¿Mbaʼe notísia iporãvapa oĩ ñandéve g̃uarã?

1. ¿Mbaʼe notísiapa oikuaauka ñandéve Ñandejára?

Ñandejára oipota ñande jaiko vyʼápe. Haʼe okrea ko yvy ha entéro mbaʼe oĩva pype pórke ñanderayhueterei. Koʼẽrõitéma haʼe oipeʼáta entéro umi sufrimiénto ikatu hag̃uáicha umi hénte oparupigua oreko peteĩ futúro iporãva.​—Elee Jeremías 29:11.

Ni peteĩ goviérno ndaikatúi oipeʼa pe violénsia, mbaʼasy ha ñemano. Péro jareko notísia iporãva. Koʼẽrõitéma Ñandejára oipeʼáta entéro goviérno umáno ha hendaguépe omoĩta igoviérno. Upérõ umi hénte hesãita ha oikóta pyʼaguapýpe.​—Elee Isaías 25:8; 33:24 ha Daniel 2:44.

2. ¿Mbaʼérepa iñimportanteterei koʼã notísia porã?

Umi sufrimiénto opáta Ñandejára ohundi vove ko yvýgui umi hénte añáme (Sofonías 2:3). ¿Arakaʼépa oikóta upéva? La Biblia omombeʼúma vaʼekue ñane tiémpope oĩtaha heta mbaʼe ombosufríva la héntepe. Umíva hína peteĩ señál ohechaukáva opa potaitemaha umi mbaʼe vai.​—Elee 2 Timoteo 3:1-5.

3. ¿Mbaʼépa jajapo vaʼerã?

Jastudia vaʼerã la Biblia ñaaprende hag̃ua Ñandejáragui. La Biblia haʼete peteĩ kárta oskrivíva peteĩ túa ohayhúva ifamíliape. Upépe heʼi mbaʼépa jajapo vaʼerã javyʼa hag̃ua koʼág̃a ha jaikove hag̃ua pára siémpre ko yvy ape ári. Katuete oĩta ipochýva restudia haguére la Biblia, péro ani reheja upéva ndejoko ha reperde pe oportunida reiko hag̃ua opa ára g̃uarã.​—Elee Proverbios 29:25 ha Apocalipsis 14:6, 7.