Mbaʼéichapa ikatu ñapresenta ñande rrevistakuéra
La Atalaya 15 de mayo
“Ndépa ere ikatuha gueteri jahecha peteĩ múndo ndaiporimoʼãihápe mboriahu? [Ehaʼarõ tokontesta.] Ehechamína koʼápe mbaʼépa Ñandejára opromete ñandéve [Elee Isaías 65:21]. Ko rrevísta La Atalaya omombeʼu ñandéve mbaʼéichapa upéva oikóta.” Eporandu chupe arakaʼépa ikatu reho jey remombeʼu hag̃ua chupe mbaʼéichapa oikóta pe kámbio oñeprometevaʼekue.
¡Despertad! 22 de mayo
“Heta oĩ heʼíva iñimportanteha jajapo ehersísio ñaneresãi hag̃ua. Upéicharõ jepe hetã heʼi ndaikatuiha ojapo pe ehersísio oñekotevẽháicha, ajépa? [Ehaʼarõ tokontesta.] Ko rrevísta ohechauka iporãha jajapo meme ehersísio, ha omombeʼu mbaʼéichapa ikatu jajapo upéva ñane rembiapo hetárõ jepe.”
La Atalaya 1 de junio
“Opavave nunga heʼi ohechaseha pyʼaguapy ko Yvy ape ári. Upéicharõ jepe, ndaikatúi gueteri ojeiko porãmba oñondive. Mbaʼépa nde ere, ikatúnepa jahecha pyʼaguapy ko múndope? [Ehaʼarõ tokontesta.] Ko rrevísta ohechauka oĩha peteĩ goviérno ikatútava ogueru pyʼaguapy opavavépe g̃uarã ko Yvy apére.” Elee Salmo 72:7, 8, ha eporandu chupe arakaʼépa ikatu reho jey remombeʼu hag̃ua chupe mbaʼéichapa oikóta upéva.
¡Despertad! 8 de junio
“Ndépa rehechakuaáma heta ñande rapicha ojepyʼapyhahína hetaitereígui pe kánser ojagarráva ñande pirépe? [Ehaʼarõ tokontesta.] Ko rrevísta ¡Despertad! ohechauka mbaʼérepa ñande voi ikatu koʼág̃a tuicha jajeapeligra, ha mbaʼépa ikatu jajapo ñañeñangareko hag̃ua.” Opa hag̃ua ehechauka chupe pe promésa ñanembopyʼaguapýva, oĩva Job 33:25-pe.