LA BIBLIA OMBOHOVÁI KOʼÃ PORANDU
¿Ikatúnepa opa pe povrésa?
¿Mbaʼépa ojapóta Ñandejára oipeʼaite hag̃ua pe povrésa? (Mateo 6:9, 10)
Oĩ lugár ko múndope la hénte iplataitereiha ha oiko porã. Péro oĩ avei hetaiterei hénte imboriahu apĩva ha ndaikatúiva oñalimenta porã, upéva káusare oĩ voi heta hasy ha omanóva káda áño. La Biblia heʼi voi ymaite guive oexisti hague ko provléma. (Elee Juan 12:8.)
Ikatu hag̃uáicha opa pe povrésa tekotevẽ oĩ peteĩ goviérno omanda vaʼerã ko yvy kompletoite ha omeʼẽva entérope peteĩchapa umi mbaʼe oikotevẽva. Oiko rire peteĩ gérra ningo oĩ hetaiteve imboriahúva, upévare opa vaʼerã avei la gérra. Ha pe goviérno Ñandejára oprometéva añoite ikatu ojapo koʼã mbaʼe. (Elee Daniel 2:44.)
¿Mávapa ikatu oipeʼaite pe povrésa?
Ñandejára oiporavóma Itaʼýra Jesucrístope ogoverna hag̃ua ko yvy (Salmo 2:4-8). Jesús oipytyvõta umi imboriahúvape, ha oipeʼaitéta ko yvýgui umi hénte iñaña ha ivioléntovape ombohasa asýva chupekuéra. (Elee Salmo 72:8, 12-14.)
Jesucristo oguerúta pyʼaguapy ha opáta la insegurida. Avei jaikóta ñande róga teépe, ñande traváho porãta ha la tembiʼu katu hembypáta. ¡Mbaʼeichaite piko javyʼáta haʼe ñanegoverna vove! (Elee Isaías 9:6, 7; 65:21-23.)