Mbaʼéichapa ikatu ñaikuaveʼẽ ñande rrevistakuéra

Ñemañaha 15 de dic.

“Heta tapicha ojepyʼapy ohechávo mbaʼeichaite pevépa heta oĩ oaprovecháva ojapo hag̃ua komérsio umi arete aja diciémbrepe. Ndavaicháipa ndéve heta tapicha hesaraimaha maʼerãpa oĩ umi arete? [Ehaʼarõ tokontesta.] Ko rrevísta ohechauka mbaʼéichapa umi kostúmbre ndahaʼevéima yma guaréicha. Ohechauka avei mbaʼéichapa ikatu ñamombaʼe añetehápe Ñandejára ha Jesucrístope.” Elee Juan 17:3.

¡Despertad! 22 de dic.

“Ojapo 85 áño peteĩ péste ojukahague hetave tapicha 24 semánape, pe SIDA ojukávagui 24 áñope. Heta oĩ heʼíva upéva haʼehague pe péste ivaivéva oikovaʼekue koʼág̃a peve. Ndépa rehendúmava oñeñeʼẽramo pe gripe española-gui? [Ehaʼarõ tokontesta.] Ko rrevísta ohesaʼỹijo umi mbaʼe ñanemoporandúva ou jeýtapa peteĩ péste upeichagua. Heʼi avei mbaʼérepa ikatu jaguereko esperánsa.” Elee Isaías 33:24.

Ñemañaha 1 de enero

“Ñande yvypóra ikatu jajapo heta mbaʼe porã. Upéicharõ jepe ojejapo heta mbaʼe ivaietereíva. Ndépa reñeporandúmava mbaʼérepa upéicha? [Ehaʼarõ tokontesta.] Ko rrevísta oiporu Ñandejára Ñeʼẽ omombeʼu hag̃ua ñandéve mbaʼérepa. Ohechauka avei mbaʼéichapa opytáta pe iporãva ha opáta pe ivaíva.” Elee Romanos 16:20.

¡Despertad! 8 de enero

“Ndépa reñeporandúmava mbaʼéichatapa ko múndo koʼágui 20 térã 30 añohápe? [Ehaʼarõ tokontesta. Upéi elee Salmo 119:105.] Ñandejára Ñeʼẽ omyesakã ñandéve pe tenonderã ikatu hag̃uáicha jaikuaa mbaʼépa ikatu ñahaʼarõ. Ko rrevísta ohesaʼỹijo umi profesía ohechaukáva mbaʼe tiémpopepa jaikoñaína ha mbaʼérepa ikatu ñahaʼarõ heta mbaʼe iporãitereíva.”