¿Mbaʼépa heʼi la Biblia?
¿Mbaʼépa hína Ñandejára Rréino?
OĨ OPENSÁVA Ñandejára Rréino haʼeha peteĩ mbaʼe jarekóva ñane korasõme. Oĩ avei heʼíva jahupytytaha upéva enterove ñañehaʼã vove oñondivepa jaiko hag̃ua pyʼaguapýpe. ¿Ndépa mbaʼe ere?
MBAʼÉPA HEʼI LA BIBLIA
“Ñandejára yvagapegua omoĩta peteĩ [rréino] noñehundimoʼãiva arakaʼeve. [...] Ohundietéta umi ótro goviérnope” (Daniel 2:44, TNM). Upéicharõ, Ñandejára Rréino haʼe hína peteĩ goviérno añetehápe oexistíva.
¿MBAʼÉPA IKATU ÑAAPRENDEVE LA BÍBLIAGUI?
Ñandejára Rréino ogoverna yvága guive (Mateo 10:7; Lucas 10:9).
Ñandejára ojevale Irréinore ojapo hag̃ua hembipota yvágape ha yvy ape ári (Mateo 6:10).
¿Arakaʼépa oúta Ñandejára Rréino?
¿MBAʼÉPA NDE ERE?
Avave ndoikuaái
Koʼẽrõitéma
Ndoumoʼãi voi
MBAʼÉPA HEʼI LA BIBLIA
“Koʼã marandu porã oñeʼẽva Ñandejára Rréinore oñemombeʼúta oparupiete ko yvy ape ári, ojekuaa hag̃ua opa tetãrupi, ha upéi og̃uahẽta pe ára pahaite” (Mateo 24:14). Ojepredikapa vove pe marandu porã, Ñandejára Rréino oúta ohundi hag̃ua umi mbaʼe vai oĩva ko múndope.
¿MBAʼÉPA IKATU ÑAAPRENDEVE LA BÍBLIAGUI?
Ndaipóri avave ko yvy ape ári oikuaáva arakaʼetépa oúta Ñandejára Rréino (Mateo 24:36).
La Biblia ohechauka porã koʼẽrõitéma outaha Ñandejára Rréino (Mateo 24:3, 7, 12).