Nepasiénsia vaʼerã

¿Mbaʼépa ojapo vaʼekue Jesús?

VIDÉO: Jesús ipasiénsia oipytyvõ hag̃ua iñermánope

1. Ehecha pe VIDÉO, térã elee Juan 7:3-5 ha 1 Corintios 15:3, 4, 7. Upe rire erresponde koʼã porandu:

1. ¿Mbaʼéichapa primerorã oñekomporta kuri Santiago, Jesús ermáno?

2. ¿Mbaʼérepa jaʼekuaa Jesús nopensái hague Santiago naipohãveimaha?

¿Mbaʼépa ñaaprende Jesúsgui?

2. Tekotevẽ ñanepasiénsia umi héntere pórke algúno oikotevẽ hetave tiémpo oasepta hag̃ua umi notísia porã.

Jasegíkena Jesús ehémplo

3. Etantea diferénte método. Pe persóna ndoaseptáiramo pyaʼe peteĩ kúrso bíblico, ani jajopyeterei chupe. Opyta porã vove, ikatu jahechauka chupe peteĩ vidéo térã peteĩ artíkulo oexplikáva mbaʼéichapa ojejapo peteĩ kúrso bíblico ha mbaʼéichapa upéva ou porãta chupe.

4. Ani ekompara chupe ótrore. Káda persóna ningo idiferénte. Por ehémplo ikatu peteĩ ne hénte térã nde rrevisíta odudaiterei oasepta hag̃ua peteĩ kúrso bíblico, térã peteĩ enseñánsa oĩva la Bíbliape. Péicha jave eñehaʼã eñemoĩ ilugárpe. ¿Noiméipa iñimportanteterei chupe g̃uarã peteĩ kostúmbre rrelihiósa? ¿Oñemoĩpa hese ifamília térãpa otĩ ivesinokuéragui? Emeʼẽ vaʼerã chupe tiémpo opensa hag̃ua la oaprendévare ha omombaʼe hag̃ua la Biblia heʼíva.

5. Eñemboʼe pe persóna rehehápe. Ejerure Jehovápe tanepytyvõ ikatu hag̃uáicha ndepositívo ha eikekuaa hag̃ua chupe. Ejerure avei Jehovápe tanepytyvõ eikuaa hag̃ua mbaʼe moméntopepa iporãvéta ehejántema pe persóna noñeinteresaguasúivape (1 Cor. 9:26).