Eñeinteresa umi persónare

¿Mbaʼépa ojapo vaʼekue Jesús?

VIDÉO: Jesús ha pe kuña Samariagua

1. Ehecha pe VIDÉO, térã elee Juan 4:6-9. Upe rire erresponde koʼã porandu:

1. ¿Mbaʼe detállepa Jesús oreko enkuénta oñepyrũ hag̃ua oñemongeta pe kuñándi?

2. Jesús heʼi: “Jaʼumína michĩmi nde y”. ¿Mbaʼérepa ikatu jaʼe omoñepyrũ porãiterei hague pe konversasión?

¿Mbaʼépa ñaaprende Jesúsgui?

2. Ñañepyrũrema voi jaʼéramo álgo ointeresáva umi héntepe ikatu hína oñemongetaseve ñanendive.

Jasegíkena Jesús ehémplo

3. Jajadapta umi héntere. Aníkena ñañeʼẽ umi téma ñandévente ñaneinteresávare, síno ñañemongeta umi mbaʼe ointeresávare umi héntepe. Ñañeporandukuaa:

1. “¿Mbaʼe notísia ipyahúvapa oĩ?”.

2. “¿Mbaʼe témarepa oñeʼẽve hína che vesinokuéra, che kompañéro de traváho, de eskuéla térã koléhio?”.

4. Ñañatende umi detállere. Ikatu eñeporandu:

1. “¿Mbaʼépa ojapo pe persóna upe moméntope? ¿Mbaʼépa oiméne opensa hína?”.

2. “Ñamañáramo pe persóna rógare, ijaóre térã ipíntare, ¿japillápa mbaʼépa oguerovia térã mbaʼe paisguápa?”.

3. “¿Iporãtapa ñañemongeta hendive koʼág̃a térã iporãvéta jajúnte ótra vuéltape?”.

5. Ñahendu porãkena.

1. Aníkena ñañeʼẽterei ha jajagarrapa.

2. Eheja pe persóna trankílamente tomombeʼu la opensáva. Opyta porãramo ikatu eporandu chupe algúna kósa.