JAJAPO DISÍPULO
LEKSIÓN 11
Ndahasýi vaʼerã oñentende hag̃ua
Téxto bíblico: “Peipurúramo umi palávra ijetuʼúva oñentende hag̃ua, ¿mbaʼéicha piko oñentendéta la pejéva?” (1 Cor. 14:9).
¿Mbaʼépa ojapo vaʼekue Jesús?
1. Ehecha pe VIDÉO, térã elee Mateo 6:25-27. Upe rire erresponde koʼã porandu:
¿Mbaʼe ehémplopa oipuru Jesús ohechauka hag̃ua Jehová okuidaha ñanderehe?
Jesús oikuaáramo jepe hetaiterei mbaʼe umi guyrakuéragui, ¿mbaʼérepa ndoikói omeʼẽ hetaiterei detálle? ¿Mbaʼérepa oikoite pe ehémplo omoĩ vaʼekue?
¿Mbaʼépa ñaaprende Jesúsgui?
2. Japoko hag̃ua umi hénte korasõre ha imanduʼa hag̃ua hikuái la ñamboʼe vaʼekuére, umi mbaʼe jaʼéva isensillomínte vaʼerã ha ndahasýi vaʼerã oñentende hag̃ua.
Jasegíkena Jesús ehémplo
3. Ani eñeʼẽterei. Pestudia jave ani emombeʼuse entéro mbaʼe eikuaáva upe témagui, iporãvéta eñekonsentráramo la heʼívare pe informasión pestudiávape. Ejapo rire peteĩ porandu ani ejapura, emeʼẽ tiémpo ne estudiántepe okontesta hag̃ua. Ha ndoikuaáiramo la rrespuésta térã heʼíramo álgo ndohóiva la Biblia omboʼévare, ikatu ejapo ótro porandu opilla hag̃ua la remboʼeséva. Ne estudiánte ontende porã rire ae ikatu pehasa pe sigiénte pártepe.
4. Pestudiátarõ peteĩ enseñánsa ipyahúva, emomanduʼa ne estudiántepe álgo oikuaámava voi upe témagui. Por ehémplo, peñeʼẽtaramo pe rresurreksiónre iporãta emomanduʼáramo chupe mbykymi mbaʼépa heʼi la Biblia oikoha omano jave peteĩ persóna.
5. Eiporavo porã umi ehémplo. Edesidi mboyve mbaʼe ehémplopa ikatu eipuru, eñeporandu vaʼerã:
“¿Isensíllopa ko ehémplo?”.
“¿Ijetuʼútapa che estudiántepe ontende hag̃ua?”.
“¿Imanduʼátapa la amboʼesévare chupe térãpa imanduʼáta pe ehémplorente?”.