¿Jasegítapa jaikove ñamano rire?

HETA mbaʼe oñepensa pe jeikove ha ñemanóre. Oĩ heʼíva ñamano rire jasegitaha jaikove ótro lugárpe. Ótro katu oguerovia ñanase jeytaha, ha oĩ avei heʼíva ñamanóramo japaitemaha.

¿Mbaʼépa nde repensa? Katuete nde erekóne avei la nde kreénsia, ha upéva odepende moõguápa nde térã mbaʼépa nemboʼe raʼe hikuái nde rógape. Péro, ¿mávapa añetehápe ikatu heʼi ñandéve mbaʼépa oikóta ñandehegui ñamano rire?

Hetaiterei tiémpore umi omoakãva rrelihión omboʼe jarekoha peteĩ álma nomanóiva. Haimete voi entéro rrelihión iñimportánteva omboʼe ñane álma nomanoiha ha osegiha oikove peteĩ lugár oĩháme umi espíritu, umíva apytépe umi kristiáno, indu, hudío ha musulmán. Umi vudísta katu omboʼe peteĩ persóna onase jeyha heta vése ndosufrivéi peve, ha ohupyty peve peteĩ vyʼa ndaijojaháiva hérava nirvána.

Upévare la majoría orovia ñamanóramo jarekotaha oportunida jahávo jaiko ótro lugárpe. Upéicha rupi, hetaitereípe g̃uarã iñimportánte pe muérte ha heʼi hikuái Ñandejára voi oipotaha upéva. Péro, ¿mbaʼépa omboʼe la Biblia? Ikatu hína nesorprende reikuaa rire la rrespuésta, upévare romokyreʼỹ relee hag̃ua pe artíkulo oúva.