¿Mbaʼéichapa ikatu ñaaguanta ko múndo ivaietévape?

• Gérra

• Epidémia

• Desástre naturál

• Hénte imboriahúva

• Hénte ndaijaʼéiva ojuehe

• Violénsia

Oiko jave peteĩ mbaʼe ivaietereíva heta persóna ojedesespera ha oimoʼã ndaiporiveimaha voi esperánsa. Oĩ avei ndoikuaáiva mbaʼépa opensáta ha noimportavéima chupe mbaʼeve. Tahaʼe haʼeháicha, ikatu ñambyaive hína la situasión jajedesesperárõ térã jajúrõ nañapenavéintema la oikóvare.

Umi provléma paʼũme tekotevẽ jakuida unos kuánto mbaʼe iñimportántevare: ñande salu, ñande pláta, umi jahayhúva ha umi mbaʼe ñapensáva.

¿Mbaʼe mbaʼépa ikatu jajapo ñaaguanta hag̃ua vyʼápe?