Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de septiembre

“¿Mbaʼéichapa? Sapyʼamínteko rohechaukasemi ndéve peteĩ informasión ohechaukáva mbaʼéichapa ikatu javyʼa ñane ména térã ñane rembirekóndi. Mbaʼépa nde repensa, ¿mbaʼérepa sapyʼánte ijetuʼuete javyʼa hag̃ua ñane matrimóniope?” [Ehaʼarõ tombohovái.] Ehechauka chupe pe última páhina oĩva rrevísta Ñemañaha 1 de septiémbrepe, ehesaʼỹijo hendive pe primer porandu ha elee avei peteĩ térã mokõi téxto vívliko oĩva upépe. Upéi eikuaveʼẽ umi rrevísta ha ere chupe reho jeytaha rehesaʼỹijo hag̃ua hendive pe ótro porandu.

Ñemañaha 1 de septiembre

“Roju ningo hína nerendápe roikuaágui heta hénte oñeporanduha mbaʼérepa Ñandejára oheja ojehasa asyete ko múndope, ¿ndépa mbaʼe repensa upévare? [Ehaʼarõ tombohovái.] Peteĩ notísia porã oĩva la Bíbliape ohechauka Ñandejára oprometeha koʼẽrõitéma opataha umi mbaʼe ñanembohasa asýva [elee Revelación 21:4]. Ko rrevístape retopáta cinco mbaʼe ohechaukáva mbaʼérepa oĩ hetaite provléma ha jehasa asy ko yvy ape ári. Ohechauka avei la Biblia rupive mbaʼéichapa Ñandejára oipeʼapáta umíva.”

¡Despertad! Septiembre

“Rogueru hína ndéve peteĩ informasión oñeʼẽva Halloween rehe, ¿ndépa reikuaa mbaʼépa heʼise upéva? [Ehaʼarõ tombohovái ha emyesakã chupe mbaʼépa heʼise.] Koʼág̃arupi oparupietéma voi ojefesteha. Péro oĩ heta hénte ndofestaháiva ha ahechaukasemi ndéve la Bíbliape mbaʼérepa [elee Deuteronomio 18:10, 11]. Oĩ avei umi ndogueroviáiva oexistiha póra ni espíritu aña, upévare opensa pe Halloween haʼeha peteĩ diversiónte. Ko rrevísta omyesakãta ndéve moõ ha mbaʼéichapa oñemoñepyrũ vaʼekue ko fiésta.”