LEKSIÓN 15
¿Mbaʼérepa resegi vaʼerã restudia la Biblia?
1. ¿Mbaʼéichapa nepytyvõta resegíramo restudia la Biblia?
Oiméne ko folléto nepytyvõma reaprende hag̃ua umi enseñánsa iñimportantevéva omboʼéva la Biblia, ha upéva katuete nepytyvõ rehayhu hag̃ua Ñandejárape. Péro tekotevẽ reñehaʼã rehayhuve hag̃ua chupe (1 Pedro 2:2). Reikoséramo pára siémpre resegi vaʼerã reñemoag̃ui Ñandejárare restudiávo Iñeʼẽ.—Elee Juan 17:3 ha Judas 21.
Reikuaavévo rehóvo Ñandejárape, nde jerovia imbaretevéta ha upéva nepytyvõta haʼe ndeguerohory hag̃ua (Hebreos 11:1, 6). Pe jerovia nemomýita reñarrepenti hag̃ua ha rekambia hag̃ua tekotevẽhápe.—Elee Hechos 3:19.
2. ¿Mbaʼéichapa ikatu reipytyvõ nde rapichápe?
Nde ikatu reñemboʼe Jehovápe ha reiko iñamígoramo
Enterove javyʼa ñamombeʼu jave peteĩ notísia iporãva, upévare katuete remombeʼuséta nde rapichápe umi mbaʼe reaprende vaʼekue. Restudiávo rehóvo reaprendéta mbaʼéicha ikatu reipurukuaave la Biblia reexplika hag̃ua mbaʼérepa rejerovia Jehováre ha umi notísia porãre.—Elee Romanos 10:13-15.
Heta persóna oñepyrũ omombeʼu umi notísia porã iñamígo ha ihentekuérape. Péro reñatende porã vaʼerã, ere rangue oĩ vaiha umi mbaʼe haʼekuéra ogueroviáva, ikuentave remombeʼu chupekuéra Ñandejára promésa. Pyʼỹinte umi hénte imanduʼa mbaʼéichapa jatrata chupekuéra, ndahaʼéi voi mbaʼépa jaʼe chupekuéra.—Elee 2 Timoteo 2:24, 25.
3. ¿Mbaʼe iporãvapa ikatu rehupyty?
Resegíramo restudia Ñandejára Ñeʼẽ reñemoag̃uivéta Ñandejárare ha reikóta iñamígoramo. Ikatúta avei reike Ñandejára família apytépe.—Elee 2 Corintios 6:18.
4. ¿Mbaʼéichapa ikatu reikuaave Ñandejárape?
Ikatu reikuaave Ñandejárape resegíramo restudia Iñeʼẽ (Hebreos 5:13, 14). Ejerure peteĩ testígo de Jehovápe tostudia nendive la Biblia, upearã ikatu peipuru pe lívro ¿Mbaʼépa ñanemboʼe la Biblia? Amáske reaprende umi mbaʼe oĩva Ñandejára Ñeʼẽme, revyʼáta ha reho porãvéta hese.—Elee Salmo 1:1-3 ha 73:27, 28.
Umi notísia porã ningo ou Jehovágui, haʼe hína Ñandejára ovyʼáva. Nde ikatu reñemoag̃ui hese rejeheʼáramo ipuévlore (Hebreos 10:24, 25). Resegíramo reñehaʼã rejapo hag̃ua Jehová ojeruréva, rerresivíta vída etérna. Nde ningo reñemoag̃ui hína Ñandejárare, ha ndaipóri ótra kósa iporãvéva upévagui.—Elee 1 Timoteo 1:11 ha 6:19.