Jaiporu porãkena pe lívro ‘Ñandejára mborayhu’ jajapo hag̃ua estúdio
1. Maʼerãpa ojejapo pe lívro ‘Ñandejára mborayhu’?
1 Ajépa javyʼaite oñemeʼẽrõ guare ñande Aty Guasúpe, “Ñandejára espíritu ñanesãmbyhy”, pe lívro pyahu ‘Jaikókena Ñandejára mborayhúpe’! Ojeʼéma haguéicha upépe, ko lívro ndojejapói ñamboʼe hag̃ua umi mbaʼe iñimportantevéva oĩva la Bíbliape, ohechauka guei ñandéve mbaʼéichapa oikovaʼerã peteĩ kristiáno tee. Ko lívro nañaikuaveʼẽmoʼãi predikasiónpe.
2. Mbaʼéichapa jaiporúta ko lívro pyahu, ha mávandipa ndajastudiamoʼãi?
2 Ko lívro jaiporúta jastudia hag̃ua ñande rapichándi, jastudiapa rire lívro Mbaʼépa omboʼe la Biblia? Jaikuaa porã ningo oĩha umi pyaʼe ontendémava peteĩ mbaʼe ha oĩha umi oikotevẽva ñamyesakãve chupekuéra, upévare jastudiavaʼerã hendivekuéra káda uno oikotevẽháicha. Ñanemanduʼákena hesakã porã vaʼerãha chupekuéra. Oĩ avei ostudiámava heta lívro péro ndohóiva voi rreunionhápe ha noñehaʼãiva ojapo Ñandejára rembipota. Umichaguándi ndajastudiamoʼãi ko lívro.
3. Mbaʼépa jajapovaʼerã oiméramo jastudiañaína ñande rapichándi lívro Ñamombaʼeguasu Ñandejárape?
3 Oiméramo koʼág̃a jastudiañaína ñande rapichándi lívro Ñamombaʼeguasu Ñandejárape ha ñamohuʼã potaitéma, iporãvéta ñamohuʼãnte upéva. Jaʼekuaa ñane estudiántepe haʼéntema olee hag̃ua pe lívro ‘Ñandejára mborayhu’. Péro oiméramo ñañepyrũ ramo jastudia hendivekuéra pe lívro Ñamombaʼeguasu Ñandejárape, jahejakuaa upéva ha ñamoñepyrũ pe lívro pyahu. Ha rehecháramo tekotevẽha, rehesaʼỹijokuaa ne estudiánte ndive “Informasión oĩvéva”.
4. Mbaʼépa ikatu jajapo peteĩ estudiánte ojevautisárõ ostudiapa mboyve umi mokõi lívro?
4 Ha oiméramo peteĩ estudiánte ojevautisáma ostudiapa mboyve pe lívro Mbaʼépa omboʼe la Biblia? ha ‘Ñandejára mborayhu’, osegivaʼerã ostudia upe rire jepe omohuʼã meve pe lívro ‘Ñandejára mborayhu’. Pe ermáno ombostudiáva chupe ikatu gueteri oinforma upe óra, rrevisíta ha estúdio. Ha pe omoirũva chupe ikatu avei oanota upe óra.
5. Mbaʼéichapa ikatu jaiporu ko lívro ñaipytyvõ hag̃ua umi nosẽvéivape opredika?
5 Ikatu pe Comité de Servicio de la Congregación ojerure peteĩ ermáno térã ermánape oipytyvõ hag̃ua peteĩ nosẽvéivape opredika. Haʼekuéra heʼikuaa mbaʼe kapítulopa ikatu oñehesaʼỹijo. Upéicharõ natekotevẽmoʼãi jastudia hendive pe lívro kompletoite. Ko lívro ningo ojejapo ikatu hag̃uáicha jaiko ‘Ñandejára mborayhúpe’ (Judas 21). Aje piko iporãite ko mbaʼe oñemeʼẽva ñandéve!