Oñehundi 73% umi animál oĩva kaʼaguýpe, 50 áñopente. ¿Mbaʼépa heʼi la Biblia?

Pe Fondo Mundial para la Naturaleza heʼi kuri peteĩ infórmepe, el 9 de octubre de 2024, mbaʼeichaitépa pe ser umáno operhudika hína umi animalkuérape. Omombeʼu “umi 50 áño ohasa vaʼekuépe (1970-2020), tuichaiterei saʼiveha umi animál oĩva pe kaʼaguýpe, 73 por ciento voi saʼive koʼág̃a”. Upéi pe infórmepe heʼive: “Nañandejapumoʼãi jaʼévo déntro de 5 áño ojekuaa porãta oexistítapa gueteri umi ser vívo ko yvy ape ári”.

Ñantende porã mbaʼérepa hetaite hénte oñemondýi ohendúvo koʼãichagua infórme. Ñande jahayhueterei ñane planéta ha ndajahechaseiete voi osufrírõ umi animál. Ñande ñañeñandu upéicha pórke Ñandejára voi onkarga ñandéve jakuida hag̃ua umi animál rehe (Génesis 1:27, 28; Proverbios 12:10).

Upévare oiméne reikuaase: “¿Ikatúne piko ñande japrotehe entéro umi animálpe? ¿Mbaʼépa heʼi la Biblia?”.

Peteĩ esperánsa ñane renonderãme g̃uarã

Ñañehaʼãmbaitéramo jepe jajapo ikatúva guive jasalva hag̃ua ñane planéta ha entéro umi animálpe ndaikatumoʼãi, pórke Ñandejára añoite ikatu oprotehe porã chupekuéra. La Biblia heʼi Apocalipsis 11:18-pe Ñandejára ‘ohunditaha umi ohundívape ko yvy’. Ko versíkulo ñanemboʼe mokõi mbaʼe:

1. 1. Ñandejára ndohejamoʼãi umi hénte ohundiete ko yvy.

2. 2. Ñandejára koʼẽrõitéma osolusionáta ko provléma. ¿Mbaʼérepa jaʼekuaa upéva? Pórke koʼág̃a mas ke núnka oĩ pelígro umi hénte ohundietévo umi animálpe.

¿Mbaʼépa ojapóta Ñandejára osolusiona hag̃ua ko provléma? Haʼe oipurúta Irréino, térã igoviérno oĩva yvágape, ogoverna hag̃ua ko yvy tuichakuére (Mateo 6:10). Upe goviérno omboʼéta umi hénte iñeʼẽrendúvape mbaʼéichapa oñangareko ha oprotehe vaʼerã umi animálpe (Isaías 11:9).