Jaiporu ñande lívro pyahu Mbaʼépa omboʼe la Biblia ñamoñepyrũ hag̃ua estúdio vívliko

Oĩ heta puvlikadór ovyʼátava ojapóramo peteĩ estúdio vívliko, ikatúramo omoñepyrũ peteĩ. Ñande lívro pyahu Mbaʼépa añetehápe omboʼe la Biblia? ikatúta ñanepytyvõ upearã. Pe osẽva páhina 3 guive 7 peve oipytyvõta pe óga járape oiporuse hag̃uáicha ko lívro oaprendeve hag̃ua la Bíbliagui. Peteĩ puvlikadór pyahu jepe otopáta ndahasyiha jaiporu ko lívro ñamoñepyrũ hag̃ua peteĩ estúdio.

◼ Ikatu reiporu páhina 3-pe osẽva, kóicha rejapo hag̃ua:

Reñeʼẽ rire peteĩ provléma nde territóriope ojekuaa porãvagui, eiporu umi porandu osẽva létra hũvépe páhina 3-pe ha emokyreʼỹ pe óga járape heʼi hag̃ua mbaʼépa opensa umi mbaʼégui. Upéi eiporu páhina 4 ha 5.

◼ Ikatu ndahasyive ndéve reiporúramo páhina 4 ha 5 reñepyrũ hag̃ua:

Ikatu ere: “Ajépa iporãiténe jahecháramo oiko umi mbaʼe ojehechaukáva koʼápe”. Térã ikatu reporandu: “Umi oĩvagui koʼápe, mbaʼépa nde rehechasevéne oiko?”. Ehendu porã pe heʼíva.

Oĩramo peteĩ téysto vívliko ointeresáva pe óga járape, ehechaukave chupe mbaʼépa heʼi la Biblia upe mbaʼére. Ikatu pehecha oñondive umi párrafo oñeʼẽva pe téystogui (Ehecha pe rrekuádro osẽva ko supleméntope). Pehesaʼỹijo oñondive umi párrafo ojejapoháicha peteĩ estúdiope. Upéva ikatu rejapo pe óga rokẽtéme cinco térã diez minútope reg̃uahẽ ypy jave pe ógape.

◼ Ikatu avei reiporu páhina 6 reipytyvõ hag̃ua pe óga járape:

Ehechauka chupe umi porandu oñemoĩva, ha upéi ikatu ere: “Ndépa repensámava koʼã mbaʼére?”. Oiporavóramo peteĩ porandu, ehecha hendive pe lívrope umi párrafo ohechaukavéva mbaʼépa heʼi la Biblia (Ehecha pe rrekuádro osẽva ko supleméntope). Rehesaʼỹijóramo hendive umi párrafo, rejapomareína peteĩ estúdio.

◼ Ikatu reiporu páhina 7 rehechauka hag̃ua mbaʼéichapa ojejapo peteĩ estúdio vívliko:

Elee mbykymi pe párrafo yvategua, ha upéi eiporu kapítulo 3, párrafo 1-3 ehechauka hag̃ua mbaʼéichapa ojejapo peteĩ estúdio. Pehecha rire umi mbaʼe oñeporandúva párrafo 3-pe, eporandu chupe arakaʼépa ikatu reho jey peñeʼẽ hag̃ua umi mbaʼégui.

Mbaʼépa ikatu jaʼe jaha jey hag̃ua javisita pe óga járape. Rejapopa rire pe primer estúdio, eporandu pe óga járape arakaʼépa ikatu reho jey pehechave hag̃ua mbaʼépa heʼi la Biblia. Ikatu ere: “Sapyʼaitépe jahecha pe Ñandejára Ñeʼẽ heʼíva peteĩ mbaʼe iñimportantetereívagui. Aju jey vove ikatu jahecha [eporandu peteĩ mbaʼe ikatútava pehecha reho jey vove]. Ikatúpa aju jey kóa ko oraitépe pe semána oúvape?”

Hiʼag̃uivévo ohóvo Jehová ára, haʼe omeʼẽve ñandéve koʼã tembiporu jajapo porã hag̃ua pe tembiapo ohejavaʼekue isiervokuérape (Mat. 28:19, 20; 2 Tim. 3:17). Jaiporu porãkena ko tembiporu pyahu ñamoñepyrũ hag̃ua estúdio vívliko.

[Rrekuádro oĩva páhina 3-pe]

Informasión oñeʼẽvéva umi téysto páhina 4 ha 5-pe osẽvagui

◻ Revelación 21:4 (páhina 27, 28, párrafo 1-3)

◻ Isaías 33:24; 35:5, 6 (páhina 36, párrafo 22)

◻ Juan 5:28, 29 (páhina 72, párrafo 17-19)

◻ Salmo 72:16 (páhina 34, párrafo 19)

Informasión oĩva oñembohovái hag̃ua umi porandu osẽva páhina 6-pe

◻ Mbaʼérepa jahasa asy? (páhina 108, párrafo 6-8)

◻ Mbaʼéichapa ikatu ñambohovái umi mbaʼe ñandepyʼapýva? (páhina 184, párrafo 1-3)

◻ Mbaʼépa ikatu jajapo javyʼave hag̃ua ñande rogaygua ndive? (páhina 143, párrafo 20)

◻ Mbaʼépa oiko umi omanovaʼekuégui? (páhina 58, párrafo 5, 6)

◻ Jahecha jeýtapa umi jahayhúva omanovaʼekuépe? (páhina 72, párrafo 17-19)

◻ Mbaʼérepa ikatu jaguerovia Ñandejára okumplitaha umi promésa ojapovaʼekue? (páhina 25, párrafo 17)