Eprotehe ne matrimónio

Jehovápe g̃uarã pe matrimónio isagrádo hína, ha oipota umi omendáva osegi oñondive (Mt 19:5, 6). Jehová puévlope oĩ heta matrimónio ovyʼáva, péro upéva ndeʼiséi umi paréha perfektoha, katuete ningo oĩtante voi la provléma. Heta oĩ opensáva pe separasión ha divórsio haʼeha la solusión péro ñande nañapensái vaʼerã péicha. ¿Mbaʼéichapa kristianokuéra ikatu oprotehe imatrimónio?

Jahechamína 5 konsého iñimportánteva.

1. Eprotehe ne korasõ ha ani eiko enovillea ni eñentretene umi mbaʼe tieʼỹre. Koʼã mbaʼe omokangýta ne matrimónio (Mt 5:28; 2Pe 2:14).

2. Emombarete ne amista Jehovándi ha ejapo ikatúva guive haʼe oguerohory hag̃ua ne matrimónio (Sl 97:10).

3. Esegi emonde peteĩ aóicha pe kondúkta porã ha emokunuʼũ ne rembiayhúpe, péicha ifasilvéta chupe ojapo porã hag̃ua la oñehaʼarõva chugui (Col 3:8-10, 12-14).

4. Eñemongeta meme hendive ha errespeta chupe (Col 4:6).

5. Mborayhúpe etrata ne rembiayhúpe ‘emeʼẽ jave chupe la oikotevẽva’ (1Co 7:3, 4; 10:24).

Kristianokuéra orrespetávo pe matrimónio, ohechauka avei orrespetaha Jehovápe, pe omoñepyrũ vaʼekue pe matrimónio.

EHECHA PE VIDÉO JADIPARA MEME HA JASEGI ÑAAGUANTA: ÑAKUMPLI UMI RREGLAMÉNTO HEʼÍVA, HA UPÉI ERRESPONDE KOʼÃ PORANDU:

• 

  ¿Mbaʼe provlémapa ikatu oñepresenta pe matrimónio oñepyrũ porãramo jepe?

• 

  ¿Mbaʼéichapa la Biblia ikatu oipytyvõ umi matrimónio opensávape ndojoayhuveimaha?

• 

  ¿Mbaʼépa Jehová omanda umi omendávape?

• ¿Mbaʼépa ojapo vaʼerã ména ha tembireko oho porã hag̃ua hese la imatrimónio?