Emyesakã porã pe remboʼeséva

1 Corintios 14:9

MBAʼÉPA HEʼISE: Ejapo vaʼerã nde párte enterovéva ontende hag̃uáicha la eréva.

MBAʼÉICHAPA IKATU REJAPO

• Estudia porã vaʼerã pe informasión. Eñehaʼã vaʼerã nde voi rentende porã pe informasión ikatu hag̃uáicha reexplika ne ñeʼẽtépe ha isensilloveháicha.

• Eipuru fráse mbykýva ha ndahasýiva oñentende hag̃ua. Ndaivaíri ningo reipuru umi fráse ipukúva, péro reexplikáta jave peteĩ mbaʼe iñimportánteva iporãvéta reñeʼẽramo hesakuaitépe.

• Emyesakã vaʼerã mbaʼépa heʼise umi palávra ha fráse noñehenduguasúiva. Ikatúma guive, eñehaʼãmbaite vaʼerã ani hag̃ua eipuru umi palávra ha fráse naikonosídoiva, péro tekotevẽramo eipuru umíva ani nderesarái emyesakã vaʼerãha mbaʼépa heʼise. Por ehémplo, umi nerendúva ndoikuaáiramo mávapa peteĩ persóna térã umi kostúmbre ha medída ojepuru vaʼekue yma, tekotevẽta reexplika umíva.