¿Mbaʼépa ojapo umi siérvo ministeriál kongregasiónpe?

La Biblia oñeʼẽ mokõi grúpo ojapóvare umi traváho oĩva kongregasiónpe, umíva hína umi ‘ansiáno ha siérvo ministeriál’ (Filipenses 1:1). Oĩ jepi heta ansiáno ha siérvo ministeriál káda kongregasiónpe. ¿Mbaʼépa ojapo umi siérvo ministeriál kongregasión rehehápe?

Haʼekuéra oipytyvõ umi ansiánope. Umi siérvo ministeriál ningo kuimbaʼe de konfiánsa, itravahadór ha ojerovia mbarete Jehováre. Oĩ imitãva ha ijedáva. Haʼekuéra oipytyvõ oñeorganisa porã hag̃ua umi traváho ojejapóva pe kongregasiónpe ha pe Salón del Réinope. Upéicha rupi umi ansiáno ikatu itiempove oporomboʼe ha oñatende porã hag̃ua pe kongregasiónre.

Ojapo umi traváho oñekotevẽva kongregasiónpe. Oĩ siérvo ministeriál oñeasignáva oĩ hag̃ua de akomodadór ha orresivi porã hag̃ua umi ohóvape rreunionhápe. Oĩ avei umi oñatendéva sonídore, literatúrare, umi kuéntare, ha oasignáva umi território. Haʼekuéra oipytyvõ avei ojejapo jave mantenimiénto pe Salónpe. Umi ansiáno ojerure jepi avei chupekuéra oipytyvõ hag̃ua umi ijedavévape. Umi siérvo ministeriál iguapoiterei ha ikyreʼỹ ojapo hag̃ua entéro traváho oñemeʼẽva chupekuéra, ha upévare jarrespeta vaʼerã koʼã ermánope (1 Timoteo 3:13).

Haʼekuéra omoĩ peteĩ ehémplo iporãva. Umi siérvo ministeriál ojeporavo pórke haʼekuéra kristiáno oñehaʼãva okumpli porã entéro mbaʼe. Otoka jave chupekuéra ojapo umi párte kongregasiónpe omombarete ñande jerovia, ha odirihívo pe predikasión ñanemokyreʼỹeterei hikuái. Umi siérvo ministeriál oapoja umi ansiánope ha péicha oipytyvõ pe kongregasión ovyʼa ha iñunído hag̃ua (Efesios 4:16). Kon el tiémpo haʼekuéra ikatúta avei oservi de ansiáno.

• ¿Mbaʼeichagua persónapa umi siérvo ministeriál?

• ¿Mbaʼéichapa umi siérvo oipytyvõ oñembaʼapo porã hag̃ua kongregasiónpe?