Mbaʼeichagua tratamiéntopa iporãve?
Opárupi hetave ohóvo umi ospitál ndoiporúiva tuguy ojapo hag̃ua operasión. Ndépa reikuaa mbaʼeichagua tratamiéntopa umíva? Iñimportánte reikuaa porã redesidi hag̃ua mbaʼeichaguápa ikatu reiporu rejoperátaramo. Iporãta rehecháramo pe vidéo La negativa a la sangre. La medicina acepta el reto. Upe rire eñemboʼe Jehovápe ha ejepyʼamongeta umi mbaʼe rehechávare. Upearã nepytyvõta umi porandu oĩva koʼápe. Nóta: Ko vidéope ojekuaa umi doktór ojapo jave operasión, upévare tuvakuéra oñatende porã vaʼerã oiméramo oĩ mitã ifamíliape.
1) Mbaʼérepa peteĩ testígo de Jehová nomoĩukái tuguy? 2) Mbaʼeichagua tratamiéntopa oipota testigos de Jehová? 3) Mbaʼe deréchopa oreko peteĩ pasiénte? 4) Mbaʼérepa ikatu jaʼe jajapo porãtaha jaiporavóramo peteĩ tratamiénto ndojeporuihápe tuguy? 5) Mbaʼépa ojapovaʼerã pyaʼe porã umi doktór peteĩ hasýva huguyetereíramo? 6) Oĩ cuatro mbaʼe ikatúva ojejapo ani hag̃ua ojeporu tuguy, mbaʼe mbaʼépa umíva? 7) Mbaʼépa ikatu ojapo peteĩ doktór pe hasývare a) ani hag̃ua huguyeterei, b) ani hag̃ua oguejyeterei iglóbulo rojo, c) huguy heta jey hag̃ua, ha d) oiporu jey hag̃ua pe tuguy osẽvaʼekue chugui? 8) Emombeʼu a) mbaʼéichapa ojejapo pe hemodilución ha b) mbaʼépa ojejapo ojeporu jey hag̃ua ñande ruguy. 9) Mbaʼépa iporã reikuaa rejapoukátaramo peteĩ tratamiénto ndojeporuihápe tuguy? 10) Ikatúpa ojejapo umi operasión tuicháva ha ijetuʼúva ojeporuʼỹre tuguy? 11) Mbaʼe iporãvapa ojapohína koʼág̃a rupi umi doktór?
Ñandete jadesidivaʼerã jaiporútapa umi tratamiénto jahechavaʼekue ko vidéope térãpa nahániri. Jadesidi hag̃ua heta jajepyʼamongetavaʼerã. Reikuaámapa mbaʼeichagua tratamiéntopa reiporúta nde ha avei ne familiakuéra michĩva? Remyenyhẽmaparaʼe nde tarhéta DPA? Rejapo mboyve upéva relee porã vaʼerã “Preguntas de los lectores” osẽvaʼekue La Atalaya del 15 de junio de 2004-pe ha 15 de octubre de 2000. Upe rire ehesaʼỹijo osẽvaʼekue Ñane Rembiapo Rréino Rehegua noviembre 2006-pe: “Mbaʼépa apensa umi párte michĩvévare oĩva tuguýpe ha umi tratamiénto ikatuhápe ojeporu che ruguy?” reiporavo porãve hag̃ua. Umi mbaʼe redesidíva remoĩmbaitevaʼerã pe tarhéta DPA-pe. Nde representante ha ne família ndahaʼéiva Testígo oikuaavaʼerã mbaʼeichagua tratamiéntopa reiporavo.
[Rrekuádro oĩva páhina 3-pe]
• Reikuaámapa mbaʼeichagua tratamiéntopa reiporúta nde ha avei ne familiakuéra michĩva?
• Remyenyhẽ porãmapa nde tarhéta DPA ha regueraha rehohápe?