Peteĩ eskuéla ñanepytyvõva jaiporu porã hag̃ua pe ñaaprendéva
1 Jastudia aja jahávo umi informasión oñemeʼẽva pe Eskuéla dél Ministério Teokrátiko prográmape, pe 2006-pe g̃uarã, ñañehaʼãvaʼerã jaiporu ñane predikasiónpe ha ñande rekovépe umi mbaʼe ñaaprendéva Ñandejára Ñeʼẽgui, ikatu hag̃uáicha ideprovécho ñandéve. Ñañehaʼãvaʼerã jajapo pe ñaaprendehaichaite (Juan 13:17; Fili. 4:9).
2 Umi komentário ñameʼẽva. Oñehesaʼỹijóvo umi mbaʼe iñimportantevéva ojeleevaʼekue la Bíbliagui, pe prográma ko áñope g̃uarã omeʼẽve un minúto oñekomenta hag̃ua. Pe ermáno oguerekóva ko tembiapo oñehaʼãvaʼerã ojapopa idiskúrso cinco minútope, ojaporangue seis minútope. Ha umi okomentáva oñehaʼãvaʼerã avei oiporu pe tiémpo oñemeʼẽvante. Japrepara porãramo pe jaʼétava, ikatu ñameʼẽmba 30 segúndope, térã pyaʼeve, peteĩ komentário iporãva. Ikatuvaʼerã diez ermáno rupi okomenta porã umi cinco minúto oñemeʼẽvape auditóriope g̃uarã.
3 Umi diskúrso omboʼe porãva. Pe ermáno ohesaʼỹijóva umi mbaʼe iñimportantevéva pe jaleevaʼekue la Bíbliagui, ha pe tembiapo número 1 ojapóva, ohechaukavaʼerã mbaʼépepa iñimportánte pe informasión, ha mbaʼéichapa ikatu jaiporu ñane predikasiónpe ha umi ótro tembiapópe. Pe oñeʼẽva omombayvaʼerã henduharakuérape ojapose hag̃ua pe ohendúva. Péro ndahaʼéi upévante. Heʼi porã vaʼerã avei mbaʼépa ojejapovaʼerã, mbaʼéichapa ikatu upéva ojejapo, ha mbaʼéichapa oñevenefisiáta hikuái. Ikatuvaʼerã heʼi: “Ko téysto ñanepytyvõ kóicha”, térã “Kóicha ikatu jaiporu koʼã téysto ñane predikasiónpe”. Umi ansiáno ha siérvo ministeriál oikuaáva pe kongregasión oikotevẽva oñehaʼãvaʼerã ohechauka porã mbaʼeichaitépa ojeporukuaa pe informasión.
4 Jahechauka hag̃ua mbaʼéichapa ikatu ojeporu pe informasión, iporãvéta jaiporúramo umi techapyrã oĩva Ñandejára Ñeʼẽme. Ohechauka rire la Bíbliagui peteĩ ehémplo, pe oñeʼẽva ikatu heʼi: “Nde avei ikatu reime peteĩ situasión upeichaguápe”. Ohechauka vove mbaʼéichapa ikatu ojeporu peteĩ techapyrã oñenohẽva la Bíbliagui, pe heʼíva oĩ porãvaʼerã umi ótro téysto vívliko ndive, opa mbaʼe la Biblia omboʼéva ndive ha pe “tembiguái jeroviaha ha iñarandúva” heʼíva ndive avei (Mat. 24:45).
5 Arandu heʼise jaiporukuaaha ñasẽ porã hag̃uáicha pe jaikuaáva ha ñantendéva. ‘Pe arandu haʼe pe mbaʼe iñimportantevéva’ (Prov. 4:7). Jasegi aja ñañemoaranduve pe Eskuéla dél Ministério Teokrátiko rupive, ñañehaʼãvaʼerã avei jaiporukuaave umi mbaʼe ñaipytyvõ hag̃ua ñande rapichakuérape.