Eñembokatupyryvékena: Eñemongeta umi persónandi upéi epredika hag̃ua chupekuéra

Jesús opredika kuri ko samaritánape pe oikohárupi, péro ñepyrũrã haʼe oñemongetánte hendive. ¿Mbaʼéichapa ikatu ñandekatupyryve ñañemongeta hag̃ua umi persóna ndajaikuaáivandi?

• Nderory vaʼerã eñeʼẽ hag̃ua umi héntendi. Jesús ikaneʼõramo jepe oñepyrũ kuri oñemongeta ha ojerure y pe kuñáme. Upéicha avei nde ikatu nderory ha esaluda porã umi héntepe, upéi eñeʼẽkuaa pe tiémpore térã peteĩ mbaʼe oiko ramóvare. Nemanduʼa vaʼerã nde eñemongetaseha pe persónandi, upévare iporãta eñeʼẽramo peteĩ téma ogustátavare chupe. Pe persóna norrespondéiramo ndéve ehaʼarõ haguéicha, ani ejepyʼapy, eñehaʼã jeýnte eñemongeta ótra persónandi. Ejerure Jehovápe tanembopyʼaguasu (Ne 2:4; Hch 4:29).

• Eñatende vaʼerã ikatu hag̃uáicha eaprovecha opa oportunida erekóva epredika hag̃ua, péro ani ejapura. Eñemongeta normál porãnte pe persónandi, ani pyaʼe voi repredikaséma chupe pórke upéicha ikatu hína pe persóna noñeʼẽsevéima ndéve. Ani eñeñandu vai opáramo la konversasión epredika mboyve. Ijetuʼúramo ndéve repredika hag̃ua pe reikohárupi, primerorã ikatu reñehaʼã reñemongetánte la héntendi péro epredikaʼỹ hag̃uáicha chupekuéra [Ehechauka pe vidéo 1 ha ejapo pregúnta oñekomenta hag̃ua].

• Peñemongeta aja ikatu ere peteĩ mbaʼe nde egueroviáva, upéicha pe nerendúva ojeruréta ndéve reexplika hag̃ua chupe upéva. Jesús heʼi heta mbaʼe ombokuriósava pe samaritánape, upévare haʼe ombaʼeporandu Jesúspe. Upéi Jesús oñeʼẽ hendive pe notísia porãre péro ombohovái hag̃uántema umi mbaʼe oporandúva chupe pe samaritana. [Ehechauka pe vidéo 2 ha ejapo pregúnta oñekomenta hag̃ua, upéi ehechauka pe vidéo 3 ha ejapo pregúnta oñekomenta hag̃ua].