REIKUAAVE HAG̃UA 2A
Mbaʼéichapa oñentende vaʼerã Ezequiel profesiakuéra
¿MBAʼÉPA HEʼISE PROFESÍA?
La Bíbliape pe palávra hebrea navá’, ojetradusíva “profesía”, heʼise jepi oñemombeʼuha peteĩ mensáhe oúva Ñandejáragui, mensáhe heʼíva Ñandejára oporohusgataha, ojekorrehitaha umi mbaʼe vai ojejapóva térã peteĩ mandáto oúva Ñandejáragui. Ikatu avei heʼise peteĩ mensáhe omombeʼúva mbaʼépa oikóta amo gotyove. Ezequiel profesiakuéra orekopaite koʼãichagua mensáhe oúva Ñandejáragui (Ezeq. 3:10, 11; 11:4-8; 14:6, 7; 37:9, 10; 38:1-4).
¿MBAʼÉICHAPA OJEKUAAUKA UMI PROFESÍA?
VISIONKUÉRA
EHEMPLOKUÉRA
RREPRESENTASIONKUÉRA
Lívro de Ezequiélpe jatopa oĩha umi visión, ehémplo, istória ha umi profesía oñerrepresentáva.
¿MBAʼÉICHAPA OÑEKUMPLI?
Sapyʼánte umi profesía oĩva lívro de Ezequiélpe ikatu oñekumpli mas de una ves. Por ehémplo, umi profesía omombeʼúva ojeadora jeytaha Jehovápe añoiténte oñekumpli kuri michĩmi Ñandejára puévlo ou jeýrõ guare pe Tiérra Prometídape. Péro oñemyesakãháicha pe kapítulo 9-pe ko lívrope, heta mbaʼe heʼíva umi profesía oñekumpli ñane tiémpope ha oñekumpli jeýta avei amo gotyove.
Ymave jahechámi vaʼekue heta detálle umi profesía oĩvare lívro de Ezequiélpe, ha ñapensa jepi umíva orrepresentaha peteĩ mbaʼe iñimportantevéva oikótava upe rire. Péro ko puvlikasión nomyesakãmoʼãi peteĩ persóna, peteĩ kósa, peteĩ lugár térã peteĩ mbaʼe oiko vaʼekue orrepresentaha peteĩ mbaʼe iñimportantevéva oikótava ñane tiémpope, sólamente ojejapóta upéva la Biblia omyesakã porãramo upeichaha.a Upéva rangue, ko lívro omombeʼúta mbaʼéichapa prinsipálmente oñekumplíta umi profesía oskrivi vaʼekue Ezequiel. Avei ohechaukáta umi mbaʼe ikatúva ñaaprende Ezequiel mensahekuéragui, umi héntegui, umi lugárgui ha umi mbaʼe oiko vaʼekuégui.
a Reikuaave hag̃ua ko témagui, ehecha Ñemañaha, 15 de marzo de 2015, páh. 9-11, párr. 7-12, ha “Oñeporandúva jepi”, páh. 17, 18, oĩva upe rrevístape avei.