LEKSIÓN 06
¿Mbaʼéichapa oñepyrũ la vída?
Salmo 36:9 heʼi: “Ñandejára, nde ningo remeʼẽ la vída enterovépe”. ¿Ndépa reguerovia siertoha upéva? Oĩ hénte opensáva opa mbaʼe oexisti hague ijehegui reínte, ha ndaiporiha peteĩ Kreadór. Oiméramo upéva siérto, entónse ñande ñaime por kasualida reínte koʼápe. Péro oiméramo Ñandejára Jehová ñandekrea, katuete oreko peteĩ propósito ñandéve g̃uarã, ¿ajépa?a Ko leksiónpe ñaaprendéta mbaʼéichapa heʼi la Biblia oñepyrũ hague la vída ha mbaʼérepa ikatu jaguerovia upéva.
1. ¿Mbaʼéichapa oñepyrũ vaʼekue oexisti ko univérso?
La Biblia heʼi: “Iñepyrũme Ñandejára ojapo vaʼekue yvága ha yvy” (Génesis 1:1). La majoría umi sientífiko oguerovia ko univérso oreko hague peteĩ prinsípio. Péro, ¿mbaʼéichapa Ñandejára okrea vaʼekue ko univérso? La Biblia heʼi Ñandejára oipuru hague ijespíritu sánto, térã pe fuérsa orekóva, okrea hag̃ua opa mbaʼe, umíva apytépe pe univérso, umi galáxia, estrélla ha planetakuéra (Génesis 1:2).
2. ¿Maʼerãpa Ñandejára okrea vaʼekue ko yvy?
Jehová “ojapo ko yvy ojeiko hag̃ua pype, ndahaʼéi ojapo rei reínte vaʼekue” (Isaías 45:18). Haʼe ojapo porãiterei vaʼekue ko yvy ikatu hag̃uáicha jareko opa mbaʼe ñaikotevẽva jaiko hag̃ua pype pára siémpre (elee Isaías 40:28; 42:5). Umi sientífiko heʼi voi ndaiporiha ótro planéta ojoguáva ko yvýpe, pórke koʼápe añoite ningo ñande jareko opa mbaʼe ñaikotevẽva ikatu hag̃uáicha jaikove.
3. ¿Mbaʼépepa ñande ñanediferénte umi animálgui?
Jehová okrea rire ko yvy ojapo opa mbaʼe oikovéva oĩ hag̃ua pype. Primero okrea umi plánta ha animalkuéra. Ha upéi “ojapo pe yvypórape ijoguaháramo” (elee Génesis 1:27). ¿Mbaʼépepa ñande ñanediferénte umi ótra kreasióngui? Ñandejára ñandeapo vaʼekue ijoguaháramo, upévare ikatu jareko umi kualida haʼe orekóva. Por ehémplo ikatu japorohayhu ha ñandehústo haʼéicha, avei omeʼẽ ñandéve pe kapasida ñaaprende hag̃ua heta idióma, jadisfruta hag̃ua pe músika ha hetave mbaʼe porãgui. Ha ikatu jaadora ñande Kreadórpe, upéva ni peteĩ animál ndaikatúi ojapo.
EJEPYʼAMONGETAMÍNA
Jahechamína mbaʼe pruévapa oĩ ohechaukáva oexistiha ñande Apohare, ha siertoha la Biblia heʼíva pe kreasiónre. Jahecháta avei mbaʼépa ikatu ñaaprende Ñandejáragui jajepyʼamongetávo umi kualida jarekóvare.
4. Opa mbaʼe oexistíva oñediseña porãiterei
Heta héntepe oñemeʼẽ rrekonosimiénto umi mbaʼe ojapóvare okopiáramo jepe pe naturalésagui. Péro, ¿mávapepa oñemeʼẽ vaʼerã rrekonosimiénto pe prodúkto orihinál rehe? Ehecha pe VIDÉO, ha upéi erresponde ko porandu:
Según pe vidéo, ¿mbaʼe mbaʼépa ojekopia pe naturalésagui?
Oñemopuʼã hag̃ua peteĩ óga tekotevẽ álgien odiseña ha ombaʼapo hese. Upéicharõ, ¿mávapa odiseña ha ojapo entéro mbaʼe oexistíva pe naturalésape? Elee Hebreos 3:4, ha upéi erresponde koʼã porandu:
¿Mbaʼépa ndéve nesorprendeve pe naturalésagui?
¿Ndépa ere isentidoha jaguerovia oĩ hague peteĩ odiseñáva opa mbaʼe oĩva ko univérsope? ¿Mbaʼérepa repensa upéicha?
¿Reikuaápa raʼe?
Jw.org-pe oñeñeʼẽve ko témare, upépe retopáta heta artíkulo ha vidéo, por ehémplo umi série hérava: “¿Oĩpa peteĩ Kreadór?”, ha “Mbaʼéicha oñepyrũ la vída”.
“Jaikuaa ningo káda óga orekoha ijapohare, péro Ñandejára hína pe ojapo vaʼekue entéro mbaʼe”
5. ¿Ikatúpa jaguerovia la Biblia heʼíva pe kreasiónre?
Génesis kapítulo 1-pe oñemombeʼu ñandéve mbaʼéichapa ojekrea ko yvy ha umi mbaʼe oĩva pype. ¿Ikatúpa jaguerovia upépe heʼíva, térãpa kuénto reínte umíva? Ehecha pe VIDÉO, ha upéi erresponde koʼã porandu:
¿Omboʼépa la Biblia ko yvy ha umi mbaʼe oĩva pype ojekrea hague 6 día de 24 órapente?
¿Ndépa ere isentidoha la Biblia omboʼéva pe kreasiónre? ¿Mbaʼérepa repensa upéicha?
Elee Génesis 1:1, ha upéi erresponde ko porandu:
Umi sientífiko heʼi ko univérso oreko hague peteĩ prinsípio, ha pe téxto de Génesis ohechauka avei upeichaha. Entónse, ¿oĩpa de akuérdo la heʼíva umi sientífiko ha umi mbaʼe heʼíva la Biblia ko témare?
Oĩ ogueroviáva Ñandejára oipuru hague pe evolusión omoñepyrũ hag̃ua la vída. Elee Génesis 1:21, 25 ha 27, ha upéi erresponde koʼã porandu:
¿Omboʼépa la Biblia Ñandejára ojapo hague peteĩ sélulante ha upéva oevolusiona hague oiko peve chugui pira, upéi ótro animál ha ipahápe peteĩ persóna? ¿Térãpa omboʼe Ñandejára okrea hague entéro mbaʼe oikovéva “asegún ikláse” ha ivarieda?
6. ¿Mbaʼépepa idiferénte yvypóra entéro umi ótra kreasióngui?
Ñande ningo ñanediferénte umi animál Jehová okrea vaʼekuégui. Elee Génesis 1:26, ha upéi erresponde ko porandu:
Ñande ningo ikatu japorohayhu ha jaiporiahuvereko ñande rapichápe, ¿mbaʼépa ñanemboʼe upéva ñande Kreadórgui?
OĨRAMO HEʼÍVA: “Japupa rei ningo la Biblia heʼíva pe kreasiónre”.
¿Mbaʼépa nde repensa upévare? ¿Mbaʼérepa?
RRESÚMEN
Jehová okrea ko univérso, umi plánta, umi animál ha opa mbaʼe oikovéva.
Rrepáso
Asegún la Biblia, ¿mbaʼéichapa oñepyrũ raʼe la vída ha pe univérso?
¿Ojevalépa Ñandejára pe evolusiónre omoñepyrũ hag̃ua la vída, térãpa haʼe okrea opa mbaʼe?
¿Mbaʼépepa idiferénte yvypóra entéro umi ótra kreasióngui?
EINVESTIGA HAG̃UA
Ehecha mbaʼéichapa iporã porã umi diséño oĩva pe naturalésape.
“¿Mbaʼépa ñaaprende pe naturalésagui?” (¡Despertad! Septiembre de 2006)
Ehecha mbaʼéichapa peteĩ túa omboʼe itaʼýrape mbaʼépa la Biblia heʼi pe kreasiónre.
Ehecha ko artíkulope oĩpa la Biblia de akuérdo umi sientífiko heʼívandi pe evolusiónre.
“¿Ojevalépa Ñandejára pe evolusiónre okrea hag̃ua opa mbaʼe oikovéva?” (Artíkulo oĩva jw-pe)
¿Mbaʼépa ohechauka umi fósil ha experiménto ojapóva umi sientífiko? ¿Ohechaukápa umíva oexistiha ñande Apoháre, térã opa mbaʼe oexisti hague ijehegui reínte?
El origen de la vida. Cinco cuestiones dignas de análisis (Folléto)
a Leksión 25-pe jahecháta mbaʼépa Ñandejára propósito ñandéve g̃uarã.