Opa árape oĩ umi ikatúva ñanepytyvõ
1. Mbaʼépa ikatu ñanemokangy espiritualménte?
1 Ana haʼe peteĩ ermána ombaʼapo hetáva, ha iména ndahaʼéiva Testigo. Upévare hasyvaʼekue chupe oho hag̃ua rreunionhápe, opredika ha ostudia hag̃ua Ñandejára Ñeʼẽ. Ohayhúramo jepe Jehovápe, upe riremínte nosẽvéima opredika. Péro umi ansiáno ojepyʼapy hese ha oipytyvõ chupe espiritualménte.
2. Mbaʼéichapa ikatu opavave ñaporopytyvõ oñekotevẽ jave?
2 Jahejáramo ñane ermanokuéra ñanepytyvõ jahechauka jajeroviaha Jehováre. Jesucristo mborayhúpe oporopytyvõvaʼekue. Upéicha avei umi ansiáno kongregasionpegua oheka mbaʼéichapa ñanepytyvõta ha ñanemoakãrapuʼãta ñanekangy jave ñande jeroviápe (1 Tes. 5:14). Upéicha ñaime jave ñaikotevẽ peteĩ ñanemombaretéva, oñeʼẽva ñandéve Ñandejára Ñeʼẽgui. Péro opavave ñañehaʼãvaʼerã ñaipytyvõ umi espiritualménte ikangývape, ndahaʼéi umi ansiánonte. Opavavépe katuete ñanepytyvõmavaʼekue peteĩ “ñeʼẽ hendapete ojeʼéva” (Pro. 25:11; Isa. 35:3, 4).
3, 4. Mbaʼe mbaʼépa ikatu jajapo ñaipytyvõ hag̃ua ñane ermánope, ha mbaʼéicha?
3 Jaheka mbaʼéichapa ñaporopytyvõta. Ñaipytyvõtaramo mborayhúpe umi oikotevẽvape, ñanekyreʼỹvaʼerã, ñañanduvaʼerã hendivekuéra pe oñandúva, ha ñaporopytyvõsevaʼerã. Jonatán, ohechakuaávo David ojejopy vaiha, ‘oho David rendápe Hórespe, omokyreʼỹ hag̃ua chupe’ (1 Sam. 23:15, 16). Ñaipytyvõta jave ñande rapichápe ñañeʼẽvaʼerã torypápe. Ha ñañeʼẽramo ñande pyʼaite guive ñanerendu porãvéta. Jesús ohechauka porã vaʼekue tekotevẽha ñanekyreʼỹ ha ñañehaʼã ikatu hag̃ua ñamoakãrapuʼã jey ñane ermánope (Luc. 15:4). Ñaporopytyvõramo ñande pyʼaite guive ñañehaʼã meméta ñane ermánore, ndaipyaʼéiramo jepe oñakãrapuʼã hag̃ua.
4 Ajépa ñaporomokyreʼỹ ñainvitáramo ñane ermánope osẽ hag̃ua ñanendive predikasionhápe, pór ehémplo umi oĩva ñande estúdio de lívrope. Ñaipytyvõ aja chupekuéra osẽ hag̃ua opredika, ikatu jaaprovecha ñamombarete hag̃ua. Pe tiémpo vyʼápe jahasáva oñondive predikasionhápe ikatu tuicha omombareteve pe oñakãrapuʼãsévape.
5. Mbaʼépa ikatu avei ojapo umi ansiáno oipytyvõ hag̃ua peteĩ ermáno oikotevẽvape?
5 Peteĩ mbaʼe ikatúva jajapo mborayhúpe. Umi nosẽvéiva opredika, térã ndohovéiva rreunionhápe ikatu oikotevẽ ñaipytyvõve chupekuéra imbarete jey hag̃ua ijeroviápe. Ikatu oikotevẽ jey peteĩ estúdio vívliko. Upearã jaiporukuaa pe lívro Adoremos al único Dios verdadero, Acerquémonos a Jehová térã Mbaʼépa añetehápe omboʼe la Biblia? Haʼekuéra ojevautisáma ha ikatu noikotevẽi ojestudia are hendivekuéra. Pe komite de servísio oñatendevaʼerã ohecha hag̃ua mávapepa ikatu oñepytyvõ upéicha. (Ehecha Nuestro Ministerio del Reino noviembre 1998 ha noviembre 2000-pegua, Sección de preguntas.)
6. Mbaʼéichapa peteĩ ermána imbarete jey espiritualménte?
6 Ana, pe ermána ñanemanduʼavaʼekue, vyʼápe oipota ostudia jey hendive peteĩ ermána oĩ porãva espiritualménte, umi ansiáno oikuaveʼẽ rire chupe. Ostudia rire cuatro vése haʼe oñepyrũ jeýma oñemoag̃ui Jehováre. Oho jey rreunionhápe ha osẽse jeýma oñeʼẽ Jehovágui. Pe ermána, oipytyvõve hag̃ua, ogueraha chupe umi ótro estúdio ojapohápe, imbarete jey peve osẽ hag̃uáicha opredika ogaha rupi. Ñane ermána oikotevẽnte kuri peteĩ oipytyvõva chupe oñepyrũ jey hag̃ua oservi Jehovápe.
7. Mbaʼéichapa ojapo porã opavavére jahechávo peteĩ ermáno imbarete jey espiritualménte?
7 Opavavére ojapo porã umi ikangyvaʼekue imbarete jeýramo. Pe ikangyvaʼekue ovyʼa oñemoag̃ui jey haguére Jehováre ha oñepyrũ jey haguére ombaʼapo kongregasión ndive. Umi ansiáno ovyʼa ohechávo oñakãrapuʼã jey (Luc. 15:6, 9). Ha pe kongregasión ombaʼapove oñondivepa ohechávo mbaʼéichapa umi ermáno ojepyʼapy ojuehe (Col. 3:12-14). Umi mbaʼe ohechauka iporãha jajapo Jehová ojapoháicha. Haʼe opa árape oĩ ñanepytyvõ hag̃ua (Efe. 5:1).