Eipuru umi ehémplo eporomboʼe hag̃ua

Mateo 13:34, 35

MBAʼÉPA HEʼISE: Eipuru vaʼerã umi ehémplo isensíllova igústo hag̃ua umi mbaʼe remboʼéva, upéicha umi nerendúva ojapysakáta nderehe ha ontendéta umi mbaʼe iñimportánteva remboʼeséva.

MBAʼÉICHAPA IKATU REJAPO

• Eipuru ehémplo isensíllova. Ojapo haguéicha Jesús, eipuru vaʼerã umi mbaʼe michĩva eexplika hag̃ua umi mbaʼe iñimportánteva, ha eipuru vaʼerã umi mbaʼe ikonosídova eexplika hag̃ua umi mbaʼe hasýva ñantende hag̃ua. Eipuru jave umi ehémplo natekotevẽi emensiona hetaiterei detálle. Ha reime vaʼerã segúro pe ehémplo reipurúva ojogueraha porãha pe téma reanalisávandi, ani hag̃ua rekonfundi umi nerendúvape.

• Epensa vaʼerã umi nerendúvare. Reiporavóta jave peteĩ ehémplo epensa vaʼerã mbaʼépepa ombaʼapo hikuái ha mbaʼépa ointeresa avei chupekuéra. Eñehaʼãmbaitékena ani hag̃ua remotĩ térã rembopochy umi nerendúvape.

• Emyesakã porã vaʼerã umi mbaʼe remboʼeséva. Eipuru umi ehémplo eexplika hag̃ua umi mbaʼe iñimportantevéva añoiténte. La iñimportantevéva hína umi nerendúva imanduʼa umi mbaʼe remboʼe vaʼekuére chupekuéra, ha ndahaʼéi pe ehémplorente.