Mbaʼéichapa ikatu rehupyty umi mbaʼe rejaposéva Ñandejára servísiope

1. Mbaʼe mbaʼépa ohupytyse Ñandejára servísiope heta mitãrusu ha mitãkuña?

¹ Oiméramo nde peteĩ mitãrusu térã mitãkuña reservíva Ñandejárape, reñehaʼãne katuete rehupyty umi mbaʼe ohechaukáva rehayhuha Jehovápe, ha oĩ porãva pe Jesús heʼivaʼekue ndive: ‘Peheka raẽ Ñandejára Rréino’ (Mat. 6:33, VP). Ikatu rejapose precursorado, térã rehose repredika oñekotevẽhápe. Oĩ katu ohoséva ombaʼapo konstruksiónpe ótro henda rupi, térã sukursálpe, térã misionéroicha. Ajépa iporã ha jaguerohory koʼã mbaʼe ikatúva ojehupyty.

2. Mbaʼépa ikatu nepytyvõ rehupyty hag̃ua umi rejaposéva Ñandejára servísiope?

² Oĩ peteĩ mbaʼe nepytyvõtava. Reskrivivaʼerã umi mbaʼe rehupytyséva. La Atalaya, 15 de julio 2004-pe guare, heʼi: “Peteĩ mbaʼe ñapensáva hesakãve jaskrivíramo. [...] Upévare, iporãvaʼerã jahaíramo umi mbaʼe jahupytyséva ha mbaʼépa jajapóta jahupyty hag̃ua”. Nepytyvõta avei reñehaʼãramo rehupyty umi mbaʼe ipyaʼétava. Upéicha reikuaáta mbaʼéichapa rehoreína rembaʼapo aja umi mbaʼe tuichavévare.

3. Mbaʼe mbaʼe ipyaʼévapa ikatu rejapo nepytyvõtava rejevautisa hag̃ua?

³ Umi mbaʼe ikatúva rehupyty pyaʼe. Neʼĩraramo rejevautisa, ehechami mbaʼépa reikotevẽ gueteri. Ikatu nerentendeporãi gueteri umi mbaʼe iñimportantevéva Ñandejára Ñeʼẽgui. Upéicharamo, reñemoĩvaʼerã restudia mbeguekatu porã pe lívro Mbaʼépa omboʼe la Biblia?, ha rehekapaitevaʼerã umi téysto (1 Tim. 4:15). Eñehaʼã avei eleepaite la Biblia, Génesis guive Revelación peve, ojapoháicha umi betelita ha umi ohóva Galaádpe. Releepa rire, eñepyrũ jey, ha eiporu peteĩ prográma upearã (Sal. 1:2, 3). Epensamína mbaʼeichaitépa reñakãrapuʼãta espiritualménte. Eñemboʼe ndepyʼaite guive relee térã restudiáta vove, ha opakuévo avei, ha eñehaʼã ejapo pe reaprendéva (Sant. 1:25).

4. Mbaʼe mbaʼe ipyaʼévapa ikatu oñehaʼã ohupyty peteĩ oserviséva Betélpe térã misionéroicha?

⁴ Mbaʼe mbaʼépa ikatu reñehaʼã rehupyty rejevautisa rire? Ikatúpa ndekatupyryve predikasionhápe? Ikatúpa reiporu porãve Ñandejára Ñeʼẽ repredika jave? (2 Tim. 2:15). Mbaʼéichapa ikatu rejapo hetave mbaʼe Ñandejára servísiope? Eñehaʼã ehupyty umi mbaʼe ipyaʼétava, opyta porãtava ne situasión ha nde edápe g̃uarã, ha rehecháta mbaʼéichapa rehupyty umi mbaʼe tuichavéva.

5. Mbaʼéichapa umi mbaʼe ojehupyty pyaʼéva oipytyvõ peteĩ ermánope oho hag̃ua oservi Betélpe?

⁵ Ikatu resẽ porã. Oguerekórõ guare 19 áño Tony ovisita peteĩ surkursál, ha upe guive oservise Betélpe. Péro haʼe naiñeʼẽrenduivaʼekue, ha neʼĩra ojevautisa. Tony oñemoĩ ojapo Jehová ojeruréva, ha oñepyrũ ombaʼapo ijehe ojevautisa hag̃ua. Ojevautisa rire, ombaʼapo ojapo hag̃ua precursorado auxiliar ha upéi precursorado regular. Upearã ohai peteĩ kalendáriope arakaʼépa oñepyrũta. Ndaʼaréi ohasa oiko rire chugui precursor regular, ha oñehenóima chupe oho hag̃ua oservi Betélpe. Epensamína mbaʼeichaitépa ovyʼa!

6. Mbaʼépa ikatu nepytyvõ rehupyty hag̃ua umi mbaʼe rejaposéva Ñandejára servísiope?

⁶ Remotenondéramo Ñandejára Rréino, nde avei ikatúta rehupyty umi mbaʼe rejaposéva Ñandejára servísiope. Emombeʼúkena Jehovápe “ne rembiapo” ha eñehaʼãmbaite rehupyty pe rejaposéva (Pro. 16:3; 21:5).