Párte 1—Porandukuéra ojestudia hag̃ua lívro Ñaaprende Mboʼehára Guasúgui

Párte 1—Porandukuéra ojestudia hag̃ua lívro Ñaaprende Mboʼehára Guasúgui

Mbaʼéichapa ikatu jastudia pe lívro Mboʼehára Guasu

Ikatu hag̃uáicha jastudia porã ko lívro, ñamonumerovaʼerã káda párrafo. Upéicha avei pe komentário ñepyrũguápe. Ojeleepavaʼerã peteĩ seksión ojejapo mboyve umi porandu oñemeʼẽva. Umi téysto oĩva opa rire káda kapítulo ikatu ojelee ha oñehesaʼỹijo opyta porãvehápe.

Ojestudia vove ko lívro kongregasiónpe, oñehesaʼỹijovaʼerã mokõi kapítulo káda semána. Pe komentário ñepyrũgua ikatu ojestudiapa primera semánape. Ojestudiapavaʼerã ko lívro 25 semánape. Pe semána ipahaitévape ojestudiáta kapítulo 48 ha ojejapóta peteĩ rrepáso ko lívrogui.

Komentário ñepyrũgua

Párrafo 1-5

1. Mbaʼérepa káda mitã onasévare ojeʼe peteĩ milagroha?

2. Mbaʼe mbaʼépa oikotevẽ peteĩ mitã ituvakuéragui?

3. Mbaʼérepa tuvakuéra oiporuvaʼerã Ñandejára Ñeʼẽ omboʼe hag̃ua ifamíliape, oiporurangue peteĩ umáno ñeʼẽ, térã ojaporangue hapichakuéra ojapoháichante? (Proverbios 3:5, 6; 14:12; Isaías 30:21)

Párrafo 6-10

4. Mbaʼéichapa umi porandu oiporúva ko lívro oipytyvõta tuvakuérape omboʼe hag̃ua ifamíliape, ha mbaʼéichapa umi rrespuésta omeʼẽva rupive ikatu oikuaa porãve itaʼýra opensáva?

5. Mbaʼéichapa umi taʼanga ikatu ojeporu oñemboʼe porãve hag̃ua pe mitãme?

6. Mbaʼépa ohaʼarõ umi omosarambíva ko lívro?

Kapítulo 1

Párrafo 1-6

1. Mbaʼépa ojapovaʼekue Jesús oiko rire chugui peteĩ mboʼehára?

2. Mbaʼépa ojapo Jesús oiko hag̃ua chugui peteĩ Taʼýra ivuénova ha peteĩ Mboʼehára Guasu?

3. Mbaʼérepa Jesús idiferentevaʼekue umi ótro kuimbaʼégui?

Párrafo 7-11

4. Mbaʼérepa umi mitã ohechakuaa Jesús ohayhuha chupekuéra?

5. Mbaʼérepa Jesús omboʼe umi mitãme, ha mbaʼépa ñanemboʼe upéva?

6. Mbaʼérepa Jesús heʼi peteĩ kakuaa ojoguavaʼerãha peteĩ mitãme

Párrafo 12-16

7. Mbaʼépa omboʼe Jesús oñeʼẽrõ guare umi guyra ha yvotykuérare?

8. Mbaʼéichapa pe Jesús omboʼevaʼekue ikatu ñanepytyvõ jahecha hag̃ua iporãpa jaheja ñane família jaha hag̃ua ñambaʼapo mombyry chuguikuéra?

9. Mbaʼépa retopa pe Sermón del Móntepe ohechaukáva iñimportanteha ñamotenonde Ñandejárape ñande rekovépe?

Párrafo 17-21

10. Mbaʼéichapa ikatu ñahendu Jesúspe ha mbaʼérepa iporã jajapo upéva?

11. Mbaʼéicha javépa Ñandejára heʼi Jesús remimboʼekuérape ohenduvaʼerãha Itaʼýrape, ha mbaʼéichapa ikatu javyʼa añetehápe?

Kapítulo 2

Párrafo 1-7

1. Mbaʼérepa la Biblia iñimportanteve oimeraẽ lívrogui?

2. Mbaʼépa ojapo Ñandejára ojeskrivi hag̃ua la Biblia, ha mbaʼérepa jaʼe ikatuha ombou mensáhe yvága guive?

Párrafo 8-12

3. Mávapa oñepyrũvaʼekue ohai la Biblia, ha mboy áñopepa ojeskrivipa?

4. Máva mávapa oskrivivaʼekue la Biblia, ha mávapepa ojehecha ko taʼangápe?

5. Mbaʼéichapa umi oskrivivaʼekue la Biblia oikuaa umi mbaʼe oikótava?

Párrafo 13-18

6. Mbaʼérepa enterove ikatu jalee pe kárta omboúva Ñandejára enterovépe g̃uarã?

7. Mbaʼe mbaʼe iñimportántevapa omboʼe la Biblia?

8. Mbaʼéichapa ikatu jahechauka ñanearanduha, ha ñamombaʼeha Ñandejára Ñeʼẽ?

Kapítulo 3

Párrafo 1-10

1. Rehechávo mbaʼéichapa Ñandejára ñandeʼapovaʼekue, mbaʼépa remombaʼeve?

2. Mávape raẽpa ojapovaʼekue Ñandejára, ha mbaʼéichapa jaikuaa upéva?

3. Mbaʼérepa Ñandejára ojapo umi mbaʼe oikovéva?

4. Mbaʼéichapa Ñandejára ohechauka ñanderayhuha?

Párrafo 11-21

5. Mbaʼe ehémplopa ikatu jaiporu jahechauka hag̃ua oĩha Ñandejára?

6. Mbaʼérepa naiporãi ñañehaʼã jajapo Ñandejára raʼanga?

7. Mbaʼéichapa ikatu jahechauka jaagradeseha Ñandejárape?

Kapítulo 4

Párrafo 1-6

1. Mbaʼépa ohechauka pe téra iñimportanteha?

2. Mbaʼéichapa héra Ñandejára, ha mbaʼérepa jaiporuvaʼerã upe téra?

3. Mbaʼéichapa Jesús oiporu Ñandejára réra ha omboʼe isegidorkuérape ojapo hag̃ua avei upéva?

Párrafo 7-14

4. Mbaʼépa Jehová omombeʼu héragui Moiséspe?

5. Mbaʼépa heʼi Jehová Faraónpe ojapotaha hérare?

6. Mbaʼéichapa Jehová oikuaaukavaʼekue héra upérõ, ha mbaʼéichapa ojapo koʼág̃a?

Párrafo 15-19

7. Moõpa ikatu retopa Ñandejára réra la Bíbliape?

8. Mbaʼéichapa ikatu jahechauka jahayhuha Jehovápe?

Kapítulo 5

Párrafo 1-8

1. Mbaʼéicha rupípa Ñandejára Raʼy ou onase ko Yvy ape ári? (Lucas 1:26-38)

2. Mbaʼe ehémplo iporãvapa omoĩ ñandéve Jesús ha María, ha mbaʼéichapa ikatu ñande avei jajapo haʼekuéraicha?

3. Mbaʼérepa jaʼe Jesús nasimiénto idiferenteha oimeraẽ nasimiéntogui?

Párrafo 9-17

4. Mbaʼe mbaʼépa oiko pe pyhare Jesús onasérõ guare?

5. Moõpa okakuaa Jesús, ha mbaʼépa ojapo upe rire oguerohoryvaʼekue Ñandejára? (Salmos 40:6-8)

6. Mbaʼe mbaʼépa ñanemboʼe umi Jesús ojapovaʼekue?

Kapítulo 6

Párrafo 1-4

1. Mbaʼépa opavavenunga tapicha oipota ojejapo hesekuéra, ha mbaʼéichapa Jesús disipulokuéra upéicha avei sapyʼánte?

2. Mbaʼe leksiónpa Jesús disipulokuéra noaprendeivaʼekue ñepyrũrã?

Párrafo 5-11

3. Mbaʼépa ojapo Jesús pe pyhare omano mboyve, ha mbaʼépa omboʼe upéva rupive?

4. Mávapepa ñambovyʼáta jasegíramo Jesús ehémplo?

Párrafo 12-17

5. Mbaʼéichapa ikatu reservi nde sy térã ne ermanokuérape?

6. Mbaʼéichapa ikatu reporoservi nde eskuélape térã ótro hendápe?

7. Mbaʼérepa jaservivaʼerã ñande rapichápe oĩramo jepe ndoagradeséiva?

Kapítulo 7

Párrafo 1-9

1. Mbaʼérepa iporã ñahendu umi kakuaápe?

2. Mbaʼépa ñaaprende Jesús ñemboʼégui, oĩháicha Lucas 22:42-pe?

3. Mbaʼépa jahechaukañaína jaovedese jave Ñandejárape?

Párrafo 10-15

4. Mbaʼéichapa mitãnguéra ikatu ojapo Efesios 6:1-3-pe heʼíva, ha mbaʼérepa upéva iñimportánte?

5. Mbaʼéichapa pe ovediénsia hetápe oprotehevaʼekue yma?

Párrafo 16-19

6. Mbaʼéichapa koʼág̃a avei pe ovediénsia ikatu oprotehe heta mitãme?

7. Mbaʼéichapa enterove ñasẽ porãta ñaneovediénteramo Ñandejárape?

Kapítulo 8

Párrafo 1-5

1. Máva mávapa iposisión yvateve ha imbareteve ñandehegui?

2. Mbaʼe milágropa ojapo Ñandejára ikatu hag̃uáicha Jesús onase peteĩ mitãicha ko Yvy ape ári?

3. Mbaʼéichapa ohechauka Jesús oikomahague yvágape onase mboyve ko Yvy ape ári?

Párrafo 6-11

4. Mbaʼéichapa oikovaʼerãmoʼã Adán ha Eva iñovediénterire Ñandejárape?

5. Mbaʼe leksión iñimportántevapa ñanemboʼe Génesis 2:17?

Párrafo 12-19

6. Mbaʼéichapa ombotavy Évape peteĩ ánhel Ñandejára ojapovaʼekue?

7. Mbaʼépa oiko Adán ha Eva odesovedeségui Ñandejárape?

8. Mbaʼérepa peteĩ ánhel ivuénovagui oiko peteĩ iñañáva?

9. Mbaʼéichapa ñande avei ikatu jahechauka Satanás ijapuha, ojapohaguéicha Jesús?

Kapítulo 9

Párrafo 1-4

1. Oĩramo ñanetentáva, mbaʼérepa naiporãi ñañemeʼẽ ha jajapo pe ivaíva?

2. Mbaʼépa la Biblia heʼise omombeʼúvo ‘yvága ojeavrihague’ Jesús ojevautisarõ guare?

Párrafo 5-13

3. Mbaʼéichapa oñepyrũ Satanás otenta Jesúspe, ha mbaʼéichapa haʼe ombohovái chupe?

4. Mbaʼépa ojapo Satanás otenta jey hag̃ua Jesúspe, ha mbaʼépa heʼi chupe Jesús?

5. Mbaʼépa ñaaprende pe tercera tentasióngui?

Párrafo 14-19

6. Mbaʼeichagua tentasiónpa ikatu sapyʼánte jahasa térã ñandejopy jajapo hag̃ua peteĩ mbaʼe naiporãiva?

7. Mbaʼéicha javépa ikatu hasy jajapo pe iporãva, péro mbaʼépa ñanepytyvõ meméta jajapo hag̃ua upéva?

Kapítulo 10

Párrafo 1-6

1. Mbaʼérepa peteĩ ánhel oñemoĩ Ñandejárare?

2. Mbaʼépa ojapo avei heta ánhel, ha mbaʼérepa ivai pe ojapovaʼekue?

3. Mbaʼéichapa vaʼekue umi ánhel raʼykuéra, ha mbaʼépa ojapo Ñandejára ohechávo umi mbaʼe vaieta ojejapóva ko Yvy ape ári?

Párrafo 7-11

4. Mbaʼépa ojapohína koʼág̃a Satanás ha idemoniokuéra, ha mbaʼéichapa ikatu avei ojapo vai ñanderehe?

5. Mbaʼe ivaívapa umi ánhel aña oñehaʼã ojapouka umi mitãkuña ha mitãrusukuérape?

Párrafo 12-17

6. Mbaʼe ivaívapa ohayhu avei umi demónio, ha moõpa heta tapicha oaprende umi mbaʼe?

7. Mbaʼérepa ndajakyhyjeivaʼerã umi demóniogui, imbaretetereíramo jepe hikuái?

Kapítulo 11

Párrafo 1-11

1. Mbaʼérepa ikatu jaguerovia oĩha heta mbaʼe ndajahecháiva?

2. Mbaʼépa ñaaprendéma umi ánhel ivuénovagui ha umi iñañávagui avei?

3. Mbaʼe mbaʼe rehépa oñemongeta umi ánhel, ha mbaʼérepa ere oĩha umi ojepyʼapýva ñanderehe?

4. Mbaʼéichapa umi ánhel oipytyvõvaʼekue Ñandejára siervokuérape?

Párrafo 12-17

5. Mbaʼe tembiapo espesiálpa ojapo koʼág̃a umi ánhel oipytyvõ hag̃ua Ñandejára siervokuérape?

6. Mbaʼe ojapo hag̃uápa oipytyvõ Páblope umi ánhel?

7. Mbaʼe tembiapo tuichaitereívapepa umi ánhel oipytyvõta koʼẽrõitéma Ñandejárape?

Kapítulo 12

Párrafo 1-7

1. Mbaʼépepa oñehenói orasión, ha mbaʼéichapa jaikuaa oĩ porãha ñañemboʼe ñaime jave ñaneaño ha ñaime jave ótro ndive avei?

2. Mbaʼérepa oĩ porã jaʼe “amén” ñañemboʼepávo, ha mbaʼépa heʼise “amén”?

3. Mbaʼérepa iñimportánte ñahendu porã ha ñamombaʼe umi orasión ojejapóva rreunionhápe, ñañemoĩrangue ñamaña ótro ládo térã ñande ayvu?

4. Mbaʼépa ñaaprende Nehemías ñemboʼégui?

Párrafo 8-10

5. Mbaʼe mbaʼe rehépa ñanemanduʼavaʼerã ñañemboʼéta jave?

6. Mbaʼe mbaʼe rehépa ikatu ñañemboʼe Ñandejárape?

Párrafo 11-17

7. Mbaʼépa umi mbohapy mbaʼe iñimportantevéva Jesús heʼivaʼekue jajerurevaʼerãha ñañemboʼe jave?

8. Mbaʼépa heʼi avei Jesús ikatuha jajerure?

Kapítulo 13

Párrafo 1-7

1. Mbaʼépa heʼise pe oiko ñandehegui Jesús disípulo?

2. Mávapa umi seis disípulo Jesús oiporavo ypy vaʼekue, ha mbaʼépa reikuaa chuguikuéra?

3. Mávapa umi cuatro disípulo oho jey vaʼekue ombaʼapo de peskadór, ha mbaʼépa ojapo hikuái upéi Jesús oinvitárõ guare chupekuéra osegi hag̃ua chupe?

Párrafo 8-12

4. Oiko rire chuguikuéra Jesús disípulo, mbaʼépa oĩvaʼerã dispuésto ojapóvo hikuái?

5. Mávapa ndoaseptái Jesús invitasión osegi hag̃ua chupe ha mbaʼérepa?

6. Máva mávapepa oiporavo Jesús oiko hag̃ua chuguikuéra umi 12 apóstol?

7. Mávapa pe apóstol oñepyrũvaʼekue iñaña ha mávapepa ojeporavo hekovia?

8. Máva mávaguipa oiko avei apóstol?

Párrafo 13-16

9. Mbaʼéichapa jaikuaa umi kuñágui ikatuha avei oiko Jesucristo disípulo?

10. Mbaʼépa jajapovaʼerã oikóramo ñandehegui Jesús disípulo, ha moõpa ojehechavaʼerã upéva ñanderehe?

Kapítulo 14

Párrafo 1-5

1. Mbaʼéichapa jatratavaʼerã ñande rapichápe ojapóramo ñanderehe peteĩ mbaʼe vai?

2. Mbaʼérepa heʼi Jesús ñaperdonavaʼerãha ‘setenta y siete vése’ ñande rapichápe?

3. Mbaʼépa ojapo Jesús okontesta rire Pédrope?

Párrafo 6-13

4. Mbaʼéichapa pe rréi otrata ijesklávope, odeve hetaitereíramo jepe chupe?

5. Mbaʼéichapa upe esklávo otrata hapicha esklávope ndaikatuihaguére opaga chupe pe michĩmi odevéva?

6. Mbaʼépa ojapo pe rréi ohendúvo mbaʼéichapa pe esklávo otrata pe hapichápe?

Párrafo 14-18

7. Upe istória Jesús omombeʼuvaʼekuégui, mávapa ojogua pe rréipe?

8. Mbaʼépa ñanemboʼe Jesús pe istória rupive?

9. Mbaʼépa rejapóta nde rapicha ojeruréramo ndéve reperdona jey hag̃ua, oimérire reperdonáma chupe heta vése?

Kapítulo 15

Párrafo 1-7

1. Mbaʼépa heʼise pe prehuísio, ha mbaʼérepa ere naiporãiha?

2. Mbaʼépa heʼi Jesús peteĩ kuimbaʼe oguerekovaʼekue prehuísiope, oporandúvo chupe mbaʼépa ojapovaʼerã ohupyty hag̃ua vída etérna?

3. Mbaʼépa upe kuimbaʼe oporandu Jesúspe, ndohayhuséigui umi tapicha idiferéntevape?

Párrafo 8-15

4. Mbaʼe istóriapa omombeʼu Jesús oipytyvõ hag̃ua pe kuimbaʼépe?

5. Mbaʼépa oporandu chupe Jesús omombeʼupávo pe istória, ha mbaʼéichapa okontesta pe kuimbaʼe?

Párrafo 16-19

6. Mbaʼéichapa pe istória ohechauka mávapa ñande rapicha?

7. Mbaʼéichapa jaikuaa Jehová ndoguerekoiha prehuísio?

8. Mbaʼéichapa ikatu jahechauka ñandepyʼaporãha enterove ndive?