Mbaʼéichapa ñaikuaveʼẽta ñande rrevísta

Ñemañaha Diciembre

“Opavave ningo jaikose vyʼápe ha jaikuaase maʼerãpa jaikove. Koʼápe Jesús heʼivaʼekue mbaʼépa jajapovaʼerã javyʼa hag̃ua. Tahechaukamína ndéve ha jahecha mbaʼépa ere chupe? [Elee Mateo 5:3 ha ehaʼarõ tokontesta.] Ko rrevísta omyesakã porã jaikuaavéramo Ñandejárape javyʼavetaha, ha upéicha jaikuaataha avei maʼerãpa jaikove.”

¡Despertad! Diciembre

“Oĩramo heʼíva ndéve umi omanovaʼekue oikove jeytaha, regueroviánepa chupe? [Ehaʼarõ tokontesta.] Nandejára Ñeʼẽ heʼi ikatuha oikove jey umi omanovaʼekue [elee Salmo 68:20]. Eleemína ko rrevísta reikuaa hag̃ua mbaʼérepa nañapensaivaʼerã ñamano vove ndaiporiveimaha ñanemoingove jey vaʼerã.”

Ñemañaha Enero

“Heta ningo oĩ oñemboʼéva pe padrenuestro Jesús omboʼevaʼekue. Upépe ningo ojejerurehína Ñandejárape omoĩmi hag̃ua Irréino [elee Mateo 6:9, 10]. Ndéve g̃uarãpa mbaʼe hína upe Ñandejára Rréino, ha arakaʼépa oñemoĩne? [Ehaʼarõ tokontesta.] Ko rrevístape rejuhúta mbaʼépa heʼi Ñandejára Ñeʼẽ upe Goviérnore.”

¡Despertad! Enero

“Pyʼỹinte ningo ñahendu mbaʼéichapa heta ména oapoʼi ha omaltrata hembirekópe. Mbaʼérepa nde ere ojapoha hikuái upéicha? [Ehaʼarõ tokontesta.] Ñandejára Ñeʼẽ omombeʼu mbaʼéichapa ména otratavaʼerã hembirekópe. Tahechaukamína ndéve upéva [elee 1 Pedro 3:7]. Ko rrevístape, la Biblia rupive oñemombeʼu mbaʼéichapa Ñandejára ha Jesucristo ohecha kuñanguérape.”