LA BIBLIA OMBOHOVÁI KOʼÃ PORANDU
¿Oĩnepa algúna ves peteĩ goviérnonte omandáva ko yvy tuichakuére?
Ñandejára Rréino poguýpe entéronte oikóta peteĩ ñeʼẽme (Isaías 32:1, 17; 54:13)
Epensamína mbaʼeichaitépa ou porãta yvyporakuérape peichagua goviérno. Koʼág̃arupi mbovymínte oĩ la iplátava ha hetaiterei katu oĩ osufríva imboriahueterei rupi. Péro oĩramo peteĩ goviérno oñeinteresáva umi héntere, nombofaltamoʼãi chupekuéra umi mbaʼe oikotevẽva. ¿Ndépa ere yvyporakuéra ikatuha omoĩ peichagua goviérno? (Elee Jeremías 10:23.)
Ymaite guivéma umi goviérno nokumplíri umi mbaʼe oprometéva, upévare umi hénte ndoikuaasevéima chuguikuéra mbaʼeve, koʼýte umi imboriahúva. Ha oĩ voi goviérno otrata vaíva umi oĩvape ipoguýpe (Eclesiastés 4:1; 8:9). Ñandejára katu opromete omoĩtaha peteĩ goviérno opytátava entéro umi goviérno umáno rendaguépe ha upearã onombráma peteĩ Rréi oñangareko porãtava umi héntere. (Elee Isaías 11:4 ha Daniel 2:44.)
¿Mbaʼépa ojapóta Ñandejára Rréino?
Jehová oelehíma Itaʼýra Jesúspe ogoverna hag̃ua Irréinope (Lucas 1:31-33). Ha jaʼekuaa oelehi porã hague, ¿mbaʼérepa? Jesús oúrõ guare ko yvy ape ári ojepyʼapy vaʼekue umi héntere. Ha igoviérno poguýpe haʼe oipytyvõta enterovévape oiko hag̃ua peteĩ ñeʼẽme ha avave ndosufrimoʼãvéima. (Elee Salmo 72:8, 12-14.)
¿Oaseptátapa entéro Jesúspe rréiramo? Nahániri. Péro Jehová ipasiénsia enterovévare (2 Pedro 3:9). Ha omeʼẽ káda únope oportunida okambia hag̃ua. Koʼẽrõitéma Jesús ohundíta umi iñañávape ha igoviérno rupive omoĩta pyʼaguapy ko yvy ape ári. (Elee Miqueas 4:3, 4.)