Pe traváho ha pe ehersísio ojojogua: rejepokuaárõ rejapo meme nepytyvõta koʼág̃a ha amo gotyove
MITÃRUSUKUÉRAPE G̃UARÃ
11. Ndeguápo vaʼerã
¿MBAʼÉPA HEʼISE?
Umi hénte itravahadórva ndoikói ojehekýi la traváhogui. Upéva rangue ovyʼa ombaʼapo jejopýrõ ikatu hag̃uáicha oñemantene ijupe ha oipytyvõ ótrope. Haʼekuéra omombaʼe itraváho isensílloramo jepe.
¿MBAʼÉREPA IÑIMPORTÁNTE?
Nañandegustáiramo jepe, jaikove aja jarekóta rresponsavilida ñakumpli vaʼerã. Ko múndope umi héntepe ndogustái la traváho jejopy, upévare nde reñehaʼãramo ndeguápo ha ndetravahadór katuete resẽ porãta (Eclesiastés 3:13).
“Ambaʼapo hetáramo, upéi avyʼa la ajapo vaʼekuére. Upévare koʼág̃a rupi ambaʼaposeve. Avei ahechakuaa ajepokuaáramo ajapo porã la che traváho, upéi oñeñeʼẽ porã cherehe” (Richard).
¿MBAʼÉPA HEʼI LA BIBLIA? “Pe persóna ombaʼapo jejopýva ohupytýta heta mbaʼe porã” (Proverbios 14:23).
¿MBAʼÉPA IKATU REJAPO?
Koʼã konsého nepytyvõta ndegustave hag̃ua la traváho.
Eñehaʼã ejapo porã la otokáva ndéve. Eñekonsentra vaʼerã la rejapóvare tahaʼe nde rogapýpe, eskuélape térã nde travahohápe. Oimérõ osẽ porãma ndéve la rejapóva, ehecha mbaʼéichapa ikatu rejapo porãve térã pyaʼeve. Amáske nevakeáno revyʼavéta.
¿MBAʼÉPA HEʼI LA BIBLIA? “Pe kuimbaʼe ivaléva itraváhope nombaʼapomoʼãi oimeraẽ hénte renondépe, haʼe ombaʼapóta umi rréipe g̃uarã” (Proverbios 22:29).
Epensa umi ótrore. Heta vése ñakumpli porãramo la ñane rembiapo ou porã avei ótrope. Por ehémplo, ejapóramo ogapýpe la ojejeruréva ndéve reipytyvõta ne famíliape ani hag̃ua hembiapoiterei.
¿MBAʼÉPA HEʼI LA BIBLIA? “Javyʼaiteve ñameʼẽvo, ñandéve oñemeʼẽ rangue” (Hechos 20:35).
Ejapove la ojejerurévagui. Ani ejapo sólamente la ojejeruréva ndéve, síno eñehaʼã ejapove. Añetehápe rembaʼapo jejopyvéta, péro ndahaʼéi ótro ndeovliga rupi síno nde rejaposégui upéva. Péicha reñandúta noñemandaiha nderehe, síno ndete redesidiha la rejapóva (Mateo 5:41).
¿MBAʼÉPA HEʼI LA BIBLIA? “Ani hag̃ua mbaretépe rejapo pe iporãva, síno ndete rejaposéguinte voi” (Filemón 14).
Ani rehasa la rrája. Umi itravahadórva naiñateʼỹi péro avei ndoikói ombaʼapo tódo el tiémpo opytuʼuʼỹre. Iporã ningo ñandeguápo péro avei japytuʼu vaʼerã.
¿MBAʼÉPA HEʼI LA BIBLIA? “Iporãve repytuʼuʼimi, reiko rangue rejejuka traváhope. Péicha haʼete reikóva yvytu rapykuéri” (Eclesiastés 4:6).