Septiémbrepe oñekuaveʼẽta peteĩ ¡Despertad! espesiál
1 Opavave nunga oguerohory pe kuarahy reike ha umi guyra purahéi. Upéicharõ jepe, heta oĩ ndogueroviáiva pe ñande Ru ñanderayhuetéva ojapohague koʼã mbaʼe. Koʼág̃a, ñamosarambi rupive ko ¡Despertad! espesiál ikatúta jahechauka opavavépe Jehovaha opa mbaʼe Apohare (Isa. 40:28; 43:10). Ko rrevísta osẽta septiémbrepe, ha itéma “¿Existe un Creador?”.
2 Territóriope. Ikatúramo, resẽvaʼerã káda sábado repredika hag̃ua ogaha rupi ermanokuéra ndive. Ikatu avei reikuaveʼẽ pe ¡Despertad! espesiál opa árape. Katuete ko rrevísta ointeresavéta mboʼeharakuérape. Upévare, oĩramo mboʼehára ñande territóriope, ojehechavaʼerã mbaʼéichapa ikatu ojevisita chupekuéra.
3 Peteĩ tapicha oikuaasevéramo, eporandu peteĩ mbaʼe ikatútava rehesaʼỹijo reho jey vove. Ikatu reporandu: “Oiméramo pe ñande Apohare ñanderayhu, mbaʼérepa oheja ojehasa asyete?”. Upéi, reho jey vove, egueraha lívro Mbaʼépa omboʼe la Biblia? ha ehechauka chupe kapítulo 1 térã 11. Térã ikatu rehechaukaseve chupe maʼerãpa Ñandejára ojapo ko Yvy. Upéicharõ, reho jey vove, ehechauka chupe kapítulo 3.
4 Eskuélape. Rehóramo eskuéla térã koléhiope, ikatu remeʼẽ ko rrevísta espesiál ne irũnguéra ha ne mboʼeharakuérape. Avei, rehejáramo nde apyka ári pe rrevísta, ikatu oĩ oporandúva ndéve umi mbaʼe jagueroviávagui. Pe rrevísta rupive ikatúta rehechauka mbaʼépa reguerovia oñemeʼẽ vove ndéve ne rembiaporã, térã ojejerure jave ndéve reñeʼẽ hag̃ua ne irũnguéra rovake. Upearã, ko rrevístape osẽ avei: “Los jóvenes preguntan... ¿Cómo puedo defender la existencia del Creador?”.
5 Jehovápe añoite oñemombaʼeguasuvaʼerã ojapohaguére opa mbaʼe (Rev. 4:11). Ñande ikatu ñamombaʼeguasu ñande Apoharépe ha ñaipytyvõ ñande rapichápe ojapo hag̃ua avei upéva ñaikuaveʼẽramo kyreʼỹme ko ¡Despertad! espesiál septiembrepegua.