Peteĩ oike pyahúva pe Kuérpo Governántepe

PE MIÉRCOLES 24 de enero de 2018, família Betel oĩva Estados Unidos ha Canadápe orresivi peteĩ notísia iporãitereíva. Upe pyharevépe oñeanunsia ermáno Kenneth Cook, hijo, oñenombra hague oservi hag̃ua pe Kuérpo Governántepe orekóva umi testígo de Jehová.

Ermáno Cook onase ha okakuaa Pensilvániape, Estados Unidos. Haʼe oikuaa pe añetegua omohuʼã mbotávo ikoléhio peteĩ ikompañéro rupive, ha ojevautisa el 7 de junio de 1980. Upéi, el 1 de septiembre de 1982 oñepyrũ iprekursorádo rregulár, ha 2 áño rire oñeinvita chupe oservi hag̃ua Betélpe. El 12 de octubre de 1984 oñepyrũ ombaʼapo Betel de Wállkillpe, Nueva York.

Ermáno Cook ombaʼapo diferénte asignasiónpe 25 áño aja, ombaʼapo umi traváho ojejapóvape impréntape ha ofisína Betélpe. Haʼe omenda Jamie rehe 1996-pe, ha upe guive ñane ermána oñepyrũ avei oservi Betélpe, Wállkillpe. Diciembre de 2009-pe, ermáno ha ermána Coókpe ojeguerova Séntro Edukatívo de la Watchtower oĩva Páttersonpe, ha upépe ermáno Cook ombaʼapo pe departaménto de Korrespondénsia de Rredaksiónpe. Upéi oho jey hikuái Wállkillpe, péro ensegidamínte oñeasigna chupekuéra Broóklynpe abril de 2016-pe. Cinco mése upe rire, ojeguerova chupekuéra pe sentrál mundiálpe oĩva Wárwickpe. Enero de 2017-pe ermáno Coókpe oñenombra oservi hag̃ua kómo ajudánte pe Komite de Rredaksión orekóvape pe Kuérpo Governánte.