Mbaʼépa reipota ojejapo nderehe ojehúramo ndéve peteĩ mbaʼe vai?
Ñaimoʼãʼỹve jave ningo ikatu jaju ñanderasyete térã ojehu ñandéve peteĩ mbaʼe vai (Sant. 4:14). Péro umi iñarandúva ojepreparáma voi oiko mboyve umi mbaʼe vai (Pro. 22:3). Reikuaámapa mbaʼe tratamiénto resegíta ha mbaʼépa reipota ojapo nderehe umi doktór? Rehaímaparaʼe umi mbaʼe reipotáva? Ikatu hag̃uáicha redesidi porãve rehechakuaa pe vidéo Asistencia médica sin transfusiones. Necesidades y derechos del paciente, oĩva pe DVD héravape Alternativas a las transfusiones. Serie documental. Rehechávo rehóvo, eñehaʼã embohovái koʼã porandu. Tuvakuéra, oimérõ pereko mitã michĩva, peñatendevaʼerã pehechávo ko vidéo, ojehechauka rupi mbykymi ojejapo jave operasión.
1) Mbaʼérepa oĩ heta doktór ohecha jeýva tekotevẽpa añetehápe oñemoĩ tuguy umi hasývape? 2) Emombeʼu mbohapy operasión ijetuʼúva ha ikatúva ojejapo ojeporuʼỹre tuguy. 3) Mbaʼérepa hetaiterei doktór ha siruháno heʼi oñatendetaha umi hasývare oiporuʼỹre tuguy? 4) Heta ospitálpe ojejapo estúdio ojehecha hag̃ua iporãpa oñemoĩ tuguy, mbaʼépa ohechauka umi estúdio? 5) Mbaʼérepa ipeligróso oñemoĩka tuguy? 6) Mbaʼérepa heta doktór heʼi iporãveha umi tratamiénto ojeporuʼỹre tuguy? 7) Mbaʼérepa peteĩ tapicha ikatu huguy kangy, ha mbaʼépa ojejapokuaa upéicha jave? 8) Mbaʼépa ikatu ojejapo peteĩ hasývare pyaʼeve oñemboheta hag̃ua umi glóbulos rojos (eritrocitos) oĩva huguýpe? 9) Mbaʼe mbaʼépa ikatu ojejapo ani hag̃ua huguyeterei peteĩ tapicha ojopera jave? 10) Oipytyvõnepa umi tratamiénto ojeporuʼỹre tuguy peteĩ mitã hasývape, térã oikóramo hese peteĩ mbaʼe ivaietereíva ha pyaʼe oñeñatendevaʼerã hese? 11) Mbaʼépa pe iñimportantevéva orrespetavaʼerã umi doktór oñatendévo umi hasývare?
Káda uno odesidivaʼerã osegítapa umi tratamiénto ojehechaukáva ko vidéope. Péro ani rehaʼarõ ojehu raẽ ndéve umi mbaʼe vai redesidi hag̃ua mbaʼépa reipota ojejapo nderehe. Avei iporãta rehechami mbaʼépa heʼi lívro ‘Jaikókena Ñandejára mborayhúpe’ kapítulo 7 ha umi rreferénsia oñemoĩva upépe. Avei pe supleménto osẽvaʼekue Ñane Rembiapo Rréino Rehegua noviembre 2006-pe. Oiméramo nde peteĩ maranduhára rejevautisámava, remoĩvaʼerã nde tarhéta DPA-pe umi mbaʼe redesidivaʼekue ha aníkena nderesarái regueraha hag̃ua mamo rehohápe.
[Komentário oĩva páhina 3-pe]
Reikuaámapa mbaʼe tratamiénto resegíta ha mbaʼépa reipota ojapo nderehe umi doktór? Rehaímaparaʼe umi mbaʼe reipotáva?