KAPÍTULO 39

Mbaʼépa ajapovaʼerã ahupyty hag̃ua peteĩ mbaʼe?

Mbaʼépa rehupytyse koʼã mbohapy mbaʼégui?

□ Rejeroviave ndejehe

□ Neamígo hetave

□ Revyʼave

NDE ikatu rehupytypaite koʼã mbaʼe, péro upearã reikuaa raẽ vaʼerã mbaʼépa rejapose ha reñehaʼã upéva rehehápe. Ehechamína mbaʼeichaitépa ou porãta ndéve rejapóramo upéicha:

Rejeroviavéta ndejehe. Rehupytývo rehóvo hetave mbaʼe, rejeroviavéta ndejehe ha ndepyʼaguasuvéta rehupyty hag̃ua umi mbaʼe iñimportantevéva. Avei rembohovái porãvéta umi mbaʼe rehasáva jepi, pór ehémplo oĩ jave nemboligáva mbaʼe vairã.

Neamígo hetavéta. Igústo ñaĩ umi oikuaávandi mbaʼépa la oipotáva ha oñehaʼãva ohupyty umíva.

Revyʼavéta. Ndereikuaáirõ moõ gotyopa rejapíta ha rejekuʼakónteramo reikóvo nderevyʼamoʼãi. Péro reikuaárõ mbaʼépa rejapose ha rehupyty upéva, opa mbaʼe igustove ha revyʼave. Mbaʼépa ere reñepyrũramo koʼág̃ama voi? Ko kapítulo nepytyvõta upearã.a

✔ 1 MBAʼÉPA REHUPYTYSE

1. Ehai umi oúva ndéve ne akãme. Ani rejereterei hese ha ehai umi oúva guive ndéve. Eñehaʼã emoĩ diez jepe.

2. Ejepyʼamongeta. Mbaʼépa rehupytyseve? Mavaitévapa ijetuʼuvéta ndéve? Ha mbaʼe mbaʼépa nembovyʼavéta rehupytýramo? Nemanduʼákena: iñimportánteramo ndéve g̃uarã peteĩ mbaʼe, reñehaʼãta hese ha ndahasymoʼãi ndéve rehupyty.

3. Emohenda. Elee jey umi rehaivaʼekue ha emarka umi remotenondétava.

✔ 2 REHUPYTY HAG̃UA

Mbaʼéichapa rehupytýta? Ejapo koʼã mbaʼe:

Ehai upe rehupytyséva.

Aaprendéta lenguaje de señas apredika hag̃ua umi nohendúivape

Emoĩ mbaʼe féchapepa rehupytyse. Nderejapóiramo upéicha, opytapa jeýta tesaráipe upe rehupytyséva.

1 de julio

Mbaʼe mbaʼépa ikatúma rejapo.

Ikatúmava ajapo

1. Akonsegíta peteĩ lívro térã diksionário.

2. Aaprendéta diez séña káda semana.

3. Añatendéta mbaʼéichapa ótro ojapo umi séña.

4. Ajeruréta ótrope tohechauka chéve mbaʼéichapa ikatu ajapo porãve.

Mbaʼépa ikatu ndejoko. Ehecha mbaʼéichapa rembohováita umíva.

Ikatúva chejoko

Ndaikuaái mávapa ikatu chemboʼe.

Eñehaʼãmbaitékena. Rejedesidivaʼerã rejapotaha opa ikatúva rehupyty hag̃ua. Efirma ha emoĩ pe fécha reñepyrũha.

Mbaʼéichapa ambohováita

Amboguejýta umi vidéo oĩva www.jw.org-pe.

․․․․․ ․․․․․

Fírma Fécha

✔ 3 EÑEPYRŨ KATU!

Ani rehaʼarõve. La Biblia heʼi: “Omaʼẽva yvytúre noñemitỹi, ha omaʼẽva araíre nomonoʼõi ikóga” (Eclesiastés 11:​4). Mbaʼépa heʼise upéva? Rehaʼarõramo hendapa raẽ opa mbaʼe ndegustaháicha térã reipotáramo oñemoĩmba ndéve, arakaʼeve nereñepyrũmoʼãi. Upévare reñeporanduvaʼerã: “Mbaʼépa ikatu ajapo koʼág̃ama voi ahupyty hag̃ua ahávo pe aipotáva?”. Oiméramo oĩ ikatúmava rejapo, anive rembohasa ha eñepyrũntema voi.

Elee meme umi mbaʼe remoĩvaʼekue. Pyʼỹinte nemanduʼavaʼerã mbaʼérepa iñimportánte ndéve g̃uarã umi mbaʼe rehupytyséva. Rehecha hag̃ua mbaʼéichapa reho hese ikatu remarka (✔) umi mbaʼe rejapómava, térã emoĩ pe fécha rejapohápe upéva.

Eñehaʼã ehecha rehupytymaramoguáicha. Ekalkula mbaʼe mbaʼépa tekotevẽ rejapo rehupyty hag̃ua upe reipotáva. Koʼág̃a eñehaʼã ehecha ku rehupytymaramoguáicha; epensamíntena mbaʼeichaitépa reñeñandu porãta ha revyʼáta osẽ porãmbávo ndéve! Upéicharõ, mbaʼépa rehaʼarõ reñepyrũ hag̃ua?

[Nóta]

TÉYSTO OĨVA LA BÍBLIAPE

“[Ojepyʼamongetáva] rembiapo mbaʼe porã memete.” (Proverbios 21:5)

PETEĨ KONSÉHO

Ani rejepyʼapyeterei ndaikatúiramo rejapo opa mbaʼe rekalkula hagueichaite. Upéva rangue nepasiensiavaʼerã ha ehecha mbaʼépa ikatu rekambia osẽ hag̃ua ndéve upe rehupytyséva.

REIKUAÁPARAʼE?

Iñimportánteramo ndéve g̃uarã upe rejaposéva, koʼýte revyʼáta rehupyty vove.

NDÉPA MBAʼE ERE?

● Ikatúpa rehupyty heta mbaʼe una vetépente ? (Filipenses 1:10.)

● Rehupyty hag̃ua peteĩ mbaʼe, tekotevẽ piko rekalkula opaite mbaʼe rejapótava? (Filipenses 4:5.)

[Komentário oĩva páhina 283-pe]

“Ndereikuaáiramo mbaʼépa rehupytyse ndaigustói ndéve mbaʼeve. Péro reikuaáramo mbaʼépa reipota ha rehupyty upéva, revyʼa ha rejeroviave ndejehe”. (Reed)

[Taʼanga ha rrekuádro oĩva páhina 283-pe]

Ahupytykuaáva koʼág̃ama voi

Amigokuéra Ahekáta che amigorã peteĩ ndahaʼéiva cheavegua. Ajeheʼa jeýta peteĩ che amígo ymaguarére.

Cheresãi hag̃ua Ajapóta ehersísio una óra y média jepe káda semana. Akéta ocho óra káda día.

Koléhiope Chenóta porãvéta matemátikape. Napenamoʼãi umi chemboligávare mbaʼe vairã.

Che jerovia Aleéta la Biblia 15 minúto káda día. Ko semánape añeʼẽta umi mbaʼe agueroviávare peteĩ che kompañérondi.

[Taʼanga oĩva páhina 284 ha 285-pe]

Rehupytysérõ peteĩ mbaʼe haʼete remopuʼãva peteĩ edifísio: rembaʼapovaʼerã hese pono opyta kuatiápente