LA BIBLIA OMBOHOVÁI KOʼÃ PORANDU
¿Mávapa ohóta yvágape ha maʼerãpa?
Heta hénte ningo ohose yvágape omano rire. Jesús heʼi vaʼekue voi umi ijapóstol iñeʼẽrendúva ohotaha oiko upépe. Haʼe omano mboyve, opromete chupekuéra ohotaha oprepara ilugarkuerarã amo yvágape, Itúva ykére. (Elee Juan 14:2.)
Péro, ¿mbaʼérepa oĩta oñemoingove jeýva oiko hag̃ua yvágape? ¿Mbaʼépa ojapóta hikuái upépe? Jesús heʼi vaʼekue ijapostolkuérape ogovernataha hikuái hendive ko yvy. (Elee Lucas 22:28-30 ha Revelación [Apocalipsis] 5:10.)
¿Ohótapa yvágape enterove ivuénova?
Peteĩ tetãme ningo ogoverna peteĩ presidénte ha ndahetái oĩ oipytyvõva chupe. Upéicha avei, Jesús mbovymínte oiporavo umi oho vaʼerã yvágape ogoverna hag̃ua hendive ko yvy (Lucas 12:32). La Biblia omombeʼu voi mboýpa oĩ umi ohótava yvágape. (Elee Revelación 14:1.)
Jesús oprepara umi hemimboʼe oiporavo vaʼekuépe ilugarkuerarã yvágape. ¿Reikuaápa mbaʼépa ojapóta hikuái upépe?
Péro ndahaʼéi umi ohótavape yvágape añónte oñevendesítava. Oĩ avei heta hénte iñeʼẽrendúva ha oñemoĩva Jesús goviérno poguýpe oikótava opa árare ko yvy ape ári, peteĩ hardín neporãmba jepévape (Juan 3:16). Oĩta heta ojesalváva oñehundi vove umi hénte aña, ha hetaiterei oĩta avei umi oñemoingove jeýva pe múndo pyahúpe. (Elee Salmo 37:29 ha Juan 5:28, 29.)