Emboʼe peteĩ mbaʼe ipyahúva

1 Corintios 9:19-23

MBAʼÉPA HEʼISE: Emopensa vaʼerã umi nerendúvape, opa rire nde párte haʼekuéra oñandu vaʼerã oaprende hague peteĩ mbaʼe ipyahúva.

MBAʼÉICHAPA IKATU REJAPO

• Ereko vaʼerã enkuénta mbaʼépa oikuaáma voi umi nerendúva. Eñehaʼã ani hag̃ua emombeʼu jeýnte umi mbaʼe ojeʼéma vaʼekue voi chupekuéra. Upéva rangue eipytyvõ umi nerendúvape oaprende hag̃ua peteĩ mbaʼe ipyahúva upe témagui.

• Eñemotiémpo vaʼerã reinvestiga ha rejepyʼamongeta hag̃ua. Ikatu hag̃uáicha emyesakã umi mbaʼe iñimportantevéva, ikatu emensiona umi mbaʼe naentéroi oikuaáva térã umi oiko ramoite vaʼekue. Péro eñatende vaʼerã tojogueraha porã umi mbaʼe remboʼesévare.

• Ehechauka umi nerendúvape mbaʼéichapa ikatu ojapo la oaprendéva. Emyesakã vaʼerã mbaʼéichapa umi konsého oĩva la Bíbliape ikatu oipytyvõ chupekuéra hekovépe, por ehémplo mbaʼéichapa ikatu ombohovái porãve peteĩ situasión, okambia opensa lája térã ojapo porãve peteĩ mbaʼe.