oofrese vaʼerã 1 efá* arína pe tóro raʼyrusu reheve, 1 efá* arína pe ovecha mácho reheve, ha omeʼẽ vaʼerã la ikatumívante umi ovecha raʼyrusu reheve. Ha káda 1 efá* arína reheve omeʼẽ vaʼerã 3 lítro imédio* aséite.

8 Pe kuimbaʼe oporomoakãva oike vove, ohasa vaʼerã pe entráda itechopáva rupive ha osẽ jey vaʼerã upérupi.+ 9 Ha umi hénte oike vove Jehová renondépe umi fiésta jave,+ umi oikéva oadora hag̃ua pe okẽ nortepegua rupive,+ osẽ vaʼerã pe okẽ surpegua rupive,+ ha umi oikéva pe okẽ surpegua rupive osẽ vaʼerã pe okẽ nortepegua rupive. Avave nosẽi vaʼerã pe okẽ oike haguérupi, síno osẽ vaʼerã pe okẽ oĩvarupi hovái. 10 Pe kuimbaʼe oporomoakãva oĩva ijapytepekuéra oike vaʼerã umi hénte oike jave, ha osẽ vaʼerã haʼekuéra osẽ jave. 11 Umi fiésta jave ha umi fiésta ojejapoha tiémpope, ojeofrese vaʼerã ofrénda de semíllaramo 1 efá* arína pe tóro raʼyrusu reheve, 1 efá* arína pe ovecha mácho reheve, ha oñemeʼẽ vaʼerã la ikatumívante umi ovecha raʼyrusu reheve. Ha káda 1 efá* arína reheve oñemeʼẽ vaʼerã 3 lítro imédio* aséite.+

12 Pe kuimbaʼe oporomoakãva omeʼẽramo peteĩ ofrénda ojehapypaitéva+ ha umi ofrénda de paz, peteĩ ofrénda voluntáriaramo Jehovápe, upéicharõ ojeavri vaʼerã chupe pe okẽ omañáva éste gotyo, ha haʼe omeʼẽ vaʼerã iñofrénda ojehapypaitéva ha iñofrénda de paz ojapoháicha sabadokue.+ Haʼe osẽ rire oñemboty vaʼerã pe okẽ.+

13 Káda día oñemeʼẽ vaʼerã peteĩ ovecha raʼyrusu de 1 áño isánova ofrénda ojehapypaitévaramo Jehovápe g̃uarã.+ Káda pyhareve ojejapo vaʼerã upéva. 14 Hendive káda pyhareve ojeofrese vaʼerã un sexto de efá* arína ofrénda de semíllaramo, ha 1 lítro un cuarto* aséite ojehypýi hag̃ua pe arína iporãvéva. Umíva oñemeʼẽ vaʼerã Jehovápe kontinuadoite peteĩ ofrénda de semíllaramo. Kóva hína peteĩ léi siémpre oñekumpli vaʼerã. 15 Káda pyhareve oñemeʼẽ vaʼerã pe ovecha raʼyrusu, pe ofrénda de semílla ha aséite, ojejapo hag̃ua kontinuadoite pe ofrénda ojehapypaitéva’.

16 Péicha heʼi Ñandejára Jehová ogovernáva opa mbaʼe: ‘Pe kuimbaʼe oporomoakãva orregaláramo yvy káda uno itaʼyrakuérape iñerensiarã, upéva opytátama itaʼyrakuérape imbaʼerã. Upéva imbaʼekuéra pórke iñerénsia hína. 17 Péro iñerénsiagui haʼe orregaláramo yvy peteĩva isiérvope, upéva imbaʼéta og̃uahẽ meve pe áño de liverasión,+ ha upéi opyta jeýta pe kuimbaʼe oporomoakãvape imbaʼerã. Upe erénsia omeʼẽ vaʼekue itaʼyrakuérape añoite opytáta chupekuéra pára siémpre imbaʼe teerã. 18 Pe kuimbaʼe oporomoakãva ndoipeʼái vaʼerã ni peteĩ erénsia pe puévlogui, omosẽvo chupekuéra mbaretépe ijyvýgui. Haʼe omeʼẽ vaʼerã itaʼyrakuérape iñerensiarã ijyvýgui voi, upéicharõ avavégui che puévlope ndojepeʼamoʼãi ijyvy’”.

19 Upéi haʼe chegueraha pe pasíllo ojeikehárupi,+ oĩva pe okẽ ykére, upe okẽ ningo oporogueraha hína umi saserdóte komedór sagrádope,* ha umi komedór omaña hína nórte gotyo.+ Ha upépe ahecha oĩha peteĩ lugár oéste gotyo pe fóndope. 20 Ha haʼe heʼi chéve: “Kóva hína pe lugár umi saserdóte ombojyha pe ofrénda por la kúlpa, pe ofrénda ojepaga hag̃ua umi pekádore, ha pe ofrénda de semílla.+ Péicha noguenohẽmoʼãi hikuái mbaʼeve pe korapy okapeguápe ha osantifika umi héntepe”.+

21 Haʼe cheguenohẽ pe korapy okapeguápe, ha ohechauka chéve umi 4 eskína orekóva pe korapy okapegua. Upépe ahecha pe korapy okapeguápe oĩha peteĩ korapyʼi apárte káda eskínape. 22 Umi 4 eskínape pe korapýpe oĩ umi korapyʼi, ipukúva 20 métro 72 sentímetro* ha ipéva 15 métro 54 sentímetro.* Umi 4 korapyʼi oreko la mísma medída.* 23 Oĩ vaʼekue avei murallaʼi* omongoráva umi 4 korapyʼi, ha umi murallaʼi ykerete ojejapo umi lugár oñembojy hag̃ua umi ofrénda. 24 Upéi haʼe heʼi chéve: “Koʼã lugárpe umi ombaʼapóva pe témplope ombojy pe puévlo sakrifísio”.+

47 Upéi chegueru jey pe témplo entrádape,+ ha upépe ahecha y osẽva pe témplo entráda guýgui ha osyrýva éste gotyo,+ pórke pe témplo frénte omaña éste gotyo. Pe y osyrýva oguejy pe témplo kostádogui a la derécha, sur gotyo pe altárgui.

2 Upéi haʼe chegueraha okápe pe okẽ oĩva nórterupi,+ ha chegueraha ha chembojere okáguio ládo ha rog̃uahẽ oĩháme pe okẽ omañáva éste gotyo,+ ha a la derécha gotyo ahecha pe y ochororoʼíva osẽvo.

3 Ha pe kuimbaʼe osẽvo éste gotyo oreko ipópe peteĩ piolín ojepurúva oñemedi hag̃ua,+ ha omedi pe ysyry pe okẽ guive 518 métro* ha chembohasa pe y, pe y ningo og̃uahẽ che tovíllo peve.

4 Upéi omedi ótro 518 métro* ha chembohasa pe y, ha og̃uahẽ che rrodílla peve.

Omedi jey ótro 518 métro* ha chembohasa, ha pe y ohupyty che kadéra peve.

5 Upéi omedi jeýrõ guare 518 métro,* oikóma chugui peteĩ rrío che ndaikatúiva ahasa aguatahápe, pórke pe y ipypukuetereíma ha ojeytáma vaʼerã ojehasa hag̃ua, oikóma chugui peteĩ rrío ha ndaikatuvéima ojehasa yvýrupi.

6 Haʼe oporandu chéve: “¿Rehechápa hína upéva yvypóra raʼy?”.

Upémarõ chemboguata ha chegueraha jey pe ysyry oríllape. 7 Ha asẽ jeýrõ guare, ahecha pe rrío oríllape mokõive ládope oĩha hetaiterei yvyramáta.+ 8 Upéi heʼi chéve: “Ko y osyry éste gotyo ha ovahea pe Arabárupi*+ ha og̃uahẽ pe márpe.* Ha oikévo pe márpe,+ pe y upepegua naheʼẽjukymoʼãvéima ha ipotĩta. 9 Tosyry osyryha gotyo pe y,* henyhẽta pype opa mbaʼe oikovéva.* Hetaitereíta umi pira, pórke ko y osyrýta upépe. Pe y marpegua naheʼẽjukymoʼãvéima ha ipotĩta, ha pe osyryha gotyo entéro mbaʼe oikovéta.

10 Umi peskadór oñemboʼýta pe mar pukukue oríllape, En-Guedí+ guive En-Eglaim peve, upépe oĩta peteĩ lugár oñemokã hag̃ua umi rred ojepurúva peskádape. Oĩta opaichagua pira oĩháicha pe Mar Grándepe.*+

11 Orekóta umi estéro ha umi lugár ikaruguaha, ha umíva osegíta heʼẽ juky ha naipotĩmoʼãi. Umíva opyta reíta ha henyhẽtéta jukýgui.+

12 Opaichagua yvyramáta hiʼáva ha ikatúva jaʼu okakuaáta mokõive ládo pe rrío oríllape. Umi yvyramáta rogue ndaipirumoʼãi ha siémpre hiʼáta. Káda mes hiʼa pyahu jeýta, pórke pe y orregáva chupekuéra osyry pe témplogui.+ Umi hiʼakue ikatúta jaʼu ha umi hoguekue katu ojepurúta pohãrã”.+

13 Péicha heʼi Ñandejára Jehová ogovernáva opa mbaʼe: “Kóva hína pe yvy peẽ pemeʼẽtava iñerensiarã umi 12 trívu de Israélpe, ha José familiarépe oñemeʼẽta mokõi párte.+ 14 Peẽme oñemeʼẽta pene erensiarã ha enterovéva perresivíta la mísma kantida.* Che ahura vaʼekue ameʼẽtaha ko yvy pende tuakuéra ypykuépe,+ ha koʼág̃a oñemeʼẽ peẽme pene erensiarã.

15 Kóva hína pe yvy frontéra oĩva nórte gotyo: oho Mar Grande guive pe tape ohóvare Hetlónpe+ ha oho Zedad+ gotyo, 16 ha upéi oho Hamat,+ Berotá,+ ha Sibraim gotyo, oĩva éntre Damasco ha Hamat yvy, ha og̃uahẽ Hazer-Haticónpe, oĩva Haurán+ frontérape. 17 Upéicharõ pe frontéra ohóta pe mar guive Hazar-Enón+ peve, Damasco frontéra pukukuére nórte gotyo, ha Hamat+ frontéra peve. Kóva hína pe frontéra oĩva nórte gotyo.

18 Ha éste gotyo pe frontéra oho éntre Haurán ha Damasco, ha oho pe Jordán pukukuére éntre Galaad+ ha Israel yvy. Pemedi vaʼerã pe frontéra* guive pe mar oĩva éste gotyo* peve. Kóva hína pe frontéra oĩva éste gotyo.

19 Sur gotyo pe frontéra* oho Tamar guive Meribat-Cadés ysyry peve,+ upéi oho Egipto Yrape* peve ha og̃uahẽ pe Mar Grándepe.+ Kóva hína pe frontéra oĩva sur gotyo.*

20 Oéste gotyo pe frontéra hína pe Mar Grande, pe frontéra sur guive ojupi ohupyty peve peteĩ párte opytáva Lebó-Hamat*+ rovái. Kóva hína pe frontéra oĩva oéste gotyo”.

21 “Perreparti vaʼerã pe yvy la mísma medída umi 12 trívu de Israel apytépe. 22 Peẽ perreparti vaʼerã pene erensiarã pende apytépe ha avei umi extranhéro oikóvape penendive ha ifamíliava oiko aja pende apytépe, haʼekuéra haʼéta peẽme g̃uarã peteĩ israelita teete. Haʼekuéra orresivíta peteĩ erénsia Israel trivukuéra apytépe. 23 Pe extranhéro oikóvape pende apytépe peẽ pemeʼẽ vaʼerã iñerensiarã pe trívu território opytahápe oiko”, heʼi Ñandejára Jehová ogovernáva opa mbaʼe.

48 “Koʼãva hína umi trívu réra, oñepyrũva pe frontéra nórte guive: Dan yvy+ oho Hetlón rape pukukuére Lebó-Hamat* peve+ ha oho hese Hazar-Enán peve, nórte gotyo Damasco frontéra pukukuére, Hamat+ ypýpe. Dan território ojepyso éste guive oéste peve. 2 Aser yvy+ oja Dan frontéra rehe sur gotyo, Aser território ojepyso éste guive oéste peve. 3 Neftalí yvy+ oja Aser frontéra rehe, Neftalí território ojepyso éste guive oéste peve. 4 Manasés yvy+ oja Neftalí frontéra rehe, Manasés território ojepyso éste guive oéste peve. 5 Efraín yvy oja Manasés frontéra rehe,+ Efraín território ojepyso éste guive oéste peve. 6 Rubén yvy oja Efraín frontéra rehe,+ Rubén território ojepyso éste guive oéste peve. 7 Judá yvy oja Rubén frontéra rehe,+ Judá território ojepyso éste guive oéste peve. 8 Judá território frontérape, éste guive oéste peve, peaparta vaʼerã peteĩ párte pe yvy kontrivusiónramo, upéva haʼéta peteĩ lugár espesiál, ipe vaʼerã 12 kilómetro 950 métro.*+ Pe território pukukue ojepysóva éste guive oéste peve orekóta la mísma medída umi ótro trívu territórioicha. Ha pe témplo oĩta pe território mbytépe.

9 Pe yvy pemeʼẽtava kontrivusiónramo Jehovápe* g̃uarã ipuku vaʼerã 12 kilómetro 950 métro* ha ipe vaʼerã 5 kilómetro 180 métro.* 10 Kóva haʼéta pe kontrivusión sagráda ojeapartátava umi saserdótepe g̃uarã.+ Nórte gotyo orekóta 12 kilómetro 950 métro* ha oéste gotyo orekóta 5 kilómetro 180 métro,* éste gotyo 5 kilómetro 180 métro* ha sur gotyo 12 kilómetro 950 métro.* Ha Jehová témplo oĩta mbytépe. 11 Kóva oñemeʼẽta umi saserdotekuéra oñesantifika vaʼekuépe, haʼéva hína Sadoc familiare.+ Haʼekuéra oñenkarga vaʼekue umi traváho ojejapóvare chéve g̃uarã, haʼekuéra ningo nahembiapovaíri vaʼekue umi israelita ha umi levita hembiapo vaírõ guare.+ 12 Orekóta hikuái peteĩ párte pe yvy oñemeʼẽ vaʼekuégui, ha upéva sagradoiterei hína, ojáta umi levita territóriore.

13 Umi saserdóte território yketére umi levita orekóta ijyvy, ipukukue omedíta 12 kilómetro 950 métro* ha ipekue 5 kilómetro 180 métro.* (Pe yvy kompletoite ipuku vaʼerã 12 kilómetro 950 métro* ha ipe vaʼerã 5 kilómetro 180 métro).* 14 Haʼekuéra novendéi, nokambiái ni nombohasái vaʼerã ótrope ko párte iporãvéva ko yvýgui, pórke Jehovápe g̃uarã sagrádo hína ko yvy.

15 Pe párte hembýva ipe 2 kilómetro 590 métro,* ha oĩ pe 12 kilómetro 950 métro* ykére, upépe oĩ pe siuda+ ha pe pastoty, ha pe yvy ndahaʼéi sagrádo. Síno upéva oipurúta umi hénte oiko hag̃ua pype. Pe siuda oĩta mbytépe.+ 16 Koʼãva hína pe siuda medída: pe frontéra oĩva nórtepe oreko 2 kilómetro 331 métro,* pe frontéra oĩva súrpe oreko 2 kilómetro 331 métro,* pe frontéra oĩva éstepe oreko 2 kilómetro 331 métro,* ha pe frontéra oĩva oéstepe oreko 2 kilómetro 331 métro.* 17 Pe pastoty orekótava pe siuda omedíta 129 métro imédio* nórte gotyo, 129 métro imédio* sur gotyo, 129 métro imédio* éste gotyo ha 129 métro imédio* oéste gotyo.

18 Pe yvy hembýva pukukue ha pe yvy sagrádo ojeaparta vaʼekue oreko la mísma medída,+ oreko 5 kilómetro 180 métro* éste gotyo ha 5 kilómetro 180 métro* oéste gotyo. Ko yvy orílla oja pe yvy sagrádo ojeaparta vaʼekuére, ha umi mbaʼe oprodusíva pe yvy oipurúta umi hénte ombaʼapóva pe siudápe okaru hag̃ua. 19 Umi hénte ombaʼapóva pe siudápe, oúva umi trívu de Israélgui oñemitỹta ko yvýpe.+

20 Pe yvy sagrádo ojeaparta vaʼekue kuadrádo hína ha oreko 12 kilómetro 950 métro.* Ko yvy peẽ pemeʼẽtava ha pe yvy oĩha pe siuda, haʼe hína peteĩ kontrivusión sagráda.

21 Pe yvy hembýva mokõive ládo pe kontrivusión sagrádagui ha pe yvy oĩha pe siuda, opytáta pe kuimbaʼe oporomoakãvape g̃uarã.+ Upe yvy ojáta pe yvy omedívare 12 kilómetro 950 métro,* oĩva éste ha oéste gotyo pe yvy oñemeʼẽ vaʼekuégui kontrivusiónramo. Umi mokõi trívu orílla ojáta pe yvy oñemeʼẽtavare pe kuimbaʼe oporomoakãvape. Pe kontrivusión sagráda ha pe témplo oĩta pe yvy mbytépe.

22 Umi levita yvy ha pe yvy oĩha pe siuda oĩta pe kuimbaʼe oporomoakãva yvy apytépe. Pe kuimbaʼe oporomoakãva yvy oĩta Judá+ ha Benjamín território mbytépe.

23 Umi ótro trívu hembýva apytépe, Benjamín território ojepyso éste guive oéste peve.+ 24 Simeón yvy oja Benjamín frontéra rehe,+ Simeón território ojepyso éste guive oéste peve. 25 Isacar yvy+ oja Simeón frontéra rehe, Isacar território ojepyso éste guive oéste peve. 26 Zabulón yvy oja Isacar frontéra rehe,+ Zabulón território ojepyso éste guive oéste peve.+ 27 Gad yvy oja Zabulón frontéra rehe,+ Gad território ojepyso éste guive oéste peve. 28 Gad yvy frontéra oĩva sur gotyo ohóta Tamar guive+ Meribat-Cadés ysyry peve,+ osegíta Egipto Yrape*+ peve ha upéi ohóta Mar Grande* peve.

29 Kóva hína pe yvy peẽ perreparti vaʼerã iñerensiarã Israel trivukuérape,+ koʼãva hína umi párte otokáva chupekuéra”,+ heʼi Ñandejára Jehová ogovernáva opa mbaʼe.

30 “Koʼãva hína umi lugár ikatuhápe ojeike ha oñesẽ pe siudágui: nórte gotyo omedíta 2 kilómetro 331 métro.*+

31 Umi okẽ orekóva pe siuda oñembohérata umi trívu de Israel heraháicha. Umi mbohapy okẽ oĩvagui nórte gotyo, peteĩ okẽ Rubénpe g̃uarã, ótro okẽ Judápe g̃uarã ha ótro okẽ Levípe g̃uarã.

32 Éste gotyo ipukúta 2 kilómetro 331 métro,* ha oĩ mbohapy okẽ: peteĩ okẽ Josépe g̃uarã, ótro okẽ Benjamínpe g̃uarã ha ótro okẽ Dánpe g̃uarã.

33 Sur gotyo omedíta 2 kilómetro 331 métro,* ha oĩ mbohapy okẽ: peteĩ okẽ Simeónpe g̃uarã, ótro okẽ Isacárpe g̃uarã ha ótro okẽ Zabulónpe g̃uarã.

34 Oéste gotyo ipukúta 2 kilómetro 331 métro,* ha oĩ mbohapy okẽ: peteĩ okẽ Gádpe g̃uarã, ótro okẽ Asérpe g̃uarã ha ótro okẽ Neftalípe g̃uarã.

35 Pe siuda jere kompletoite orekóta 9 kilómetro 324 métro.* Upe día guive upe siuda oñembohérata: ‘Jehová voi oĩ upépe’”.*+