Carta de la sucursal

Ore irũnguéra puvlikadorkuérape g̃uarã:

Roagradeseterei opavavete puvlikadorkuérape oñepytyvõhaguére mborayhúpe umi ermáno oĩva golfo de Méxicope. Hetaiterei oĩ ohasa asy vaʼekue oúrõ guare pe urakán vaiete ohundivaʼekue heta mbaʼe pe áño 2005-pe (Juan 13:35).

Peteĩ Testígo osẽvaʼekue upégui urakán Katrina oúrõ guare heʼi: “Rog̃uahẽ ore ao orejeheguárente. Heta ermáno orepytyvõ ha roñeñandu ore rogapeguáicha. Haʼekuéra oipota voi ropyta”.

Sesenta Comités Regionales de Construcción ndive ombaʼapo ocho mil ermáno ha ermána. Oiporu hikuái itiémpo ha heta mbaʼe oguerekóva oipytyvõ hag̃ua. Haʼekuéra rupive oñemyatyrõ térã oñemopuʼã jey 86 Salón del Reino ha 4.178 óga. Opyta gueteri 5 Salón del Reino ha 722 óga oñemyatyrõvaʼerã. Oĩ umi oúva mombyryetereígui oipytyvõ hag̃ua, umíva apytépe oĩ oúva Maine ha Wáshingtongui. Ajépa jaagradesete chupekuéra ombaʼapohaguére upéicha ohayhúgui iñermanokuérape! (1 Tes. 5:18.)

Peteĩ ermána ouvaʼekue Míchigangui heʼi: “Avyʼaitereíningo che avei ahechávo mbaʼéichapa ovyʼa umi família oikévo hóga pyahúpe. Ndaikuaái mbaʼéichapa amombeʼúta pe añandúva aĩhaguére koʼã ñane ermanokuéra apytépe”.

Rojerure peẽme peñemboʼe meme hag̃ua ñane ermanokuérare, umi ohasa asy vaʼekuére ha umi oipytyvõvare avei (2 Cor. 1:11).

Pene ermanokuéra,

Sukursál Estados Unidospegua