LA BIBLIA OMBOHOVÁI KOʼÃ PORANDU
¿Mbaʼéichapa tuvakuéra omongakuaa vaʼerã ifamília?
¿Remboʼépa ne famíliape ohayhu hag̃ua Ñandejárape?
Túva ha sy ojoayhu ha ojorrespetáramo, tuichaiterei oipytyvõta ifamíliape okakuaa porã hag̃ua (Colosenses 3:14, 19). Ñandejára Jehová heʼi vaʼekue Itaʼýra Jesúspe ohayhu ha oguerohoryha chupe, ha tuvakuéra tekotevẽterei avei ojapo upéicha. (Elee Mateo 3:17.)
Ñande Ru yvagapegua ohendu isiervokuéra oñemboʼe jave ha ontende chupekuéra. Tuvakuéra oñehaʼãmbaite vaʼerã avei osegi iñehémplo ha ohendu ifamíliape (Santiago 1:19). Oguereko vaʼerã enkuénta ifamiliakuéra opensáva, nopensáiramo jepe haʼekuéra oipotaháicha. (Elee Números 11:11, 15.)
¿Mbaʼépa rejapo vaʼerã osẽ porã hag̃ua ne família?
Tuvakuéra ningo oreko derécho heʼi hag̃ua mbaʼéichapa ojeikóta hogapýpe (Efesios 6:1). Ñandejára omoĩ ehémplo porã omombeʼúvo ñandéve mbaʼe mbaʼépa ohaʼarõ ñandehegui ha ñandeavisa mbaʼépa oikóta nañakumplíriramo. Péicha ohechauka ñanderayhuha (Génesis 3:3). Haʼe nañandeovligái avei jajapo hag̃ua haʼe heʼíva, upéva rangue, oexplika mbaʼérepa oho porãvéta ñandéve jajapóramo upéicha. Tuvakuéra, peñehaʼãmbaitékena pesegi Ñandejára ehémplo pemongakuaa porã hag̃ua pene família. (Elee Isaías 48:18, 19.)
Peipytyvõkena pene famíliape ohayhu hag̃ua Ñandejárape. Péicha peẽ napeiméi jave hendivekuéra, lomímonte odesidi porãta hikuái. Ñandejára ningo ñanemboʼe iñehémplo rupive, peñehaʼãmbaitékena peẽ avei pejapo upéicha. (Elee Deuteronomio 6:5-7; Efesios 4:32 ha 5:1.)