LA BIBLIA OMBOHOVÁI KOʼÃ PORANDU
¿Mbaʼéichapa ne família ikatu ohayhu Ñandejárape?
Ikatu rehechauka ne famíliape pe naturalésa oikuaa hag̃ua Ñandejárape ha ohayhu hag̃ua chupe
Ne família ohayhu hag̃ua Ñandejárape oñekonvense vaʼerã haʼe oexistiha ha ohayhuha chupe. Ha upearã pe mitã oikuaa vaʼerã Ñandejárape (1 Juan 4:8). Por ehémplo, oikuaa vaʼerã mbaʼépa Ñandejára propósito yvyporakuérape g̃uarã, mbaʼérepa opermiti jahasa asy ha mbaʼépa ojapóta koʼẽrõitéma ñanderehehápe. (Elee Filipenses 1:9.)
Nde voi rehayhúramo Ñandejárape, ne família ohechakuaáta upéva ha osegiséta ne ehémplo. (Elee Deuteronomio 6:5-7 ha Proverbios 22:6.)
¿Mbaʼépa nde ikatu rejapo ne família ohayhuve hag̃ua Ñandejárape?
Ñandejára Ñeʼẽ ningo ipoderosoiterei (Hebreos 4:12). Upévare reipytyvõ vaʼerã ne famíliape oikuaa hag̃ua umi mbaʼe oĩva la Bíbliape. ¿Mbaʼépa nepytyvõta upearã? Ikatu rejapo Jesús ojapo haguéicha: embaʼeporandu chupe, ehendu mbaʼéichapa ombohovái ha eexplika chupe umi mbaʼe nontendeporãiva. (Elee Lucas 24:15-19, 27, 32.)
Ikatu avei rehecha hendivekuéra umi rreláto oĩva la Bíbliape, ohechaukáva mbaʼéichapa Ñandejára otrata porãiterei vaʼekue la héntepe. Péicha haʼekuéra ikatúta oikuaa porãve ñande Kreadórpe ha ohayhuvéta chupe. Ehechamína Internétpe www.jw.org/gug, upépe retopáta heta mbaʼe nepytyvõtava remboʼe porã hag̃ua ne famíliape. (Elee 2 Timoteo 3:16.)