Reporandúmapa mávapa oikuaaseve la Bíbliagui?

Rejapóramo peteĩ estúdio vívliko, nereporanduséipa ne estudiántepe ndaipóripa peteĩ iñamígo, ihénte térã ótro ijepokuaaha ikatúva oikuaaseve la Bíbliagui? Pyʼỹinte retopáta oikuaaha. Eporandu chupe ikatúpa nemandueʼa hese rehóvo rehecha umívape reikuaveʼẽ hag̃ua peteĩ estúdio. Retopávo peteĩme, ikatu ere: “[Ne estudiánte réra] ostudia la Biblia ha ovyʼaiterei upévare. Haʼe heʼi chéve ikatúne hag̃ua ndéve avei ndegusta pe estúdio, ojejapóva ojepagaʼỹre mbaʼeve”. Upéi ikatu reiporu Mbaʼépa omboʼe la Biblia? rehechauka hag̃ua mbaʼéichapa ojejapo pe estúdio.

Oĩramo peteĩ ne estudiánte oñakãrapuʼãva ijestúdiope, ha ohechakuaáva iñamígo térã hogaygua ikatuha oikuaaseve la Bíbliagui, emokyreʼỹ chupe ohechauka hag̃ua chupekuéra mbaʼéichapa ojejapo pe estúdio. Ikatu avei oinvita chupekuéra ou hag̃ua pestudia jave. Ndaikatúiramo ou, oporandukuaa arakaʼépa ikatu nde reho rehechauka hag̃ua chupekuéra mbaʼéichapa ojestudia. Upéva ikatu avei omokyreʼỹ ne estudiántepe oñeʼẽse hag̃ua hapichakuéra ndive pe oaprendévagui.

Nde rrevisíta ikatu avei heʼi ndéve mávapa oikuaaseve la Bíbliagui, haʼe ndostudiáiramo jepe. Reikuaveʼẽvo chupe Mbaʼépa omboʼe la Biblia? ikatu reporandu: “Ndereikuaáipa mávapa oleeséne avei ko lívro?”.

Mbykýma ko tiémpo opytáva. Upévare jajapose ikatuháicha ñaipytyvõ hag̃ua ñande rapichakuérape ohendu ha oasepta hag̃ua ko marandu porã. Reporandúmapa mávapa oikuaaseve la Bíbliagui?